Vegna komu Dariu Pajak hingað á RIG ætlar hún að vera með æfingabúðir upp á Skaga laugardaginn 5. febrúar. Þar sem afrekshópur kvenna gengur fyrir eru aðeins 3 pláss laus til almennrar skráningar. Æfingabúðirnar ganga þannig fyrir sig að hún tekur aðeins 3 inn í einu, einn á braut og verður samtals 90 mín með hvern hóp.
Æfingarnar verða settar upp þannig að hún fer yfir með hverjum og einum hver markmiðviðkomandi er, hvað viðkomandi vill fá út úr sínum leik, greining á kast stíl viðkomandi og þá tillögur til úrbóta.
Verð fyrir þetta er stillt í algjört hóf og er aðeins 10.000,- per keilara og er skráning í gegn um Sportabler. Eins og segir eru 3 pláss laus og er hefst tíminn hjá Dariu kl. 9:00 með upphitun kl. 8:45 og því þarf að drífa sig í að skrá sig og þá mæta tímalega.
