Frá Evrópumóti ungmenna 2022 – Einstaklingskeppni lokið hjá strákunum

Svavar Þór Einarsson
Uncategorized

Þá er einstaklingskeppni lokið hjá strákunum okkar á Evrópumóti Ungmenna í Wittelsheim, Frakklandi
Aron og Hinrik byrjuðu daginn í gær, fimmtudag og spiluðu þeir mjög vel í fyrstu þremur leikjunum en Aron spilaði 202, 225 og 215 á meðan Hinrik spilaði 207, 203 og 178. Aron datt svo aðeins niður í næstu tveimur með 190 og 191 en hann endaði á 173.
Hinrik spilaði þó nokkuð jafnt líka með 185 og 201 áður en hann kláraði með 148.
Ísak og Mikael voru í seinna hollinu og voru væntingar miklar hjá þeim enda Ísak aðeins 67 pinnum frá niðurskurði inn í Masters keppnina. Strákarnir byrjuðu þokkalega en Ísak spilaði 206 og 189 í fyrstu tveim. Mikael spilaði 199 og svo 162. Ísak missti svo hausin aðeins eftir það en hann spilaði 166 og 128 í næstu tveimur á meðan Mikael var kominn í gír með 187 og 222. Ísak náði svo í 192 í fimmta og kláraði með 143 á meðan Mikael fór á hæstu hæðir með 244 í fimmta áðurn en hann kláraði með 195. Mjög góð sería hjá Mikael sem fer klárlega að láta sig skína á næsta móti í Vín, Austurríki um næstu páska. Mjög svekkjandi samt fyrir Ísak sem var á sínu fyrsta Evrópumóti og jafnframt hans síðasta sökum aldurs. Þeir sem komust í eftstu fjögur sætin í einstaklings keppninni voru Svíarnir Robin Ilhammar og Robin Noberg, Finninn Jani Soukka og Pólverjin Mikolaj Czarnecki. Ilhammar mætti Czarnecki og vann hann örugglega með 204 á móti 176. Noberg mætti svo Soukka og vann Finninn með 234 á móti 191. Ilhammar og Soukka mættust svo í úrslitum og vann Ilhammar með 236 á móti 202. Fyrsta gull Svía í keppninni. Í All-Event vermdu Svíarnir Ilhammar og Noberg efstu tvö sætin á meðan Nicholas Muscat frá Möltu náði bronsinu. Maxime Lambel frá Frakklandi var síðastur inn í Masters keppnina sem verður svo haldin á laugardag. Mikael Aron var efstur Íslendinga í All-Event en var hann í 43. Sæti með 3407 pinna. Ísak var í 57. Sæti með 3349 pinna, Hinrik var í 61. Sæti með 3310 pinna og Aron var í því 70. með 3197 pinna.
Stúlkurnar okkar hefja leik í einstaklingskeppninni í dag, föstudag kl 13:15 eða 11:15
íslenskum tíma. Tími til að hvetja þær áfram ÁFRAM ÍSLAND

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Umspil í karladeildunum

Þórarinn Már Þorbjörnsson
Árangur keilara, Íslandsmót liða, Mótanefnd, Skrifstofa KLÍ, Uncategorized

Lið ÍR-S í 1. deild karla hefur dregið sig úr keppni fyrir tímabilið 2022 – 2023, því þarf að fara fram umspil sem hefur keðjuverkandi áhrif niður deildirnar.  Þau lið sem umspilið á við eru Þór og ÍR-Land um sæti í 1. deild og síðan ÍR-Blikk og ÍR-Keila.is um sæti í 2. deild.  Þór hefur afþakkað að leika í umspilinu og tekur því ÍR-Land sæti ÍR-S í 1. deild karla.  Leikir ÍR-Blikk og ÍR-Keila.is fara fram í Egilshöll dagana 19. og 20. september kl. 19:00.  Þetta mun hafa nokkur áhrif á dagskrá og sérstaklega í 3. deild þar sem þar er dottin inn yfirseta.  Áætlað er að leiðrétt dagskrá verði birt þann 22. ágúst.

Frá Evrópumóti ungmenna 2022 – Liðakeppni lokið

Svavar Þór Einarsson
Mót ETBF

Þá er liðakeppni lokið á Evrópumóti Ungmenna í Wittelsheim, Frakklandi.
Stelpurnar byrjuðu í morgun og spiluðu með þeirri eistnesku aftur.
Hafdís spilaði leikina þrjá svona: 143-127-206 en Særós spilaði svona: 135-144-116.
Hafdís er þá með 961 samanlagt og Særós með 764.
Strákarnir spiluðu svo eftir hádegið og var skorið eftirfarandi:
Mikael – 203-238-154
Ísak – 181-193-207
Hinrik – 211-173-155
Aron – 178-161-176
Þetta var fínasti dagur hjá þeim piltum þó það vantaði smá uppá hjá öllum.
Serían fór þannig að Hinrik var með bestu seríu uppá 1214, Ísak með 1198, Mikael með 1108 og Aron 1005. Samanlagt voru þeir með 4560, sem gerir 190 slétta í meðaltal.
Enduðu þeir í 13. Sæti í liðakeppninni.
Liðakepnnin kvenna megin endaði þannig að Frakkarnir unnu Svía í úrslitum með 751 á móti 743.
Mjög tæpt þar á milli. Karla megin endaði þannig að lið Finna unnu lið Svía í úrslitum með 831 á móti 807. Fjögur silfurverðlaun handa sænska landsliðinu.
Staðan fyrir Masters er þannig að Ísak er næst því en hann er aðeins 67 pinnum fyrir neðan 24. Sætið. Mikael er 194 pinnum fyrir neðan, Hinrik er 204 pinnum fyrir neðan og Aron er 391 pinna fyrir neðan. Hafdís er 261 pinna fyrir neðan 24. Sæti stelpu megin og Særós er 577 pinnum fyrir neðan.
Á morgun fer fram einstaklingskeppni og byrja strákarnir. Stelpurnar spila á föstudag.
Aron og Hinrik eru kl 9:00 eða 7:00 á íslenskum tíma og Ísak og Mikael eru kl 13:15 eða 11:15 íslenskum. Kemst Ísak í Masters? ÁFRAM ÍSLAND!

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Reykjavíkurmótin í keilu 2022

Jóhann Ágúst Jóhannsson
Innlend mót, Mótaauglýsingar

Helgina 17. og 18. september fara fram Reykjavíkurmót einstaklinga í keilu 2022

Laugardaginn 17. september

Reykjavíkurmót einstaklinga 2022 með forgjöf

Skráning fer fram hér: Sportabler – Vinsamlega gætið að því að velja rétta skráningu móts. Skráningu lýkur föstudaginn 16. september kl. 16:00.

Fyrirkomulag: Leikin verður 6 leikja sería, karlaflokkur sér og kvennaflokkur sér. Forgjöf miðast við 80% mismun á meðaltali leikmans og meðaltali hæðsta leikmanns í mótinu, hámarksforgjöf eru 64 pinnar, hámarksleikur er 300 pinnar með forgjöf.

Að lokinni seríunni fara 3 efstu keilararnir úr hvorum flokki í úrslit þar sem allir 3 leika einn leik. Sá sem lægsta skorið hefur að þeim leik loknum endar í 3. sæti mótsins, hinir tveir leika einn leik til viðbótar um titilinn Reykjavíkurmeistari einstaklinga 2022 með forgjöf.

Leiktímar:  Mótið hefst stundvíslega kl. 09:00 laugardaginn 17. september 2022 – Úrslit strax að lokinni forkeppni – Olíuborið á milli.

——————————————————————————————————————-

Sunnudaginn 18. september

Reykjavíkurmót einstaklinga 2022

Skráning fer fram hér: Sportabler – Vinsamlega gætið að því að velja rétta skráningu móts. Skráningu lýkur föstudaginn 16. september kl. 16.00.

Fyrirkomulag: Leikin verður 6 leikja sería, karlaflokkur sér og kvennaflokkur sér.

Að lokinni seríunni fara 3 efstu keilararnir úr hvorum flokki í úrslit þar sem allir 3 leika einn leik. Sá sem lægsta skorið hefur að þeim leik loknum endar í 3. sæti mótsins, hinir tveir leika einn leik til viðbótar um titilinn Reykjavíkurmeistari einstaklinga 2022.

Leiktímar:  Mótið hefst stundvíslega kl. 09:00 sunnudaginn 18. september 2022 – Úrslit strax að lokinni forkeppni – Olíuborið á milli.

——————————————————————————————————————-

Olíuburður Reykjavíkurmóta einstaklinga 2022

Olíuburður í mótinu verður 42 feta medium burðurinn sem verður á í deildinni leiktímabilið 2022 til 2023 (uppfært).

——————————————————————————————————————-

Almennar mótsreglur

Almennar mótsreglur gilda. Skipt er um brautarpar eftir hvern leik í forkeppni, hægri braut upp, vinstri braut niður.

Upphitun eru 10 mín fyrir forkeppni og úrslit.

Jafntefli

Séu tveir eða fleiri leikmenn jafnir að lokinni forkeppni ræður síðasti leikur úrslitum um sætaröð, hærri leikur gefur hærra sæti.

Séu tveir leikmenn jafnir í úrlitum skal spila Roll-Off til að ákveða sætaröð.

——————————————————————————————————————-

Frá Evrópumóti ungmenna 2022 – Fyrri degi liðakeppninnar er lokið

Svavar Þór Einarsson
Mót World Bowling

Fyrri degi liðakeppninnar er lokið á Evrópumóti Ungmenna í Wittelsheim, Frakklandi.
Strákarnir byrjuðu í morgun, þriðjudag og voru þeir í mjög góðum gír.
Hinrik og Ísak byrjuðu vel með 210 og 213. Mikael spilaði 172 og Aron 161. Í leik 2 setti Hinrik í 236 og Ísak var með 202 en Aron náði smá upp með 191 og Mikael spilaði 181, flott sería hjá okkar mönnum. Í þriðja leik voru Hinrik og Ísak í sama gír en Hinrik spilaði 229 og Ísak fór aftur í 202. Mikael datt niður í 160 á meðan Aron datt enn lengra niður í 138.
Eru þeir í ellefta sæti með 2295 seríu eftir þrjá leiki af sex.
Stelpurnar spiluðu eftir hádegið þó þau séu ekki með í liðakeppnini. Þær spiluðu með yndislegri stelpu frá Eistlandi. Hafdís byrjaði á 153 á meðan Særós spilaði 101. Særós meiddist aðeins í úlnliðinum en hún náði að harka það af sér og halda áfram. Hafdís náði að koma sér upp í 169 í öðrum leik og Særós með 148. Hafdís kláraði með 163 en Særós datt niður í 120.Flott hjá þeim stelpum.
Á morgun heldur liðakeppnin áfram og byrja stelpurnar núna kl 9:00 á frönskum eða 7:00 á íslenskum tíma. Strákarnir spila svo kl 13:15 eða 11:15. ÁFRAM ÍSLAND

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Frá Evrópumóti ungmenna 2022 – Tvímenning lokið hjá stelpunum okkar

Svavar Þór Einarsson
Mót ETBF

Þá er tvímenning lokið hjá stelpunum okkar á Evrópumóti Ungmenna í Wittelsheim, Frakklandi. Þær vinkonur Hafdís Eva Laufdal Pétursdóttir og Særós Erla Jóhönnudóttir stigu upp á braut kl. 9:00 í morgun, mánudag.
Þeirra gengi var nokkuð jafnt yfir 6 leikina en Hafdís gerði 153 og 142 í fyrstu tveimur og Særós 137 og 143. Er þetta í fyrsta mót Særósar sem fram fer í útlandinu og aðeins 12 ára að aldri. Hafdís datt svo niður í 132 en reif sig aftur upp með 165 og 170 leiki. Særós hélt sama hraða með 145 en datt svo niður í 109 og 128. Hafdís endar svo á 159 sem gerir 921 samanlagt og Særós kláraði með 140 sem er 802 samanlagt og setti hún persónulegt met í 5 leikjum en var þremur pinnum frá því að bæta það í 6 leikjum. Enduðu þær þá samanlagt með 1723 og enduðu í 27. Sæti. Fínasti árangur hjá þeim tveim. Lið Finna, Svía, Tékka og Slóvena komust svo í undanúrslit og unnu Svíar Slóveníu og Finnar tóku þær tékknesku. Finnsku og sænsku stelpurnar áttu svo hörku leik en þær finnsku báru sigur úr bítum með 444 á móti 332. Gull á Finnland og annað silfur á sænska liðið. Næst hjá okkar ungmennum eru fyrstu leikir í liðakeppni en strákarnir byrja kl. 9:00 á frönskum eða 7:00 íslenskum. Þar sem stelpurnar eru bara tvær saman þá munu þær ekki taka þátt í liðakeppninni en fá samt að spila og verða þær með einni Eistneskri með sér á braut. Áfram Ísland.

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Frá Evrópumóti ungmenna 2022 – tvíenningur búinn hjá strákunum

Svavar Þór Einarsson
Mót ETBF, Uncategorized

Þá er tvíenningur búinn hjá strákunum okkar á Evrópumóti Ungmenna í Wittelsheim, Frakklandi. Aron Hafþórsson og Hinrik Óli Gunnarsson byrjuðu í fyrra holli og gekk þeim brösulega.
Þeir byrjuðu mjög svipaðir í fyrsta leik en þá áttu þeir 156 og 157 leik (mjög jafnt).
Aron hrökk svo í gang með 2 góðum leikjum, 181 og 199 en Hinrik enn í smá basli með 151 og 179.
Aron dettur svo aftur niður með 160, 156 og 144. Hinrik hinsvegar komst aðeins út úr klípuni með 182 eftir 147 leik en hann endar á 158.
Erfiður dagur fyrir okkar menn. Ísak Birkir Sævarsson og Mikael Aron Vilhelmsson stigu svo á brautirnar eftir hádegi og byrjuðu þokkalega vel en Ísak spilaði 225 og Mikael 190.
Það varð smá óhapp samt í miðjum fyrsta leik þegar vatn skvettist út um leikmannasvæðið okkar manna. Mikael hélt sama dampi í leik 2 með 214 en Ísak var ekki að finna leyfakúluna sína á þeim brautum en hann spilaði 135. Svo kom Ísak sterkur til baka og spilaði 212, 188 og 172 á meðan Mikael spilaði 221 og dettur svo niður í 159 og 150. Ísak klárar vel með 195 en Mikael með 156. Flottur dagur hjá þeim tveim. Lið Svía, Finna, Ítala og Dana komust svo áfram í undanúrslit í tvímenning sem spilaður var strax eftir hollin tvö. Þar tóku Ítalir Dani og Svíar unnu Finna en Robin Ilhammar felldi 12 sinnum í einum leik á meðan Carl Eklund spilaði 246(nýtt evrópumet). Það kom þeim samt ekki til hjálpar þegar þeir bakkabræður mættu Ítölum í úrslitum. Þar spilaði Mario Del Gaudio 279 leik á meðan Giorgio Gragnaniello náði bara 193. Það var samt nóg til að sigra Svíana en þeir spiluðu bara 412 samanlagt. Gull á Ítalíu.
Næst hjá strákunum er að horfa á stelpurnar okkar, þær Hafdísi Evu Laufdal Pétursdóttur og Særósu Erlu Jóhönnudóttur en þær hefja leik á morgun, mánudag kl. 9:00 að frönskum tíma eða 7:00 íslenskum tíma. Liðakeppni strákanna hefst svo á þriðjudag Áfram Ísland!

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu 

Frá Evrópumóti ungmenna 2022 – Fyrsta degi lokið

Jóhann Ágúst Jóhannsson
Uncategorized

Dagur eitt og formlegri æfingu lokið. Allir klárir fyrir morgundaginn. Aron og Hinrik eru tvímenningur eitt og hefja þeir leik klukkan 9:00 (7:00) ekki er komin brautar niðurröðun. Tvímenning tvö skipa svo Ísak og Mikael og hefja þeir leik klukkan 13:15 (11:15)

Hægt er að fylgjast með https://www.youtube.com/channel/UCmofM1zqpjI-Lu0W4yxyuLA

Aðrar upplýsingar um mótið er að finna https://bowlingresults.info/eyc/2022/

og á heimasíðu mótsins https://eyc2022.etbfchampionships.eu

Evrópumeistaramót unglinga U18

Þórarinn Már Þorbjörnsson
Erlendar fréttir, Ungmennastarf

Þessi glæsilegi hópur æfir nú á fullu fyrir EYC, Evrópumeistarmót unglinga undir 18 ára sem fram fer í Wittelsheim Frakklandi dagana 2. til 11. september. Piltarnir sem fara eru Aron Hafþórsson, Hinrik Óli Gunnarsson, Ísak Birkir Sævarsson og Mikael Aron Vilhelmsson. Stúlkurnar eru þær Hafdís Eva Laufdal Pétursdóttir og Særós Erla Jóhönnudóttir.  Þjálfarar Guðmundur Sigurðsson og Magnús Sigurjón Guðmundsson
Heimasíða mótsins “ eyc2022.etbfchampionships.eu/ „