Þegar 15 umferðum af 18 er lokið í 1. deild karla á Íslandsmóti liða í keilu hefur spennandi í toppbaráttunni enn aukist. ÍR-KLS hefur nú tekið efsta sætið af ÍR-PLS, en aðeins munar einu stigi á liðunum. ÍR-KLS er í 1. sæti með 220.5 stig, en ÍR-PLS er í 2. sæti með 219,5 stig og ÍA kemur síðan í 3. sæti með 206,5 stig. ÍA-W er í 4. sæti með 172,5 stig og verður að telja ólíklegt að annað hvort KR-A sem er í 5. sæti með 150,5 stig og KFR-Lærlingar sem eru í 6. sæti með 144 stig nái að ógna þeim í keppninni um sæti í úrslitakeppninni.
Hafþór Harðarson ÍR-PLS er enn með hæsta meðaltal deildarinnar 219,6 að meðaltali í leik í 42 leikjum. Arnar Sæbergsson ÍR-KLS kemur næstur með 208,5 að meðaltali í 27 leikjum og Magnús Magnússon ÍR-KLS er í þriðja sætið með 201,5 að meðaltali í 39 leikjum. Í keppninni um stigameistara deildarinnar er Andrés Páll Júlíusson ÍR-KLS kominn í efsta sætið með 0,758 stig að meðaltali í leik, Róbert Dan Sigurðsson ÍR-PLS kemur næstur með 0,756 stig og Stefán Claessen er þriðji með 0,733. Hafþór er með hæsta fellumeðaltalið 6,71, Arnar kemur næstur með 6,26 og Magnús er þriðji með 5,72. Magnús Magnússon á hæsta leik deildarinnar 290, Hafþór hefur spilað 289 og Kristján Þórðarson ÍA spilaði 288. Kristján Þórðarson ÍA á hæstu seríuna 773, Hafþór kemur næstur með 747 og síðan Arnar með 727.
Sjá nánar stöðuna í deildinni
Í næstu viku lýkur tveggja vikna hléi á keppni í deildum og í 16. umferð tekur ÍA á móti KFR-Stormsveitinni í Keilusalnum á Akranesi sunnudaginn 17. mars kl. 13:00 og þriðjudaginn 19. mars tekur ÍR-L á móti KFR-Lærlingum í Öskjuhlíðinni, en KR-A og KR-C, KFR-JP-Kast og ÍA, ÍR-PLS og ÍR-KLS mætast í Egilshöllinni. Sjá nánar dagskrá
Þegar 18 umferðum af 21. er lokið í keppni í 2. deild karla á Íslandsmóti liða í keilu er KR-B búið tryggja sér efsta sætið í B riðli deildarinnar með 302,5 stig og 79 pinna forskot á næsta lið ÍR-Blikk sem er í 2. sæti með 223,5 stig, ÍR-NAS er í 3. sæti með 192,5 stig og síðan kemur ÍR-T í 4. sæti með 168,5 stig. Botnliðin ÍR-G og ÍA-B eiga einn leik til góða, en leik þeirra í 18. umferð var frestað vegna þátttöku liðsmanna í Íslandsmóti einstaklinga með forgjöf. Leikurinn hefur verið settur á sunnudaginn 17. mars kl. 16:00 í Keilusalnum á Akranesi.
Fimmta umferð Deildarbikars liða fer fram þriðjudaginn 12. mars n.k. og hefst keppni kl. 19:00. Keppni í B riðli fer fram í Keiluhöllinni í Öskjuhlíð en A og C riðlar spila í Keiluhöllinni í Egilshöll.
Þriðja umferð Íslandsmóts félaga fer fram í Keiluhöllinni Egilshöll mánudaginn 11. mars og hefst keppni kl. 19:00.
Unglingalandsliðshópur Keilusambands Íslands stendur fyrir keilumaraþoni sem hefst á morgun, fimmtudaginn 7. mars og stendur yfir til föstudagsins 8. mars. Tilgangurinn með maraþoninu er að afla fjár vegna þátttöku þeirra á Evrópumóti unglinga í keilu EYC 2013, sem haldið verður í Vín í Austurríki dagana 23. mars – 1. apríl n.k. og leitað verður bæði til einstaklinga og fyrirtækja um áheit. Vonumst við til að sem flestir styrki unglingana okkar. 
Unglingalandslið Íslands í keilu tekur þátt í Evrópumóti unglinga í keilu sem haldið verður í borginni Vín í Austurríki dagana 23. mars – 1. apríl n.k. Að þessu sinni verða sendir 6 keppendur á mótið, 4 piltar og 2 stúlkur. Þau eru Andri Freyr Jónsson KFR, Aron Fannar Benteinsson ÍA, Guðmundur Ingi Jónsson ÍR, Hafdís Pála Jónasdóttir KFR, Hlynur Örn Ómarsson ÍR og Katrín Fjóla Bragadóttir ÍR. Aron Fannar og Hlynur Örn eru að taka þátt í sínu fyrsta landsliðsverkefni, en þetta er önnur ferðin hjá hinum keppendunum.
Hafdís Pála Jónasdóttir KFR og Kristófer John Unnsteinsson ÍR eru Íslandsmeistarar einstaklinga með forgjöf 2013 og er þetta í fyrsta sinn sem þau vinna þennan titil. Í 2. sæti voru Vilborg Lúðvíksdóttir ÍA og Baldur Hauksson ÍFH og í 3. sæti voru Ragna Matthíasdóttir KFR og Andri Freyr Jónsson KFR. Óskum við þeim öllum til hamingju með árangurinn.
Í forkeppninni í kvennaflokki var hörð keppni um efstu sætin og þegar henni lauk var Bára Ágústsdóttir KFR í efsta sæti, Vilborg Lúðvíksdóttir ÍA í 2. sæti og Hafdís Pála Jónasdóttir KFR í 3. sæti. Þegar kom í milliriðilinn náði Vilborg öruggri forystu í efsta sætinu og hélt henni þangað til keppni í undanúrslitum lauk. Sigurlaug Jakobsdóttir ÍR var þá í 2. sæti og Hafdís Pála í 3. sæti. Í undanúrslitunum spilaði Vilborg mjög vel eða 931 án forgjafar og vann fjóra leiki af fimm og endaði með 2.454 pinna í 1. sæti. Hún hafði 150 pinna forskot á Hafdísi Pálu Jónasdóttur sem tryggði sér 2. sætið og sæti í úrslitunum, með 907 án forgjafar og sigur í fjórum leikjum af fimm og endaði með 2.383 pinna. Ragna Matthíasdóttir KFR vann sig upp úr 5. sæti í 3. sætið með 909 án forgjafar og sigur í þremur leikjum og endaði með 2.353 pinna alls.
Kristófer John Unnsteinsson ÍR tryggði sér efsta sætið í karlaflokki á fyrri degi forkeppninnar og hélt öruggri forystu allt til loka keppninnar með góðri spilamennsku. Baldur Hauksson ÍFH var einnig í 2. sæti frá upphafi forkeppninnar allt þar til kom að keppni í undanúrslitum þar sem hann féll á tíma niður í 3. sæti en tókst að vinna það upp á endasprettinum. Í undanúrslitunum spilaði Kristófer 883 án forgjafar og vann fjóra leiki af fimm og endaði með 2.634 pinna og 219 pinna forskot á næsta mann. Andri Freyr Jónsson KFR var í harðri keppni allt kvöldið, spilaði 863 án forgjafar tókst á endanum að tryggja sér um 3. sætið með 2.499 pinna.
K
Í karlaflokki voru það Kristófer Unnsteinsson ÍR, Baldur Hauksson ÍFH, Andri Freyr Jónsson KFR, Sigurbjörn Vilhjálmsson KR, Þröstur Friðþjófsson ÍFH og Guðlaugur Valgeirsson KFR sem tryggðu sér sæti í undanúrslitunum á Íslandsmóti einstaklinga með forgjöf á morgun. 