Á laugardaginn áttust við á Skaganum lið ÍA og ÍR – PLS en það var frestaður leikur úr 2. umferð í 1. deil karla á Íslandsmóti liða. Róbert Dan Sigurðsson úr ÍR – PLS gerði sér lítið fyrir og skellti í einn 300 leik og er þetta fyrsti 300 leikurinn á Skaganum. Er þetta í þriðja sinn sem Róbert Dan nær 300 leik og í 39. skipti sem Íslendingur nær fullkomnum leik.
ÍR – PLS sigraði leikinn með 12 stigum gegn 2. Sjá má upplýsingar um stöðu leikja í deildum hér á vefnum.
Óskum Róberti til hamingju með leikinn og bíðum spennt eftir nýju skilti í Keiluhöllinni Egilshöll.
