Í dag var leikin önnur umferð á Íslandsmóti öldunga 2018. Best kvenna spilaði í dag Ragna Matthíasdóttir KFR en hún náði 667 pinnum en Helga Sigurðardóttir KFR var einum pinna á eftir henni. Best karla spilaði Björn G Sigurðsson KFR eða 840 pinna.

Í morgun fóru fram fyrstu leikirnir í forkeppni á Íslandsmóti öldunga 2018. Alls eru 16 skráðir til leiks í ár og komast 6 efstu áfram úr forkeppninni úr hvorum flokki. Mótið heldur áfram á morgun sunnudag og svo á mánudag og þriðjudag en þá fara úrslitin fram. Best kvenna í dag spilaði Bára Ágústsdótttir KFR eða 647. Best karla spilaði Björn G Sigurðsson KFR eða 780. Staða annarra er þessi:

Áður auglýst dagskrá að leikið verði þriðjudaginn 13. mars stendur. Leikið verður í mótinu þá skv. eftirfarandi:

Breyting á leikdögum á Íslandsmóti öldunga

• Forkeppni:
• Laugardaginn 10.mars kl 10:00
• Sunnudaginn 11.mars kl 10:00
• Mánudaginn 12.mars kl 19:00
   
• Undanúrslit og úrslit:
  Þriðjudaginn 13.mars kl 19:00

 
Dregið verður í bikarkeppni liða í kvöld 06.03.2018 kl 18:45 upp í Keiluhöllini Egilshöll

Íslandmót unglinga fór fram um helgina en forkeppni var spiluð í gær laugardag og svo framhaldið í dag sunnudaginn 3. mars. Tvö Íslandsmet féllu í dag en Alexandra Kristjánsdóttir úr ÍR bætti 15 ára gamalt met í einum leik 3. flokki stúlkna þegar hún náði 227 pinnum í fyrsta leik í úrslitum flokksins. Fjóla Dís Helgadóttir úr KFR setti einnig met í fjórum leikjum í 5. flokki stúlkna þegar hún lék 449.

Íslandsmeistarar í Opnum flokki pilta og stúlkna urðu þau Steindór Máni Björnsson úr ÍR og Guðbjörg Harpa Sigurðardóttir úr Þór. Alls tóku 38 ungmenni þátt í mótinu í ár, 13 frá ÍA, 12 frá ÍR, 11 frá KFR og 2 frá Þór.

Úrslit í mótinu urðu eins og hér segir:

Í morgun var leikið á Íslandsmóti unglinga en þetta var fyrri umferðin í mótinu. Alls taka 38 krakkar þátt í keppninni í ár þar af 13 frá ÍA, 12 frá ÍR, 11 frá KFR og 2 frá Þór. Mótið fer þannig fram að í 1. og 2. flokki stúlkna og pilta eru leiknir 6 leikir hvorn daginn í forkeppninni en í 3., 4. og 5. flokki beggja kynja eru leiknir 4 leikir hvorn daginn. Á morgun sunnudaginn 4. mars fer svo fram seinni umferðinn auk úrslita í 1., 2. og 3. flokki auk opna flokksins en þar taka þátt þeir 3 sem hafa hæsta meðaltal úr mótinu óháð flokki.

Bestur pilta í dag var Steindór Máni Björnsson úr ÍR en hann keppir í 1. flokki pilta og náði 1.263 pinnum í 6 leikjum eða 210,5 í meðaltal. Best stúlkna var Sara Bryndís Sverrisdóttir sem keppir í 3. flokki og var hún með 617 í fjórum leikjum eða 154,3 í meðaltal.

Fjölmennasti flokkurinn á mótinu í ár er 4. flokkur pilta en þar keppa 8 sprækir piltar um titilinn í ár. Fjölmennasti stúlknaflokkurinn er 3. flokkur en þar eru þær 7 sem keppa. Aðeins fer fram úrslitakeppni í 1., 2. og 3. flokki þar sem 4 eða fleiri keppa. Í 4. flokki sigrar sá sem er efstur eftir forkeppni en samkvæmt reglum ÍSÍ er ekki keppt um titilinn í 5. flokki en þar fá allir þátttakendur verðlaun að loknu móti.

Á morgun 4. mars byrja 1. og 2. flokkur keppni kl. 08:00 í Egilshöll en aðrir flokkar hefja keppni kl. 8:45.

 
Vegna Íslandsmóts unglinga um helgina hafa leikir færst til á tíma.
nánar inn á dagskrá

Íslandsmót einstaklinga með forgjöf hófst í Keiluhöllinni Egilshöll á laugardag og lauk því í kvöld
Mótið var mjög vel sótt og voru það 45 spilarar sem að hófu leik á laugardag kl 10:00
27 karlar og 18 konur. Eftir leiki helgarinnar var skorið niður í 12 karla og 12 konur sem að spiluðu 4 leiki á mánudag,
eftir það var skorið niður í 6 karla og 6 konur sem spiluðu í kvöld (27.02.2018)

Kvöldið byrjaði þar sem allir léku við alla einfalda umferð, 6 karlar og 6 konur .
Veitt voru 20 bónus stig fyrir að vinna andstæðinginn og 10 fyrir jafntefli lögðust þau aukastig við skor uppsafnað skor mótsins.
Hjá konunum duttu út eftir þessa leiki
Ragna Matthíasdóttir KFR,
Helga Ósk Freysdóttir KFR
Bergþóra Rós Ólafsdóttir ÍR
en í karlakeppninni duttu út
Arnar Davíð Jónsson KFR,
Birgir Guðlaugsson ÍR 
Hannes Jón Hannesson ÍR

Til úrslita í kvennaflokki léku
Ragna Guðrún Magnúsdóttir KFR
Bergþóra Pálsdóttir Þór,
Nanna Hólm Davíðsdóttir ÍR.
Það var svo Bergþóra Pálsdóttir sem stóð uppi sem sigurvegari og er því Íslandsmeistari einstaklinga með forgjöf 2018.

Til úrslita í karlaflokki léku
Hlynur Atlason ÍA
Mikael Vilhelmsson KFR
Guðlaugur Valgeirsson KFR
Það var svo Guðlaugur Valgeirsson Sem stóð uppi sem sigurvegari og er því Íslandsmeistari einstaklinga með forgjöf 2018.

Íslandsmót unglinga verður haldið um næstu helgi eða dagana 3. og 4. mars. Olíuburður í mótinu verður Wall Street 40 fet. Þjálfarar félaga munu í vikunni taka við skráningum keppenda.

1. flokkur 17 til 18 ára (f. 2000 – 2001) * Unglingar fæddir eftir 1. september 1999 geta keppt.

2. flokkur 15 til 16 ára (f. 2002 – 2003)

3. flokkur 13 til 14 ára (f. 2004 – 2005)

4. flokkur 11 til 12 ára (f. 2006 – 2007)

5. flokkur 9 til 10 ára (f. 2008 – Yngri)

Mótafyrirkomulag

1. og 2. flokkur spila 12 leiki í forkeppninni

Laugardaginn 3. mars kl. 09:00 6 leikir
Sunnudaginn  4. mars kl. 08:00 6 leikir

3. og 4. flokkur spila 8 leiki í forkeppninni

Laugardaginn 3. mars kl. 09:00 4 leikir
Sunnudaginn  4. mars kl. 08:00 4 leikir

Úrslit 3 – 2 -1 -1

Úrslit mótsins verða á sunnudeginum að lokinni forkeppni og verður í 1. til 3. flokki spilað þannig að 3. sætið mætir 2. sæti í einum leik, sigurvegari þar mætir þeim sem endar í 1. sæti og þarf tvo sigra til að hampa titlinum. Í 4. flokki er ekki spilað til úrslita heldur er skorið úr forkeppninni sem ræður úrslitum. Í 5. flokki fá allir keppendur verðlaun.

Opinn flokkur

Strax á eftir úrslitum í flokkunum er spilað í opna flokknum og eru úrslit með sama hætti 3 – 2 – 1 – 1, sjá nánar Reglugerð KLÍ um Íslandsmót unglinga.

Skráning fer fram hjá þjálfurum félaganna og lýkur fimmtudaginn 1. mars.

Unglinganefnd

Eftir vinsældir Skagamaraþons hefur annað mót verið sett af stað með svipuðu sniði.

Fyrsta holl í forkeppni er sunnudaginn 25.feb 2018

Næstu holl eru svo eftir samningum við Gumma hér

Fyrirkomulag mótsins er:

Spilaðir eru 6 leikir í forkeppni með 70% í forgjöf sem miðast við 210 mest 42

Verð í Forkeppni fyrir 19.mars er 4000kr eftir 19.mars er það 6000kr í fyrsta holl en 4000kr í næsta

Auk þessa verður tvímenningspottur 1000kr á tvímenning og rennur hann óskiftur til hæsta Tvímennings að lokinni forkeppni

Olíuburður:
Arnarhreiðrið ( sami og var í Skagamaraþon )

Úrslit:
Níu bestu skor
Tveir bestu early bird
Besta daman
Besta daman á forgjafar
Hæsta sería án forgjafar
Túrbo, (5 & & leikur)
Besti eldriborgari (50+)
Besti unglingur (-18)

Úrslit eru spiluð Sunnudaginn 8.apríl

10:00 10 – 18.sæti spila sex leiki

13:00 1-9 sæti spila sex leiki

16:00 round robbin 6 efstu + stöðuleikur

Verrðlaun

1.sæti 60.000kr
2.sæti 30.000kr
3.sæti 15.000kr
4 – 6      6.000kr

Mótshaldari áskilur sér rétt til að lagfæra mótið ef einhver misskilningur verður