Í dag, 12. júní kláraðist tvímenningskeppni á Evrópumóti karla í Frakklandi.
Arnar Davíð og Skúli Freyr spiluðu í síðasta riðlinum og voru öflugir til að byrja með.
Það fór svo aðeins að hökta hjá Arnari en Skúli náði að halda sínu striki. Arnar kom svo öflugur í lokin og þeir voru með samanlagt 2655 pinna, sem gerir 221 í meðaltal í leik. Það skilar samt aðeins 19. sæti.

Hér má sjá lokastöðu hjá öllum tvímenningum Íslendinga:

Sigurvegarar í tvímenningskeppnnini voru Ítalarnir Nicola Pongolini og Antonino Fiorentino en þeir sigruðu Svíana James Blomgren og Jesper Svensson.

Næst á dagskrá er þrímenningur.
Þrímenning er skipt á tvo daga en fyrst eru spilaðir þrír fyrstu leikirnir og daginn eftir eru spilaðir seinni þrír leikirnir.

Þrímenningur er þannig skipaður:
13.júní klukkan 8 að íslenskum tíma:
Skúli Freyr, Jón Ingi og Arnar Davíð
Klukkan 12 að íslenskum tíma:
Guðlaugur, Magnús Sigurjón og Hafþór

14.júní klukkan 8 að íslenskum tíma:
Guðlaugur, Magnús Sigurjón og Hafþór
Klukkan 12 að íslenskum tíma: Skúli Freyr, Jón Ingi og Arnar Davíð

Vefsíða mótsins er hér

Streymi er hér:

Stöður og úrslit eru hér:

Hörður Ingi Jóhannsson og Guðmundur Sigurðsson hafa verið að taka saman dagana hjá keppendum og setja á Youtube.
Hægt er að nálgast myndböndin hér að neðan:
Upphitun og æfingar 
Dagur 1 (Æfingar og opnunnarhátíð)
Dagur 2 (Keppnisdagur 1)
Dagur 3 (keppnisdagur 2)
Dagur 4 (keppnisdagur 3)

Í dag, 11. júní hófst tvímenningskeppni á Evrópumóti karla í Frakklandi 2023.
Magnús Sigurjón og Guðlaugur byrjuðu kl. 8 í morgun að íslenskum tíma. Þeir náðu hvorugir að halda sama dampi og í einstaklingskeppninni en þeir spiluðu samanlagt 2358 pinna, sem gerir 196.5 í meðaltal í hverjum leik.
Hafþór og Jón Ingi spiluðu svo eftir hádegi og byrjuðu feikilega vel og náðu að halda nokkuð góðum dampi alveg til síðasta leiks þar sem þeir náðu ekki að tengja saman fellurnar. Leikirnir hjá strákunum litu svona út en ljóst er að hvorugt liðið kemst á verðlaunapall:

Á morgun 12. júní kl 8 að íslenskum tíma fer fram síðasti tvímenningsriðillinn en þá spila Arnar Davíð og Skúli Freyr Ef litið er á einstaklingskeppnina þá eiga þeir góðan möguleika ef þeir ná að halda sínu formi og leikplani.

Vefsíða mótsins er hér

Streymi er hér:

Stöður og úrslit eru hér:

Hörður Ingi Jóhannsson og Guðmundur Sigurðsson hafa verið að taka saman dagana hjá keppendum og setja á Youtube.
Hægt er að nálgast myndböndin hér að neðan:
Upphitun og æfingar 
Dagur 1 (Æfingar og opnunnarhátíð)
Dagur 2 (Keppnisdagur 1)
Dagur 3 (keppnisdagur 2)

Í morgun, laugardaginn 10. Júní var spilað í síðasta riðli einstaklingskeppninar og svo keppt til úrslita eftir hádegi. Arnar Davíð og Skúli Freyr voru á brautunum í Frakklandi í morgun og voru í mjög góðum gír. Þeir voru báðir með meðaltal í kringum 230 og voru mjög nálægt því að spila til úrslita í dag. Arnar spilaði 1370 samanlagt úr sex leikjum en Skúli spilaði 1380 og var hann aðeins 38 pinnum frá niðurskurði. Leikirnir litu svona út:

Í úrslitum mættust Jord Van Weeren frá Hollandi og Svíinn James Blomgren. Hollendingurinn er Evrópumeistari karla í einstaklingskeppni eftir að hafa spilað 267 leik á móti 259 frá Blomgren. Daninn Tim Stampe og Evangelos Krizinis frá Grikklandi fengu bronsverðlaun eftir tap í undanúrslitum gegn Van Weeren og Blomgren.

Einstaklingskeppni er þá lokið hjá strákunum okkar. Skúli átti bestu seríuna og var í 16. sæti en Arnar var aðeins 10 pinnum frá honum í 18. sætinu. Svona leit einstaklingskeppnin út hjá strákunum:

Næst er það tvímenningur sem fer fram á sunnudag og mánudag.

Sunnudag kl. 8 að íslenskum tíma, Magnús Sigurjón og Guðlaugur

Sunnudag kl. 12:45 að íslenskum tíma, Jón Ingi og Hafþór

Mánudag kl. 8:00 að íslenskum tíma, Arnar Davíð og Skúli Freyr

Vefsíða mótsins er hér

Streymi er hér:

Stöður og úrslit eru hér:

Hörður Ingi Jóhannsson og Guðmundur Sigurðsson hafa verið að taka saman dagana hjá keppendum og setja í video.
Hægt er að nálgast videoin hér að neðan:
Upphitun og æfingar 
Dagur 1 (Æfingar og opnunnarhátíð)
Dagur 2 (Keppnisdagur 1)

Í dag, föstudaginn 9. júní hófst Evrópumót karla 2023 með tveimur riðlum í einstaklingskeppni.
Magnús Sigurjón og Guðlaugur hófu keppni fyrstir Íslendinga klukkan 8 í morgun og spiluðu sex leiki, Guðlaugur átti 1304 samanlagt á meðan Magnús átti 1241.
Eftir hádegi spiluðu Hafþór og Jón Ingi sína sex leiki.
Hafþór endaði með 1266 samanlagt en Jón Ingi náði saman góðum leikjum og endaði í 1331 samanlagt. Það er þó einn riðill eftir en hann spilast á morgun, laugardag og hefst hann klukkan 8 á íslenskum tíma og eru þeir Arnar Davíð og Skúli Freyr að spila þá.
Sendum góða strauma á þá.
Leikirnir hjá strákunum í dag litu svona út:  

Vefsíða mótsins er hér:  

Stöður og úrslit er hægt að finna hér:  

Beint streymi er hér:   

Hægt er að finna salinn á Lanetalk: CRISTAL BOWLING 

Dagana 8-17. júní fer fram Evrópumót karlalandsliða (EMC) í keilu.
Að þessu sinni er mótið haldið í salnum Cristal Bowling, í bænum Wittelsheim í Frakklandi.
Alls fara sex íslenskir karlar og einn þjálfari á mótið. Formlegar æfingar eru 8. júní en einstaklingskeppnin fer fram 9. og 10. júní og 11. og 12. júní er tvímenningur. Þrímenningur er 13. og 14. júní og svo er liðakeppnin 15. og 16. júní. Masterskeppnin fer svo fram á þjóðhátíðardaginn sjálfan, 17. júní og vonum við að sjálfsögðu að við fögnum vel inni í franska keilusalnum þann dag.
Mattias Möller er þjálfari Íslands og Hafþór Harðarson er aðstoðarþjálfari.
Þeir völdu eftirfarandi leikmenn:

• Arnar Davíð Jónsson
• Guðlaugur Valgeirsson
• Hafþór Harðarson
• Jón Ingi Ragnarsson
• Magnús Sigurjón Guðmundsson
• Skúli Freyr Sigurðsson

Evrópumótið er einnig úrtökumót fyrir Heimsmeistaramótið sem fer fram í Kuwait í Október en 12 stigahæstu Evrópuþjóðirnar fá þátttökurétt á HM.

Allt um mótið er hér:

Nánari dagskrá mótsins er hér: