Í dag lauk keppni á Evrópumóti unglinga sem fram fór í Keiluhöllinni Egilshöll. Síðasta keppnisgreinin var svokölluð Masters keppni þar sem 24 efstu piltar og stúlkur úr einstaklingskeppninni kepptu sín á milli með útsláttarfyrirkomulagi. Vinna þurfti tvo leiki til að halda áfram uns einn stóð eftir sem sigurvegari. Það voru Svíarnir William Svensson og Casja Wegner sigruðu þá keppni. William sigraði Finnan Jese Ahokas í tveim viðureignum 243 gegn 189 og 245 gegn 216. Casja sigraði Evrópumeistara kvenna hina rússnesku Maria Bulanova 210 gegn 222, 188 gegn 161 og 193 gegn 188.
Í þriðja sæti hjá piltum urðu svo þeir Brian Kjær frá Noregi og Yorick van Deutekom frá Hollandi en Yorick gerði sér lítið fyrir og tók fullkominn leik í 8 manna úrslitum þegar hann náði 300 pinnum. Er þetta þriðji 300 leikurinn á mótinu og alls sá fimmti sem í sögu Evrópumóts unglinga. Hjá stúlkunum urðu þær Katie Tagg frá Englandi og Lea Degenhardt frá Þýskalandi í þriðja sæti.
Sigursælasta þjóðin á mótinu voru Svíar en þeir tóku alls 5 gullverðlaun af 10 mögulegum auk 5 bronsverðlauna. Mótinu lýkur formlega í kvöld með lokaathöfn sem fram fer í Keiluhöllinni.
Norðurlandaþjóðirnar hafa verið sigursælar á EYC2016 en mótið fer fram í Keiluhöllinni Egilshöll nú um páskana. Í heildarkeppni pilta sigraði finnski keilarinn Niko Oksanen en hann er með 223,7 í meðaltal úr öllum keppnum. Hin sænska Cajsa Wegner sigraði í heildarkeppni hjá stúlkum með 232,2 en hún náði 300 leik í dag í einstakllingskeppninni. Ísraelska stúlkan Shir Azulay náði einnig 300 leik og eru þeir því tveir 300 leikirnir sem hafa komið i keppnninni í ár en hingað til hafa bara tveir fullkomnir leikir náðst í sögu mótanna.
Það voru Slóvenar og Svíar sem tóku gullið í leiðakeppninni á Evrópumóti ungmenna í keilu en mótið fer fram þessa dagana í Keiluhöllinni Egilshöll. Slóvenar unnu Finna með 798 pinnum eða 199,5 í meðaltal gegn 749 pinnum eða 187,25 í meðaltal. Slóvenar voru undir lengst af en sóttu á Finnana og náðu sigri í 10. og síðasta rammanum í mjög spennandi viðureign. Sænsku stelpurnar sigruðu þær rússnesku með 804 pinnum eða 201,0 í meðaltal gegn 767 pinnum eða 191,75 í meðaltal.
Nú rétt í þessu lauk úrslitum í tvímenningi á Evrópumóti ungmenna (U18) í keilu en mótið er haldið í Keiluhöllinni Egilshöll. Í piltaflokki sigruðu Svíarnir William Svensson og Robert Lindberg þá Tomás Vrabec og Roman Karlík frá Slóvakíu með stórleik en sænsku strákarnir spiluðu 506 gegn 384. Í stúlknaflokki sigruðu þær Lea Degenhardt og Bettina Burghard frá Þýskalandi þær Katie Tagg og Mia Bewley frá Englandi með 447 gegn 434 en sá leikur var hnífjafn fram í 10. ramma og réðust úrslitin á síðustu köstunum hjá stúlkunum.
Vakin er athygli á því að öll undanúrslit og úrslit á Evrópumóti ungmenna sem fram fer í Keiluhöllinni Egilshöll verða í beinni á vef 
Í dag fór fram á Evrópumóti unglinga í keilu forkeppni í tvímenningi pilta. Efstir eftir daginn eru Svíarnir William Svensson og Robert Lindberg en þeir spiluðu 6 leikja seríuna með 2.663 pinnum eða 221,9 í meðaltal. Í öðru sæti eru Hollendingarnir Mike Bergmann og Yorick van Deutekom með 2.629 pinna eða 219,1 í meðaltal. Í þriðja sæti eru svo Slóvakarnir Tomás Vrabec og Roman Karlík með 2.576 pinna eða 214,7 í meðaltal og í fjórða eru Finnarnir Ville Rajala og Niko Oksanen með 2.535 pinna eða 211,2 í meðalta.
Í gær fóru fram opinberar æfingar á Evrópumóti ungmenna sem fram fer þessa dagana í Keiluhöllinni Egilshöll. Einnig fór fram setningarathöfn leikanna og var henni sjónvarpað beint á SportTV.is og sjá má 
Frá og með 15. mars 2016 hefur Alþjóða keilusambandið lagt bann við notkun á eftirfarandi kúlum frá framleiðandanum Motive. Það eru kúlurnar the Jackal og the Jackal Carnage. Sjá nánar 
Um síðustu helgi lauk félagakeppnin í keilu. KR hafi sigur í keppninni og er þetta í fyrsta sinn sem KR-ingar fagna sigri í þessari keppni. Mótið var ansi spennandi og réðust úrslit ekki fyrr en í síðasta leik. ÍR hafði verið á topnum fram að síðasta leik en tapaði þá á meðan KR sótti sigur og seig fram úr. ÍR endaði því í 2. sæti og KFR karlar í því þriðja.
Um páskana fer fram í Keiluhöllinni Egilshöll Evrópumót ungmenna EYC2016. Er þetta í fyrsta sinn sem mótið er haldið hér á landi og kemur það til vegna þess hversu vel gekk að halda hér Evrópumót einstaklinga um haustið 2014. Evrópumót ungmenna er þó öllu stærra í framkvæmd því flest lið senda um nokkra keppendur í bæði pilta- og stúlknaflokki auk þjálfara og aðstoðarfólks.Alls verða um 140 þátttakendur á mótinu frá 26 Evrópuþjóðum og verða vel á annað hundrað þjálfarar og aðstoðarmenn þeim til halds og trausts.
Meðal þátttakenda á mótinu er núverandi Evrópumeistari kvenna í fullorðinsflokki hún Maria Bulanova frá Rússlandi en hún er fædd í október 1998 og því á 18. ári. Maria keppti hér á landi á áðurnefndu Evrópumeistaramóti einstaklinga sem fram fór í október 2014. Maria sigraði á ECC2015 sem fram fór í San Marino á síðasta ári. Einnig mæta til leiks mjög sterkir keilarar frá Svíþjóð og Finnlandi svo einhverjir séu nefndir.