Dagana 7. – 9. mars fór fram Íslandsmót Öldunga.
Laugardag og sunnudag fór fram forkeppni þar sem að 11 karlar og 11 konur spiluðu 6 leiki hvorn dag. Eftir þessa 12 leiki voru það efstu 6 í hvorum hóp sem að spiluðu round robin og að endingu voru það efstu 3 í hvorum hóp sem að spiluðu til úrslita.

1. sæti Linda Hrönn Magnúsdóttir ÍR
2. sæti Snæfríður Telma Jónsson ÍR
3. sæti Bára Ágústsdóttir ÍR

1. sæti Freyr Bragason KFR
2. sæti Björn Guðgeir Sigurðsson KFR
3. sæti Björn Birgisson KFR

Skor úr mótinu:

Það hefur ekki farið framhjá neinum hér á landi að þessi blessaða veira er komin til landsins. Stjórn Keilusambandsins hvetur sína félagsmenn til að taka þessu af fullri alvöru og fara eftir tilmælum opinberra aðila, sjá m.a. hér.

Það hefur verið gróðra siða háttur að í upphafi hvers leiks að keppendur heilsa hverjir öðrum með handabandi. Skv. leiðbeiningum og almennum varúðarráðstöfunum biðjum við keilara um að sýna samfélagslega ábyrgð og láta nægja óskir með orðum á meðan óværan gengur yfir.

Um helgina fór fram ETBF Level I námskeið á vegum Keilusambandsins og var góð mæting. Námskeiðið var haldið af Stefáni Claessen sem lokið hefur Lvel III og Level I instructor. 11 manns sóttu sér Level I leiðbeinendaréttindi og óskum við þeim til hamingju með áfangann. ETBF Level I er sniðugt fyrir alla keilara sem vilja sækja sér meiri þekkingu um keilu og keilukastið sjálft.

Keilusambandið vill þakka Keiluhöllin Egilshöll fyrir samstarfið í tengslum við námskeiðið.

Þau sem sóttu námskeiðið voru:

• Bjarki Sigurðsson Ösp/ÍR
• Böðvar Már Böðvarsson ÍR
• Geirdís Hanna Kristjánsdóttir ÍR
• Ingi Geir Sveinsson ÍA
• Jóhann Ársæll Atlason ÍA
• Katrín Fjóla Bragadóttir KFR
• Laufey Sigurðardóttir Ösp/ÍR
• Magnús Sigurjón Guðmundsson ÍA
• Málfríður Freysdóttir KFR
• Sigurður Björn Bjarkason Ösp
• Sigurður Þorsteinn Guðmundsson ÍA

Stjórn KLÍ samþykkti á síðasta fundi sínum breytingu á reglugerð um Íslandsmót öldunga (50+). Breytingin tekur strax gildi. 

Breytingin felur í sér að farið er í það form að forkeppnin samanstendur af tveim 6 leikja blokkum í forkeppni. Það fyrirkomulag er á í nánast öllum mótum m.a. Evrópumóti öldunga og er okkur keilurum vel kunnugt.

Auk þess er úrslitum breytt og eru nú eins og á Íslandsmóti einstaklinga þ.e. 3 efstu úr hvorum flokki eftir forkeppni og milliriðil leika til úrslita um Íslandsmeistaratitilinn.

Sjá má reglugerðina hér.

Stjórn KLÍ hefur einsett sér að yfirfara allar reglugerðir sambandsins og verður sú vinna í gangi næstu mánuðina og verða allar breytingar tilkynntar á vef sambandsins sem og á samfélagsmiðlum.