Mikael Aron í Masterinn – Einstaklingskeppni stráka lokið – EYC dagur 5

apríl 7, 2023
19:12

Í morgun, föstudag, hófst einstaklingskeppnin hjá strákunum og byrjuðu Tristan og Matthías kl. 9:00 að staðartíma. Þeir áttu lítinn möguleika á því að koma sér inn í masterinn en þeir kláruðu samt mótið á góðum nótum með flottri spilamennsku í gegnum alla 6 leikina. Tristan spilaði 1121 á meðan Matthías spilaði 1229. Ásgeir og Mikael spiluðu svo í seinni riðlinum kl. 13:15 að staðartíma og voru þeir báðir inni í master áður en leikar hófust og ef þeir spiluðu svipaða leiki og áður gætu báðir farið áfram. Það byrjaði ekki vel fyrir drengina en þeir náðu að rífa sig í gang og kláruðu vel. Því miður þá datt Ásgeir niður um nokkur sæti og náði ekki að komast inn í masterinn. Mikael hins vegar átti mjög góða leiki í síðustu þremur og náði að koma sér í masterinn fyrir sunnudaginn. Ásgeir átti seríu upp á 1108 og Mikki spilaði 1278. Enginn af strákunum náði að koma sér í úrslit í einstaklingskeppninni.

Skor úr einstakling stráka:

Einstaklingur	Leikur 1	Leikur 2	Leikur 3	Leikur 4	Leikur 5	Leikur 6	Samtals	Meðaltal
Ásgeir	161	181	163	189	204	210	1108	184,67	70.sæti
Matthías	185	176	246	223	200	199	1229	204,83	32.sæti
Mikki	184	214	193	234	233	220	1278	213,00	21.sæti
Tristan	187	173	221	156	213	171	1121	186,83	64.sæti

Þá hafa allir strákarnir nema Mikael lokið leik á Evrópumóti unglinga 2023 og var þetta mjög fínn árangur hjá þeim öllum. Tveir nýliðar voru í hópnum, þeir Ásgeir og Tristan og fengu þeir góða reynslu frá þessu móti.

Strákar	Einstaklingur	Tvímenningur	Liðakeppni	Samtals	Meðaltal	Sæti
Ásgeir Karl Gústafsson	1108	1284	1332	3724	206,89	31.sæti
Matthías Leó Sigurðsson	1229	1045	1131	3405	189,17	60.sæti
Mikael Aron Vilhelmsson	1278	1219	1316	3813	211,83	23.sæti
Tristan Máni Nínuson	1121	1085	1137	3343	185,72	65.sæti