Dregið verður í bikarkeppni KLÍ, 8 liða, á mánudaginn kemur 23. nóvember 2015 rétt fyrir deildarkeppnina í Keiluhöllinni Egilshöll.

Þau Alda og Hafþór hafa nú lokið keppni á AMF World Cup í Las Vegas. Síðustu 8 leikirnir í forkeppninni voru spilaðir í gær. Hvorugt þeirra komst í gegn um 24 manna niðurskurð en Hafþór var á flugi fyrri part síðustu leikjanna. Vann sig úr 32. sæti upp í það 24. á tíma en gaf svo örlítið eftir á lokametrunum og komst því ekki áfram.

Francois Louw frá Suður Afríku trygði sér efsta sætið í forkeppninni í karlaflokki með 223.42 í meðaltal og hún Maria Bulanova frá Rússlandi trygði sér efsta sætið í kvennaflokki með 216,00 í meðaltal. Það var hinsvegar hin enska Keira Reay sem var fyrst til þess að ná 300 leik á þessu móti. Glæsilegt það og gaman að kona hafi núna verið fyrst til að landa fullkomnum leik á mótinu.

Í dag fara svo fram enn aðrir 8 leikir í 24. manna úrslitum í báðum flokkum og svo verður skorið niður í 8 manna Round Robin úrslit sem fara fram á morgun kl. 16:00 og svo úrslit kl. 19:30

Allar nánari upplýsingar um mótið má finna á vef mótsins.

Þá hafa systkynin Hafþór og Alda leikið 16 leiki á mótinu. Hafþór lyfti sér upp um tvö sæti eftir 2. umferð og er nú í 32. sæti með 200,94 í meðaltal. Alda átti hinsvegar ekki alveg góðan dag og er komin í 61. sæti með 161,31 í meðaltal.

Efst á mótinu eru hinn 20 ára gamli Muhammad Jaris Goh frá Singapor með 225.06 í meðaltal og hin 32. ára Shannon Pluhowsky frá Bandaríkjunum með 217,56 í meðaltal. í Kvennaflokki er baráttan mjög jöfn og munar einhverjum 50 pinnum á efstu 5 keilurunum þar eftir 16 leiki. Hæsti leikur til þessa í kvennaflokkinum náði Stephanie Martins frá Braselíu en hún keilaði 288.

Hjá körlunum hefur þetta farið þannig að þrír hafa náð 289 sem hæsta leik í mótinu, Kamron Doyle USA, Ildemaro Ruiz Jr Venesúela og Francois Louw Suður Afríka.

Þriðja og síðasta 8 leikja blokkin verður svo leikin í dag og byrja karlarnir að kasta kúlum um kl. 15 að íslenskum tíma og konurnar kl. 21:30 í kvöld. Á morgun verður svo skorið niður í báðum flokkum og halda 24 efstu í hvorum flokki áfram keppni á miðvikudaginn.

Allar nánari upplýsingar um mótið, bein lýsing, úrslit og fleira má sjá á vef mótsins.

 Dómaranámskeið verður haldið miðvikudaginn 25. nóvember kl. 18:00 í Keilusalnum á Akranesi. Það er von okkar að sem flestir geti mætt.

Um helgina lauk Norðurlandamóti ungmenna í keilu en keppt var í Noregi. Arnar Davíð Jónsson KFR varð efstur í samnlögðu (All Events) á mótinu með 224,4 í meðaltal en þar eru tekin saman úrslit úr öllum keppnum mótsins. Sigraði hann þar m.a.  Svíann Jesper Svensson sem er í 5. sæti á Evróputúrnum í ár.

Eins og fram hefur komið náði Arnar Davíð stórglæsilegum árangri á mótinu en hann spilaði m.a. 300 leik og varð í öðru sæti í einstaklingskeppninni. Er þetta einn besti árangur sem íslenskur keilari hefur náð á Norðurlandamóti.

Vel gert Arnar Davíð.

Allar nánari upplýsingar um mótið og úrslit má finna á vef mótsins.

Núna í dag hófst í Las Vegas AMF World Cup mótið en þar keppa AMF meistarar karla og kvenna frá hátt í 100 þjóðum. Fyrir Íslands hönd keppa systkynin Hafþór Harðarson ÍR og Alda Harðardóttir KFR. 

Byrjað var að leika í dag og voru fyrstu 8 leikirnir spilaðir. Hafþór stendur í 34. sæti með 198 í meðaltal en systir hans hún Alda er í 51. sæti með 173 í meðalta.

Fylgjast má með mótinu á vef mótsins.

Gústaf Smári í KFR Stormsveitinni skellti í einn 300 leik í Pepsí mótinu í Egilshöll í kvöld.  Tók hann 300 strax í fyrsta leik af fjórum og spilaði samtals um 960 eða 240 í meðaltal. Óskum Gústafi til hamingju með leikinn.

Arnar Davíð Jónsson KFR varð í 2. sæti í einstaklingskeppninni á Norðurlandamótinu í keilu sem fram fer í Noregi þessa dagana. Arnar Davíð spilaði 1.371 í sex leikjum sem gera 228,5 í meðaltal. Andri Freyr endaði í 6. sæti og þeir Einar og Guðlaugur í 14. – 15. sæti. Glæsilegur árangur hjá Arnari Davíð.

Uppfært!

Arnar Davíð gerði sér síðan lítið fyrir og henti í einn 300 leik í liðakeppninni. Tók hann þann leik í öðrum leik liðsins. Samtals spilaði hann 213 – 300 – 204 = 717

Úrslit urðu annars sem hér segir:

Arnar Davíð 209-221-256-223-203-259 – 1371

Andri Freyr 178-188-198-201-231-253 – 1249

Einar S 172-191-191-204-187-190 – 1135

Guðlaugur 200-175-176-173-209-178 – 1111

Katrín 127-183-162-184-153-172 –  981

Hafdís 180-169-130-178-170-150 –  977

Nánari upplýsingar á vef mótsins.

Í dag hefst Norðurlandamót Ungmenna (Nordic Youth Cup) í Hönefoss í Noregi. Þátttakendur fyrir íslands hönd eru: 

Piltaflokkur: 

• Andri Freyr Jónsson
• Arnar Davíð Jónsson 
• Einar Sigurður Sigurðsson 
• Guðlaugur Valgeirsson 

Stúlknaflokkur: 

• Hafdís Pála Jónasdóttir 
• Katrín Fjóla Bragadóttir

Með liðinu eru Thedóra Ólafsdóttir, þjálfari og Sesselja Unnur Vilhjálmsdótir, fararstjóri og aðstoð.

Í dag er mæting í mót og fyrstu æfingar. Keppni hefst á morgun í einstaklings- og fyrri hluta liðakeppni. Á föstudag er síðan seinni hluta liðakeppninnar og síðan tvímenningur. Á laugardag er “masters” keppni en þar keppa átta efstu einstaklingarnir og síðan eru úrslit í framhaldinu. 

Hægt verður að fylgjast með mótinu (livescoring) hér.

Úrslit úr mótinu má finna hér.

Óskum keppendum góðs gengis.

Dómaranámskeið verður haldið fimmtudaginn 5. nóv. kl. 18:00 í húsnæði ÍSÍ sal D.  Það er von okkar að sem flestir geti mætt bæði til að öðlast dómararéttindi og eins til að rifja upp og endurnýja sín réttindi.

Dómarar með réttindi

Gátlisti fyrir dómara