- grein
Íslandsmót öldunga (50 ára og eldri) skal haldið árlega.
- grein
Til að hafa þátttökurétt í Íslandsmóti öldunga þarf þátttakandi að ná 50 ára aldri á því almanaksári sem mótið er haldið.
Keppt skal án forgjafar í karla og kvenna flokki. Mótanefnd KLÍ er heimilt að ákveða að keppt sé í blönduðum flokki ef fjöldi keppenda sem skráir sig til þátttöku eða aðstæður á keppnisstað krefjast þess. Sé keppt í blönduðum flokki fá konur 8 pinna í forgjöf.
- grein
Leitast skal við að færslur séu þannig að leikmenn spili á sem flestum brautarpörum. Leikmenn á brautum með odda tölu skulu færast niður og leikmenn á brautum með sléttum tölum skulu færast upp.
- grein
Ef skera þarf úr um jafntefli í sætaröðun þá skal síðasti leikur látinn gilda þ.e. sá/sú sem er með hærri leik hlýtur efra sætið. Ef hann er jafn hár þá er farið í næsta leik þar á undan og síðan koll af kolli.
- grein
Ef keppandi forfallast þegar komið er í undanúrslit, fer sá keppandi sjálfkrafa í neðsta sæti í undanúrslitum. Ekki skal færa keppendur upp um sæti þó einhver forfallist, þ.e.a.s. að setja inn keppanda sem ekki hefur áunnið sér sæti í undanúrslitum.
- grein
Forkeppni
Allir keppendur leika 12 leiki, 6 leiki í senn. Skorið úr forkeppninni fylgir í undanúrslit og keppa 6 efstu karlar og 6 efstu konur.
Undanúrslit
Allir keppa við alla, einfalda umferð. Á stigin fyrir leikina bætast bónusstig þannig:
- Fyrir sigur í leik fást 20 bónusstig
- fyrir jafntefli í leik fást 10 bónusstig
Að loknum þessum leikjum fara 3 efstu keppendurnir í hvorum flokki í úrslit.
Úrslit
Spiluð eru úrslit milli þriggja efstu í hvorum flokki, leikið á sitthvoru settinu. Allir leika einn leik og fellur úr leik sá sem hefur lægsta skorið. Eftir eru tveir keppendur og leika þeir einn leik til úrslita og fær sigurvegarinn titilinn Íslandsmeistari Öldunga.
Sé einhversstaðar í úrslitum jafnir leikir sem verða til þess að ekki sé hægt að skera úr um hvort keppandi detti út eða vinni leik skal útkljá leikinn með því að leikmenn kasta einu kasti og sá vinnur sem fellir flestar keilur. Ef enn er jafnt skal endurtaka þetta þar til úrslit liggja fyrir.
- grein
Íslandsmeistarar Öldunga eiga rétt á að sækja um sérstakan styrk til KLÍ vegna ferða á mót erlendis.
- grein
Mótanefnd KLÍ annast undirbúning og framkvæmd keppninnar.
Samþykkt á formannafundi 1.maí 2013
Samþykkt á formannafundi 12. maí 2014
Samþykkt á formannafundi 16. apríl 2015
Samþykkt á formannafundi þann 28.apríl 2016
Samþykkt á stjórnarfundi þann 20. febrúar 2020
Breytt á stjórnarfundi KLÍ 11.08.2026