Ástrós Pétursdóttir úr ÍR komst í gær, fyrst íslenskra kvenna, í 16 kvenna úrslit á Evrópumóti landsmeistara en mótið í ár fram fer í Langen í Þýskalandi. Í gærkvöldi voru spilaðir seinni 8 leikirnir í forkeppninni hjá konunum og náði Ástrós 1.582 seríu eða 197,8 í meðaltal. Alls taka 37 konur þátt í keppninni í ár og var Ástrós í 19. sæti eftir fyrri keppnisdaginn en spilaði sig upp í 15. sæti með góðum endaspretti en síðustu þrír leikirnir hjá henni voru 223 – 226 og 240 en besti leikur hennar í gær var þó 268.

Efst kvenna í keppninni er Eliisa Hiltunen frá Finnlandi með 220,8 í meðaltal eftir 16 leiki forkeppninnar. Á morgun laugardag verður keppt í 16 manna úrslitum og verða leiknir 8 leikir. Að lokum komast síðan 8 efstu áfram í sjálfa úrslitakeppnina sem fram fer á sunnudag.

Hægt er að fylgjast með mótinu í beinni útsendingu á vefnum auk þess sem hægt er að sjá skor leikmanna á LaneTalk. Aðrar upplýsingar mótsins er að finna á vefsíðu þess.

Gústaf Smári Björnsson úr KFR lék sína seinni 8 leiki í forkeppninni í morgun og spilaði 1.516 og er sem stendur í 18. sæti en seinni riðilinn á eftir að spila og því ljós að Gústaf kemst ekki áfram í ár.

Í gær hófst keppni á Evrópumóti landsmeistara 2018, ECC-18, sem fram fer í Langen í Þýskalandi. Þau Ástrós Pétursdóttir úr ÍR og Gústaf Smári Björnsson úr KFR keppa fyrir Íslands hönd á mótinu en þau eru Íslandsmeistara einstaklinga 2018. Skúli Freyr Sigurðsson er þjálfari þeirra í ferðinni. Í gær voru spilaðir fyrstu 8 leikirnir af 16 í forkeppninni og hóf Ástrós keppni í riðli 2. Gústaf Smári byrjaði svo í riðli 1 seinna um daginn.

Ástrós átti heilt yfir ágætis seríu og náði 1.499 pinnum í 8 leikjum eða 187,4 í meðaltal. Nokkrir 150+ leikir inn á milli en allir hinir yfir 200 og þar af best 213. Er hún sem stendur í 19. sæti 29 pinnum frá niðurskurðinum sem er 16. sæti. Gústaf Smári átti þokkalega byrjun og sótti svo ögn á og endaði með 1.536 pinna eða 192,0 í meðaltal, besti leikur í seríunni var 212, sem skilar honum í 31. sæti 126 pinnum frá niðurskurðinum.

Best hjá konum í mótinu spilaði hin danska Mai Ginge Jensen 1.808 eða 226,0 í meðaltal. Viktor Danielsson frá Svíþjóð spilaði best karla 1.874 eða 234,2 í meðaltal. Einn 300 leikur er kominn í mótinu en það var hin ítalska Giada Di Martino sem skellti strax í 300 í fyrsta leik dagsins. Hún situr í 9. sæti forkeppninnar eins og er.

Í dag kl. 16:00 að íslenskum tíma leikur Ástrós seinni 8 leikja seríu sína á mótinu en Gústaf Smári leikur sína seinni seríu kl. 7:00 á morgun föstudag. Hægt er að fylgjast með beinni útsendingu frá mótinu bæði á YouTube og LaneTalk sem og eru úrslit og aðrar upplýsingar mótsins að finna á vefsíðu þess.

Mótið heldur svo áfram inn í helgina og verða 16 manna úrslit spiluð á laugardaginn en mótinu lýkur svo á sunnudag með 8 manna og úrslitakeppni í beinu framhaldi.

Evrópubikar landsmeistara fer fram í Langen Þýskalandi 22. – 29. október. Íslandsmeistaranir Ástrós Pétursdóttir og Gústaf Smári Björnsson leika fyrir Íslands hönd. Þjálfari og fararstjóri er Skúli Freyr Sigurðsson. Hægt er fylgjast með á heimasíðu mótsinns. Fréttir frá mótinu koma auk þess inn á vef sambandsins.

5.umferð í 3.deild karla hefur verið færð um einn dag og er spiluð Þriðjudaginn 23.okt í stað mánudagsins 22.okt

Í kvöld var dregið í 16.liða bikarkeppni karla og kvenna

Leikdagar eru 10 og 11.des

Þau lið sem að dróust saman í kvenna eru:
ÍR BK – ÍR KK (10.des kl 19:00 )
KFR Skutlurnar – ÍA (10.des kl 19:00 )
ÍR Elding – KFR Ásynjur (10.des kl 19:00 )
ÍR Buff – ÍR TT (10.des kl 19:00 )
Þór Þrumurnar – KFR Afturgöngurnar ( Laugardagurinn 8.des kl 15:00 )

Þau lið sem sitja hjá og eru komin í 8.liða úrslit eru:
KFR Valkyrjur 
ÍR Píurnar
ÍR SK

Í karla eru það:

Þór Vikingar – Þór Plús ( Laugardaginn 8.des kl 18:00)
KR A – ÍR KLS (11.des kl 19:00 )
KFR JP Kast – KFR Grænu Töffararnir(11.des kl 19:00 )
KFR Stormsveitin – KFR Lærlingar (11.des kl 19:00 )
ÍR PLS – ÍR Fagmaður (11.des kl 19:00 )
Þór – ÍA W eða ÍA  (ÍA W eða ÍA ) (Sunnudaginn 20.Jan 2019)
ÍA B – ÍR A   (11.des kl 19:00 )
og það lið sem að kom síðast upp úr pottinum og er komið inn í 8.liða úrslit er ÍR Broskarlar

Arnar Davíð Jónsson úr KFR varð rétt í þessu í 3. sæti á Opna norska meistaramótinu í keilu sem er hluti af ETBF mótaröðinni. Arnar sem átti frábært mót endaði í 10. sæti eftir forkeppnina með  1.426 pinna eða 237,67 í meðaltal. Arnar komst síðan í top 8 manna úrslit á mótinu og var efsta sæti mótsins áður en að úrslitunum komu. Sem fyrr segir endaði hann í 3. sæti keppninnar sem er frábær árangur en yfir 270 keilarar tóku þátt í mótinu. Arnar Davíð vann á dögunum danska mótið á mótaröðinni í Óðinsvé og er því fun heitur á brautunum á Norðurlöndum. Jón Ingi Ragnarsson úr KFR keppti einnig á mótinu og endaði í 68. sæti forkeppninnar.

Mynd: www.bowlingdigital.com

Í dag fór fram 1. umferð í Meistarakeppni ungmenna 2018 til 2019. Alls kepptu 33 ungmenni þar af flestir í 3. flokki pilta og stúlkna. Best í dag spilaði Ágúst Ingi Stefánsson úr ÍR en hann sigraði í 2. flokki pilta með 1.151 pinna í sinni 6 leikja seríu eða 191,8 í meðaltal. Úrslitin urðu annars sem hér segir:

1. flokkur stúlkna

1. sæti – Guðbjörg Harpa Sigurðardóttir Þór

2. flokkur pilta

3. sæti – Jóhann Ársæll Atlason ÍA

1. sæti – Ágúst Ingi Stefánsson ÍR

2. sæti – Steindór Máni Björnsson ÍR

2. flokkur stúlkna

3. sæti – Sonja Líf Magnúsdóttir ÍR

1. sæti – Elva Rós Hannesdóttir ÍR

2. sæti – Málfríður Jóna Freysdóttir KFR

3. flokkur pilta

3. sæti – Hrannar Þór Svansson KFR

1. sæti – Guðbjörn Joshua Guðjónsson KFR

2. sæti – Hinrik Óli Gunnarsson ÍR

3. flokkur stúlkna

3. sæti – Eyrún Ingadóttir KFR

1. sæti – Hafdís Eva Laufdal Pétursdóttir ÍR

2. sæti – Sara Bryndís Sverrisdóttir ÍR

4. flokkur pilta

3. sæti – Tristan Máni Nínuson ÍR

1. sæti – Mikael Aron Vilhelmsson KFR

2. sæti – Matthías Leó Sigurðsson ÍA

4. flokkur stúlkna

2. sæti – Ásrún Rós Aðalsteinsdóttir ÍR

1. sæti – Fjóla Dís Helgadóttir KFR

5. flokkur stúlkna

Særós Erla Jóhönnudóttir ÍA

 
Íslandsmót para verður haldið í Keiluhöllinni Egilshöll helgina 24. til 25. Nóvember 2018, 

sjá reglugerð um Íslandsmót para. 

Forkeppni laugardaginn 24.nóv kl. 11:00

Spilaðir eru 6 leikir. Efstu 8 pörin halda áfram í milliriðil.

Verð í forkeppni kr. 10.500,- pr. Par

Milliriðill sunnudaginn 25.nóv kl. 11:00

Spilaðir eru 6 leikir. Efstu 2. pörin leika til úrslita strax að loknum milliriðli.

Verð í milliriðil kr. 10.000- pr. Par

Úrslit – strax að loknum milliriðli:

Tvö stigahæstu pörin leika síðan til úrslita, það par sem er efst að stigum fyrir úrslit nægir að vinna tvær viðureignir (2 stig) en annað sætið þarf að vinna þrjár (3 stig). Jafnteflis viðureignir skal útkljá með því að pörin kasta einu kasti hvert og ræður samtala parsins úrslitum. Ef enn er jafnt skal kasta aftur og endurtaka þar til úrslit liggja fyrir. Ef jafnt er í síðasta leik skal hver leikmaður kasta einu kasti. Ef enn er jafnt skal kasta öðru kasti og halda þannig áfram þar til úrslit liggja fyrir.

Sigurvegararnir hljóta titilinn
„Íslandsmeistarar para“.

PBA Mark Roth 42

Skráning:

Vinsamlegast skráið nöfn beggja leikmanna:
annað sem first name og hitt sem last name.

Nú verður ekki posi á staðnum. 
Hægt verður að greiða með Pening á staðnum eða að leggja inn á reikning hjá KLÍ 
og senda staðfestingu á greiðslu á motanefnd@kli.is eða koma með útprentun á kvittun í mótið

Keilusamband Íslands,KLÍ
Kennitala 460792-2159
0115-26-010520

Mótanefnd KLÍ

Nefndin áskilur sér rétt til breytinga ef þurfa þykir.

Í gærkvöldi fóru fram viðureignir 32. liða úrslit í Bikarkeppni karlaliða en síðasti leikurinn í þessari fyrstu umferð fer fram á Akranesi 21. október en það er leikur ÍA gegn ÍA W. KR A sigraði í gær ÍR L en leikurinn fór í bráðabana þar sem KR A hafði betur 28 gegn 26. KFR Stormsveitin sigraði sína viðureign örugglega 3 – 0 gegn ÍR Keila.is, ÍR PLS sigraði sömuleiðis unglingana í ÍR Land 3 – 0 en áður hafði ÍR A sigrað ÍR S með 3 vinningum gegn 1.

Dregið verður í 16 liða bikarkeppnina mánudaginn 15. október kl. 18:30 – Sjá nánar um Bikarkeppni KLÍ.

Alexander Halldórsson og Gunnar Þór Ásgeirsson úr ÍR tryggðu sér Íslandsmeistaratitil í tvímenningi 2018 þegar þeir lögðu Gústaf Smára Björnsson og Skúla Frey Sigurðsson úr KFR í úrslitum með tveim vinningum gegn einum. Alexander og Gunnar leiddu forkeppnina lengst af en þeir Gústaf og Skúli fylgdu þeim fast á eftir í örðu sæti. Að lokinni forkeppni og milliriðli voru þeir Alexander og Gunnar í efsta sæti og nægði þeim tveir vinningar en Gústaf og Skúli hefðu þurft þrjá til að hampa titlinum.

Í þriðja sæti urðu svo Íslandsmeistarar síðustu tveggja ára þeir Einar Már Björnsson og Hafþór Harðarson úr ÍR. Efst kvenna í keppninni í ár urðu þær Nanna Hólm og Linda Hrönn Magnúsdóttir úr ÍR en þær urðu í 4. sæti. Alls tóku 12 tvímenningar þátt í mótinu í ár.

Í úrslitum fóru leikirnir svona:

Leikur 1 – 421 gegn 300

Leikur 2 – 387 gegn 445

Leikur 3 – 414 gegn 355