Í morgun lauk deildarkeppni í 1. deildum kvenna og karla. KFR Valkyrjur eru deildarmeistarar 1. deildar kvenna en þær kláruðu mótið með 187 stigum og í lokaumferðinni sigruðu þær ÍR TT með 11 stigum gegn 3. Í öðru sæti í deildinni urðu ÍR Buff og leika þessi lið því um Íslandsmeistaratitilinn í ár. Úr deildinni féll ÍR BK en ÍR Elding er í bestri stöðu í 2. deildinni þegar tvær umferðir eru þar eftir.

Meistaramót KFR verður haldið Sunnudaginn 14. Apríl í keilusalnum á Akranesi.
Leiknir eru 3 leikir allir í karla og kvennaflokki og keppt bæði með og án forgjöf sem er 80% af mismun meðaltals og 200,
þó forgjöfin sé neikvæð, en forgjöfin verður þó aldrei hærri en 64 pinnar.
Engin úrslit eru leikin með forgjöf en veitt eru verðlaun fyrir fyrstu 3 sætin.

Leikið er í hollum og komast 6 leikmenn að í hverju holli,
2 á braut og skipt um braut eftir hvern leik.
Hver leikmaður getur aðeins skráð sig í 1 holl.
Fjöldi holla fer eftir þáttöku.

Úrslit um Stórmeistara KFR hefjast beint eftir síðasta hollið.
Þrír efstu menn/konur án forgjafar leika öll einn leik á sömu braut, karlar á einni braut og konur á annarri braut.
Allir leika einn leik og fellur úr leik sá sem hefur lægsta skorið. Eftir eru tveir keppendur og leika þeir einn leik til úrslita og fær sigurvegarinn titilinn Stórmeistari KFR.
Sé einhversstaðar í úrslitum jafnir leikir sem verða til þess að ekki sé hægt að skera úr um hvort keppandi detti út eða vinni leik skal útkljá leikinn með því að leikmenn kasta einu kasti og sá vinnur sem fellir flestar keilur. Ef enn er jafnt skal endurtaka þetta þar til úrslit liggja fyrir.

Mótið er opið öllum félagsmönnum í KFR og mótsgjald er kr. 1.500.-
Skráningu lýkur laugardaginn 13. apríl kl. 12:00
Skráning í fyrsta holl, kl 10:00
Skráning í annað holl, kl 11:30
Skráning í þriðja holl, kl 13:00
Olíuburður 41 fet – ECC2018

Því miður þarf að fresta Aðalfundi KFR verður sem átti að vera fimmtudaginn 28. mars kl. 19:00
í íþróttamiðstöðinni í Laugardal.

Nýr tími fyrir Aðalfundinn er 15. apríl kl. 19:00 í íþróttamiðstöðinni í Laugardal.

 Dagskrá aðalfundar:

1. Skýrsla stjórna
2. Endurskoðaðir reikningar lagðir fram til samþykktar
3. Stjórnarkosning
4. Kosning endurskoðenda
5. Kosning fulltrúa og varafulltrúa í þau samtök sem félagið er aðili að
6. Ákvörðun félagsgjalda
7. KFR Keilari ársins kvenna og karla
8. Ungmenni og unglingar KFR
9. Önnur mál

Þeir sem hafið áhuga á að bjóða sig fram í stjórn og eða sem fulltrúi KFR í samtök sem við erum aðilar að, eru beðnir um að láta vita af sér með því að hafa samband eða senda póst á [email protected]

Stjórn félagsins hvetur félagsmenn til þess að taka frá kvöldið og mæta á fundinn.

Íslandsmót einstaklinga 2019
verður haldið dagana 2. til 7. Apríl í Keiluhöllinni Egilshöll.

Olíuburður í mótinu er ECC2018 – 41fet
Skráning er hér
 

Nú verður ekki posi á staðnum. 
Hægt verður að greiða með Pening á staðnum eða að leggja inn á reikning hjá KLÍ 
og senda staðfestingu á greiðslu á motanefnd@kli.is eða koma með útprentun á kvittun í mótið

Keilusamband Íslands,KLÍ
Kennitala 460792-2159
0115-26-010520

 Forkeppni Þriðjudaginn 2 & Miðvikudaginn 3 apríl kl 19:00

Spilaðir eru 12 leikir í tveimur 6 leikja blokkum.

Verð í forkeppni kr. 14.000kr

Efstu keppendur í bæði karla- og kvennaflokki skv. upptalningu hér að neðan 
spila 6 leiki og fylgir skorið úr forkeppninni í milliriðil, 
8 efstu eftir milliriðil komast í undanúrslit.

17 þátttakendur eða færri = 10 keilarar áfram í milliriðil.

18 til 19 þátttakendur = 12 áfram í milliriðil.

20 til 21 þátttakendur = 14 áfram í milliriðil.

22 þátttakendur eða fleiri = 16 áfram í milliriðil.

Milliriðill laugardaginn 6.apríl kl 10:00

Spilaðir eru 6 leikir.

Verð í milliriðil kr. 6.500kr

Efstu 8 karlar og 8 konur halda áfram í undanúrslit.

Undanúrslit Sunnudaginn 7.apríl kl 12:00

Verð í undanúrslit kr. 7.500kr

Undanúrslit:

Allir keppa við alla, einfalda umferð. 
Á stigin fyrir leikina bætast bónusstig þannig: 
Fyrir sigur í leik fást 20 bónusstig 
fyrir jafntefli í leik fást 10 bónusstig 
Að loknum þessum leikjum fara 3 efstu keppendurnir í úrslit.

Úrslit sunnudagur 7.apríl kl: 16:00 og verða í beinni útsendingu á RUV

Úrslit:

Spiluð eru úrslit milli þriggja efstu manna/kvenna sem leika allir einn leik á sama setti 
(fyrst annað kynið og síðan hitt, stiga hæstu keilarar af hvoru kyni draga um hvort kynið verður á undan) 
Allir leika einn leik og fellur úr leik sá sem hefur lægsta skorið.

Eftir eru tveir keppendur og leika þeir einn leik til úrslita og fær sigurvegarinn titilinn Íslandsmeistari einstaklinga. Sé einhversstaðar í úrslitum jafnir leikir sem verða til þess að ekki sé hægt að skera úr um hvort keppandi detti út eða vinni leik skal útkljá leikinn með því að leikmenn kasta einu kasti og sá vinnur sem fellir flestar keilur. Ef enn er jafnt skal endurtaka þetta þar til úrslit liggja fyrir.

Skráning fer aðeins fram á netinu og lýkur sunnudag 31.mars kl 21:00

Mótanefnd KLÍ

Nefndin áskilur sér rétt til breytinga ef þurfa þykir.

Arnar Davíð Jónsson hafnaði í dag í 5.sæti í BrunswickEuroChallenge sem lauk í dag. Mótið er stærsta mót ársins á Evróputúrnum.

Arnar Davíð Jónsson og Gunnar Þór Ásgeirsson fóru báðir áfram í final step 1 í Brunswick Euro Challenge sem fram fór í Þýskalandi þessa helgina.
Eftir 5 leiki voru báðir inn í top16 en Gunnar lenti í vandræðum og komst því miður ekki áfram.
Hann endaði í 40.sæti. Arnar fór áfram og hélt áfram að spila vel í final step 2! Svo vel að hann var einn af þeim 8 sem komst áfram í final step 3 en 20 aðrir sátu eftir.
Arnar gerði sitt besta og var um tíma í top3 en þurfti á endanum að sætta sig við 5.sæti í þessu stærsta móti sem fram fer á Evróputúrnum ár hvert!
Eftir mótið er Arnar Davíð efstur á stigalistanum sem gefur sæti í Masternum ár hvert.

Ásta Hlöðversdóttir, sem keppir ásamt fleirum þessa dagana á Heimsleikum Special Olympics, gerði sér lítið fyrir og sigraði sinn flokk í einstaklingskeppninni í keilu sem og að ná í bronsverðlaun í tvímenningskeppni en þar keppti hún með henni Gabríellu Oddrúnu Oddsdóttur. Ásta æfir keilu hjá Íþróttafélaginu Ösp en Öspin æfir alla þriðjudaga í Egilshöll. Fjölmargir íslenskir keppendur eru á mótinu í ár og keppa í hinum ýmsu greinum. Hægt er að fylgjast með ferðum þeirra á Fésbókarsíðu Íþróttasambands fatlaðra.

Keilusambandið óskar Ástu og Gabríellu til hamingju með verðlaunin og sendir sínar bestu kveðjur út til allra íslensku keppenda á mótinu.

Í morgun fór fram 5. og síðasta umferð í Meistarakeppni ungmenna á tímabilinu 2018 til 2019. Alls tóku um 50 ungmenni þátt í mótaröðinni þetta tímabilið og er sem fyrr keppt í 5 flokkur pilta og stúlkna. Ungmenning hafa stöðugt verið að bæta sig á tímabilinu og eru margir efnilegir einstaklingar að taka sín fyrstu skref í keilu í þessari keppni. Best í dag spilaði Jóhann Ársæll Atlason ÍA í 2. flokki pilta 1.275 / 212,5 en best stúlkna spilaði Helga Ósk Freysdóttir KFR í 1. flokki stúlkna 1.053 / 175,5

Úrslit dagsins eru hér fyrir neðan. Vakin er athygli á að samkvæmt reglum KLÍ er ekki keppt til úrslita í 5. flokki. Lokastaða tímabilsins varð eftirfarandi:

Þau Helga Sigurðardóttir úr KFR og Kristján Þórðarson úr ÍR sigruðu á Íslandsmóti öldunga 2019 en mótinu lauk í gær í Egilshöll. Helga sigraði stöllu sína úr KFR Afturgöngum Rögnu G Magnúsdóttur í úrslitum með 3 vinningum gegn 2 og Kristján Þórðarson sigraði Björn G Sigurðsson úr KFR með 3 vinningum gegn engum.

Arnar Davíð Jónsson stóð sig frábærlega á Evróputúrsmóti sem lauk í byrjun mars í Tilburg í Hollandi. Eftir frábæra frammistöðu komst hann í 4 manna úrslit þar sem hann leiddi lengst af en eftir erfiðan endi hafnaði hann að lokum í 3.sæti. Frábær árangur þar á ferð.

Arnar endaði í 14.sæti eftir forkeppnina en þetta var fjórða mótið af 14 á Evróputúrnum í ár. Arnar fékk að launum fyrir 3.sætið heilar 3 þúsund evrur sem gera um 400 þúsund íslenskar krónur. Eftir fyrstu 4 mótin á Evróputúrnum er Arnar í 6.sæti á stigalista Evróputúrsins en efstu 8 eftir tímabilið komast í EBT Masters 2019 sem fram fer sumarið 2020. Vonandi að Arnar nái að halda þessum góða árangri áfram en næsta mót fer fram í Munchen þann 16-24 mars næstkomandi en það er hið fræga Brunswick Euro Challenge og verða heilir 10 íslendingar með í því móti.

Dregið var í 4.liða bikar í Keiluihöllini nú í kvöld

Spilað verður 31.mars

 4.liða bikar karla:

Spilað upp á Akranesi sunnudaginn 31.mars kl 19:00
ÍA – ÍR KLS

Spilað í Egilshöll sunnudaginn 31.mars kl 19:00
KFR Lærlingar – KFR Grænu töffararnir (17-18)

4.liða bikar kvenna

Spilað í Egilshöll sunnudaginn 31.mars kl 19:00
ÍR Buff – KFR Valkyrjur   (19-20)
KFR Afturgöngurnar – ÍR SK  (21-22)