Skip to content

Heimsmeistaramóti öldunga í Las Vegas lokið

Share on facebook
Facebook
Share on twitter
Twitter

HM öldunga 50+ lauk í gærkvöldi að staðartíma í Las Vegas en þá var leikið til úrslita í Masters keppninni. Um síðastliðna helgi var leikið í liðakeppni þar sem íslensku keppendurnir léku annarsvegar með rússnesku keppendunum í karlaflokki en þeim ísraelsku í kvennaflokki.

Þórarinn Már Þorbjörnsson varð í 79. sæti af 159 sé tekið mið af meðaltali allra leikja einstaklinganna í keppninni með 191,06 í meðaltal. Guðmundur Sigurðsson varð í 118. sæti með 182,72 í meðaltal.

Guðný Gunnarsdóttir varð í 70. sæti af 101 keppendum í kvennaflokki með 172,94 í meðaltal og Linda Hrönn Magnúsdóttir varð í því 72. með 172, 67 í meðaltal.

Næst mót í flokki öldunga 50+ verður EM í Vín Austurríki í lok janúar á komandi ári.

Tore Torgersen frá Noregi varð efstur karla með 225,83 í meðaltal í öllum keppnum en Leanne Hulsenberg frá Bandaríkjunum varð efst kvenna með 215,67 í meðaltal.

Úrslit mótsins urðu þessi:

  • Einstaklingskeppni karla – Lennie Boresch Bandaríkjunum
  • Einstaklingskeppni kvenna – Yumiko Yoshida Japan
  • Tvímenningur karla – Lennie Boresch og Ron Mohr Bandaríkjunum
  • Tvímenningur kvenna – Leanne Hulsenberg og Tish Johnsson Bandaríkjunum
  • Liðakeppni karla – Lið Bandaríkjanna
  • Liðakeppni kvenna – Lið Bandaríkjanna
  • Masterskeppni karla (24 meðaltalshæðstu leikmenn mótsins) – Tomas Leandersson Svíþjóð
  • Masterskeppni kvenna – Leanne hulsenberg Bandaríkjunum

Lið Íslands á mótinu skipuðu þau:

  • Guðmundur Sigurðsson ÍA
  • Þórarinn Már Þorbjörnsson ÍR
  • Guðný Gunnarsdóttir ÍR
  • Linda Hrönn Magnúsdóttir ÍR

Þjálfari og fararstjóri var Jóhann Ágúst Jóhannsson

Allar upplýsingar um HM mótið má finna á vefsíðu mótsins.

Linda og Guðný með ísraelsku keppendunum í liðakeppninni

Guðmundur og Þórarinn með rússnesku keppendunum í liðakeppninni.

Nýjustu fréttirnar