Stjórn Keilusambandsins hefur valið þau Arnar Davíð Jónsson úr Keilufélagi Reykjavíkur og Ástrós Pétursdóttir úr ÍR keilara ársins 2018.

Í dag spilaði Skagamaðurinn Magnús Sigurjón Guðmundsson sinn fyrsta fullkoma leik í keilu en Magnús keppir með sænska liðinu Team Clan BK F. Magnús náði þessum leik í öðrum leik í deildarkeppninni í Svíþjóð en lið hans var þá að keppa við Team Gamleby BC í suðurdeildinni. Leikur þessara liða fór annars 10 – 10. Við óskum Magnúsi til hamingju með áfangann.

Jólamót ÍR 2018

Verður haldið í keiluhöllinni laugardaginn 15.des kl 10:00
Upphitun hefst kl 09:50 og þurfa allir að vera klárir á brautum kl 09.45

Eftir mót verður haldin fellukeppni þar sem að í verðlaun eru 5000kr auk áritaðs bols frá Tommy Jones sigurvegara úr weber cup, 

Skráning

Keppnin er einstaklingkeppni í fimm flokkum. 

Þrjú efstu sætin í hverjum flokki fá verðlaun.

Flokkaskipting:
* flokkur 180 og yfir
A flokkur 170 – 179,9
B flokkur 155 – 169,9
C flokkur 140 – 154,5
D flokkur 139,9 og undir

Verð 3000kr

Olíuburður er PBA CP3 42fet

Á sunnudaginn var á Íslandsmóti unglingaliða sló Fjóla Dís Helgadóttir úr KFR 23 ára gömul Íslandsmet í tveimur og þremur leikjum 5. flokki stúlkna. Gömlu metin voru sett í Keilubæ í Keflavík í nóvember 1995. Fjóla Dís spilaði 301 og 432 um helgina og óskum við henni til hamingju með metin. Það er greinilegt að æskan blómstrar hjá okkur í keilunni þessi misserin en fjölmörg gömul met hafa undanfarið verið slegin út.

Fjóla Dis er til hægri á myndinni.

Í dag var leikið í 3. umferð Meistarakeppni ungmenna. Ágætis þátttaka var í mótinu í dag og gekk krökkunum vel á brautunum. Best í dag spilaði Jóhann Ársæll Atlason ÍA en hann er í 2. flokki pilta. Spilaði hann  1.279 í sínum 6 leikjum eða 213,2 í meðaltal. Best stúlkna spilaði Jóhanna Ósk Guðjónsdóttir ÍR í 1. flokki en hún lék sína 6 leiki með 1.092 eða 182,0 í meðaltal.

Öll úrslit dagsins:

Gengið hefur verið frá samningi Keilusambands Íslands og Afrekssjóðs ÍSÍ vegna styrkveitinga ársins 2018.

„Það að fá svona styrk frá ÍSÍ er okkur ómetanlegt. Án hans værum við ekki að taka skref fram á við. Með þessum styrk getum við hlúð enn betur að afreksstarfi og afreksfólkinu okkar. Við sjáum fram á að geta undirbúið landsliðin okkar mun betur með fræðslu fyrirlestrum og hæfileika mótunar dögum fyrir okkar yngri keppendur.“ – Theódóra Ólafsdóttir Íþróttastjóri KLÍ

Keilusamband Íslands (KLÍ) flokkast sem B/Alþjóðlegt sérsamband samkvæmt flokkun Afrekssjóðs ÍSÍ fyrir árið 2018. Heildarstyrkveiting sjóðsins til KLÍ vegna verkefna ársins er 4.750.000 kr. en til samanburðar þá hlutu verkefni KLÍ árið 2017 styrk að upphæð 2.700.000 kr. frá Afrekssjóði ÍSÍ.

ÍSÍ hefur endurskoðað siðareglur sínar sem eiga við alla aðila innan ÍSÍ og sambandsaðila þ.e. sérsambönd eins og KLÍ, héraðssambönd/íþróttabandalög og öllu því starfi og viðburðum sem skipulagðir eru af íþróttahreyfingunni. KLÍ skorar á alla sína aðila að kynna sér vel þessar reglur og tileinka sér í starfi sínu fyrir keiluna. Hver og einn keilari getur lagt sitt af mörkum til að efla starf keilunnar. Sjá má samþykktar siðareglur ÍSÍ hér.

Í dag lauk keppni á Íslandsmóti para 2018. Nanna Hólm og Einar Már Björnsson úr ÍR sigruðu mótið annað árið í röð en þau lögðu þau Katrínu Fjólu Bragadóttur og Gústaf Smára Björnsson úr Keilufélagi Reykjavíkur í fjórum leikjum. Nanna og Einar Már voru efst para alla keppnina, urðu í efsta sæti forkeppninnar og héldu stöðu sinni í milliriðli. Í þriðja sæti urðu svo þau Bergþóra Rós Ólafsdóttir og Gunnar Þór Ásgeirsson úr ÍR

Aldrei hefur verið meiri þátttaka í forkeppni Íslandsmóts para eins og núna í ár. Alls tóku 22 pör þátt í forkeppninni. 3 pör komu frá ÍA, 13 pör frá ÍR, KFR var með 4 pör auk þess sem KFR og ÍR sameinuðust með eitt par og Þór og ÍR um eitt

Í dag var leikin forkeppni á Íslandsmóti para 2018 og í ár var slegið þátttökumet þegar 22 pör skráðu sig til leiks. Leiknir voru 6 leikir í dag og komust 8 efstu pörin áfram í milliriðil sem verður leikinn á morgun sunnudaginn 25. nóvember en strax að milliriðli loknum verður úrslitakeppni tveggja efstu para um Íslandsmeistaratitil para 2018. Efsti í forkeppninni eru núverandi Íslandsmeisarar para þau Nanna Hólm og Einar Már Björnsson en þau koma bæði úr ÍR. Skammt á eftir þeim eru svo Magna Ýr Hjálmtýsdóttir og Björn G Sigurðson úr KFR en sjá má lokastöðu úr forkeppninni hér fyrir neðan.

Úrslit forkeppninnar voru þessi:

 
16.liða bikar verður spilaður í desember og eru leikir sem hér segir

8.des 2018 og er spilað á Akranesi

Í kvenna:
Þór Þrumurnar – KFR Afturgöngurnar kl 15:00 (3 – 4)
Í karla:
Þór Vikingar – Þór Plús kl 18:00 (3 – 4)

10.Des 2018 er spilað í Egilshöll kl: 19:00

Í kvenna:
ÍR BK – ÍR KK (21-22)
KFR Skutlurnar – ÍA (19-20)
ÍR Elding – KFR Ásynjur (17-18)
ÍR Buff – ÍR TT (15-16)
 

Í karla:
KR A – ÍR KLS (13-14)
KFR JP Kast – KFR Grænu töffararnir (11-12)
KFR Stormsveitin – KFR Lærlingarnir (9-10)
ÍR PLS – ÍR Fagmaður (7-8)
 

10.des er spilað á Akranesi kl 19:00

ÍA B – ÍR A (3-4)

26.Jan 2019 er spilað á Akranesi kl 16:00

Þór – ÍA (3-4)