Íslandsmót einstaklinga verður haldið í Keilu í Mjódd dagana 24. – 27. febrúar næstkomandi. Auglýsing um mótið

Íslandsmót unglinga verður haldið í Keilu í Mjódd dagana 5. – 13. mars næstkomandi, en keppt er í 4 aldursflokkum 11-18 ára.
Auglýsing um mótið

Það verður dregið í 8 liða úrslitum karla og kvenna í Keilu í Mjódd í kvöld kl 19.00, allir velkomnir að fylgjast með.

Konurnar munu spila 31.janúar og karlarnir 2. febrúar.

Smellið hér til að skoða dráttinn.

Búið er að raða niður seinni hlutanum. Smellið til að skoða brautarskipan.

Fyrsta umferðin í Opna hjóna- og paramóti KFR og Garðheima eftir áramótin fer fram sunnudaginn 9. janúar og hefst mótið kl. 20:00.

Í gær miðvikudaginn 29. desember var í hófi á Grand Hótel Reykjavík tilkynnt val á íþróttamönnum sérsambandanna fyrir árið 2004. Keilarar ársins 2004 voru valin þau Sigfríður Sigurðardóttir KFR og Magnús Magnússon KR. Sigfríður vann nær alla titla sem í boði voru þetta árið bæði í einstaklings, para og liðakeppni. Sigfríður og Magnús voru bæði Íslandsmeistarar einstaklinga og tóku þátt í Evrópubikar einstaklinga, auk þess sem Magnús var fulltrúi Íslands á AMF World Cup. Að venju var einnig á sama tíma tilkynnt val íþróttafréttamanna á íþróttamanni ársins. Væntanlega hefur það fæstum komið á óvart að Eiður Smári Guðjohnsen knattspyrnumaður með Chelsea í Englandi varð valinn Íþróttamaður ársins 2004, en í öðru sæti í kjörinu var Þórey Edda Elísdóttir stangastökkvari úr FH og í þriðja sæti Rúnar Alexandersson fimleikamaður.

Stelpunum okkar gengur ekki nógu vel, en eftir 6 umferðir eru þær í 13. og síðasta sæti án stiga. Þær eru búnar að spila gegn Austurríki, Kína, Taipai, Svíþjóð, Ítalíu og Bandaríkjunum.

Íslenska kvennalandsliðið er nú í Hollandi að spila á heimsbikarkeppni liða. Mótið er gríðarlega sterkt, en einungis eru efstu liðin í hverri álfukeppni sem vinna sér keppnisrétt á mótið. Hérna er hægt að skoða stöðuna í mótinu.