Í dag lauk keppni á Íslandsmóti unglinga 2019. Í opnum flokki sigruðu þau Jóhann Ársæll Atlason ÍA og Guðbjörg Harpa Sigurðardóttir Þór. Jóhann sigraði Steindór Mána Björnsson úr ÍR í úrslitum með samtals 372 pinnum gegn 359 en Guðbjörg Harpa sigraði Elvu Rós Hannesdóttur úr ÍR með 406 pinnum gegn 360.

Efstu keilarar í hverjum flokki voru:

Í dag var fyrri dagurinn á Íslandsmóti unglinga en á mótinu leika keppendur í 1. og 2. flokki tvær 6 leikja seríur á meðan flokkar 3 til 5 leika tvær 4 leikja seríur. Seinni seríurnar verða leiknar á morgun.

Best í dag spilaði Steindór Máni Björnsson ÍR en hann er með 234,7 í meðaltal eftir daginn í dag. Best stúlkna lék Elva Rós Hannesdóttir úr ÍR en hún er með 182,5 í meðaltal eftir daginn í dag.

Keppni hefst á morgun kl. 8 hjá 1. og 2. flokki en aðrir flokkar hefja keppni kl. 10. Úrslit í 1. til 3. flokki fara fram um leið og forkeppni líkur og að þeim loknum verður keppt til úrslita í opnum flokki.

Önnur úrslit dagsins urðu þessi:

Í tengslum við komu PWBA kvenna á RIG 2019 bauð ÍR keiludeild upp á fyrirlestur fyrir allar konur í keilu. Megin markmið þess að bjóða upp á þennan fyrirlestur var að gefa konum í keilu kost á að hitta þær stöllur og fræðast um það hvernig atvinnukonur í keilu starfa enda ekki á hverjum degi sem þvílíka keilarar heimsækja okkar land.

Um komandi helgi fer fram Íslandsmót unglinga, sjá reglugerð. Keppt er bæði á laugardag og sunnudag en seinni daginn fer fram úrslitakeppnin að lokinni forkeppninni. Þjálfarar félaganna taka á móti skráningu.

1. og 2. flokkur pilta og stúlkna hefja keppni á laugardag kl. 09 en kl 8 á sunnudag. 3. til 5. flokkur pilta og stúlkna hefja keppni kl. 09 á laugardag en kl. 10 á sunnudag. Ekki er leikið til úrslita í 4. eða 5. flokki og mun verðlaunaafhending fara fram að lokinni keppni hjá þeim en verðlaunaafhending 1. til 3. flokks fer fram eftir úrslitakeppni í opnum flokki á sunnudeginum.

Hlynur Örn Ómarsson úr ÍR sigraði RIG 2019 sem nú er lokið. Hlynur sigraði Gunnar Þór Ásgeirsson úr ÍR í úrslitaviðureigninni með aðeins einum pinna 234 gegn 233 og réðust úrslitin í síðasta kasti Hlyns þegar hann náði 9 keilum og sigraði þar með keppnina með aðeins einum pinna. Í undanúrslitum mættu þeir Svíanum Mattias Möller sem leiddi forkeppnina og Jóni Inga Ragnarssyni úr Keilufélagi Reykjavíkur. Jón Ingi varð í 3. sæti en Möller hafnaði í því 4. Mattias gerði sér lítið fyrir og tók 7 – 10 glennuna í útsendingunni og má sjá það hér.

Landsliðaþjálfaranir Stefán Claessen og Guðmundur Siguðsson hafa tilkynnt val á þeim krökkum sem hafa verið valin í þau verkefni sem Keilusambandið tekur þátt í á næstu mánuðum.

Vináttuleikar í Katar 11. – 17. febrúar

Stúlkur:

Dagana 26. janúar til 3. febrúar verður Keiludeild ÍR með mót á RIG 2019. 

Mótið í ár verður það veglegasta sem deildin hefur haldið til þessa. Til landsins koma yfir 30 gestir þar af þrjár atvinnukonur í keilu sem allar keppa á bandarísku mótaröðinni PWBA.
Í tengslum við komu þeirra fékk deildin þær til að halda fyrirlestur sem eingöngu verður í boði fyrir konur í keilu. Það er gert til að reyna að efla konur í íþróttinni.

Opnuð hefur verið sérstök síða hér á vefnum með öllum upplýsingum um mótið en þar má nálgast allar upplýsingar, skráningu í mótið og fleira. E
innig er viðburðarsíða á Fésbókinni þar sem ýmsum upplýsingum verður deilt. Einnig stendur til að streyma frá riðlakeppninni beint á YouTube sem og að úrslit mótsins sem fara fram sunnudaginn 3. febrúar verða í beinni útsendingu á aðalrás RÚV.

Áhorfendur eru velkomnir í húsið á meðan á keppni stendur.

Í ljósi breytinga á reglugerð frá USBC (Keiluþing Bandaríkjanna) varðandi hliðar- og topp vigt á keilukúlum sem notaðar eru í keppni tók stjórn Keilusambands Íslands ákvörðun um að innleiða þessa reglugerð með svokölluðu aðlögunartímabili líkt og er verið að gera víða um Evrópu og í Bandaríkjunum.

 Til að útskýra nákvæmlega hverju er verið að breyta hljóðar reglan (eins og hún var) þannig að keilukúla má ekki vera með meira en 3oz (únsur) í toppvigt og 1oz (únsu) í hliðar/fingur/þumalvigt. Einungis má setja eitt hliðargat/aukagat (balance hole) í kúluna.

 Nýja reglan gerir breytingar á gömlu reglunni þannig að:

Í gær setti Matthías Leó Sigurðsson úr ÍA enn eitt Íslandsmet nú í 4 leikjum í 4. flokki pilta þegar hann spilaði 761 í Pepsí keilunni. Það er 190,25 í meðaltal. Matthías heldur áfram að raða inn metum en þann 12. janúar s.l. bætti hann metið í 3 leikjum.

Dregið var í 8.liða bikar upp á Akranesi 11.desember 2018

Leikdagar fyrir 8.liða úrslit eru í byrjun Mars

 Leikir eru sem hér segir:

Spilað í Egilshöll 3.mars kl 19:00

ÍR SK – ÍR Elding   (21 – 22)
ÍR Píurnar – ÍR Buff  (19 – 20)
ÍR BK – KFR Valkyrjur (17- 18)
ÍR KLS – ÍR Broskralar (15-16)
KFR Lærlingar – ÍR PLS (13-14)

Leikir spilaðir á Akranesi
2.mars kl 19:00
Þór Vikingar – KFR Grænu töffararnir (3-4)
3.mars kl: 16:00
ÍA – KFR Afturgöngurnar 
21.Febrúar kl 19:00 
ÍA  – ÍR A