Dregið var í undanúrslit hjá körlunum í gær, bikarmeistarar ÍR-KLS komu fyrstir upp úr pottinum og munu þeir annað hvort mæta KFA-ÍA eða KR-A en þeim leik var frestað í 8. liða og verður hann spilaður 2. febrúar  á  Akranesi . Þriðja liðið úr pottinum var KR-B og munu þeir mæta annað hvort ÍR-PLS eða KFR-Lærlingum en þeim leik var einnig frestað og verður hann spilaður laugardaginn 4. febrúar kl. 15:00, þarna eru  spennandi viðureignir í gangi og hvet ég fólk til að mæta og styðja sitt lið. Undanúrslitin verða svo  spiluð þriðjudaginn 10. apríl kl. 19:00 og fara allir leikirnir fram í Keiluhöllinni Öskjuhlíð.
 

Dregið var í undanúrslit í bikarkeppni kvenna í kvöld:

ÍR-TT   -  KFR-Afturgöngur

KFR-Skutlurnar   -   KFA-ÍA

Dregið verður í bikarkeppninni fyrir deild á mánudag og þriðjudag.

Bikarkeppni KLÍ 8 liða fer fram á morgunn þriðujudag kl. 19:00

Hér er brautarskipan 
 

ÍR-TT - KFR-Valkyrjur        Brautir 1 og 2.              
KFR-Afturgöngurnar - ÍR-Buff Brautir 3 og 4.            
KFR-Skutlurnar - ÍR-BK       Brautir 5 og 6.        
KR-B - KFR-Stormsveitin      Brautir 7 og 8.         
ÍR-PLS - KFR-Lærlingar       Brautir 9 og 10.        
ÍR-L - ÍR-KLS                Brautir 11 og 12.
KFA-ÍA - ÍFH-DK              Brautir 2 og 3. Akranesi. 
 KFA-ÍA - KR-A                Frestað verður spilaður 2-2-2012

Nú er lokið forkeppni í RIG og liggur ljóst fyrir hverjir komast í 16 manna úrslit.

4 efstu mæta kl. 13:30 (geta að sjálfsögðu mætt fyrr) 5-16. sæti byrja kl. 10:00 (mæta kl. 09:30)

nánar hér

Sigurbjörn Vilhjálmsson er nýr starfsmaður KLÍ.  Hann mun hefja störf 1. febrúar.  Um leið og við bjóðum hann velkominn til starfa viljum við þakka Theódóru Ólafsdóttur hennar störf síðastliðin tvö ár. 

Íslandsmót einstaklinga verður haldið nú í febrúar.  Sjá nánar í auglýsingu.  

Forkeppni: Fyrri dagur í stuttri olíu og seinni dagurinn í langri olíu. 

Milliriðill: Löng olía á vinstri braut og stutt olía á hægri braut og leikið á báðum brautum. 

Undanúrslit: Leikið maður á mann, borin á olía eins og í milliriðli, þ.e. löng olía á vinstri braut og stutt á hægri leikið á báðum brautum.

Úrslit: Olía borin á eins og í milliriðli og undanúrslitum, þ.e. löng á vinstri og stutt á hægri, sá sem er hærri þarf að velja á hvorri brautinni er byrjað að spila og hvor byrjar.

Nánari upplýsingar hjá motanefnd@kli.is.

Hafþór Harðarson keilari úr ÍR varð í 14. sæti í kjöri til Íþróttamanns ársins 2011, þetta er fábær árangur og í fyrsta skipti sem einhver úr keilu fær stig í þessu kjöri

Keilusamband Íslands leitar eftir starfsmanni í hlutastarf.

Starfsmaður er eini starfsmaður KLÍ.  Starfið er þjónustustarf og meginhlutverk starfsmanns að halda utan um starfsemi sambandsins og tengsl stjórnar, nefnda og íþróttahreyfingarinnar. Starfslýsing hér.

Hæfniskröfur: Þekking á almennum skrifstofustörfum, góð Excel kunnátta og kunnátta í notkun Word.  Þekking á viðhaldi heimasíðu. Þekking á keilu- og íþróttaumhverfinu æskileg. 

Frekari upplýsingar gefur Tóti í 862-1760 og umsóknum skal skilað til toti (hja) kli.is fyrir 18. janúar n.k

 Reykjavík International Games verða 19. - 22. jan og þarf að spila 6 leiki, það koma 4 frá Svíþjóð og þar á meðal ein af sterkari kvenspilurum Svía en það er Rebecka Larsen.

sjá nánar hér

Reykjavíkurmót unglinga var leikið nú í vikunni.  Reykjavíkurmeistaratitla hlutu: Stúlkur - 2. flokkur Hafdís Pála Jónsdóttir, 4. flokkur Helga Ósk Freysdóttir og 5. flokk Málfríður Jóna Freysdóttir.  Hjá piltunum voru það - 1. flokkur Einar Sigurður Sigurðsson, 2. flokkur Andri Freyr Jónsson, 3. flokk Aleksander Halldórsson, 4 flokk Jökull Jóhann Ársælsson og í 5. flokk Ágúst Stefánsson.  Nánar um úrslitin hér.  Myndir hér að neðan. 

Betra er seint en ekki - Kampavínsmótið er á morgun.  Auglýsingin hér. 

Nú rétt í þessu spilaði Hafþór Harðarson sinn 10. fullkomna leik (300)  í keppni, hann spilaði í móti sem er viðurkennt af Sænska sambandinu og þurfti að spila 12 leiki, hann spilaði 2890 eða 240 meðaltal.

Theódóra Ólafsdóttir sem hefur verið starfsmaður KLÍ síðast liðin tvö ár hefur sagt starfi sínu lausu og tekur uppsögnin gildi um áramót.  Stjórn KLÍ þakkar henni störf hennar og samstarfið á liðnum árum.  Hún hefur samþykkt að sjá um skráningu á skori í janúar á meðan leitað verður nýs starfsmanns.  Við munum svo auglýsa eftir áramótin, þannig að ef þið vitið að einhverjum góðum kandídat, endilega látið hann vita.

Nokkrar viðbætur hafa verið gerðar á heimasíðunni og tengdum skjölum.  Tveir nýir liðir eru komnir inn undir "Upplýsingar" en það eru þinggerðir og aganefnd.  Undir þinggerðum eru alla ársskýrslur frá upphafi KLí (utan ein) og nokkrar þinggerðir.  Ef einhver á ársskýrslu 1998 væri gaman að fá að afnot af henni.  Undir aganefnd er nýlegir úrskurðir aganefndar.  Þá er búið að uppfæra listann yfir Íslandsmeistara unglinga.

Þá er búið að uppfæra almennar keppnisreglur eftir þing WTBA í haust.  Breyting var á reglu 2.7 (Leikið á rangri braut) í þá veru að ef leiknir eru fleiri en fjórir stakir rammar á rangri braut heldur leikurinn áfram án leiðréttingar.  Regla 2.10 (Keilukúla - Breyting á yfirborði) var flutt yfir í kaflann um heimsmeistarmót og er nú regla 4.10.  Reglan átti víst aldrei heima í almennum keppnisreglum og mun verða ákveðið á næsta þingi KLÍ hvort hún verður áfram.  Þá varð ein breyting á reglu 4.22 (Hæg spilamennska) sem sem stjórn ákvað að myndi fara fyrir næsta þing.  Sú breyting felur í sér að keilari skal gera þegar settin sitt hvoru megin við hann eru auð og annar leikmaður á sama setti má ekki gera fyrr en leikmaður á settum sitt hvoru megin við er búnir að kasta, nema þeir séu ekki tilbúnir, þannig að keilarar verða að fylgjast með tveim brautum til hvorrar handar.  Þetta er eins og leikið er á mótum erlendis, enda í kaflanum um mót sem haldin eru af WTBA. 

Nú er liðið eitt ár síðan KLÍ setti upp stigagjöf til að aðstoða við ákvörðun um keilara ársins.  Stjórn hefur ákveðið að skoða skilgreiningar og stigatöflur í þeim tilgangi að gera úrbætur, ef þörf þykir.  Áhugasömum er velkomið að senda ábendingar eða tillögur á stjórn - stjorn (hjá) kli.is.  

Okkar frábæri keilari Hafþór Harðarson er einn þeirra ellefu íþróttamanna sem hlotið hafa tilnefningu til Íþróttamanns Reykjavíkur 2011.

Miðvikudaginn 4. janúar verður tilkynnt um val á Íþróttamanni Reykjavíkur 2011. Þetta er í 33. sinn sem hann er kjörinn. Veittar verða viðurkenningar til ellefu íþróttamanna í reykvískum félögum fyrir frábæran árangur og mun einn þeirra hljóta útnefninguna.

Þeir íþróttamenn sem tilnefndir eru:

·         Ásdís Hjálmsdóttir, spjótkastari frá Ármanni

·         Ásgeir Sigurgeirsson, skotíþróttamaður frá SR

·         Eygló Ósk Gústafsdóttir, sundkona frá Ægi

·         Hafþór Harðarson, keilari frá ÍR

·         Hannes Þór Halldórsson, knattspyrnumaður frá KR

·         Hrafnhildur Skúladóttir, handknattleikskona frá Val

·         Jón Margeir Sverrisson, sundmaður frá Fjölni og Ösp

·         María Guðsteinsdóttir, kraflyftingakona frá Ármanni

·         Ólafía Þórunn Kristinsdóttir, kylfingur frá GR

·         Ragna Ingólfsdóttir, badmintonkona frá TBR

·         Þormóður Jónsson, júdómaður frá JR

Við óskum Hafþóri innilega til hamingju með árangurinn.

Stjórn KLÍ

Keiluhöllin býður á jólaball á Rúbín fimmtudaginn 29. desember kl. 17:00
Ballið er fyrir börn og barnabörn keilara, 10 ára og yngri. 
Þeir sem hafa áhuga skrá sig hjá Dóru í 661-9585 eða dora@kli.is

 

Stjórn Keilusamband Íslands óskar öllum gleðilegrar jólahátíðar og gæfuríks komandi árs. 

Mynni á flugeldamót ÍR 27. 28. 29. og 30. des kl. 19, það þarf bara að spila eina seríu til að vinna (ef menn spila það vel) en hægt er að spila 4 seríur ef menn vilja.  skráning er hafin

auglýsing

skraning her