Íslandsmót Öldunga 2019 verður haldið í Egilshöll 9 – 12.mars
Skráning er hér og lokar fyrir skráningu fimmtudaginn 7.mars kl 18:00

Reglugerð fyrir mótið má finna hér

 Íslandsmót öldunga (50 ára og eldri)

Til að hafa þátttökurétt í Íslandsmóti öldunga þarf þátttakandi að ná 50 ára aldri á því 
almanaksári sem mótið er haldið.

9 ,10 og 11 mars Forkeppni (4 leikir hvern dag)

12 mars undanúrslit og úrslit

Verð í forkeppni 13.000kr
Undanúrslit 5500kr

Nú verður ekki posi á staðnum. 
Hægt verður að greiða með Pening á staðnum eða að leggja inn á reikning hjá KLÍ 
og senda staðfestingu á greiðslu á motanefnd@kli.is eða koma með útprentun á kvittun í mótið

Keilusamband Íslands,KLÍ
Kennitala 460792-2159
0115-26-010520

Olíuburður:
WB Athens
 

Forkeppni

Allir keppendur leika 12 leiki, 
4 leiki í senn, bæði kyn spila í blönduðum hóp ef þátttaka leyfir. 
Skorið úr forkeppninni fylgir í undanúrslit og keppa 6 efstu karlar og 6 efstu konur.

Undanúrslit

Allir keppa við alla, einfalda umferð.

Á stigin fyrir leikina bætast bónusstig þannig:

Fyrir sigur í leik fást 20 bónusstig

fyrir jafntefli í leik fást 10 bónusstig

Að loknum þessum leikjum fara 2 efstu keppendurnir í úrslit.

Úrslit

Spiluð eru úrslit milli tveggja efstu manna/kvenna, sá/sú sem er efst að stigum fyrir úrslit

nægir að vinna tvær viðureignir (2 stig) en annað sætið þarf að vinna þrjár (3 stig). Jafnteflis

viðureignir skal útkljá með því að báðir leikmenn kasta einu kasti og sá sem fellir fleiri keilur

sigrar. Ef enn er jafnt skal endurtaka þetta þar til úrslit liggja fyrir. Ef jafnt er í síðasta leik

skal hver leikmaður kasta einu kasti. Ef enn er jafnt skal kasta öðru kasti og halda þannig

áfram þar til úrslit liggja fyrir. Sigurvegarinn fær titilinn Íslandsmeistari öldunga.

Ef ekki er næg þátttaka í flokki getur Mótanefnd fellt flokkinn niður.
Miðað er við lámark 9 í flokk til að hann sé ekki feldur niður, ef ekki næst lámark í báða flokka að þá er spilað í blönduðum flokk

Þær fréttir voru að berast að Kim Thorsgard Jense sem verið hefur varaforseti stjórnar ETBF sé látinn en hann varð bráðkvaddur á heimili sínu. Kim var mörgum íslenskum keilurum vel kunnugur og hefur komið hingað til lands m.a. á Evrópumót landsmeistara sem haldið var hér haustið 2014.

Keilusambandið sendir fjölskyldu hans, félögum og vinum úr keilunni samúðarkveðjur sínar.

Kim er hér lengst til vinstri á mynd við setningarathöfn ECC 2014 í Keiluhöllinni Egilshöll.

Guðjón Gunnarsson og Ágústa K Jónsdóttir bæði úr ÍA urðu í gærkvöldi Íslandsmeistarar einstaklinga 2019 með forgjöf en mótinu lauk með undanúrslitum og úrslitum í bæði karla og kvennaflokki. Í öðru sæti í karlaflokki varð Sigurður B Bjarkason ÍR. Í öðru sæti í kvennaflokki varð Geirdís H Kristjánsdóttir ÍR og í þriðju sætunum urðu þau Svavar Þór Einarsson ÍR og Jóna Gunnarsdóttir KFR.

Í kvöld léku 12 efstu konur og karlar í milliriðli á Íslandsmóti einstaklinga með forgjöf. Efstu 6 keilarar halda svo áfram á morgun inn í sjálf úrslitin en mótinu lýkur annaðkvöld. Efstu keilarar eru þessir:

Karlar

Um helgina var forkeppni á Íslandsmóti einstaklinga með forgjöf leikin. Efst eftir forkeppnina eru ÍR ingarnir Svavar Þór Einarsson og Geirdís Hanna Kristjánsdóttir. Efstu 12 leika í milliriðli sem hefst annaðkvöld í Keiluhöllinni Egilshöll en úrslit ráðast svo á þriðjudaginn.

Í efstu þrem sætum karla eru:

Stjórn KLÍ barst erindi frá liði vegna framkvæmdar á bráðabana í 16. leiða úrslitum Bikarkeppni KLÍ 2019. Málið varðar að framkvæmd bráðabana var ekki skv. gildandi reglugerð sem samþykkt var á Ársþingi KLÍ 2018. Leikirnir fóru fram 10. desember 2018. Reglugerð á vef sambandsins á umræddum tíma var eldri útgáfa hennar.

Stjórn KLÍ harmar það að reglugerð KLÍ um Bikarkeppni liða hafi ekki verið uppfærð á vefnum. Þó má geta þess að þessi reglugerðarbreyting var fyrst lögð fram á formannafundi KLÍ fyrir Ársþing KLÍ 2018 og var breytingunni vísað til þings. Þar var hún rædd og samþykkt af fulltrúum allra aðildarfélaga KLÍ. Frétt var sett á vefinn daginn eftir þing með vísun í þinggerð þar sem þessi breyting kemur fram. Reglugerðin er því í gildi.

Skv. reglugerðum KLÍ er kærufrestur vegna viðureigna eða atvika 7 dagar. Sá frestur er liðinn. Stjórn KLÍ getur ekki tekið þá sjálfstæðu ákvörðun án heimildar laga- og eða reglugerða að ógilda úrslit leikja vegna atvika sem þessa. Benda má á dóm Dómstóls ÍSÍ nr. 3/2018 sem tekur af allan vafa um að stjórn KLÍ geti tekið ákvarðanir í svona málum þar sem KLÍ hefur ekki sinn eigin dómstól.

Fh. stjórnar KLÍ

Jóhann Ág. Jóhannsson

Formaður

Keilusamband Íslands er að fara af stað með Afrekshóp öldunga til að taka þátt í HM öldunga sem fram fer í september n.k. sem og EM öldunga sem fer fram í janúar 2020.

Í gær var keppt bæði í tvímenningi og liðakeppni á vináttuleikunum í Katar en þar eru ungmennalandslið Íslands með í mótinu. Hjá stúlkum sigruðu Finnar örugglega en þær  Míla Nevaleainen og Peppi Konsteri náðu 2.402. Finnar áttu líka 2. sætið með þeim Reeta Neuvonen og Piitu Viilanen sem spiluð 2.306 seríu. Okkar stúlkur Helga og Elva enduðu í 9. Sæti með 1810 og þær Sara og Hafdís í því 12. með 1743 pinna.

Hjá piltunum þá sigruðu Finnar einnig þeir Onni Riikonen og Otso Kahila spiluðu frábærlega 2945 pinna. Í öðru sæti voru Noregur Eririk Bjornstad Skoglund og Verle Vållbekken með 2646 pinna og í því 3. Voru síðan Perú með þeim Yum Ishikawa og Dai Yuzuiha með 2592 pinna.

Ungmennalandslið okkar er þessa dagana að keppa á boðsmóti í Doha Qatar en liðinu hefur verið boðin þátttaka undanfarin ár. Alls eru 4 dregnir og 4 stúlkur í liði okkar auk þjálfara, fararstjóra og aðstoðarfólks. Í gær var spiluð einstaklingskeppni og stóð Steindór Máni Björnsson úr ÍR upp úr en hann var í 12. sæti af 35 með 1.216 seríu. Helga Ósk Freysdóttir úr KFR stóð sig best af stúlkunum en hún var með 952 seríu sem skilaði henni í 13. sæti. Finnsku strákarnir eru í efstu þrem sætunum en norska stúlkan Jenny Mathiesen er efst í keppninni.  

 Þau sem skipa lið Íslands eru:

Piltar

• Steindór Máni Björnsson ÍR
• Jóann Ársæll Atlason ÍA
• Guðbjörn Joshua Guðjónsson KFR
• Hinrik Óli Gunnarsson ÍR

Stúlkur

• Helga Ósk Freysdóttir KFR
• Sara Bryndís Sverrisdóttir ÍR
• Hafdís Eva Laufdal Pétursdóttir ÍR
• Elva Rós Hannesdóttir ÍR

Þjálfarar eru

• Guðmundur Sigurðsson
• Theódóra Ólafsdóttir

Nánari upplýsingar um mótið má finna á vefsíðu þess.

Aðalfundur KFR verður haldinn fimmtudaginn 28. mars kl 19:00 í íþróttamiðstöðinni í Laugardal.

Dagskrá aðalfundar:

1. Skýrsla stjórna
2. Endurskoðaðir reikningar lagðir fram til samþykktar
3. Stjórnarkosning
4. Kosning endurskoðenda
5. Kosning fulltrúa og varafulltrúa í þau samtök sem félagið er aðili að
6. Ákvörðun félagsgjalda
7. KFR Keilari ársins kvenna og karla
8. Ungmenni og unglingar KFR
9. Önnur mál

Þeir sem hafið áhuga á að bjóða sig fram í stjórn og eða sem fulltrúi KFR í samtök sem við erum aðilar að, eru beðnir um að láta vita af sér með því að hafa samband eða senda póst á [email protected]

Stjórn félagsins hvetur félagsmenn til þess að taka frá kvöldið og mæta á fundinn.