Jólamót Nettó og ÍR kláraðist í gær, en alls tóku yfir 50 manns þátt í mótinu, en keppt var í fimm flokkum.  Hæstu seríu mótsins átti Davíð Guðnason úr KR, 629, en hann sigraði A flokkinn.  Næstur var sigurvegari *-flokksins, Guðmundur Sigurðsson úr KFA, með 623.

• Lokastaða og skor allra keppenda

Í morgun hófst Jólamót Nettó og ÍR, en keppt er í fimm flokkum, og eru glæsileg verðlaun fyrir efstu sæti í hverjum flokki.  Þátttaka var góð í morgun, en keppni heldur áfram í fyrramálið.

• Staðan eftir fyrri leikdag
• Auglýsing með nánari upplýsingum

Hér fylgja úrslit leikja frá því á þriðjudag.

Vegna misskilnings voru skorblöð póstsett til KLÍ, en vegna veður hefur póstur ekki verið borinn út í dag og er því væntanlegt á morgun, laugardag.

Keilusamband Íslands auglýstir eftir öflugum einstaklingi í starf framkvæmdastjóra.  Um er að ræða hálft starf.

Starfssvið

• Daglegur rekstur skrifstofu
• Uppfærsla á vef Keilusambandsins
• Ýmis verkefni í tengslum við landslið
• Undirbúningur móta og úrvinnsla, þar á meðal skráning á skori
• Samskipti við fjölmiðla
• Önnur tilfallandi verkefni

Hæfniskröfur

• Frumkvæði og sjálfstæð vinnubrögð
• Góð tölvukunnátta
• Reynsla af starfi innan íþróttahreyfingarinnar kostur
• Góðir samskiptahæfileikar

Nánari upplýsingar veitir Þórhallur Hálfdánarson, formaður KLÍ, í síma 899-3654 eða tölvupósti, [email protected].

Umsóknir ásamt ferilskrá berist á netfangið [email protected]

Hér á vefnum undir Tölfræði og Leikmenn hefur mátt fletta upp leikmönnum og fá yfirlit yfir þróun meðaltals og hæstu leiki sem skráðir eru.

Nú hefur meiri upplýsingum verið bætt við þessa síðu, þannig að sjá má á grafi þróun meðaltals leikmannas undanfarið ár.  Þá hefur einnig verið bætt við yfirliti yfir þá leiki skráðir hafa verið og meðaltalið er reiknað út frá.  Með því að skoða það má þannig sjá hvaða mót hafa verið skráð til meðaltals.

Heildaryfirlit má sem áður nálgast undir Tölfræði og meðaltal, og þar má einnig lesa nánar um hvernig meðaltal er reiknað.

Við vonum að þetta sé kærkomin viðbót við meðaltalið, og hvetjum við alla til að senda inn ábendingar eða athugasemdir, hvort sem er um framsetninguna eða þau gögn sem skráð hafa verið, annað hvort með pósti á netfangið kli (hjá) kli.is eða með því að nota formið undir Upplýsingar og Fyrirspurnir.

Nú er komin inn úrslit úr 3. umferð Deildarbikars, en hún var leikin s.l. þriðjudag.

ÍR-PLS og ÍR-KLS halda toppsætunum í sínum riðlum eftir umferðina.  KR-A færðist hinsvegar upp í 2. sætið í riðli A á kostnað ÍR-L og það sama var uppi á tengingnum í B riðli þar sem ÍR-TT færðist uppfyrir KR-B.

Stöðuna og skor leikmanna má sjá undir Mót og Deildarbikar liða.

Um næstu helgi, dagana 15. og 16. desember, verður Jólamót Nettó haldið.

Keppt verður í einstaklingskeppni í fimm flokkum og spilaðir 3 leikir. Hver keppandi getur spilað aftur 3 leiki ef hann vill (eins oft og hann vill) og gildir þá sú sería (3 leikir) sem er best, ekki verður spilað til úrslita.

Nánari upplýsingar um keppnisfyrirkomulag og leiktíma má sjá í auglýsingu.

Skráning fer fram hjá Reyni í síma 825-1213 og netfanginu [email protected]

Keiludeild ÍR

Nú hefur loksins verið gefið út nýtt meðaltal eftir bið frá í vor.  Meðaltalið má nálgast undir Tölfræði og Meðaltal.

Nú er um að gera að fara að líta í kringum sig og leita að spilara til að taka þátt með í Íslandsmóti para.  Forkeppnin fer fram laugardaginn 19. janúar 2008 kl. 09:00.  Milliriðillinn fer fram sunnudaginn 20. janúar kl. 09:00 og verða úrslitin í framhaldi af þeim.

Núverandi íslandsmeistarar para eru Magna Ýr Hjáltýsdóttir og Róbert Dan Sigurðsson,  ætli þau stefni að því að verja titilinn?  Nánari upplýsingar um mótið ásamt hvar og hvenær skuli vera búið að skrá sig verður tilkynnt síðar.

Landsliðin æfa núna um helgina á laugardag og sunnudag. Á milli kl. 09.00 – 12.00 notar landsliðið bara 6 brautir, þannig að það verða 8 brautir lausar fyrir almenna keilara sem vilja og þurfa að æfa sig.