Seint í gærkvöldi lauk keppni á Íslandsmóti einstaklinga 2022 í keilunni. Voru það þau Hafþór Harðarson og Linda Hrönn Magnúsdóttir, bæði úr ÍR, sem urðu Íslandsmeistarar.

Hafþór er að vinna þennan titil annað árið í röð og alls í 6. skipti á sínum ferli. Jafnar hann þar með Magnús Magnússon úr ÍR með fjölda titla. Linda Hrönn er hins vegar að vinna þennan titil í fyrsta sinn á ferlinum og til gamans má geta þá er hún nú sú elsta sem hefur unnið þennan titil en hún er á 63. aldursári en Linda hefur oft verið í úrslitum þessa móts.

Þrír efstu karl- og kvennkeilararnir komust í úrslit mótsins eftir forkeppni og milliriðil. Voru það, auk Hafþórs, þeir Arnar Davíð Jónsson úr KFR og Einar Már Björnsson úr ÍR sem komust í úrslitin. Einar Már féll út í fyrri leik úrslitanna með 160 pinna en Hafþór spilaði þar 232 og Arnar 203. Í hreinum úrslitaleik lagði Hafþór hann Arnar með 235 pinnum gegn 164.

Auk Lindu í úrslitum kvenna mættust þær Ástrós Pétursdóttir úr ÍR og Marika Lönnroth úr KFR sem báðar hafa hampað Íslandsmeistaratitlinum. Marika féll út í fyrri leiknum með 145 gegn 177 hjá Lindu og 184 hjá Ástrósu. Linda sigraði síðan eins og segir í úrslitum þar sem hún náði 238 pinnum gegn 158.

Karlarnir skiptust á í gær að leiða keppnina fram að úrslitum. Hafþór hafði verið efstur eftir forkeppni en síðan sótti Arnar Davíð á sem og Einar. Endaði það þannig að Einar varð aðeins 6 pinnum fyrir ofan Arnar Davíð eftir milliriðilinn. Ástrós (*leiðrétt) hafði hinsvegar leitt keppnina hjá konum eftir forkeppnina.

Frá vinstri: Arnar Davíð Jónsson KFR, Hafþór Harðarson ÍR og Einar Már Björnsson ÍR

Frá vinstri: Ástrós Pétursdóttir ÍR, Linda Hrönn Magnúsdóttir ÍR og Marika Lönnroth KFR

Lokastaða hjá körlum eftir milliriðill í gær:

Lokastaða hjá konum eftir milliriðil í gær:

Nú var að ljúka milliriðli á Íslandsmóti einstaklinga 2022 6 leikja blokk 16 efstu karla og 10 efstu kvenna. Átta keppendur úr hvorum flokki halda áfram annaðkvöld og keppast um Íslandsmeistara einstaklinga 2022.

Best karla í kvöld spilaði Jón Ingi Ragnarsson KFR en hann lék seríuna í kvöld á 1.434 eða 239,0 í meðaltal og best kvenna í kvöld var Linda Hrönn Magnúsdóttir ÍR en hún lék sína leiki á 1.155 eða 192,5 að meðaltali.

Úrslit mótsins eftir milliriðil eru þessi

Karlar

Konur

Nú rétt í þessu var að ljúka forkeppninni á Íslandsmóti einstaklinga 2022 með seinni 6 leikja blokkinni. Ljóst er hvaða keilarar komast í milliriðilinn sem verður leikinn annaðkvöld, mánudaginn 21. mars kl. 19 og hefst keppni kl. 19.

Best karla í dag spilaði Einar Már Björnsson úr ÍR en hann lék leikina 6 í dag á 1.429 eða 234,2 í meðaltal. Einar Már kom sér upp í 5. sæti forkeppninnar með spilamennskunni í dag. Besta sería kvenna í dag kom hjá Nannu Hólm Davíðsdóttur úr ÍR en hún lék sína 6 leiki á 1.169 pinnum eða 194,8  í meðaltal og er í 2. sæti forkeppninnar.

Milliriðill mótsins verður leikinn annaðkvöld í Keiluhöllinni en þá leika 16 efstu karlarnir og 10 efstu konurnar aðra 6 leiki til viðbótar. Skor fylgir úr forkeppninni. Á þriðjudaginn fara síðan fram undanúrslit en þá spila 8 efstu úr hvorum flokki og að þeim loknum fara 3 efstu í úrslit mótsins. Stefnt er að því að streyma frá þriðjudeginum á Fésbókarsíðu KLÍ.

Úrslit forkeppninnar urðu þessi

Karlar

Konur