ÍR-Blikk leikur í 2. deild karla tímabilið 2022-2023, en þeir sigruðu ÍR-Keila.is 15-13.  Fyrri viðureignin sem var heimaleikur ÍR-Blikk var leikinn í stuttum olíuburði og höfðu þeir sigur á ÍR-Keila.is 10-4.  Í gærkvöldi átti síðan ÍR-Keila.is sinn heimaleik og völdu þeir medium olíu og þar snérist dæmið við og vann ÍR-Keila.is viðureignina 9-5, en það dugði ekki til að ná sætinu í 2. deild.  Við óskum ÍR-Blikk til hamingum með sætið í 2. deild karla tímabilið 2022-2023

Matthías Ernir Gylfason úr KFR og Bára Ágústsdóttir úr ÍR eru Reykjavíkurmeistarar einstaklinga með forgjöf 2022.

Alls tóku þátt í mótinu 23 karlar og 10 konur og voru það Mikael Aron Vilhelmsson (KFR), Ísak Birkir Sævarsson (ÍA) og Matthías Ernir Gylfason (KFR) sem komust í úrslit í karlaflokki og Bára Ágústsdóttir (ÍR), Herdís Gunnarsdóttir (ÍR) og Margrét Björg Jónsdóttir (KFR) sem komust í úrslit í kvennaflokki.

Úrslit úr forkeppni karla:

Úrslitin fóru þannig í karlaflokki að Mikael datt fyrst út en hann spilaði 172 með 0 í forgjöf, Ísak 219 með 4 í forgjöf og Matthías 206 með 56 í forgjöf. Það voru því Ísak og Matthías sem léku úrslitaleikinn en Mattías spilaði þar 232 með forgjöf og Ísak 216 með forgjöf og Matthías því Reykjavíkurmeistari karla með forgjöf 2022. 

Mynd f.v. Ísak, Matthías, Mikael.

Úrslit úr forkeppni kvenna:

Úrslitin fóru þannig í kvennaflokki að Margrét datt fyrst út en hún spilaði 143 með 2 í forgjöf, Bára 185 með 9 í forgjöf og Herdís 200 með 21 í forgjöf. Það voru því Bára og Herdís sem léku úrslitaleikinn en Bára spilaði þar 209 með forgjöf og Herdís 190 með forgjöf og Bára því Reykjavíkurmeistari kvenna með forgjöf 2022.   

Mynd f.v. Herdís, Bára og Mrgrét

Mikael Aron setti íslandsmet í 4 leikjum í flokki 15-16 ára drengja en hann spilaði 951 samtals í 4 leikjum og sló þar 6 ára gamalt met með 2 pinnum en Jökull Byron Magnússon átti metið 949.

Einstaklingskeppni hjá stelpunum er nú lokið á Evrópumót Ungmenna í Wittelsheim í Frakklandi.
Hafdís og Særós stigu upp á braut í seinna hollinu og byrjuðu þær af krafti en Hafdís spilaði 179 og Særós var hinsvegar með 127. Í leik 2 spilaði Hafdís 149 og í þriðja spilaði hún 172. Særós spilaði 122 í báðum leikjum. Hafdís hélt svo sama dampi með 170 og 163 í næstu tveimur en hún kláraði með 173 en hún þurfti einmitt að loka tíunda ramma í síðasta leik og ná þremur pinnum í síðasta kasti til að komast yfir þúsundið. Hún gerði það og endaði á 1006 pinnum í dag. Í miðjum þriðja leik hinsvegar kastaði Særós í ökklann á sér og meiddist, hún reyndi þó að klára en hreinlega gat það ekki. Fóru nokkrir foreldrar með hana upp á sjúkrahús að skoða hana. Hún er þó óbrotinn en með sárabindi utan um ökklan. Vonum að það verði ekki alvarlegra.
Í undanúrslit komst Hannah Masterson frá Írlandi, Tiiamari Laukkanen frá Finnlandi, Lea Teschner frá Þýskalandi og Jenny Mathiesen frá Noregi.
Masterson vann Mathiesen með 155 á móti 151 og sú finnska, Laukkanen sigraði Teschner með 199 á móti 190.
Í úrslitunum sjálfum vann svo Laukkanen Masterson með 191 á móti 170. Peppi Konsteri frá Finnlandi vann svo All-Event og var Mathiesen frá Noregi í öðru og Eva Krafogel frá Slóveníu í þriðja.
Fjögur gull til Finnlands á mótinu. Hafdís endaði í 43. Sæti í All-Event með 2888 pinna eða 160 meðaltal. Særós endaði í 59. Sæti með 1937 pinna eða 129 meðaltal.
Flottur árangur hjá þeim., Keppni er þá lokið hjá íslensku keppendunum og bara Masters keppnin eftir. Krakkarnir okkar stóðu sig frábærlega og næsta mót verður ennþá betra.
Ritari lofar því.
ÁFRAM ÍSLAND

Þá er einstaklingskeppni lokið hjá strákunum okkar á Evrópumóti Ungmenna í Wittelsheim, Frakklandi
Aron og Hinrik byrjuðu daginn í gær, fimmtudag og spiluðu þeir mjög vel í fyrstu þremur leikjunum en Aron spilaði 202, 225 og 215 á meðan Hinrik spilaði 207, 203 og 178. Aron datt svo aðeins niður í næstu tveimur með 190 og 191 en hann endaði á 173.
Hinrik spilaði þó nokkuð jafnt líka með 185 og 201 áður en hann kláraði með 148.
Ísak og Mikael voru í seinna hollinu og voru væntingar miklar hjá þeim enda Ísak aðeins 67 pinnum frá niðurskurði inn í Masters keppnina. Strákarnir byrjuðu þokkalega en Ísak spilaði 206 og 189 í fyrstu tveim. Mikael spilaði 199 og svo 162. Ísak missti svo hausin aðeins eftir það en hann spilaði 166 og 128 í næstu tveimur á meðan Mikael var kominn í gír með 187 og 222. Ísak náði svo í 192 í fimmta og kláraði með 143 á meðan Mikael fór á hæstu hæðir með 244 í fimmta áðurn en hann kláraði með 195. Mjög góð sería hjá Mikael sem fer klárlega að láta sig skína á næsta móti í Vín, Austurríki um næstu páska. Mjög svekkjandi samt fyrir Ísak sem var á sínu fyrsta Evrópumóti og jafnframt hans síðasta sökum aldurs. Þeir sem komust í eftstu fjögur sætin í einstaklings keppninni voru Svíarnir Robin Ilhammar og Robin Noberg, Finninn Jani Soukka og Pólverjin Mikolaj Czarnecki. Ilhammar mætti Czarnecki og vann hann örugglega með 204 á móti 176. Noberg mætti svo Soukka og vann Finninn með 234 á móti 191. Ilhammar og Soukka mættust svo í úrslitum og vann Ilhammar með 236 á móti 202. Fyrsta gull Svía í keppninni. Í All-Event vermdu Svíarnir Ilhammar og Noberg efstu tvö sætin á meðan Nicholas Muscat frá Möltu náði bronsinu. Maxime Lambel frá Frakklandi var síðastur inn í Masters keppnina sem verður svo haldin á laugardag. Mikael Aron var efstur Íslendinga í All-Event en var hann í 43. Sæti með 3407 pinna. Ísak var í 57. Sæti með 3349 pinna, Hinrik var í 61. Sæti með 3310 pinna og Aron var í því 70. með 3197 pinna.
Stúlkurnar okkar hefja leik í einstaklingskeppninni í dag, föstudag kl 13:15 eða 11:15
íslenskum tíma. Tími til að hvetja þær áfram ÁFRAM ÍSLAND

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu