Í dag náði Matthías Leó Sigurðsson nýju íslandsmeti.
Hann er nú búinn að færast upp um flokk og setti met í 6 leikjum í flokki 11-12 ára.
Fyrra met í 6 leikjum var 935 sem Andri Þór Halldórsson KFR átti og var það sett í Keilu í Mjódd 31. maí. 1997.
Núna rúmum 20 árum seinna náði Matthías Leó að bæta metið með 3 pinnum og náði 938 sem ekki réðist fyrr en í 10 ramma.
Óskum Matthíasi til hamingju með árangurinn.

Þar sem að bilun kom upp í olíuvél í Egilshöll í gær þurti að fresta leikjum.
Mótanefnd hefur fært leikina til 31.jan og er búið að uppfæra í dagskrá
Ef einhver lið geta ekki spilað þennan dag þá þarf að senda inn á
[email protected] og unnið verður úr því.

1.d karla 12.umferð

31.01.18  KR A – KFR Lærlingar (21-22)

13.02.18  ÍR PLS – KFR Þröstur (21-22)

21.02.18  ÍR KLS – Kfr Grænu Töffararnir (21-22)

1.d Kvenna 13.umferð

31.01.18   KFR Afturgöngur – ÍR Buff (17-18)
31.01.18   ÍR TT – KFR Valkyrjur Z (15-16)

13.02.18   KFR Valkyrjur – ÍR N  (19-20)

2.d Kvenna 13.umferð

31.01.18   ÍR KK – KFR Elding (19-20)

Íslandsmót einstaklinga 2018 með forgjöf
verður haldið dagana 24. til 27. Febrúar í Keiluhöllinni Egilshöll.

Olíuburður í mótinu er:    Middle Road – 39 fet 
http://patternlibrary.kegel.net/PatternLibraryPattern.aspx?ID=600

Forkeppni helgina 24 & 25 febrúar 2018

Spilaðir eru 8 leikir í tveimur 4 leikja blokkum.

Keppni byrjar kl. 10:00 laugardag og sunnudag.

Verð í forkeppni kr. 10.000,-

Nú verður ekki posi á staðnum. 
Hægt verður að greiða með Pening á staðnum eða að leggja inn á reikning hjá KLÍ 
og senda staðfestingu á greiðslu á motanefnd@kli.is eða koma með útprentun á kvittun í mótið

Keilusamband Íslands,KLÍ
Kennitala 460792-2159
0115-26-010520

12 efstu karlarnir og 12 efstu konurnar halda áfram í milliriðil.

Milliriðill mánudaginn 26.febrúar kl. 19:00

Spilaðir eru 4 leikir.

Verð í milliriðil kr. 5.500,-

Efstu 6 karlar og 6 konur halda áfram í undanúrslit.

Undanúrslit þriðjudaginn 27.febrúar kl. 19:00

Verð í undanúrslit kr. 5.500.

Undanúrslit:

Allir keppa við alla, einfalda umferð. 
Á stigin fyrir leikina bætast bónusstig þannig: 
Fyrir sigur í leik fást 20 bónusstig 
fyrir jafntefli í leik fást 10 bónusstig 
Að loknum þessum leikjum fara 2 efstu keppendurnir í úrslit.

Úrslit þriðjudaginn 27.febrúar á eftir undanúrslitum

Úrslit:

Spiluð eru úrslit milli þriggja efstu manna/kvenna sem leika allir einn leik á sama setti (fyrst annað kynið og síðan hitt) Allir leika einn leik og fellur úr leik sá sem hefur lægsta skorið.

Eftir eru tveir keppendur og leika þeir einn leik til úrslita og fær sigurvegarinn titilinn Íslandsmeistari einstaklinga. Sé einhversstaðar í úrslitum jafnir leikir sem verða til þess að ekki sé hægt að skera úr um hvort keppandi detti út eða vinni leik skal útkljá leikinn með því að leikmenn kasta einu kasti og sá vinnur sem fellir flestar keilur. Ef enn er jafnt skal endurtaka þetta þar til úrslit liggja fyrir.

Skráning fer aðeins fram á netinu og lýkur fimmtudaginn 22. febrúar klukkan 22:00.
 

Mótanefnd KLÍ

Nefndin áskilur sér rétt til breytinga ef þurfa þykir.

Frá 19.Janúar til 18.Febrúar fer fram Skagamaraþon í Keilusalnum á Akranesi
9 Leikir evrópskt
70% forgjöf upp að 210 miðað við meðaltal KLÍ (Mest 42)
Rástímar kl 18:00 föstudags- og laugardagskvöld (aðrir tímar koma einnig til greina ef minst 4 skrá sig)
Start 8000kr fyrir fyrsta og 6000kr fyrir annað og þriðja
1000kr Trygging (start fé til baka ef 9.leikur er sá hæsti)
1000kr pottur fyrir hæsta leik á braut
 

Skráning er á [email protected] 

21.spila til úrslita

A: 6 efstu með forgjöf úr undankeppni

B: Hæsta skor án forgjafar sem ekki tilheyrir A

C: Unglingur undir 18.ára sem ekki tilheyrir A

D: Efsta kona sem ekki tilheyrir A

E: 2 efstu sem keppa fyrir 4.feb sem ekki tilheyra A, B, C

F: Turbo ( Samanlagðir leikir 4 & 8) 

G: Næstu 9

18.febrúar:

kl 9:00  G: leika 3 leikiog fara 3 efstu áfram

kl:12:00 bætast B,C,D,E,F við og eru leiknir 3 leikir og fara 3 efstu áfram.

kl: 15:00 bætist A við og leika 3 leiki þar sem á eftir leika 6 efstu Round Robin og fylgir skorið.

Verðlaun:

1.sæti 125.000
2.sæti   60.000
3.sæti   30.000
4.sæti   15.000
5.sæti   10.000
6.sæti   10.000

Mótshaldari áskilur sér rétt til að lagfæra mótið ef einhver misskilningur verður

Nokkrir Íslendingar héldu í víking til Dublinar í Írlandi en þar fer fram Opna írska mótið sem er hluti af Evrópumótaröðinni í ár. Er þetta í 30. sinn sem opna írska fer fram. Keppnin hófst í gær en mótafyrirkomulagið er nokkuð klassískt og þarf að leika 6 leikja seríu í forkeppni. Hægt er að leika fleiri en eina seríu en aðeins 54 bestu seríurnar komast í úrslitakeppnina sem fer fram núna á sunnudaginn.

Þau sem fóru út eru:

• Bergþóra Rós Ólafsdóttir úr ÍR
• Jóhanna Ósk Guðjónsdóttir úr ÍR
• Árni Þór Finnsson úr Keilufélagi Reykjavíkur (KFR)
• Einar Már Björnsson úr ÍR
• Guðjón Júlíusson úr KFR
• Gústaf Smári Björnsson úr KFR
• Stefán Claessen úr ÍR

Einar Már úr ÍR lék best Íslendinga í gær en hann lék 1.275 seríu eða 212,5 í meðaltal. Stefán Claessen úr ÍR var í smá brasi í fyrstu þrem leikjunum en reif sig svo í gang og endaði með 1.205 seríu eða 200,8 í meðaltal og svo var Gústaf Smári KFR með 1.181 seríu eða 196,8 í meðaltal. Mótið heldur svo áfram í dag og hafa þau öll tækifæri til að færa sig ofar í töfluna.

Allar upplýsingar um mótið má finna á vefsíðu þess svo sem stöður og hlekki á beinar útsendingar á vefnum.

WOW RIG 2018 fer fram dagana 27. janúar til 4. febrúar næstkomandi í Keiluhöllinni Egilshöll. Mótið verður með sama sniði og í fyrra, leikin er forkeppni þar sem keppendur þurfa að skila 6 leikja seríu. 24 efstu keilara keppa svo úrslitadaginn sem fer fram sunnudaginn 4. febrúar.  Boðið verður upp á nokkra riðla í ár og er þá helsta breytingin að föstudaginn 2. febrúar verða tveir riðlar annarsvegar kl. 11 fyrir hádegi og svo kl. 14:30

Olíuburður í mótinu verður HIGH STREET 44 fet

Skráning í mótið fer fram á vefnum

Early Bird laugardaginn 27. janúar frá kl. 09 til 12 – Skráningu lýkur 26. janúar kl. 18 – Verð kr 5.000,-

1. riðill fimmtudaginn 1. febrúar frá kl. 17 til 20 – Skráningu lýkur 31. janúar kl. 20 – Verð kr 6.000,-

2. riðill föstudaginn 2. febrúar frá kl. 11 til 14 – Skráningu lýkur 1. febrúar kl. 18 – Verð kr 6.000,-

3. riðill föstudaginn 2. febrúar frá kl. 14:30 til 17:30 – Skráningu lýkur 1. febrúar kl. 18 Verð kr 6.000,-

4. riðill laugardaginn 3. febrúar frá kl. 09 til 12 – Skráningu lýkur 2. febrúar kl. 18 – Verð kr 6.000,-

Allar nánari upplýsingar um mótið á vef ÍR Keila.

 Að venju koma erlendir gestir á mótið. Þar má helst nefna Mattias Wetterberg sem sigraði ECC 2017 og því ríkjandi Evrópumeistari einstaklinga. Einnig kemur Jesper Agerbo frá Danmörk en hann átti heldur betur gott ár 2016 og vann þá Masters keppnina á HM, nánar á vef ÍR.

Keilusamband Íslands óskar öllum keilurum sem og öðrum landsmönnum nær og fjær gleðilegs árs og þakkar fyrir árið sem er að líða. Megi næsta ár verða okkur öllum gæfuríkt í keilu sem og öðru sem við tökum okkur fyrir hendur. 

Samtök íþróttafréttamanna völdu í kvöld Íþróttamann ársins 2017. 

Fyrir valinu varð Ólafía Þórunn Kristinsdóttir kylfingur.
Á sama tíma voru veitt verðlaun til íþróttamanna sérsambanda ÍSÍ. Dagný Edda Þórisdóttir tók þar á móti verðlaunum sem kvennkeilari ársins 2017 en Jón Ingi Ragnarsson karlkeilari ársins 2017 var ekki viðstaddur þar sem hann er búsettur í Svíþjóð. Theódóra Ólafsdóttir íþróttastjóri KLÍ tók við verðlaununum fyrir hans hönd.
Keilusamband Íslands óskar öllum verðlaunahöfum kvöldsins til hamingju og þá sérstaklega keilurum ársins þeim Dagný og Jóni Inga  og svo Ólafíu Þórunni með verðskuldaða nafnbót.

Stjórn KLÍ hefur valið keilara ársins. Keilarar ársins 2017 eru Jón Ingi Ragnarsson og Dagný Edda Þórisdóttir. 

Dagný Edda Þórisdóttir KFR

Helstu afrek Dagnýar á árinu 2017 eru þau að hún varð Reykjavíkurmeistari einstaklinga og fór fyrir liði sínu KFR-Valkyrjum sem varð Íslandsmeistari. Dagný tók þátt í sýningarmóti fyrir Smáþjóðarleikana í San Marino með góðum árangri ásamt því að ná góðum árangri á Reykjavík International Games og einnig AMF mótaröðinni hér heima. Dagný lék með landsliði Íslands á Heimsmeistaramótinu í Las Vegas nú í haust. Dagný hefur starfað að félagsmálum hjá félagi sínu, KFR og með því og spilamennsku sinni verið fyrirmynd ungra og efnilegra keilara.

Jón Ingi Ragnarsson KFR

Jón Ingi Ragnarsson er karl keilar árins 2017. Jón Ingi, sem er búsettur í Svíþjóð, lék vel á Íslandsmóti einstaklinga. Hann lék á nokkrum mótum á Evrópumótaröðinni og ber þar hæst árangur hans á Norska opna meistaramótinu þar sem hann endaði í 5. sæti. Jón Ingi hefur spilað mjög vel með liði sínu BK Brio í sænsku 2. deildinni þar sem þeir eru 4. sæti og í harðri baráttu um að komast í umspil um sæti í efstu deild. Jón var í landsliði Íslands á Heimsmeistaramótinu í Las Vegas þar sem hann endaði í 56. sæti af 214 keppendum.  Jón Ingi er jákvæður og yfirvegaður keilari og er þannig fyrirmynd ungra og efnilegra keilara.

Í 16 liða bikarkeppni KLÍ sem fram fór í gær náði Arnar Davíð í KFR Lærlingum enn einum 300 leiknum. Arnar byrjaði kvöldið með látum með því að ná leiknum og fylgi 267 leikur í kjölfarið. Lærlingar unnu sína viðureign gegn  ÍA B nokkuð örugglega 3 – 0.

Aðrar viðureignir í 16 liða bikarkeppni KLÍ fóru þannig:

ÍR S vann Þór 3 – 0 í Egilshöll

Þór-Víkingur vann ÍR Gaura 3 – 0 í keilusalnum Akranesi

ÍA vann ÍR Fagmenn sömuleiðis 3 – 0 upp á Skaga

KFR Storfsveitin lagði KFR Frændur í bráðabana 27 – 14

KFR Lærlingar unnu eins og áður sagði ÍA B 3 – 0

KR-E lagði félaga sína í KR-A í bráðabana 29 – 27

ÍR L lagði ÍR Broskarla 3 – 0

ÍR KLS lagði KFR Grænu töffarana 3 – 1

Sjá nánar um Bikarkeppnina hér.