Dagana 7.-18. júlí fer fram heimsmeistaramót fyrir leikmenn 21 árs og yngri.
Þetta mót er haldið í 17. skipti en það var síðast í Helsingborg í Svíþjóð árið 2022.
Íslenska landsliðið hefur átt góðu gengi að fagna á þessu móti en árið 2008 voru þeir Hafþór Harðarson og Róbert Dan Sigurðsson sem stóðu á verðlaunapalli og tóku við bronsverðlaunum í Orlando og það var núna síðast í Helsingborg þar sem að íslensku strákarnir komu sér áfram í 16 liða úrslit í liðakeppninni í svokölluðu baker-sniði sem var nýjung á því ári. Þeir enduðu í 12. sæti.

Að þessu sinni fer mótið fram í Incheon í Suður-Kóreu og hafa 39 þjóðir boðað þátttöku, þar á meðal er Ísland. Mark Heathorn yfirþjálfari fer til Suður-Kóreu ásamt Skúla Frey Sigurðssyni aðstoðarþjálfara og hafa þeir valið 4 stráka til að taka þátt en engar stelpur buðu sig fram í þetta verkefni.

Íslensku strákarnir sem fara á HM U21:

• Aron Hafþórsson úr KFR
• Hinrik Óli Gunnarsson úr ÍR
• Ísak Birkir Sævarsson úr ÍA
• Mikael Aron Vilhelmsson úr KFR

Á þessu móti fer allt fram í baker-sniði fyrir utan einstaklingskepnnina. Það þýðir að það er enginn masterskeppni og því bara keppt í einstaklings, tvímennings og liðakeppni. Ísland keppir ekki í blönduðu liði því engar stelpur eru til að spila.

Nú þegar er búið að gefa út olíuburð mótsins og fyrir áhugasama má sjá hann hér

Stöður, úrslit, streymi og fleira er hægt að finna hér

Liðakeppni er nú lokið á Evrópumóti kvenna í Frakklandi.
Hófst keppnin á fimmtudagsmorgun þegar fyrstu þrír leikirnir voru leiknir.
Liðið átti ekki sinn besta dag á brautunum en Ágústa og Linda áttu góðan síðasta leik. Katrín var frekar stöðug á meðan Hafdís og Nanna áttu mjög erfiðan dag. Margrét var ein á brautum þar sem leikið er í 5-kvenna liði og þá spilar ein kona stök til að ná uppí masterskeppnina. Margrét átti fínasta dag á brautunum sem skilaði henni inn í liðið fyrir seinni daginn á kostnað Nönnu.

Nú í morgun, föstudag fór fram seinni hluti liðakeppninnar og byrjaði hún ekki vel.
Liðið var lengi í gang en áttu góða leiki í sjötta og síðasta leiknum. Katrín var aftur frekar stöðug á meðan Margréti gekk brösulega. Ágústa, Linda og Hafdís náðu að laga stöðuna eftir erfiða byrjun. Nanna átti hörkudag þegar hún var ein síns liðs. Liðið var í 14. og síðasta sætinu.

Staðan í All-Event var þannig að hæsta konan í ár er Linda Hrönn en hún var í 83.sæti með 177.38 í meðaltal í 24 leikjum. Heildarstaða í All-Event er hér:

Keppni er þá lokið hjá íslensku konunum okkar en segja má að þetta hafi reynst þeim erfitt mót.
Aðstæður voru krefjandi og erfiðar en það verður vonandi hægt að horfa til baka og læra af því til að undirbúa næsta Evrópumót sem haldið verður í Odense í Danmörku árið 2026.
Kvennaliðinu tókst ekki að tryggja sig inná HM í Hong Kong sem verður í nóvember 2025.

Á þriðjudagsmorgun hófst þrímenningur á Evrópumóti kvenna í Frakklandi.
Konunum var skipt í tvö lið og spiluðu bæði liðin sínu fyrstu þrjá leiki á þriðjudag og svo seinni þrjá leikina í dag, miðvikudag. Lið 1 var skipað af Ágústu, Hafdísi og Lindu.
Linda var stöðug allan tímann en Hafdís og Ágústa áttu í erfiðleikum mð að tengja saman góða leiki.

Margrét, Nanna og Katrín skipuðu lið 2 og þær voru í svipuðum vandræðum og hinar stelpurnar.
Þær áttu allar fína leiki en en þær áttu líka leiki sem gengu illa og þær vilja væntanlega gleyma

Þá er það bara liðakeppnin eftir en í henni spila 5 konur saman sex leiki.
Sú eina sem situr eftir mun samt spila sex leiki en ekki í liðakeppninni sjálfri.
Liðið er skipað svona:

• Ágústa
• Linda
• Nanna
• Hafdís
• Katrín

Margrét mun þá spila í svokölluðu blönduðu liði með konum frá öðrum löndum en þeir leikir eru til að ná leikjafjölda fyrir masterskeppnina.

Stelpurnar byrja kl.8:00 á fimmtudagsmorgun á leikjum 1-3 og svo á sama tíma á föstudagsmorgun fyrir leiki 4-6

Allt það helsta um mótið er hér:

KOMA SVO STELPUR, ÁFRAM ÍSLAND

Tvímenningi á Evrópumóti kvenna í Frakklandi er nú lokið.
Tvímenningurinn byrjaði á sunnudagsmorgun þegar Katrín Fjóla og Margrét Björg stigu á brautirnar.
Þær voru báðar í basli nánast allan tímann en Margrét náði hinsvegar góðum leik uppá 234.

Í hádeginu sama dag voru Linda Hrönn og Ágústa Kristín að spila og gekk mun betur hjá þeim.
Þær voru báðar nokkuð stöðugar allan tímann og voru með hæsta skorið af Íslendingunum.

Í morgun, mánudag var komið að lokariðlinum í tvímenning. Nanna Hólm og Hafdís Pála áttu bestu seríurnar í einstaklingnum og voru paraðar saman vegna þess. Þær náðu ekki að fylgja skorinu eftir en Hafdís var nokkuð stöðug á meðam Nanna var í smá brasi.

Á morgun, þriðjudag og svo á miðvikudag fer fram þrímenningur. Mark og Magnús hafa skipað 2 lið í þrímenning og dagskráin lítur þá svona út:

Þriðjudagurinn 11. júní:

Kl.8:00, Hafdís Pála, Linda Hrönn og Ágústa Kristín (Leikir 1-3)

Kl.12:00, Margrét Björg, Nanna Hólm og Katrín Fjóla (Leikir 1-3)

Miðvikudagurinn 12. júní:

Kl.8:00, Margrét Björg, Nanna Hólm og Katrín Fjóla (Leikir 4-6)

Kl.12:00, Hafdís Pála, Linda Hrönn og Ágústa Kristín (Leikir 4-6)

Kl. 15:45, undanúrslit og úrslit.

Allt það helsta um mótið er hér: https://ewc2024.ebfchampionships.sport/

Einstaklingskeppni á Evrópumóti kvenna í Frakklandi er lokið.
Þetta byrjaði allt á föstudagsmorgun þegar Ágústa Kristín og Linda Hrönn stigu á brautirnar.
Ágústa er í sínu fyrsta landsliðsverkefni með kvennalandsliðinu en Linda er reynslumikil með landsliðinu. Þær áttu báðar nokkuð góða leiki en náðu ekki að koma sér á gott strik.

Margrét Björg og Nanna Hólm spiluðu svo í hádeginu á föstudaginn og voru nokkuð sveiflukenndar.
Þetta var erfiður dagur fyrir Margréti þar sem hún náði ekki að sýna sitt besta. Nanna spilaði þokkalega vel en síðasti leikurinn hennar var svolítið slakari en hinir.

Hafdís Pála og Katrín Fjóla byrjuðu svo í morgun, laugardag. Hafdís, nýkrýndur Íslandsmeistari einstaklinga sýndi af hverju hún varð Íslandsmeistari og var hæst íslenskra kvenna í einstaklingskeppninni.
Katrín náði sér hinsvegar aldrei á strik en hún á enn mikið inni.

Engin af stelpunum komst áfram í úrslit í einstaklingskeppninni en skorið leit svona út:

Mark Heathorn og Magnús Sigurjón fylgdust vel með í einstaklingskeppni og hafa tekið ákvörðun um hverjar verða saman í tvímenningskeppninni, sem hefst á morgun, sunnudag.
Dagskrá tvímennings lítur svona út:

Sunnudagur, 9. júní:

Kl.8:00 Margrét og Katrín

Kl.12:45 Linda og Ágústa

Mánudagur, 10. júní

Kl.8:00 Hafdís og Nanna

Kl.12:45, undanúrslit og úrslit

Allar tímasetningar eru á íslenskum tíma.

Allt það helsta um mótið er hér

Þann 6. júní næstkomandi byrjar Evrópumót kvenna sem verður haldið í Wittelsheim í Frakklandi.
Mótið stendur til 15. júní en keppt er í einstaklings-, tvímennings-, þrímennings-, og 5 kvenna liðakeppni. Svo er öll úrslit lögð saman og efstu 24 konurnar fara áfram í masterskeppnina.
Þjálfarar að þessu sinni er Mark Heathorn yfirþjálfari og Magnús Sigurjón Guðmundsson verður honum til aðstoðar.
Þeir hafa valið sex konur sem munu keppa fyrir Íslands hönd á þessu móti.
Þær konur eru eftirfarandi:

• Ágústa Kristín Jónsdóttir úr ÍA/BK Falcon Ladies
• Hafdís Pála Jónasdóttir úr KFR
• Katrín Fjóla Bragadóttir úr KFR
• Linda Hrönn Magnúsdóttir úr ÍR
• Margrét Björg Jónsdóttir úr KFR
• Nanna Hólm Davíðsdóttir úr ÍR

Allt það helsta um mótið er hér

Við óskum konunum góðs gengis á komandi móti!

ÁFRAM ÍSLAND!