Skráning er hafin á Opna Reykjavíkurmót einstaklinga í keilu 2016. Skráning fer fram hér. Skráningu lýkur fimmtudaginn 15. september kl. 21:00.

Leiknir verða 9 leikir í forkeppni og komast fjórir efstu karlar og konur áfram í undanúrslit. Undanúrslitin eru þannig að 1. og 4. sætið keppa annarsvegar og 2. og 3. sætið hinsvegar. Sá keilari sem fyrr vinnur tvo leiki kemst í úrslitaleikinn og þarf tvo sigra þar til að vinna. Ekki er keppt um þriðja sætið, tvö brons.

Forkeppnin er laugardaginn 17. september kl. 09:00, 6 leikir og sunnudaginn 18. september kl. 09:00, 3 leikir.
Undanúrslit og úrslit eru þar strax á eftir.

Olíuburður er sá sami og notaður verður í deildarkeppninni, 2013 EBT 15 – Columbia 300 Vienna Open.

Verð kr. 6.000,-

Vinsamlegast skráið ykkur tímalega.

Undirbúningsnefnd áskilur sér rétt til breytinga í
forkeppninni.

Reykjavíkurfélögin

Minnum einnig á að skráning í Opna Reykjavíkurmót einstaklinga 2016 með forgjöf stendur yfir.

Í gærkvöldi hófst Pepsí-keilan að nýju eftir sumarfrí. Ágætis mæting var í mótið eða 16 keilarar. Talsverður fjöldi fólks var fyrir í Keiluhöllinni en það hefur varla sést svona mikið af fólki á sunnudagskvöldi í dágóðan tíma. Að þeim sökum var svolítið þröngt um okkur en það blessaðist eins og búast mátti við. Í efsta sæti í * flokki varð Hlynur Örn Ómarsson úr ÍR en hann spilaði 781 í fjórum leikjum sem gera 195,25 í meðaltal. Í A flokki varð það Guðný Gunnarsdóttir ÍR sem spilaði 738 eða 184,5 í meðaltal. B flokkinn tók Bergþóra Rós Ólafsdóttir ÍR með 660 eða 165 í meðaltal og C flokkinn tók Ingi Már Gunnarsson ÍR með 595 eða 148,75. Olíuburðurinn í gær var C-Tower of Pisa 41 fet.

Mótin halda svo áfram alla sunnudaga í vetur og von er á að næsta sunnudag verði sett á sú olía sem verður í deildinni fyrri hluta tímabilsins.

Í dag lauk liðakeppninni á EM í keilu. Íslenska liðið spilaði vel í dag, fékk 3146 stig eða um 210 að meðaltali.

Þrátt fyrir þessa góðu spilamennsku tókst liðinu ekki að ná markmiðinu sem var að tryggja sig inn á HM í Kuwait 2017.  Strákarnir voru nálægt þessu markmiði og segja má að leifaspilið hafi orðið til þess að þetta takmark náðist ekki. Ísland endaði í 18 sæti í liðakeppninni.

Nú er fyrri keppnisdegi í liðakeppni EM lokið. Strákarnir voru í 9. sæti eftir fyrri riðilinn í morgun.

Á morgun hefst keppni kl. 11:30 og tekur spilamennskan ca. 4,5 klst.

Í dag hófst liðakeppni á EM í Brussel. Strákarnir okkar stóðu sig vel og halda möguleikanum á HM sæti í Kuwait lifandi.  

Liðið í dag var skipað Gústafi, Bjarna, Stefáni, Skúla og Arnari Davíð.  Guðlaugur lék í liði sem skipað var 6. manni frá 4 öðrum þjóðum og spilaði 553.
Strákarnir byrjuðu daginn ekkert allt of vel, spiluðu 958 í fyrsta leik. Þeir vöknuðu svo til lífsins í leik 2 og 3, spiluðu 1051 og 1058 sem setti þá í 9 sæti eftir fyrri riðilinn.
Stefán kom heldur betur sterkur inn eftir slakkt gengi á mótinu hingað til, spilaði hann best í Íslenska liðinu eða 656. Næst komu Gústaf með 632, Arnar með 609, Skúli með 598 og Bjarni með 573.
Nú stendur yfir seinni riðillinn og eftir að honum líkur verða línur aðeins farnar að skýrast með framhaldið. 

Skráning er hafin á Opna Reykjavíkurmót einstaklinga í keilu 2016 með forgjöf. Skráning fer fram hér á vefnum. Skráningu lýkur fimmtudaginn 8. september kl. 21:00.

Leiknir verða 9 leikir í forkeppni og komast fjórir efstu karlar og konur áfram í undanúrslit. Undanúrslitin eru þannig að 1. og 4. sætið keppa annarsvegar og 2. og 3. sætið hinsvegar. Sá keilari sem fyrr vinnur tvo leiki kemst í úrslitaleikinn og þarf tvo sigra þar til að vinna. Þeir sem tapa undanúrslitum spila um þriðja sætið, tvo sigra þarf.

Forkeppnin er laugardaginn 10. september kl. 09:00, 6 leikir og sunnudaginn 11. september kl. 09:00, 3 leikir.
Undanúrslit og úrslit eru þar strax á eftir.

Olíuburður er sá sami og notaður verður í deildarkeppninni, 2013 EBT 15 – Columbia 300 Vienna Open.

Forgjöf er 80% af meðaltali mínus 200.

Verð kr. 6.000,-

Vinsamlegast skráið ykkur tímalega.

Undirbúningsnefnd áskilur sér rétt til breytinga í
forkeppninni.

Reykjavíkurfélögin

Opna Reykjavíkurmótið án forgjafar verður helgina eftir 17. til 18. Sjá frétt og skráningu síðar.

Nú var að ljúka þrímenningi á EM í keilu hér í Brussel. 72 þrímenningar tóku þátt. Íslensku strákunum gekk ekki nógu vel í dag.

Fyrri degi þrímenningskeppni EM í keilu var að ljúka. Íslensku þrímenningunum gekk upp og ofan:

Næstkomandi sunnudag hefjast aftur vikulegu Pepsí mót ÍR. Keppt er sem fyrr kl. 20:00 og leiknir 4 leikir, skipt um brautarpar eftir 2 leiki. Verðið í ár ver&r kr. 3.000,- og er skráning og greiðsla í afgreiðslu Keiluhallarinnar.  Sjá nánar auglýsingu.