Þá er komið að hinu árlega páskamóti keiludeildar ÍR en það verður haldið laugardaginn 19. mars kl. 10 í Keiluhöllinni Egilshöll. Mótið er flokkaskipt og verða veitt verðlaun fyrir þrjú efstu sætin í hverjum flokki. Í verðlaun eru páskaegg að sjálfsögðu. Spiluð er ein þriggja leikja sería og kostar 3.500 í mótið. Olíuburður verður HIGH STREET – 8144 44 fet. Skráning í mótið fer fram hér.

Þorleifur Jón Hreiðarsson úr KR setti í einn 300 leik í 1. leik 15. umferðar KR E á móti JP Kast í 2. deild en keppt var í Keiluhöllinni Egilshöll. Þetta er annar 300 leikur Þorleifs á skömmum tíma en hann náði sínum fyrsta í beinni á SportTV.is þegar RIG mótið fór fram í lok janúar. Staðan er þá þannig að tveir keilarar hafa náð 300 leik í deildarkeppni þetta tímabilið rétt eins og á því síðasta en núna eru það Róbert Dan Sigurðsson ÍR PLS í 1. deild og Þorleifur í 2. deild. Hæsti leikur kvenna í deild er hjá Dagnýju Eddu Þórisdóttur úr KFR en hún náði 290.

Í morgun var keppt á Íslandsmóti unglinga í keilu í Egilshöll.  44 krakkar úr öllum félögum kepptu þar í 1. til 5. flokki og einnig var keppt í opnum flokki pitla og stúlkna. Úrslit urðu sem hér segir:

1. flokkur pilta

1. Gunnar Ingi Guðjónsson ÍA
2. Þorsteinn Hanning Kristinsson ÍR
3. Benedikt Svavar Björnsson ÍR

1. flokkur stúlkna

1. Jóhanna Guðjónsdóttir ÍA

 Í 2. flokki pilta urðu úrslit þessi:

1. Ágúst Ingi Stefánsson ÍR
2. Jökull Byron Magnússon KFR
3. Jóhann Ársæll Atlason ÍA

2. flokkur stúlkna:

1. Helga Ósk Freysdóttir KFR
2. Guðbjörg Harpa Sigurðardóttir Þór
3. María Ragnhildur Ragnarsdóttir KFR

3. flokkur pilta:

1. Einar Máni Daníelsson KFR
2. Lárus B Halldórsson ÍR
3. Adam Geir Baldursson ÍR

3. flokkur stúlkna:

1. Elva Rós Hannesdóttir ÍR
2. Málfríður Jóna Freysdóttir KFR
3. Dagmar Alda Leifsdóttir ÍR

4. flokkur pilta:

1. Hinrik Óli Gunnarsson ÍR
2. Guðbjörn Joshua Guðjónsson KFR
3. Hlynur Atlason ÍA

4. flokkur stúlkna:

1. Sara Bryndís Sverrisdóttir ÍR
2. Hafdís Eva Laufdal Pétursdóttir ÍR
3. Harpa Ósk Svansdóttir ÍA

5. flokkur pilta:

• Róbert Leó Gíslason ÍA
• Tristan Máni Nínuson ÍR
• Ísak Freyr Konráðsson ÍA

5. flokkur stúlkna:

• Svava Lind Haraldsdóttir KFR

Opinn flokkur pilta:

1. Ágúst Ingi Stefánsson ÍR
2. Jökull Byron Magnússon KFR
3. Jóhann Ársæll Atlason ÍA

Opinn flokkur stúlkna:

1. Jóhanna Guðjónsdóttir ÍA
2. Helga Ósk Freysdóttir KFR
3. Elva Rós Hannesdóttir ÍR

Keilusambandið óskar öllum þessum myndarlegu krökkum til hamingju með árangurinn og gott mót.

Á þriðjudaginn lauk keppni á Íslandsmóti einstaklinga með forgjöf. Forkeppnin var á laugardag og sunnudag og fóru 10 efstu karlar og konur áfram í milliriðil og svo 6 efstu áfram í undanúrslit. Daníel Rodriguez úr ÍR og Bergþóra Pálsdóttir úr Þór urðu Íslandsmeistarar einstaklinga með forgjöf 2016. Alls tóku 36 karlar og 26 konur þátt í mótinu og er þetta með fjölmennara Íslandsmóti einstaklinga með forgjöf sem haldið hefur verið.

Daníel Rodriguez sigraði Höskuld Stefánsson í úrslitum í 4 leikjum 199 – 209, 198 – 179, 152 179 og svo 232 – 179. Bergþóra Pálsdóttir sigraði Kristrúnu Helgu Pétursdóttir einnig úr Þór í þrem leikjum 220 – 206, 223 – 231 og svo 202 -175. Ef minni fréttaritara bregst ekki þá er þetta fyrsti landstitill sem keilari úr Þór vinnur og óskum við Bergþóru og Þór til hamingju með titilinn sem og einnig Daníel Rodriguez úr ÍR.

Í 3. sæti í karlaflokki varð svo Steindór Máni Björnsson úr ÍR og í 3. sæti í kvennaflokki varð svo Karen Lynn Thorsteinsson úr KFR.

Lokastaða eftir undanúrslit var þessi:

Aðalfundur keiludeildar ÍR fór fram í gærkvöldi. Ný stjórn var kjörin en í henni sitja: Jóhann Ágúst Jóhannsson formaður, Andrés Haukur Hreinsson, Sigríður Klemensdóttir, Sigrún Guðmundsdóttir og Svavar Þór Einarsson. Daníel Rodriguez og Karen Hilmarsdóttir eru varamenn. Stjórn skiptir með sér verkum á fyrsta fundi sínum sem verður á næstu dögum. Úr stjórn gengu Hörður Ingi Jóhannsson og Þórarinn Már Þorbjörnsson. Þeim er þökkuð störf þeirra í stjórn á liðnum árum.

Aðalfundur Keilufélags Reykjavíkur verður haldinn miðvikudaginn 9. mars n.k. kl. 19:00, í Íþróttamiðstöðinni Laugardal.

Þá hafa krakkarnir í ungmennalandsliði Íslands lokið keppni á mótinu í Qatar. Eins og fram hefur komið náði Katrín Fjóla þeim ágæta árangri að ná 2. sætinu í einstaklingskeppni og varð hún einnig í 3. sæti í heildarkeppni einstaklinga. Hún komst því áfram í master keppnina og fór þar í 8 manna úrslit en tapaði það gegn finnskri stúlku sem vann síðan þá keppni. Að sögn fararstjóra hefur þessi keppnisferð komið sér afskaplega vel fyrir alla og eru krakkarnir reynslunni ríkari eftir ferðina. Þau hafa nú haldið af stað heim á leið og verða væntanleg til landsins á morgun. Allar uppl. um mótið má finna á vef qatarska sambandsins.

Í gær var  keppt í tvímenningi á boðsmóti unglingaliða í Doha í Qatar. Það vantaði lítið upp á að Katrín Fjóla og Jóhanna Ósk næðu á verðlaunapall en þær enduðu í 5. sæti eftir að hafa verið í því öðru fyrir síðasta leik. Katrín Fjóla er núna í 3. sæti í samanlögðu á mótinu. Í dag er liðakeppnin og er hún hafin og má fylgjast með úrslitum á síðu mótsins.

Tvímenningurinn fór annars þannig að hjá stúlkunum enduðu eins og fyrr segir þær Katrín Fjóla og Jóhanna Ósk í 5. sæti með 2.253 pinna eða 187,75 í meðaltal. Þær Elva Rós og Helga Ósk urðu svo í 11. sæti með 1.893 pinna eða 157,75 í meðaltal.

Hjá strákunum voru það Andri Freyr og Jökull Byron sem urðu í 13. sæti með 2.210 pinna eða 184,17 í meðaltal og þeir Aron Fannar og Þorsteinn urðu í 17. sæti með 2.067 pinna eða 172,25 í meðaltal.

Katrín Fjóla Bragadóttir úr KFR náði í gær 2. sæti í einstaklingskeppni á alþjóðlegu móti unglingaliða í Qatar. Katrín Fjóla spilaði 6 leikja seríu og náði 1.220 pinnum eða 203,33 í meðaltal. Katrín Fjóla var aðeins 7 pinnum á eftir Guarro Michelle frá Mexíkó sem sigraði með 1.227 pinna. Þetta er í fyrsta sinn sem íslenskur kvennkeilari kemst á verðlaunapall á alþjóðlegu móti.

Eins og fram hefur komið er ungmennalandsliðið okkar á alþjóðlegu boðsmóti í Qatar þessa dagana. Einstaklingskeppnin var spiluð í gær og má sjá öll úrslit hér. Hjá stelpunum fór það þannig að Katrín Fjóla varð í 2. sæti. Jóhanna Guðjónsdóttir úr ÍA varð í 18. sæti og svo komu þær Helga Ósk Freysdóttir KFR í 20. sæti og Elva Rós Hannesdóttir úr ÍR í 21. sæti.

Hjá strákunum varð Andri Freyr Jónsson KFR í 20. sæti með 1.113 pinna og Jökull Byron Magnússon úr KFR varð í 21. sæti með 1.111 pinna. Aron Fannar Beinteinsson úr ÍA varð síðan í 31. sæti og Þorsteinn Kristinsson úr ÍR varð í 34. sæti.

Í dag fer svo fram tvímenningur og þá spila saman hjá strákunum þeir Andri og Jökull annarsvegar og þeir Aron og Þorsteinn hinsvegar. Stelpurnar parast þannig saman að þær Katrín og Jóhanna mynda annan tvímenninginn og þær Helga og Elva hinn.

Tilkynning frá stjórn Keilufélags Reykjavíkur.

Því miður þurfum við að fresta Minningarmóti KFR 2016 sem átti að vera núna um næstu helgi. Ný dagsetning verður auglýst síðar.