Íslandsmót para 2014 fer fram í Keiluhöllinni Egilshöll laugardaginn 29. og sunnudaginn 30. nóvember n.k.

Skráning fer fram á netinu.

Keppt verður í Keiluhöllinni Egilshöll. Byrjað er á að spila 6 leiki í forkeppni sem hefst kl. 9:00 laugardaginn 29. nóvember. Verð í forkeppnina er 9.500 kr. fyrir parið.  Að því loknu komast 8 efstu pörin áfram í milliriðil og hefst keppni í milliriðli kl. 8:00 sunnudaginn 30. nóvember. Verð í milliriðil er kr. 9.000 fyrir parið. Í milliriðlinum verða spilaðir 6 leikir og keppa tvö efstu pörin að því loknu til úrslita.

Olíuburður í mótinu verður 2012 EBT 03 – Hammer Bronzen Schietspolen     38 fet   Ratio 2,58 8  Sjá nánar í auglýsingu og í reglugerð um Íslandsmót para

Íslandsmeistarar Para 2013 voru Guðný Gunnarsdóttir og Arnar Sæbergsson.

50. AMF heimsbikarmótinu lauk núna um helgina. Eins og kunnugt er spiluðu þau Guðný Gunnarsdóttir og Magnús Magnússson bæði úr ÍR fyrir Íslands hönd. Magnús endaði í 33. sæti með 207,65 að meðaltali sem er ágætur árangur. Guðný endaði í 54. sæti með 171,15 í meðaltal. Guðný endaði forkeppnina á 238 leik sem lyfti henni upp um nokkur sæti.

Sjá úrslit karla eftir forkeppni (PDF skjal, opnast í nýjum glugga).

Sjá úrslit kvenna eftir forkeppni (PDF skjal, opnast í nýjum glugga).

Hjá konunum sigraði mótið hún Clara Juliana Guerrero frá Kólimbíu. Clara, sem er 32 ára, spilaði fyrst á heimsbikarmótinu aðeins 17 ára gömul þar sem hún varð í 2. sæti og sagði hún eftir að hafa sigrað Li Jane Sin frá Malasíu í þrem leikjum: “It’s taken me a long time to come back to win it!” Clara náði nú ekki sem besta undirbúningi fyrir mótið því hún kom ekki til Wroclaw fyrr en kl 01:00 á fyrsta deginum og byrjaði að æfa kl 05:30. Hún missti af æfingum og var í smá vandræðum til að byrja með en stöðugt vann hún sig upp. Setti hún 8 leikja met í mótinu sem og þriggja leikja met kvenna í úrslitunum þar sem hún spilaði 239, 243 og 265 eða 747 samtals sem er nýtt heimsmet skv. miðlum þarna úti. Li Jane spilaði 234, 257 og 211 eða 702 sem segir okkur að þessi úrslitaviðureign hefur verið afskaplega spennandi og hátt skor hjá báðum konunum.

Bæði Magnúsi og Guðnýju gekk betur á mótinu í gær og spiluðu sig upp um nokkur sæti. Guðný spilar með holli A hjá konunum sem á að byrja kl 11 að staðartíma, eða kl 10 að íslenskum tíma í dag fimmtudaginn 6. nóvember. Magnús spilar hins vegar með holli B hjá körlunum sem spilar siðast í kvöld og á að hefja keppni kl 21 að staðartíma eða kl 20 að íslenskum tíma.

Hér má nálgast stöðu í kaflaflokki eftir fyrstu 2 dagana (pdf skjal – opnast í nýjum glugga).

Hér má nálgast stöðu í kvennaflokki eftir fyrstu 2 dagana (pdf skjal – opnast í nýjum glugga).

Neil Ellul frá Möltu spilaði fyrsta 300 leikinn á mótinu í ár (væntum þess að þeir verði fleiri). Neil hefur tvisvar verið landsmeistari Möltu og einnig hefur hann unnið til silfurverðlauna á Samveldisleikunum 20122 en þetta er í fyrsta sinn sem hann keppir á heimsmeistaramóti. Þessi 300 leikur hans er sá 54. sem spilaður er í sögu keppninnar í karlaflokki en Neil hefur tvisvar áður náð þessum áfanga að spila 300 í keppni. Neil sagði að í fyrsta sinn var hann þó ekki stressaður þegar ljóst var að hverju stefndi. Leiknum náði hann einni á setti sem var í útsendingu á netinu þannig að áhorfendur hafa fengið eitthvað fyrir sinn snúð.

Guðný Gunnarsdóttir og Magnús Magnússon hefja bæði keppni á 50. QubicaAMF Bowling World Cup, heimsbikarmót einstaklinga í keilu á morgun. Guðný spilar í holli A sem hefur keppni kl 11:00 að staðartíma, eða kl. 10:00 að íslenskum tíma. Magnús spilar í holli B sem hefur keppni kl. 14:30 að staðartíma, eða kl 13:30 að íslenskum tíma. Sjá nánari dagskrá og fylgist með fréttum á heimasíðu mótsins. 

Heimasíðu Bowling digital.

Facebook og Twitter.

Einnig má fylgjast með beinni útsendingu á YouTube og Live Online Score.

50. QubicaAMF Bowling World Cup, heimsbikarmót einstaklinga í keilu verður haldið í borginni Wroclaw í Póllandi dagana 1. – 9. nóvember n.k. Mótið var haldið á sama stað árið 2012 og fulltrúar Íslands eru einnig þeir sömu og fyrir tveimur árum, þau Guðný Gunnarsdóttir og Magnús Magnússon, bæði úr ÍR sem unnu sér rétt til þáttöku á mótinu með árangri sínum í AMF mótaröðinni síðasta vetur. Magnús er að keppa á mótinu í fimmta sinn, en Guðný er á sínu fjórða móti.

Hinn gamalkunni Davíð Löve sem spilar undir merkjum KR náði þeim merka áfanga í 1. deildinni í gær að spila sinn fyrsta 300 leik. Kom 300 leikurinn í öðrum leik KR C á móti ÍR PLS í Keiluhöllinni Öskjuhlíð. Davíð spilaði 183 – 300 – 153 eða 635 seríu. Svo fór þó að ÍR PLS sigraði viðureignina 12 – 5 en upp úr stóð afrek Davíðs og óskum við honum til hamingju með 300 leikinn.

 Opnað hefur verið fyrir skráningu í mótið sem verður haldið 25. og 26. okt. um næstu helgi.

Netskráning HÉR.

Íslandsmót í tvímenningi 2014

Verður haldið dagana 25. og 26. október.

Olíuburður verður  2013 EBT 14 – BNC Open     39 fet    Ratio 2,36

Forkeppni laugardaginn 25. október kl. 8:00 í Egilshöll

Spilaðir eru 4 leikir. Efstu 10 tvímenningarnir halda áfram í milliriðil. Verð í forkeppni kr.

6,500,- pr. tvímenning.

Milliriðill laugardaginn 25. október kl. 10:00 í Egilshöll

Spilaðir eru 4 leikir. Efstu 6 tvímenningarnir halda áfram í undanúrslit. Verð í milliriðil kr.

6,000,- pr. tvímenning.

Undanúrslit sunnudaginn 26. október kl. 8:00 í Egilshöll

Spilað er allir við alla einföld umferð. Efstu 2 tvímenningarnir leika til úrslita strax að

loknum undanúrslitum. Verð í undanúrslit kr. 6,500,- pr. tvímenning.

Úrslit sunnudaginn 26. október – strax að loknum undanúrslitum:

Tveir stigahæstu tvímenningarnir leika síðan til úrslita, sá tvímenningur sem er efstur að

stigum fyrir úrslit nægir að vinna tvær viðureignir (2 stig) en annað sætið þarf að vinna

þrjár (3 stig). Jafnteflis viðureignir teljast sem hálft stig á hvorn tvímenning. Ef enn er jafnt

eftir 5 leiki skal pinnafall ráða. Sjá nánar í reglugerð KLÍ um Íslandsmót í tvímenningi.

Skráning fer fram á netinu á kli.is og lýkur fimmtudaginn 23. október klukkan 22.00

Vinsamlegast skráið báða aðilana.

Mótanefnd KLÍ

Nefndin áskilur sér rétt til breytinga ef þurfa þykir.