| Á þriðjudag og miðvikudag mættust KFR-Stormsveitin og KR-C í tveimur viðureignum um laust sæti í 1. deild karla næsta keppnistímabil. Í fyrri viðureigninni var um algera einstefnu að ræða. KFR-Stormsveitin lék sinn hæsta leik í mörg ár, spiluðu 2414 á móti 2078 stigum KR-C. Viðureignin fór 19 – 1 fyrir Stormsveitinni. Segja má að síðari viðureignin hafi því aðeins verið formsatriði og sú varð raunin. Stormsveitin sigraði þá viðureign líka, í þetta skiptið 13,5 – 6,5 og leika því í 1. deild á næsta ári en KR-C í 2. deild. |
|
.gif)
Ljóst hvaða lið leika til úrslita
| Undanúrslit í 1. deild karla og kvenna voru leikin nú í vikunni. Mikil spenna var í flestum leikjum. Hjá konunum mættust KFR-Afturgöngur og ÍR-TT. Afturgöngur mættu sterkar til leiks í fyrri viðureigninni og sigruðu 15 – 5 og héldu þá flestir að síðari viðureignin yrði aðeins formsatriði. Því voru ÍR-TT ekki sammála og settu í fluggírinn. Það dugði hins vegar ekki, ÍR-TT sigraði 13 – 7 þannig að Afturgöngur unnu samtals 22 – 18. Íslands- og deildameistarar KFR-Valkyrja mættu KFR-Flökkurum Þarna var um ójafna viðureign að ræða, Valkyrjur sigruðu báðar viðureignir 18 – 2 og mæta því Afturgöngum í úrslitum en Flakkarar mæta ÍR-TT í leik um þriðja sætið. Hjá körlunum mættust ÍR-PLS og ÍR-KLS. Í fyrri viðureigninni byrjaði ÍR-PLS vel en ÍR-KLS náðu að klóra í bakkann og fór leikurinn 12,5 – 7,5 fyrir ÍR-PLS. Í síðari viðureigninni snérist dæmið við, ÍR-KLS byrjaði betur en ÍR-PLS náði að klára dæmið í lokinn, viðureignin fór 10 – 10 og því unnu ÍR-PLS samtals 22,5 – 17,5. KR-A mætti KFR-Lærlingum. Þarna var boðið upp á mikla spennu. Fyrri viðureignin var jöfn og skiptust liðin á að hala inn stigin. Á endanum hafði hvoru liði tekist að ná 10 stigum og þar við sat. Í síðari viðureigninni byrjuðu Lærlingar betur en KR-A vöknuðu til lífsins og náðu að tryggja sér sigur 13 – 7 og því samtals 23 – 17. Það verða því KR-A og ÍR-PLS sem leika til úrslita en Lærlingar og ÍR-KLS leika um þriðja sætið. Í úrslitum eru 3 viðureignir og verða þær leiknar mánudag, þriðjudag og miðvikudag í næstu viku. Leikið verður í Keilu í Mjódd og hefjast leikirnir öll kvöldin kl. 20:00. Á mánudagskvöldið mætast líka ÍR-KLS og Lærlingar í leik um þriðja sætið. |
|
8 manna úrslit í Sjóvá
| 8 manna úrslit í Sjóvá mótinu fara fram í Keilu í Mjódd föstudaginn 21. apríl kl. 20:00 og 21:00 og 4 manna úrslit og úrslit fara síðan fram daginn eftir eða laugardaginn 22. apríl og hefjast 4 manna úrslitin kl. 10:00 og úrslitin strax á eftir. Að vanda verður boðið upp á kaffiveitingar meðan úrslit fara fram og eru allir velkomnir.
Í 8 manna úrslitum mætast: Föstudaginn 21. apríl kl. 20:00 Föstudaginn 21. apríl kl. 21:00 |
 |
Nýtt meðaltal
| Búið er að gefa út nýtt meðaltal sem er miðað við 31. mars. Til að skoða það smellið þið á „Tölfræði“ hér vinstra megin. |  |
Undanúrslit og umspil á þriðjudag
| Á þriðjudag hefjast undanúrslit í 1. deild karla og kvenna. Þá eigast við í Keilu í Mjódd KFR-Valkyrjur og KFR-Flakkarar sem og KFR-Afturgöngur og ÍR-TT í undanúrslitum 1. deildar kvenna en hjá körlunum eigast við ÍR-PLS og ÍR-KLS en í hinum leiknum KR-A og KFR-Lærlingar. Á sama tíma hefst umspil um laust sæti í 1. deild karla næsta tímabil, þar eigast við KFR-Stormsveitin og KR-C. Leikið er, eins og áður segir, í Keilu í Mjódd og hefst keppni kl. 20:00. |
|
Árni Geir úr leik
| Árna Geir Ómarssyni gekk ekki sem best í 50 manna úrslitum á mótinu í Jönköping. Í morgun voru leiknir 6 leikir og spilaði Árni Geir 1059 og endaði í 48. sæti en 24 efstu komust áfram en 24 sæti var með 1246. |  |
Árni Geir komst áfram
| Árni Geir Ómarsson er kominn áfram á Super Series í Jönköping. Hann lék í svokölluðu „Desperado Squad“ en þar leika þeir sem ekki hafa tryggt sig inn í úrslit um 4 laus sæti. Á morgun leika 50 manns í úrslitum og komast 24 efstu áfram. Hægt er að fylgjast með Árna Geir á heimasíðu mótsins. |  |
Liðakeppni lokið
|
Liðakeppninni í Kaupmannahöfn lauk í dag. Magna Ýr spilaði 1072 í dag og endaði í 72 sæti í heildarkeppninni með 169 í meðaltal. Liðakeppnin
Heildarkeppnin
Strákunum gekk ekki eins vel í dag og í gær og enduðu þeir í 13 sæti eftir að hafa verið í því 6. í gær. Liðakeppnin
Heildarkeppnin
Okkar keppendur hafa nú lokið keppni og snúa nú heim reynslunni ríkari. |
Staðan ágæt í liðakeppninni
|
Staðan hjá Íslenska piltaliðinu er ágæt eftir 3 leiki í liðakeppni. Strákarnir eru í 6 sæti, stutt frá verðlaunasæti.
|
Þremenning lokið
|
Nú er þremenning lokið. Hér fyrir neðan er árangur íslensku keppendanna, fremst er það sæti sem þau lentu í.
Hér er svo staða íslensku keppendanna í heildarkeppninni en 137 keppendur eru í pilta flokki en 91 í stúlknaflokki.
Á morgun verður keppt í 5 manna liðum. |