Sóttvarnarreglur KLÍ vegna COVID-19 – Áríðandi skilaboð

Jóhann Ágúst Jóhannsson
Auglýsingar, Innlend mót, ÍSÍ, Skrifstofa KLÍ

Eins og fram hefur komið í fjölmiðlum þurfa sérsambönd ÍSÍ að setja hverju sambandi fyrir sig sérstakar sóttvarnarreglur sem taka á því hvernig íþróttin tekur á ástandinu á meðan samkomutakmarkanir og aðarar kröfur eru í gangi vegna COVID-19.

Keilusambandi hefur sett upp reglur fyrir keiluíþróttina sem gildir fyrir alla sem æfa og/eða keppa í keilu. Mikilvægt er að allir kynni sér vel þessar reglur og fari eftir þeim í hvívetna. Þessar reglur eiga við um alla og skal það ítrekað.

Hér má sjá reglurnar – PDF skjal

Hér er úrdráttur um hvernig við tökum á aðstæðum:

Fyrirkomulag æfinga og keppni aðildarfélaga innan KLÍ

Aðildarfélögum KLÍ sem iðka keilu ber að fara eftir þessum reglum.

Æfingar
  • Loka skal æfingasvæðinu fyrir utanaðkomandi aðilum, gert í samráði við staðarhaldara.
  • Á æfingum skal sjá til þess að iðkendur sem fæddir eru 2004 og síðar sé haldið frá öðrum iðkendum þ.e. ekki á sama brautarpari.
  • Iðkendur fæddir 2005 og síðar þurfa að gæta að eigin búnaði þannig að aðrir eldri iðkendur noti ekki þann búnað sem iðkendur eiga/hafa.
  • Allir þ.e. þjálfarar, starfsfólk eða aðrir fæddir 2004 eða fyrr skulu setja upp andlitsgrímu áður en komið er á leikmannasvæði enda er þar ekki hægt að tryggja 2 metra fjarlægðarmörk milli aðila.
  • Iðkendur þurfa ekki að bera andlitsgrímu á æfingu, eingöngu ef farið er af leikmannasvæði og verið innan um aðra þar sem ekki er hægt að tryggja 2 metra fjarlægð á meðan á æfingu stendur.
  • Sé verið að nota búnað keilusalanna skal sótthreinsa þann búnað fyrir, ef óljóst er hvort og hvenær búnaður var þrifinn, og eftir notkun áður en næsti aðili notar búnaðinn.
  • Sé þörf á snertingu þjálfara við iðkanda skal þjálfari vera klæðast latexhönskum en sjá til þess að henda þeim strax eftir meðhöndlun iðkanda og nýir settir upp áður en næsti iðkandi er snertur. Reyna skal að takmarka snertingu eins og kostur er.
Keppnir
  • Loka skal keppnissvæðinu fyrir utanaðkomandi aðilum, gert í samráði við staðarhaldara.
  • Í keppnum skuli allir þ.e. þjálfarar, aðstoðarfólk og aðrir sem fæddir eru 2004 eða fyrr setja upp andlitsgrímu áður en á leiksvæðið er komið enda er ekki hægt að tryggja 2 metra fjarlægðarmörk milli aðila.
  • Keppendur þurfa ekki að bera andlitsgrímu í keppni, eingöngu ef farið er af leikmannasvæði og verið innan um aðra þar sem ekki er hægt að tryggja 2 metra fjarlægð á meðan á keppni stendur.
  • Allar snertingar leikmanna eru óheimilar.
  • Sameiginlegir hlutir líkt og vatnskönnur skulu ekki notaðar.
  • Sé verið að nota búnað KHE skal sótthreinsa þann búnað fyrir og eftir notkun.
Áhorfendur
  • Áhorfendur eru ekki leyfðir

Dagskrá KLÍ 2020 til 2021 – Í vinnslu

Jóhann Ágúst Jóhannsson
Auglýsingar, Innlend mót, Íslandsmót einstaklinga, Mótaauglýsingar, Mótanefnd, Uncategorized

Verið er að klára dagskrá KLÍ fyrir komandi keppnistímabil. Eftir er að ganga frá skipulagi vegna 3. deildar karla og klára sóttvarnarreglur sem okkur er gert að setja okkur áður en tímabilið má hefjast. Búast má við því að dagskráin komi á vefinn í komandi viku.

Það má greina frá því hér að breyting verður á leikdögum nokkurra deilda. Er það fyrst og fremst gert til að gera kvennadeildum kost á því að vera með venslasamning en þar sem báðar kvennadeildirnar voru á sama kvöldi þá var nánast ógerningur að nýta vensl. Leikdagar verða sem hér segir:

Mánudagar

2. deild kvenna
2. deild karla
3. deild karla

Þriðjudagar

1. deild kvenna
1. deild karla

Búast má við því að einhverjir leikir sem alla jafna ættu að fara fram á mánudögum færist yfir á þriðjudaga en það er vegna þess að fleiri lið eru að keppa á mánudögum og svo gæti farið að húsið verði fullt þá.

Dagskráin verður einnig mun þéttari en hún hefur verið undanfarið og er áætlað að kára deildarkeppnina 10. apríl en þá verða eftir úrslitakeppnir í 1. deildunum, unglingakeppnir og önnur félagamót.

Samkvæmt áætluninni er stefnt að því að hefja deildarkeppni mánudaginn 14. september.

Boðað hefur verið til 27. ársþing KLÍ laugardaginn 22. ágúst

Merki Keilusambands Íslands
Jóhann Ágúst Jóhannsson
Aganefnd, Fundir, Mótanefnd, Nefndir

Vegna Covid ástandsins þurfti að fresta þingi sambandsins sem fara átti fram í maí í vor en nú er boðað til 27. ársþings KLÍ laugardaginn 22. ágúst kl. 12. Verður þingið haldið í KR heimilinu Frostaskjóli. Alls eiga 34 fulltrúar atkvæðarétt skv. lögum sambandsins og skiptast þeir þannig:

  • ÍR 10 fulltrúar
  • KFR 7 fulltrúar
  • KFA 5 fulltrúar
  • KR 3 fulltrúar
  • Þór 3 fulltrúar
  • Ösp 3 fulltrúar
  • ÍBR 1 fulltrúi
  • ÍA 1 fulltrúi
  • ÍBA 1 fulltrúi

Á þingi verða venjuleg þingstörf skv. lögum og m.a. kosið um formann ásamt 2 aðalmönnum til tveggja ára ásamt þrem varamönnum.

Núverandi formaður Jóhann Ágúst Jóhannsson ÍR gefur kost á sér til áframhaldandi setu og einnig gefur Hafþór Harðarson ÍR sem gegnt hefur varaformannsembætti áfram kost á sér til næstu tveggja ára. Eitt framboð hefur komið fram til aðalmanns til tveggja ára en það er Skúli Freyr Sigurðsson KFR.

Einar Jóel Ingólfsson ÍA á eitt ár eftir af sínu kjörtímabili en þar sem Sesselja Unnur Vilhjálmsdóttir KFR sagði sig frá stjórn í upphafi árs þarf að kjósa um einn aðalmann til eins árs í hennar stað. Ingi Geir Sveinsson ÍA hefur gefið kost á sér til eins árs. Verið er að taka saman framboð til varamanna en ljóst er að Stefán Claessen ÍR gefur ekki kost á sér áfram í bili.

Fyrir þingi liggja fram tvær lagabreytingatillögur. Önnur tillagan er að fella út í 8. gr. 3. lið c leikreglnanefnd og eftir stendur bara laganefnd og að sama skapi í lið 7 sömu greinar.

Hin breytingartillagan er að bæta við nýrri 12. og 13. grein í lögin, aðrar greinar færist aftur sem því nemur verða þær samþykktar. Nýju greinarnar eru settar til að festa í lögum þær nefndir sem hafa úrskurðarvald innan sambandsins. Er þessi tillaga sett fram til að styðja laga- og regluverk KLÍ vegna dóma sem fallið hafa á undanförnum misserum og gagnrýni í þeim á hvernig sambandið hefur staðið að málum. Er það mat stjórnar KLÍ að þessar viðbætur við lögin okkar ásamt því að endurskoða og bæta regluverkið bæti umgjörð sambandsins til að taka á viðkomandi málum.

Tillaga að nýju reglunum er svohljóðandi:

Ný 12. gr. og allar greinar á eftir færast um númer.

Nefndir á vegum KLÍ með úrskurðarvald

Stjórn KLÍ skal á hverju ári skipa þrjá aðila í hverja af eftirfarandi nefndum og skal formaður hverrar nefndar skipaður sérstaklega:

  • Aganefnd
  • Mótanefnd
  • Dómaranefnd

Nefndir á vegum KLÍ skulu starfa skv. lögum og reglugerðum KLÍ.

Ný 13. gr. og aðrar greinar færast niður um númer

Vald nefnda á vegum KLÍ

Aganefnd skal starfa skv. lögum og reglugerðum KLÍ og vera þar til bær úrskurðaraðili um öll þau deiluefni sem ekki eru sérstaklega falin öðrum í reglugerðum KLÍ.

Þeir sem skipaður eru í aganefnd skulu hvorki sitja í stjórn KLÍ eða stjórnum aðildarfélaga.

Mótanefnd skal starfa skv. lögum og reglugerðum KLÍ og vera þar til bær úrskurðaraðili um þau efni sem henni er sérstaklega falið í reglugerðum KLÍ.

Dómaranefnd skal starfa skv. lögum og reglugerðum KLÍ og sjá um skipulag og framkvæmd dómgæslu í mótum sem haldin eru á vegum KLÍ.

Um hæfi nefndarmanna til úrskurða í einstaka málum skal farið eftir hæfisreglum stjórnsýslulaga. Sé nefndarmaður vanhæfur til meðferðar máls skal stjórn KLÍ skipa annan aðila í hans stað í því tiltekna máli.

Unnt er að kæra framangreinda úrskurði nefnda á vegum KLÍ til dómstóls ÍSÍ.

Tilkynning varðandi breytingar á reglum um hliðargat í kúlu

Jóhann Ágúst Jóhannsson
Innlend mót, Tækninefnd

Þann 1. ágúst tóku í gildi reglur bæði hjá USBC og World Bowling um bann við hliðar- og aukagötum í kúlur. Tækninefnd KLÍ hefur haft málið til umfjöllunar og skilað inn tillögu til stjórnar KLÍ sem stjórn KLÍ hefur samþykkt. Tillagan gengur út á að við fylgjum fordæmi Svía og annarra þjóða að leifa notkun á þeim kúlum sem eru boraðar fyrir þann tíma þó þær séu með hliðar- og eða aukagötum. Allar nýjar boranir hér eftir á bæði nýjum og gömlum kúlum verða þó framkvæmdar skv. þessari reglu sem tók gildi 1. ágúst.

Þeir keilarar sem hyggjast keppa á mótum erlendis er þó bent á að kynna sér vel hvaða reglur gilda á viðkomandi stað áður en farið er í mót.

Breyting á reglugerð verður gerð á næstunni.

Keiluspjallið á sportFM

Svavar Þór Einarsson
Auglýsingar
Keiluspjallið í umsjón Hafþórs Harðarson fór í loftið á Sport FM 102,5  fimmtudag 11.júní.
Þátturinn verður til að byrja með einu sinni í mánuði en hver veit nema að þegar nær dregur tímabilinu verði hann oftar.
Þættirnir verða aðgengilegir á Spotify ef þú missir af útsendinguni.
Í fyrsta þætti var Jóhann Ágúst Jóhannsson formaður keilusambandsins og fóru þeir yfir sögu keilunar á Íslandi og hvernig staðan er í dag. Hægt er að nálgast þáttin hér 
Í öðrum þætti var það Gunnar Þór Ásgeirson Íslandsmeistari einstaklinga sem að mætti í spjall til Hafþórs.
Hægt er að nálgast þáttin hér
Í þriðja þættinum var það Hörður Ingi Jóhannsson sem að mætti og ræddu þeir feðgar saman um þjálfun og keiluna undanfarin ár. 
Hægt er að nálgast þáttin hér

Tilkynning – Bikarúrslit og lokaumferð Íslandsmóts unglingaliða 2020

Jóhann Ágúst Jóhannsson
Bikarkeppni liða, Íslandsmót unglingaliða, Mótanefnd, Unglinganefnd

Eins og fram hefur komið ákvað stjórn í vor að fresta bikarúrslitum og lokaumferð á Íslandsmóti unglingaliða 2020 fram á haust vegna Covid-19 aðstæðna. Stjórn fundaði í gær til að ræða mögulegar dagsetningar fyrir viðkomandi viðureignir. Samkvæmt upplýsingum frá Akranesi þá stendur til að endurnýja vélar í salnum en ÍA er eitt 4 karla liða í undanúrslitum bikars og á heimaleik í undanúrslitum. Er von á vélum í lok ágúst og tekur einhverja stund að koma þeim upp og í gang. Stjórn ákvað í gær að bíða með þessi undanúrslit fram til mánaðarmóta september október í síðasta lagi en fari svo að tafir verði á Skaga þá verða leikirnir settir á í Egilshöll í samráði við lið eins og hægt er.

Varðandi lokaumferð Íslandsmóts unglingaliða þá verður haft samráð við Unglindanefnd og þjálfara félaga sem eiga lið í þeirri keppni og hentugur leikdagur fundinn.

Klára þarf þessar umferðir áður en umferðir fyrir tímabilið 2020 til 2021 hefjast.

Aðalfundur keiludeildar ÍR 2020 29.júní

Merki Keiludeidlar ÍR
Svavar Þór Einarsson
Fundir

Aðalfundur keiludeildar ÍR 2020
Boðað er til aðalfundar keiludeildar ÍR mánudaginn 29. júní kl. 18:00 í sal ÍR heimilisins Skógarseli 12

Dagskrá fundarins
1. Kosning fundarstjóra og fundarritara
2. Skýrsla stjórnar um starfsemi félagsins
3. Lesnir og skýrðir rekstrar- og efnahagsreikningar fyrir síðasta almanaksár
4. Lögð fram starfs- og fjárhagsáætlun fyrir næsta starfsár
5. Kosinn formaður
6. Kosnir 4 aðrir stjórnarmenn og tveir varamenn
7. Kosnir fulltrúar og varafulltrúar á aðalfund félagsins
8. Ákveðin æfingagjöld
9. Önnur mál

Stjórn keiludeildar skorar á félagsmenn að mæta á fundinn og taka þátt í móta starfsemi deildarinnar.

Skráningarfrestur í deildir 2020-2021

Merki Keilusambands Íslands
Svavar Þór Einarsson
Mótanefnd

Eins og undanfarin ár þá þarf að endurnýja skránigar liða árlega og hefur verið miðað við 15. maí í ár hefur verið ákveðið að framlengja frestinn til 30. maí. 
Áætlað er að hefja nýtt leiktímabil um miðjan september en áréttað er að það er áætlun sem getur tekið breytingum eins og skilja ber vegna Covid-19 mála.
Vinsamlegast smellið á hlekkinn hér og skráið inn fyrir eldri lið. 
Nýskráningar á liðum þurfa að berast með pósti á netfangið [email protected] eigi síðar en 31.07.2020

Keilutímabilinu 2019 til 2020 er lokið

Merki Keilusambands Íslands
Jóhann Ágúst Jóhannsson
Innlend mót, Mótanefnd, Uncategorized

Stjórn KLÍ ræddi á fundi í gær, miðvikudaginn 15. apríl, tillögu sem lá fyrir að loka keppnistímabilinu 2019 til 2020. Formönnum aðildarfélaga var kynnt efnið strax um kvöldið og óskað eftir athugasemdum ef einhverjar væru. Boðað var til fjarfundar um málið í kvöld.

Eins og alþjóð veit þá er samkomubann í gangi og verður byrjað að slaka á því 4. maí í nokkrum 3. til 4. vikna skrefum samkvæmt tillögu sóttvarnarlæknis og Almannavarna. Noððuð óljóst er hvenær 2 metra nálægðarreglan verður felld úr gildi eða tilslökun gefin varðandi inniíþróttir. Af þeim sökum og þá helst vegna þess tíma sem er liðinn frá því við urðum að stöðva keppni þá sjáum við ekki annað fært en að fara að ákveðnu fordæmi annarra sérsambanda og loka tímabilinu eins og hægt er.

Stjórn KLÍ hefur nú ákveðið að tímabilinu 2019 til 2020 sé lokið og mót fari sem hér segir:

Íslandmót liða

Íslandsmóti liða 2019 til 2020 er hér með lokið. Núverandi staða í deildum er látin standa. Efstu lið hverrar deildar eru deildarmeistarar viðkomandi deildar. Ekki verða krýndir Íslandsmeistarar liða 2020 Þar sem úrslitakeppni getur ekki farið fram. Lið falla úr deildum og lið ávinna sér keppnisrétt í efri deildum eins og reglugerðir kveða á um.

1. deild kvenna
KFR Valkyrjur eru deildarmeistarar

ÍR BK og KFR Skutlur falla í 2. deild

2. deild kvenna
ÍR Píurnar eru deildarmeistarar og fara upp í 1. deild
KFR Ásynjur fara upp í 1. deild

1. deild karla
ÍR PLS eru deildarmeistarar

KFR Þröstur og ÍR Fagmenn falla í 2. deild

2. deild karla
KR A eru deildarmeistarar og fara upp í 1. deild
ÍR A fara upp í 1. deild

ÍR T og ÍR Keila.is falla í 3. deild

3. deild karla:

ÍR Nas eru deildarmeistarar og fara upp í 2. deild
Þór Víkingur fara upp í 2. deild

Bikarkeppni liða

Þar sem undanúrslitin voru framundan er tillaga um að fresta þeim um sinn. Þó með þeim formerkjum að klára keppnina fyrir upphaf næsta tímabils sé það hægt að öðrum kosti verður henni aflýst. Einnig er tillaga að þeir leikmenn sem voru skráðir og hafa tekið þátt í keppninni á yfirstandandi tímabili verði áfram löglegir í undanúrslitum og úrslitum óháð því í hvaða félagi/liði þeir verða tímabilið 2020 – 2021. Nýir leikmenn liða verða ekki gjaldgengir í þessum leikjum.

Íslandsmót unglingaliða

5. umferð mótsins og úrslitum er frestað um sinn með sömu formerkjum og Bikarkeppni liða. Séð verður til hvort hægt verði að klára það í lok sumars eða byrjun hausts. Þeir leikmenn sem keppt hafa á mótinu á yfirstandandi tímabili verða gjaldgengir í síðustu umferðinni.

Meistarakeppni ungmenna 2019 – 2020

5. umferð keppninnar er aflýst. Staðan í keppninni er eins og hún er eftir 4. umferð.

Íslandsmót einstaklinga

Íslandsmóti einstaklinga 2020 er frestað um sinn. RÚV hefur mikinn áhuga á að sýna frá úrslitum auk þess sem sigurvegarar öðlast þátttökurétt á ECC 2020 sem fyrirhugað er að fari fram í haust. Við teljum mikilvægt að klára þetta mót. Nánari dagsetning verður kynnt um leið og hægt er.

Næsta tímabil

Fljótlega verður farið í að kalla eftir tilkynningum liða um áframhaldandi keppni en skv. reglugerð á að tilkynna áframhaldandi þátttöku fyrir 15. maí ár hvert.

Þing 2020

Ákveðið hefur verið að boðað verði til þings í ágúst mánuði eða þegar ljóst er að 2 metra reglunni hefur verið aflétt.