Lið KFR Valkyrja og ÍR KLS tryggðu sér í gærkvöldi Bikarmeistaratitil KLÍ 2018, bæði lið í 9. sinn.

 Valkyrjur léku gegn ÍR Buff og sigruðu sína viðureign 3 – 1. Þær tóku fyrstu tvo leikina en ÍR Buff svaraði fyrir sig í þriðja leik og voru yfir lengst um í þeim fjórða og allt stefndi í bráðabana en Valkyrjur náðu þeim á endanum og tryggðu sér titilinn. KLS drengir léku gegn KFR Stormsveitinni og sigruðu þá 3 – 0. Fyrsti leikurinn var nokkuð jafn en svo gáfu KLS menn í og tóku næstu tvo leiki nokkuð örugglega. Til hamingju KFR Valkyrjur og ÍR KLS með titilinn, sjá nánar.

Í  morgun fór fram 5.og síðasta umferðin í Meistarakeppni ungmenna KLÍ 2017 til 2018. Að venju er leikið þannig að 1. til 3. flokkur pilta og stúlkna leika 6 leikja seríu en 4. og 5. flokkur leika 3 leikja seríu. 

Jóhann Ársæll Atlason ÍA spilaði best pilta í dag með 1.1.330 seríu eða 221,7 í meðaltal en hann varð í efsta sæti í 1. flokki pilta fæddir 1997 til 1999. Guðbjörg Harpa Sigurðardóttir úr Þór spilaði best stúlkna 1.193 seríu eða 198,8 í meðaltal en hún sigraði 2. flokk stúlkna fæddar 2000 – 2002. Guðbjörg spilaði tvo 245 leiki í morgun.

Að lokinni verðlaunaafhendingu fyrir 5. umferðina voru afhent verðlaun fyrir bestan árangur í vetur í mótinu en til þess að eiga möguleika á verðlaunum þarf keilari að hafa tekið þátt í a.m.k. þremur umferðum yfir tímabilið.

Þau sem urðu efst eftir veturinn eru:

1. flokkur pilta – 18 til 20 ára (fæddir 1997 til 1999)

1. sæti: Alexander Halldórsson ÍR 60 stig
2. sæti: Þorsteinn Hanning Kristinsson ÍR 44 stig
3. sæti: Gunnar Ingi Guðjónsson ÍA 42 stig

1. flokkur stúlkna – 18 til 20 ára (fæddar 1997 til 1999)

1. sæti: Jóhanna Ósk Guðjónsdóttir ÍR 60 stig

2. flokkur pilta – 15 til 17 ára (fæddir 2000 til 2002)

1. sæti:      Jóhann Ársæll Atlason ÍA 49 stig
2. sæti:      Ágúst Ingi Stefánsson ÍR 46 stig
3. sæti:      Steindór Máni Björnsson ÍR 39 stig

2. flokkur stúlkna – 15 til 17 ára (fæddar 2000 til 2002)

1. sæti:      Guðbjörg Harpa Sigurðardóttir Þór 54 stig
2. sæti:      Elva Rós Hannesdóttir ÍR 48 stig
3. sæti:      Málfríður Jóna Freysdóttir KFR 38 stig

3. flokkur pilta – 12 til 15 ára (fæddir 2003 til 2005)

1. sæti:      Hinrik Óli Gunnarsson ÍR 52 stig
2. sæti:      Hlynur Atlason ÍA 46 stig
3. sæti:      Nikolas Lindberg Eggertsson KFR 43 stig

3. flokkur stúlkna – 12 til 15 ára (fæddar 2003 til 2005)

1. sæti:      Sara Bryndís Sverrisdóttir ÍR 55 stig
2. sæti:      Hafdís Eva Laufdal Pétursdóttir ÍR 50 stig
3. sæti:      Alexandra Kristjánsdóttir ÍR 41 stig

4. flokkur pilta – 9 til 11 ára (fæddir 2006 til 2008)

1. sæti:      Matthías Leó Sigurðsson ÍA 52 stig
2. sæti:      Mikael Aron Vilhelmsson KFR 49 stig
3. sæti:      Tristan Máni Nínuson ÍR 40 stig

4. flokkur stúlkna 9 til 11 ára (fæddar 2006 til 2008)

1. sæti:      Fjóla Dís Helgadóttir KFR 58 stig

Samkvæmt venju og tilmælum frá ÍSÍ er ekki keppt til sérstakra úrslita í 5. flokki ungmenna.

Úrslit 5. umferðar urðu þessi:

1. flokkur pilta 5. umferð: Benedikt, Alexander og Þorsteinn

1. flokkur stúlkna 5. umferð: Jóhanna Ósk

2. flokkur pilta 5. umferð: Ágúst, Jóhann og Ólafur

2. flokkur stúlkna 5. umferð: Elva, Guðbjörg og Helga

3. flokkur pilta 5. umferð: Guðbjörn, Hinrik Óli og Nikolas

3. flokkur stúlkna 5. umferð: Alexandra, Hafdís Eva og Sonja

4. flokkur pilta 5. umferð: Ásgeir, Mikael og Matthías Leó

4. flokkur stúlkna 5. umferð: Fjóla, Sóley og Svava Lind

5. flokkur stúlkna 5. umferð: Særós Erla

Unglinganefnd KLÍ þakkar krökkunum kærlega fyrir glæsilegt mót í dag. Síðasta mót ungmenna á vegum KLÍ verður 4. og 5. umferð á Íslandsmóti unglingaliða sem fer fram laugardaginn 28. apríl.

Í gærkvöldi fóru fram undanúrslit í Bikarkeppni KLÍ. Þar áttust við í karlaflokki lið ÍR KLS og KFR Lærlingar annarsvegar og svo lið KFR Stormsveitin og KR E hinsvegar. Hjá konum voru það ÍR TT á móti KFR Valkyrjum og svo ÍR Buff á móti KFR Valkyrjum Z. 

Hjá körlum fór það svo að KFR Stormsveitin sigraði sína viðureign nokkuð örugglega með 3 – 0 sigri á KR E. Allir leikmenn þar nokkuð jafnir með um og yfir 670 seríu í þessum þrem leikjum. Hin viðureignin var frekar spennandi og fór í 4 leiki. Lærlingar byrjuðu ágætlega með 666 leik en þá hrökk KLS í gang og tók næstu leiki með 690 – 699 og svo 767 í síðasta leik en þá spilaði Stefán Claessen í KLS 296, aðeins 4 pinnum frá fullkomnum leik. Andrés Páll var þá með 279 leik en Arnar Davíð Lærlingur tók 278 í fyrsta leik kvöldsins og var hann með 1.022 í leikjunum 4 eða 255,5 í meðaltal. Stefán var þó með heilum 8 pinnum betri seríu með 1.030 eða 257,5 í meðaltal.

Hjá konunum tóku Buff stelpur leik sinn 3 – 0 þar sem nýkrýndur Íslandsmeistari kvenna 2018 hún Ástrós Pétursdóttir spilaði 632 seríu. Hin viðureignin milli ÍR TT og KFR Valkyrja var mun meira spennandi. Liðin skiptu fyrstu tveim leikjum á milli sín. Síðan tóku Valkyrjur leik 3 með 12 pinna sigri en það var ekkert miðað við síðasta leikinn sem þær unnu með aðeins einum pinna og farseðillinn í úrslitin því tryggður hjá þeim. Dagný Edda spilaði 279 leik í 2. leik umferðarinnar og samtals 897 í þessum fjórum leikjum eða 224,3 í meðaltal.

Úrslitin fara svo fram á sunnudaginn kemur kl. 19:00 í Egilshöll og eru keilarar hvattir til að koma og styðja sín lið þar.

Sjá nánari upplýsingar um Bikarkeppnina hér.

Boðað er til aðalfundar keiludeildar ÍR miðvikudaginn 18. apríl kl. 20:00 í sal ÍR heimilisins Skógarseli 12

Dagskrá fundarins

Á laugardaginn lauk keppni á Íslandsmóti einstaklinga 2018. Ástrós Pétursdóttir úr ÍR og Gústaf Smári Björnsson úr Keilufélagi Reykjavíkur (KFR) eru Íslandsmeistarar einstaklinga 2018. Úrslitin fóru fram í beinni útsendingu á RÚV og má nálgast upptökuna á vef þeirra.

Konurnar léku fyrst til úrslita og lagði Ástrós hana Lindu Hrönn Magnúsdóttur úr ÍR í nokkuð spennandi leik þar sem sigurinn hefði geta fallið annarri hvorri í vil og réðust úrslit ekki fyrr en í síðasta ramma leiksins. Áður spiluðu þær ásamt Mögnu Ýr Hjálmtýsdóttur úr KFR sem féll úr keppni í þeim leik og varð því í 3. sæti.

Karlarnir tóku þá við og lagði Gústaf Smári félaga sinn úr KFR hann Arnar Davíð Jónsson í úrslitum en mikil spenna var í leikjunum hjá þeim. Stefán Claessen úr ÍR varð svo í 3. sæti.

Gústaf Smári vann þarna sinn annan Íslandsmeistaratitil en hann sigraði mótið einnig í fyrra. Ástrós var einnig að ná sínum öðrum titil en hún vann mótið árið 2014. Til gamans má geta að Linda Hrönn er 59 ára á árinu og er keilan ein fárra íþróttagreina þar sem einstaklingur getur verið í fremstu röð lengur en gengur og gerist í öðrum íþróttagreinum. Það er alveg ljóst að Linda er hvergi nærri hætt og spilaði hún afskaplega vel í mótinu.

Efst kvenna eftir forkeppni varð Ástrós Pétursdóttir úr ÍR með 186,3 í meðaltal og þær Linda Hrönn og Magna Ýr sem komust í úrslitin voru í 2. og 3. sæti þar en höfðu svo sætaskipti eftir milliriðilinn.

Arnar Davíð Jónsson var efstur hjá körlum eftir forkeppnina með 221,0 í meðaltal og ÍR-ingarnir Stefán Claessen og Einar Már Björnsson voru í 2. og 3. sæti. Eftir milliriðilinn var Jón Ingi Ragnarsson úr KFR í 3. sæti en Gústaf Smári var þá í 5. sæti. Gústaf vann sig svo upp og inn í úrslitin með frábærri spilamennsku í undanúrslitunum en þar kepptu efstu 8 keilararnir þar sem leikið var maður á mann alls 7 leikir.

Alls tóku 24 karlar þátt í mótinu í ár sem og 24 konur og er þetta mesti fjöldi kvenna sem hefur tekið þátt í mótinu hingað til. Alls voru spilaðir 866 leikir á mótinu í ár. Þeir sem lengst fóru spiluðu alls 27 leiki þar af 15 á laugardaginn. Andrés Páll Júlíusson úr ÍR náði sínum þriðja fullkomna leik á ferlinum í mótinu eða 300 pinnar sem er þá jöfnun á Íslands- og Heimsmeti í keilu.

Í verðlaunaafhendingu að loknu móti var Jóna Gunnarsdóttir úr KFR sæmd Silfurmerki KLÍ en þetta er hennar 30. Íslandsmót í röð sem hún tekur þátt í. Glæsilegt afrek það hjá Jónu.

Keilusambandið óskar verðlaunahöfum til hamingju með árangurinn og þakka öllum þátttökuna á mótinu í ár. Keilusambandið þakkar einnig RÚV fyrir glæsilega útsendingu á Meistaradögum RÚV.

Í gærkvöldi var leikin seinni umferðin í forkeppni Íslandsmóts einstaklinga 2018 en þá léku keppendur aðra 6 leikja seríu. Best allra í gær spilaði Arnar Davíð Jónsson úr KFR en hann var með 1.417 seríu eða 236,2 í meðaltal og er Arnar í efsta sæti eftir forkeppnina hjá körlum með alls 2.652 pinna eða 221,0 í meðaltal. Best kvenna í gær var Ástrós Pétursdóttir úr ÍR en hún lék leikina 6 með samtals 1.189 pinna eða 198,2 í meðaltal og situr Ástrós einnig í efsta sæti forkeppninnar með samtals 2.236 pinna eða 186,3 í meðaltal.

Keppnin heldur síðan áfram á laugardagsmorgun strax kl. 8 en þá verður leikið í milliriðlum en 12 efstu konurnar og 16 efstu karlarnir leika þá öll aðra 6 leikja seríu. Að henni lokinni fara fram undanúrslit 8 efstu úr hvorum flokki og loks fara úrslitin fram kl. 16 milli þriggja efstu úr hvorum flokki og verða þau í beinni útsendingu á aðalrás RÚV frá kl. 16 til 18.

Lokastöður úr forkeppninni urðu þessar:

Karlar

Konur

Fyrri umferðin í undankeppni á Íslandsmóti einstaklinga 2018 var leikin í gærkvöldi en þá voru spilaðir 6 leikir hjá bæði konum og körlum. Andrés Páll Júlíusson ÍR náði sínum þriðja fullkomna leik á ferlinum þegar hann náði 300 pinnum í 4 leik kvöldsins. Andrés er efstur eftir fyrri umferðina með alls 1.348 pinna eða 224,7 í meðaltal. Best kvenna í gær spilaði Íslandsmeistarinn 2017 Magna Ýr Hjálmtýsdóttir KFR en hún er með 1.096 pinna eða 182,7 í meðaltal.

Í kvöld fer síðan fram seinni umferðin í forkeppninni og hefst hún kl. 19:00 í Keiluhöllinni. Vakin er athygli á að milliriðill og úrslit fara svo fram á laugardaginn kemur. Úrslitin verða í beinni útsendingu á aðalrás RÚV og eru keilara hvattir til að mæta í salinn og fylla sæti áður en útsending hefst kl. 16:00

Úrslit gærkvöldsins urðu annars þessi:

Evrópumóti ungmenna 2018 sem fram fór í Álaborg Danmörku lauk nú um páskana. Að venju fóru íslenskir krakkar á mótið á vegum Keilusambandsins en í ár fóru þau Ágúst Ingi Stefánsson úr ÍR, Jóhann Ársæll Atlason úr ÍA, Ólafur Þór Ólafsson Hjaltalín úr Þór, Elva Rós Hannesdóttir úr ÍR, Guðbjörg Harpa Sigurðardóttir úr Þór, Helga Ósk Freysdóttir úr KFR og Málfríður Jóna Freysdóttir úr KFR.

Bestum árangri íslensku krakkana náðu þeir Jóhann Ársæll og Steindór Máni en þeir enduðu í 30. og 31. sæti í heildarkeppni einstaklinga í mótinu af 90 þátttakendum með 203,2 og 202,6 í meðaltal. Þeir Ágúst Ingi og Ólafur Þór enduðu í 53. og 58. sæti með 187,7 og 184,8 í meðaltal. Bestum árangri stúlkna náði Elva Rós en hún endaði í 54. sæti með 165,3 í meðaltal, Guðbjörg Harpa endaði í 58. sæti með 160,2 og þær systur Helga og Málfríður enduðu í 61. og 62. sæti með 156,5 og 151,2 í meðaltal.

Í tvímenningskeppni náðu þeir Steindór og Ágúst 8. sæti, Ólafur og Jóhann enduðu þar í 27. sæti af alls 43 tvímenningum. Elva og Helga enduðu í tvímenningi í 25. sæti og þær Guðbjörg og Málfríður enduðu í 27. sæti af alls 30 tvímenningum.

Í liðakeppni náðu strákarnir í 13. sætið en stelpurnar enduðu í 11. sæti. Allar upplýsingar um mótið má finna á vefsíðu þess sem og má sjá myndir og annan fróðleik frá hópnum á Fésbókarsíðu hans.

Í dag fóru fram seinni þrír leikirnir í liðakeppni á EYC 2018 í Álaborg í Danmörku. Stelpurnar hófu leik í morgun og léku þessa þrjá leiki á samtals 1.815 pinnum eða 151,2 í meðaltal. Enduðu þær í neðsta sæti í dag og samtals á 3.815 pinnum eða 159 í meðaltal og í 11. sæti í liðakeppni mótsins. Strákarnir tóku svo við og léku sína þrjá leiki á 2.342 eða 195,2 í meðaltal og spiluðu aðeins betur í dag en í gær. Enduðu þeir í 13. sæti í liðakeppninni, samtals með 4.526 eða 188,6 í meðaltal.

Steindór Máni er kominn í 26. sæti í All-Event keppninni með 204,7 í meðaltal og aðeins 15 pinnum frá niðurskurðinum en 24 meðaltalshæstu keilararnir leika til úrslita í þeirri keppni í lok mótsins.

Allar nánari upplýsingar um mótið má finna á vefsíðu þess sem og á Fésbókarsíðu hópsins.

Í dag voru fyrri 3 leikirnir af 6 leiknir á EYC2018 í Álaborg. Strákarnir byrjuðu daginn og spiluðu vel í fyrsta leik en þá náður þeir fjórir saman alls 794 pinnum eða rétt undir 200 í meðaltal. Botninn datt síðan aðeins niður í leik tvö en strákarnir bættu aðeins í safnið í síðasta leik dagsins. Spiluðu þeir alls 2.184 í þessum þrem leikjum eða 182 í meðaltal. Best þeirra spilaði Jóhann Ársæll Atlason úr ÍA en hann var með 627 seríu, 209 í meðaltal. Strákarnir eru í 14. sæti eftir daginn í liðakeppninni. Stelpurnar spiluðu svo sína þrjá leiki á eftir strákunum.

Fóru þær pínu rólega af stað í fyrsta leik og náðu ágætum öðrum leik og enduðu þær á sléttum 2.000 pinnum eftir leikina þrjá í dag eða með 166,7 í meðaltal. Sitja þær í 10. sæti liðakeppninnar. Best þeirra spilaði Guðbjörg Harpa Sigurðardóttir úr Þór en hún var með 519 seríu eða 173 í meðaltal. Seinni þrír leikirnir hjá krökkunum verða svo á morgun skírdag.

Í heildarkeppninni féll Steindór Máni Björnsson úr 2. sætinu í það 16. en 24 efstu keilarar í bæði pilta- og stúlknaflokki keppa lokadaginn í Masters keppni. Krakkarnir hafa nú lokið 9 leikjum af alls 18 í keppninni.

Allar upplýsingar um mótið má finna á vefsíðu þess sem og má sjá myndir frá hópnum á Fésbókarsíðu hans.