Íslandsmót einstaklinga 2019 með forgjöf verður haldið dagana 23. til 26. Febrúar í Keiluhöllinni Egilshöll.

Skráning hér
Lokað er fyrir skráningu fimmtudaginn 21.febrúar kl 18:00
Olíuburður í mótinu er: SUNSET STRIP 40fet

Breyting er á dagskrá klí í febrúar

Deild sem að var skráð með leiki 25.febrúar færist fram um eina viku og er spilað 18.febrúar

Íslandsmót einstaklinga með forgjöf sem átti að vera 18,19 og 23 og 24 febrúar hefur verið fært til 23 – 26.febrúar
Skráningar síða fyrir íslandsmótið er hér

Þessa dagana fer fram eitt stærsta og elsta mótið á Evróputúrnum í keilu en það er Brunswick Ballmaster Open sem fer fram í Helsinki í Finnlandi. Við Íslendingar eigum 2 þáttakendur þar í ár en það eru þeir Magnús Sigurjón Guðmundsson og Arnar Davíð Jónsson. Magnús komst því miður ekki áfram en forkeppninni var að ljúka en hann spilaði best 1273 og var um það bil 130 pinnum frá niðurskurðinum. Arnari gekk þó aðeins betur en hann endaði í 6.sæti eftir forkeppnina og fer beint áfram í úrslitaskref 2 en efstu 12 sleppa við úrslitaskref 1.

Arnar hóf seríuna nokkuð rólega en hann byrjaði á 195 áður en hann henti í 290 leik og eftir það var ekki aftur snúið! Arnar spilaði svo nokkuð stöðugt næstu 3 leiki en hann var með 248-246-247 og þurfti þá ekki nema 190 leik eða svo til að komast áfram. Hann gerði gott betur en það en hann spilaði 253 í seinasta leik og endaði með 1479 seríu sem er frábærlega gert hjá Arnari! 

Arnar hefur leik eins og fyrr kom fram í úrslitaskrefi 2 en það byrjar klukkan 9:30 í fyrramálið á finnskum tíma, sunnudaginn 13.janúar eða klukkan 7:30 á íslenskum tíma.

Í morgun var leikið í 4. umferð Meistarakeppni ungmenna. Matthías Leó Sigurðsson ÍA setti Íslandsmet í 1 leik 4. flokki pilta þegar hann lék 238 og svo einnig met í þrem leikjum 579 eða 193 í meðaltal. Best í dag spilaði Steindór Máni Björnsson úr ÍR í 2. flokki pilta en hann spilaði 1.273 eða 212,2 í meðaltal. Önnur úrslit dagsins urðu:

Dagana 26. janúar til 3. febrúar fara Alþjóðlegu Reykjavíkurleikarnir í keilu fram. Í ár verður mótið með veglegri hætti og óhætt að segja að það stefni í að þetta verði stærsta mót frá upphafi. Alls koma 21 erlendir keppendur til landsins til að taka þátt í mótinu þar af þrjár PWBA konur og verður fyrirlestur í boði í tengslum við komu þeirra hingað til lands.

Erlendir gestir – Innrásin frá Danmörku

Um nýliðna helgi kláraðist fyrsta Evróputúrsmótið á árinu 2019 en það fór fram í Bowl-o-Rama salnum í Stokkhólmi. Þar áttum við Íslendingar 4 keppendur en þeir Jón Ingi Ragnarsson, Arnar Davíð Jónsson, Magnús Sigurjón Guðmundsson og Guðmundur Sigurðsson voru allir með að þessu sinni. Þar náðu þeir Arnar og Jón Ingi að fara áfram en Arnar endaði 12.sæti eftir forkeppnina en Jón Ingi endaði í 35.sæti. Magnús og Guðmundur komust því miður ekki áfram en það var hörkusamkeppni í mótinu en þáttakendur voru 396.

Arnar og Jón Ingi hófu leik í úrslitaskrefi 1 og fóru þar báðir áfram eftir mjög góðan lokaleik hjá báðum. En þeir lentu síðan báðir í vandræðum í úrslitaskrefi 2 og féllu að lokum úr leik þar. Arnar endaði 29 pinnum frá því að komast áfram í næsta skref en Jón Ingi var 50 pinnum frá því að komast áfram. Arnar endaði í 25.sæti og Jón Ingi í 28.sæti.

Fyrir þetta fengu þeir báðir 6000 sænskar krónur. Flott byrjun á árinu 2019 og vonandi er þetta fyrirheit fyrir næstu mót! 

Næsta mót á evróputúrnum fer fram í Finnlandi en það er hið margfræga Ballmaster Open en Magnús Sigurjón og Arnar Davíð eru báðir meðal keppenda þar og munum við færa ykkur fréttir af því sem gerist þar.

Á annan dag jóla var hið árlega jólamót KFR haldið í Egilshöll. Tveir 300 leikir litu dagsins ljós í mótinu. Skúli Freyr Sigurðsson KFR náði sínum fyrsta 300 leik á ferlinum en leikurinn kom í 3 og síðasta leik mótsins hjá Skúla. Gústaf Smári Björnsson KFR byrjaði mótið með látum og spilaði sinn þriðja 300 leiká ferlinum og lagði þar með upp fyrir sigur sinn í stjórnuflokki mótsins með 736 seríu. Alls voru 4 keilarar sem fóru yfir 700 í mótinu og 10 aðrir náðu meir en 600 í leikjunum þremur. Úrslit urðu annars þessi:

Keilusamband Íslands óskar keilurum, fjölskyldum þeirra, samstarfs- og styrktaraðilum sínum gleðilegrja jóla og farsældar á komandi ári. Við þökkum fyrir samveru og samstarf á árinu sem senn líður og sérstaklega öllum þeim sem lagt hafa til vinnu fyrir Keilusambandið. Ágætur árangur hefur náðst hjá keilurum á árinu 2018 og er það von allra að komandi ár verði okkur gæfuríkt. Eitt af verkefnum næsta árs verður Norðurlandamót ungmenna sem fram fer í Keiluhöllinni Egilshöll í nóvember. Auk þess fer kvennalandsliðið á HM, karlalandsliðið fer á EM og fleiri verkefni eru framundan hjá afrekshópum KLÍ og öðrum.

Við vekjum athygli á að aðildarfélög okkar verða með sína dagskrá á vorönn strax í janúar en hér má nálgast hvaða aðildarfélög eru innan KLÍ.

Gleðilega hátíð. 

Í morgun lauk 1. umferð í forkeppni Qubica AMF World Cup 2019 með 4. og síðasta riðli. Lokastaða umferðarinnar er sú að Alexander Halldósson ÍR var með bestu seríu umferðarinnar 1.373 eða 228,8 í meðaltal. Gústaf Smári Björnsson KFR náði 2. bestu seríu umferðarinnar í dag með 1.361 eða 226,8 í meðaltal og loks varð Gunnar Þór Ásgeirsson ÍR með 3. bestu seríuna 1.317 eða 219,0 í meðaltal.

Næsta umferð í forkeppni Qubica AMF World Cup verður dagana 31. janúar til 3. febrúar þegar RIG mótið verður en von er á um 20 erlendum keppendum á það mót m.a. þrem WPBA keppendum, nánar auglýst síðar.

Önnur úrslit 1. umferðar voru þessi, raðað eftir bestu seríu:

Í morgun var Jólamót ÍR og Toppveitinga haldið í Egilshöll. Mikil þátttaka var í mótinu og alls kepptu 50 keilarar í mótinu en mótið er flokkaskipt. Fjóla Dís Helgadóttir úr KFR gerði sér lítið fyrir og bætti Íslandsmet í 5. flokki stúlkna, 10 ára og yngri. Spilaði hún 181 og sló met sem sett var af Ingibjörgu Evu Þórisdóttur KFR 16. desember 1995 í Artic Bowl og hefði því fagnað 23 ára afmæli á morgun. Ekki nóg með það heldur bætti Fjóla Dís sitt eigið met í 2 leikjum 224 og 3 leikjum 456 sem hún setti í byrjun þessa mánaðar. Fólk ætti að setja þetta nafn á minnið.

Úrslit mótsins fóru annars á þann veg að í stjörnuflokki var það Steindór Máni Björnsson úr ÍR sem sigraði með 708 seríu, annar varð Róbert Dan Sigurðsson úr ÍR með 662 og í þriðja var Björn G Sigurðsson úr KFR með 654.

Í A flokki varð það Sigurbjörn S Vilhjálmsson úr ÍR sem varð í fyrsta sæti með 619 seríu. Hannes Jón Hannesson ÍR varð í 2. sæti með 558 og Svavar Þór Einarsson ÍR varð í 3. sæti með 538.

Í  B flokki varð Jóhann Á Jóhannsson úr ÍR í 1. sæti með 586 seríu. 2. varð Sigurður Björn Bjarkason ÍR með 555 og í 3. sæti varð Anna Kristín Óladóttir ÍR með 528.

Í C flokki varð Ágústa Kristín Jónsdóttir ÍA í 1. sæti með 508 seríu. 2. varð Herdís Gunnarsdóttir úr ÍR með 499 og í 3. sæti varð Guðbjörn Joshua Guðjónsson KFR með 494.

Í D flokki varð Geirdís Hanna Kristjánsdóttir ÍR í 1. sæti með 462 seríu. 2. varð Fjóla Dís Helgadóttir KFR með 456 eins og áður segir og loks varð það Egill Baldursson úr ÍR sem varð í 3. sæti með 451.

Að loknu móti var keppt í fellupotti þar sem keilarar gátu spreytt sig á að ná sem flestum fellum í röð. Í vinning var m.a. áritaður bolur sem Tommy Jones frá Bandaríkjunum spilaði í þegar hann vann Weber Cup. Varð það Gústaf Smári Björnsson KFR sem fór lengst í fellukeppninni og náði 6 fellum í röð.

Keiludeild ÍR þakkar þátttakendum fyrir skemmtilegt mót og óskar keilurum gleðilegra jóla. Sjá má heildarúrslit neðst í fréttinni.