Í dag fór fram keppni í tvímenningi stúlkna á Evrópumóti unglinga. Katrín Fjóla Bragadóttir og Jóhanna Ósk Guðjónsdóttir hófu keppni í fysta holli dagsins kl. 9:00 að staðartíma. Þær höfnuðu í 23. sæti af 26 tvímenningum sem tóku þátt í keppninni og voru báðar að spila töluvert yfir sínu meðaltali.

Leikir Katrínar Fjólu voru 192, 167, 204, 189, 174 og 171, samtals 1097, eða 182,8 að meðaltali. Katrín Fjóla var að bæta sína bestu seríu á Evrópumótinu um 2 pinna. Leikir Jóhönnu voru 168, 170, 200, 145, 116 og 159, samtals 958, eða 159,7 að meðaltali. Leikir tvímenningsins voru 360,  337, 404, 334, 290, 330, eða samtals 2055, eða 171,2 að meðaltali. Jóhanna var að bæta sinn persónulega árangur í 2, 3, 4, 5 og 6 leikjum og var aðeins 2 pinnum frá því að bæta sinn hæsta leik og verður það að teljast gott á fyrsta keppnisdegi á fyrsta móti.

Natalía G Jónsdóttir spilaði síðan með austurrískri stúlku í seinna holli dagsins. Leikir hennar voru 125, 225, 142, 146, 161 og 108, samtals 907 eða 151,2 að meðaltali. Natalía setti einnig persónulegt met þegar hún spilaði 225 og þykir það gott skor á þessu móti.

Katrín Fjóla Bragadóttir er nú í 35. sæti í einstaklingskeppnninni All Event, Jóhanna Ósk Guðjónsdóttir er í 55. sæti og Natalía G. Jónsdóttir er í 57. sæti, en alls eru 61 keppandi í stúlknaflokki.

Svíþjóð 1 var sigurvegari í tvímenningi stúlkna en þær sigruðu lið Englands nokkuð örugglega í úrslitaleiknum. Lið Svíþjóð 1 Emelie Tiveljung, 241, Filippa Persson, 202, samtals 443. England 2, Keira Reay, 177, Emily Allen, 199, samtals 376

Fylgist með keppninni á heimasíðu mótsins og Facebook síðunni

Árshátíð Keilusambands Íslands verður haldin í Rúbín í Öskjuhlíð laugardaginn 3. maí n.k. og opnar húsið kl. 19:00. Sama dag fer fram síðasta umferðin í öllum deildum á Íslandsmóti liða og er þetta því tilvalið tækifæri til að fagna lokum tímabilsins og gleðjast saman áður en úrslitakeppnin tekur við. Boðið verður uppá fordrykk, glæsilegt hlaðborð og veitt verðlaun fyrir afrek vetrarins. Kvennalandsliðið verður með sitt stórkostlega happdrætti. Miðaverð er kr. 6.500 og miðapantanir eru hjá Lindu, [email protected], sími 694 5032 og Dóru [email protected], sími 661 9585. Sjá nánar í auglýsingu.  

Nýkrýndur fyrsti Íslandsmeistari öldunga 50 ára og eldri 2014 er Linda Hrönn Magnúsdóttir ÍR, í 2. sæti varð Ragna Matthíasdóttir KFR og í 3. sæti varð Davíð Löve KR.

Linda Hrönn var í efsta sæti frá fyrrri degi forkeppninnar og hélt öruggri forystu alla keppnina í undanúrslitinum, vann 5 leiki af 7 og endaði með 206 stig á næsta keppanda. Hins vegar var mjög spennandi keppni öll undanúrslitin um 2. sætið og hver kæmist í úrslitaleikinn á móti Lindu Hrönn. Keppendur skiptust á sætum eftir hvern leik, mikið var um spennandi leiki og ómögulegt var að sjá fyrirfram hver næði sætinu. Að lokum þá varð það hlutskipti Rögnu eftir stórglæsilegan lokaleik upp á 215 sem tryggði hana inn í úrslitaleikinn með 16 pinna forskot á Davíð.

Úrslitin voru einnig spennandi. Lindu Hrönn nægði að vinna 2 stig, en Ragna þurfti að vinna 3 stig til að tryggja sér titilinn. Ragna byrjaði á því að vinna fyrsta leikinn 167 – 148. Linda Hrönn vann anna leikinn 190 – 163. Þriðji leikurinn var spennandi og Linda Hrönn virtist vera búin að vinna þegar Ragna felldi út og tryggði sér jafntefli 175 -175. Linda Hrönn vann síðan fjórað leikinn með 181 – 165, og samtals 694 – 670 eða 2,5 stig gegn 1,5 stigi Rögnu.

Aðra leiki má sjá í þessu skjali og stöðuna eftir undanúrslit og úrslit HÉR.

Þá er fyrsta degi á Evrópumóti unglinga lokið og spiluðu strákarnir tvímenning.  Íslensku tvímenningarnir enduðu í 32 og 35 sæti og var skorið eftirfarandi:

Ísland 2, Aron Fannar Benteinsson og Guðmundur Ingi Jónsson enduðu í 32. sæti. Leikir Arons voru 180, 236, 187, 187, 160 og 137, samtals 1087 eða  181,2 að meðaltali. Leikir Guðmundar Inga voru 213,  199, 223, 161, 171, 138, samtals 1105 eða 184,2 að meðaltali. Leikir liðsins voru 393, 435,  410,  348,  331, 275, samtals  2192 eða 182,7 að meðaltali.

Ísland 1, Andri Freyr Jónsson og Hlynur Örn Ómarsson urðu í 35. sæti. Leikir Andra voru 255,  201, 157, 175,  207 og 162, samtals 1157 eða 192,8 að meðaltali og er það vel yfir hans meðaltali og setti hann persónulegt met í tveimur leikjum. Leikir Hlyns voru 157, 160, 155, 178, 195 og 151, samtals 996 eða 166 að meðaltali. Leikir liðsins voru 412, 361, 312, 353, 402 og 313, samtals  2153 eða 179,4 að meðaltali.

Andri Freyr Jónsson er nú efstur af íslensku strákunum í 37. sæti, Guðmundur Ingi Jónsson er í 55. sæti, Aron Fannar Benteinsson er í 63. sæti og Hlynur Örn Ómarsson er í 81. sæti. Alls keppa 98 keppendur í piltaflokki.

Í piltaflokki voru það finnsku tvímenningarnir sem kepptu sín á milli um fyrsta sæti og lauk leiknum með aðeins 14 pinna mun. Í 1. sæti voru Finland 2, Henry Laine, 238 og Tatu Lehtonen, 221, samtals 459. En í 2. sæti Finland 1, Lauri Sipilä, 239, Tomas Käyhkö, 206, samtals 445.

Fylgist með keppninni á heimasíðu mótsins og Facebook síðunni

Páskamót ÍR 2014 verður haldið í Egilshöllinni laugardaginn 19. apríl og hefst keppni kl. 10:00. Skipt verður í 4 flokka eftir meðaltali og spilaðir 3 leikir. Veitt verða verðlaun frá Nóa-Síríus fyrir efstu sætin í hverjum flokki og er verðið kr. 2.500. Skráning er á netinu og lýkur föstudaginn langa 18. apríl kl. 20:00. Sjá nánar í auglýsingu og á heimasíðu Keiludeildar ÍR.

Eins og flestir vita hófst keilan á Íslandi 1985 í Öskjuhlíðinni. Enn þann dag í dag eru spilarar að spila sem byrjuðu þá og eins og gengur og gerist hafa margir, allt of margir, hætt á þessum tíma.

Nú er kominn tími til að ná þessum hóp saman aftur og halda mót þar sem öll þessi elíta mætir á svæðið. Auðvitað er mótið opið öllum, líka þeim sem hófu keppni á þessari öld.
Mótið verður fimmtudaginn 8. maí í Keiluhöllinni Öskjuhlíð og hefst kl. 19. Skráningargjald er kr. 3.500. Spilaðir verða þrír leikir í aldursflokkum þar sem miðað er við fæðingarár.

30 ára og yngri
31 – 40 ára
41 – 50 ára
51 – 60 ára
61 og eldri.

Skráning fer fram á Facebooksíðu hópsins sem er https://www.facebook.com/groups/keiluelitan/ eða með tölvupósti á [email protected]  Skráningu líkur þegar mótið hefst.

Vonandi sjá allir keilarar sér fært að mæta í mótið og þá sérstaklega þeir sem byrjuðu á þessum tíma hvort sem þeir eru enn að eða eru hættir. Þeir sem sjá þessa auglýsingur eru einnig hvattir til þess að láta gamal vini og kunningja úr keilunni vita, láta orðið berast.

Þá er forkeppninni lokið á Íslandsmóti öldunga 2014 og urðu breytingar á röð efstu 8. Efst eins og í gær er Linda Magnúsdóttir með 2376 og 198 að meðaltali í 12 leikjum. Í 2. sæti með hærri síðasta leik er Davíð Löve með 2.217 og 184,75 í meðaltal, eins og Valgeir Guðbjartsson sem er í 3. sæti. Staða og leikir HÉR. 

Undanúrslitin fara fram mánudaginn 14. apríl og hefst keppni kl. 19:00. Í undanúrslitunum keppa allir við alla 7 leiki og að því loknu keppa tveir efstu keppendurnir til úrslita. Leikjaröð mánudagsins fyrir allir við alla HÉR.

Nú er fyrri degi forkeppninnar í þessu fyrsta Íslandsmóti öldunga lokið og er óhætt að segja að vel hafi tekist til og að leikgleðin og ánægjan hafi verið við völd í Öskjuhlíðinni í morgun. Þrátt fyrir smávægilegar tafir í upphafi og villu í mótaforriti eftir annan leik, tókst að ljúka 6 leikjum fyrir hádegi og er enginn hægagangur á öldungunum okkar.

23 keppendur skráðu sig til leiks, þar af aðeins 6 konur og er því keppt í opnum flokki þar sem konur fá 8 pinna í forgjöf. Efst eftir daginn eru Linda H. Magnúsdóttir ÍR með 1172, Davíð Löve með KR 1130 og Guðný Gunnarsdóttir ÍR með 1099.

Sjá stöðu og leiki HÉR.

Síðasti leikurinn í undanúrslitum Bikarkeppni liða fer fram á morgun föstudaginn 11. apríl þegar ÍA tekur á móti KFR-Lærlingum í Keilusalnum á Skaganum. Þá ræðst hverjir mæta ÍR-KLS í úrslitaleiknum sem fer fram í Keiluhöllinni í Egilshöll miðvikudaginn 23. apríl kl. 19:00.

Í kvennaflokki eru bikarmeistararnir KFR-Valkyrjur búnar að tryggja sér sæti í úrslitunum á móti ÍR-Buff, en þær lögðu KFR-Afturgöngurnar í 3 – 0 í undanúrslitunum.

Keilusamband Íslands hefur gengið frá samningum við þjálfara karla-, kvenna- og ungmennalandsliðanna. Samningarnir eru allir til tveggja ára. Arnar Sæbergsson hefur verið ráðinn þjálfari karlalandsliðsins, Theódóra Ólafsdóttir þjálfari kvennalandsliðsins og Guðmundur Sigurðsson þjálfari ungmennalandsliðsins.

Í nýrri afreksstefnu KLÍ er horft til þess að vera með keilara í fremstu röð í Evrópu innan 10 ára. Þessar ráðningar eru hluti af því að byggja upp til framtíðar og stíga fyrstu skrefin í þeirri vinnu sem framundan er í átt að þeim markmiðum sem afreksstefnan segir til um.
 

Evrópumót unglinga í keilu, 18 ára og yngri fer fram í Odense í Danmörku dagana 11. – 21. apríl n.k. Keppendur sem taka þátt í mótinu fyrir Íslands hönd eru talið frá vinstri Aron Fannar Benteinsson ÍA, Natalía G. Jónsdóttir ÍA, Andri Freyr Jónsson KFR, Jóhanna Guðjónsdóttir ÍA, Guðmundur Ingi Jónsson ÍR, Katrín Fjóla Bragadóttir ÍR og Hlynur Örn Ómarsson ÍR. Þjálfari er Guðmundur Sigurðsson og fararstjóri og aðstoðarþjálfari er Jónína Björg Magnúsdóttir.

Alls keppa 98 piltar og 61 stúlka á mótinu. Fylgist með keppninni á heimasíðu mótsins og Facebook síðunni

Keppni á mótinu hefst mánudaginn 14. apríl með keppni í tvímenningi pilta. Andri Freyr Jónsson og Hlynur Örn Ómarsson hefja leik kl. 13:15 að staðartíma, eða kl. 11:15 að íslenskum tíma. Guðmundur Ingi Jónsson og Aron Fannar Benteinsson hefja leik kl. 17:30 að staðartíma eða kl. 15:30 að íslenskum tíma.að íslenskum tíma.

Keppni í tvímenningi stúlkna hefst svo þriðjudaginn 15. apríl og byrja Katrín Fjóla og Jóhanna Guðjónsdóttir að keppa kl. 9:00 að staðartíma eða kl. 7:00 að íslenskum tíma. Natalía G. Jónsdóttir byrjar svo að keppa kl. 13:15 að staðartíma eða kl. 11:15 að íslenskum tíma.

Liðakeppnin hefst miðvikudaginn 16. apríl og spilar íslenska piltaliðið í holli 1 sem hefur keppni kl. 9:00 að staðartíma eða kl. 7:00 að íslenskum tíma. Stúlkurnar hefja síðan keppni kl. 13:15 að staðartíma eða kl. 11:15 að íslenskum tíma. Seinni hluti liðakeppninnar fer fram fimmtudaginn 17. apríl og hefja íslensku keppendurnir keppni kl. 9:00 að staðartíma eða kl. 07:00 að íslenskum tíma.

Föstudaginn 18. apríl fer fram einstaklingskeppni pilta og spila Hlynur Örn Ómarsson og Guðmundur Ingi Jónsson í holli 1 sem hefur keppni kl. 9:00 að staðartíma, eða kl. 7:00 að íslenskum tíma. Andri Freyr Jónsson og Aron Fannar Benteinsson spila í holli 2 sem hefur keppni kl. 13:15 að staðartíma, eða kl. 11:15 að íslenskum tíma.

Einstaklingskeppni stúlkna fer fram laugardaginn 19. apríl. Katrín Fjóla Bragadóttir spilar með holli 1 sem hefur keppni kl. 9:00 að staðartíma, eða kl. 7:00 að íslenskum tíma. Jóhanna Ósk Guðjónsdóttir og Natalía G. Jónsdóttir spila í holli 2 sem hefur keppni kl. 13:15 að staðartíma, eða kl. 11:15 að íslenskum tíma.

Úrslit einstaklingskeppninnar All-Event fer fram laugardaginn 20. apríl