Um helgina fór fram ETBF Level I námskeið á vegum Keilusambandsins og var góð mæting. Námskeiðið var haldið af Stefáni Claessen sem lokið hefur Lvel III og Level I instructor. 11 manns sóttu sér Level I leiðbeinendaréttindi og óskum við þeim til hamingju með áfangann. ETBF Level I er sniðugt fyrir alla keilara sem vilja sækja sér meiri þekkingu um keilu og keilukastið sjálft.

Keilusambandið vill þakka Keiluhöllin Egilshöll fyrir samstarfið í tengslum við námskeiðið.

Þau sem sóttu námskeiðið voru:

• Bjarki Sigurðsson Ösp/ÍR
• Böðvar Már Böðvarsson ÍR
• Geirdís Hanna Kristjánsdóttir ÍR
• Ingi Geir Sveinsson ÍA
• Jóhann Ársæll Atlason ÍA
• Katrín Fjóla Bragadóttir KFR
• Laufey Sigurðardóttir Ösp/ÍR
• Magnús Sigurjón Guðmundsson ÍA
• Málfríður Freysdóttir KFR
• Sigurður Björn Bjarkason Ösp
• Sigurður Þorsteinn Guðmundsson ÍA

Stjórn KLÍ samþykkti á síðasta fundi sínum breytingu á reglugerð um Íslandsmót öldunga (50+). Breytingin tekur strax gildi. 

Breytingin felur í sér að farið er í það form að forkeppnin samanstendur af tveim 6 leikja blokkum í forkeppni. Það fyrirkomulag er á í nánast öllum mótum m.a. Evrópumóti öldunga og er okkur keilurum vel kunnugt.

Auk þess er úrslitum breytt og eru nú eins og á Íslandsmóti einstaklinga þ.e. 3 efstu úr hvorum flokki eftir forkeppni og milliriðil leika til úrslita um Íslandsmeistaratitilinn.

Sjá má reglugerðina hér.

Stjórn KLÍ hefur einsett sér að yfirfara allar reglugerðir sambandsins og verður sú vinna í gangi næstu mánuðina og verða allar breytingar tilkynntar á vef sambandsins sem og á samfélagsmiðlum.

Í kvöld mánudaginn 17. febrúar fara fram leikir í 17. umferð 1. og 2. deild kvenna auk tveggja leikja í 3. deild karla.

Mánudagurinn 17. febrúar – Allir leikir eru í C-Mercury olíuburðinum

Akranes
3. deild karla
ÍA-B gegn Ösp Goðum

Egilshöll
2. deild kvenna
Brautir 11 – 12 ÍR-KK gegn Ösp-Gyðjum

3. deild karla
Brautir 13 – 14 KFR-Keilufélagar gegn ÍR Land

1. deild kvenna
Brautir 15 – 16 KFR Valkyrjur gegn ÍR TT
Brautir 17 – 18 ÍR-BK gegn KFR Skutlunum
Brautir 19 – 20 ÍR-Elding gegn ÍR-Buff
Brautir 21 – 22 ÍR-SK gegn KFR Afturgöngunum

Þriðjudagurinn 18. febrúar

Akranes
1. deild karla
ÍA gegn KFR-Grænu Töffurunum – Great Wall of China

Egilshöll
2. deild karla
Brautir 15 – 16 KR-A gegn KFR-JP Kast – Great Wall of China
Brautir 17 – 18 ÍR-A gegn ÍR-T C-Mercury
Brautir 19 – 20 ÍR-Blikk gegn ÍR Broskörlum – 2008 WTBA World Men‘s Championship
Brautir 21 – 22 ÍR-Naddóður gegn ÍR-Keila.is – 2008 WTBA World Men‘s Championship

Sem fyrr er ungmennalið Íslands að keppa á árlegum vináttuleikum í Doha Katar. Jóhann Ársæll Atlason ÍA spilaði fullkominn leik í gær í tvímenningskeppninni þar sem hann keppti með Steindóri Mána. Þetta er fyrsti 300 leikur Jóhanns Ársæls og það er klárt að þeir eiga eftir að vera fleiri hjá honum.

• Þau sem eru að keppa fyrir Íslands hönd á mótinu eru
• Alexandra Kristjánsdóttir ÍR
• Elva Rós Hannesdóttir ÍR
• Sara Bryndís Sverrisdóttir ÍR
• Guðbjörg Harpa Sigurðardóttir Þór
• Hinrik Óli Gunnarsson ÍR
• Jóhann Ársæll Atlason ÍA
• Mikael Aron Vilhelmsson KFR
• Steindór Máni Björnsson ÍR

Á mótinu keppa auk Íslendinga og heimamanna lið frá frændum okkar Noregi og Svíðþjóð auk landsliða Perú og Mexíkó.

Þjálfari hópsins er Skúli Freyr Sigurðsson KFR og fararstjóri og aðstoðarkona er Jónína B Magnúsdóttir ÍA.