Á páskadag fór fram Masterskeppni á Evrópumóti unglinga í Helsinki í Finnlandi. Ísland átti einn keppanda þar, hann Mikael Aron Vilhelmsson úr Keilufélagi Reykjavíkur. 16 leikmenn komust inn í Masterskeppnina en Mikael náði að spila sig inn í 16. sætið í All-Event í síðasta leiknum í liðakeppninni. Það þýddi að hann mætti sterkasta stráknum á mótinu þar sem 16. sætið spilaði á móti því fyrsta. Spilað er maður á mann og þarf að vinna 2 leiki til að komast áfram í næstu umferð. Mikael Aron mætti Finnanum Markus Lahti í fyrstu umferð í spennandi leik sem Mikael sigraði naumlega 2-0.

Í annari umferð Masterskeppninnar mætti Mikael Svíanum Emil Svensson, sem var í 3. sæti í All-Event. Mikael keyrði allt í botn og sigraði Svíann 2-0 en Emil átti ekki góðan leik á móti Íslendingnum og þurfti að lúta í lægra haldi að þessu sinni.

Eftir sigurinn á Emil Svensson var orðið staðfest að Mikael Aron myndi fá verðlaunapening þar sem hann var kominn í undanúrslit. Mikael mætti Dananum Magnus Rehnquist í hörkuspennandi viðureign sem fór í 3 leiki. Mikael tapaði naumlega fyrsta leik en skellti svo í 276 í leik 2. Hann náði ekki að fylgja þeim leik nægilega vel eftir og 3 leiðinlegar glennur í röð töpuðu leiknum fyrir honum.

Bronsmedalía þá staðfest eftir tap Mikaels gegn Magnus Rehnquist en er þetta aðeins önnur medalían sem Ísland fær á Evrópumóti unglinga en Arnar Davíð Jónsson sigraði Masterskeppnina árið 2011.

Evrópumóti unglinga 2024 er þá lokið og geta íslensku krakkarnir gengið stolt frá Helsinki. Stelpurnar settu samtals 6 íslandsmet á mótinu og strákarnir voru nokkrum pinnum frá því að taka fleiri medalíur með sér heim.

Slegin Íslandsmet:

1.flokkur stúlkna, met í einum leik, Viktoría Hrund Þórisdóttir, 286

3.flokkur stúlkna, met í 5 og 6 leikjum, Særós Erla Jóhönnudóttir, 959 og 1139

4.flokkur stúlkna, met í 3, 4 og 5 leikjum, Bára Líf Gunnarsdóttir, 553, 707 og 867

Viðburðarríku móti lokið og hlökkum til næsta sem verður í Samsun í Tyrklandi árið 2025.

ÁFRAM ÍSLAND!

Þá er liðakeppni lokið á Evrópumóti unglinga í Helsinki í Finnlandi. Spilaðir voru sex leikir sem var skipt á tvo daga. Stelpurnar byrjuðu daginn í dag, 30. mars en strákarnir hófu daginn í gær. Stelpurnar stóðu sig með prýði og áttu nokkra góða leiki en það var ekki nóg til að komast í úrslit. Þær enduðu í 12. sæti af 14 þjóðum. Olivia og Viktoría eru á sínu síðasta ári sem keppendur á Evrópumóti unglinga en Bára og Særós eru bara rétt að byrja og eiga þær bjarta framtíð fyrir sér. Hér er skorið í liðakeppni stúlkna:

Í All-Event þá var Olivia Clara Lindén hæst íslenskra stúlkna með 183 í meðaltal úr 18 leikjum og var hún í 41. sæti en hún var 307 pinnum frá niðurskurði.

Lokastaða í All-Event stúlkna:

Strákarnir kláruðu svo liðakeppnina um hádegi í dag og var mikil spenna fram til síðasta kasts. Fyrri dagur strákana var ekkert sérstakur og voru þeir í 10. sæti eftir 3 leiki. Í fyrsta leik dagsins, eða leik 4 í seríunni, tóku strákarnir 980 pinna samtals, sem er 245 meðaltal, og þeir voru komnir í 4. sæti og í svakalega baráttu um verðlaun. Þeir náðu hinsvegar ekki að fylgja þessum risaleik eftir og töpuðu niður því stóru forskoti sem þeir höfðu og enduðu í 5. sæti og voru aðeins 28 pinnum frá því að koma sér í úrslit. Virkilega góður árangur hjá þeim ungu, sem eiga allir möguleika á að keppa á næsta ári. Skorið úr liðakeppni stráka er hér:

Í All-Event þá var Mikael Aron hæstur íslenskra stráka en hann náði að koma sér uppí 16.sæti á síðasta kastinu sínu í liðakeppni og þar af leiðandi fær hann að keppa í masterskeppni sem fer fram á páskadag. Hann var með meðaltal uppá 213 á mótinu og vonandi nær hann að fylgja því eftir í masternum.

Lokastaða í All-Event stráka:

Venjulegri keppni er þá lokið á mótinu í ár en Ísland á einn keppenda í Masterskeppninni, hann Mikael Aron Vilhelmsson úr Keilufélagi Reykjavíkur. Hvetjum alla að fylgjast með á morgun en hann á að byrja kl.7:45 á íslenskum tíma.

ÁFRAM Mikael, ÁFRAM ÍSLAND!

Evrópumót unglinga 2024 í Helsinki er komið á fulla siglingu og er einstaklingskeppni lokið.
Í gær, 25. mars voru strákarnir á brautunum en það eru 100 strákar sem keppa í ár sem koma frá 28 þjóðum og auðvitað er Ísland meðal þátttakenda.
Matthías Leó Sigurðsson og Tristan Máni Nínuson voru í fyrsta holli gærdagsins. Tristan var með góða seríu uppá 1232 pinna í 6 leikjum en Matthías átti erfitt með að finna sig til að byrja með en náði aðeins að laga stöðuna og endaði með 1130 pinna.
Ásgeir Karl Gústafsson og Mikael Aron Vilhelmsson voru svo næstir á brautirnar. Þeir áttu báðir prýðisgóða byrjun en náðu hvorugir að halda dampi . Ásgeir endaði með 1165 í 6 leikjum á meðan Mikael var með 1147.

Stelpurnar hófu svo leik í einstaklingskeppni í dag, 26. mars.
Bára Líf Gunnarsdóttir og Særós Erla Jóhönnudóttir byrjuðu á brautunum og áttu nokkuð góðan dag.
Bára er á sínu fyrsta Evrópumóti og er hún aðeins 12 ára gömul, á meðan er Særós sem er tæplega 14 ára, á sínu öðru Evrópumóti. Bára átti seríu uppá 890 í 6 leikjum en Særós spilaði 1139 og setti einnig Íslandsmet í 13-14 ára flokki stúlkna í 5 og 6 leikjum.
Olivia Clara Lindén og Viktoría Hrund Þórisdóttir spiluðu svo eftir hádegi og byrjuðu þær virkilega vel en Viktoría var í einu af efstu fjórum sætunum eftir 3 leiki. Viktoría sló Íslandsmet í 1 leik 17-18 ára stúlkna með leik uppá 286. Olivia var stöðug alla 6 leikina en Viktoría náði ekki að halda alveg sama dampi og hún byrjaði með, þó hún kláraði vel. Viktoría spila 1189 á meðan Olivia spilaði 1130.

Næst verður það tvímenningur og munu strákarnir spila á morgun, 27. mars 
Stelpurnar munu svo spila daginn eftir eða 28. mars.

ÁFRAM ÍSLAND!