Evrópumót ungmenna 2026 að hefjast

Jóhann Ágúst Jóhannsson
Mót ETBF, Unglinganefnd

Í dag hefst Evrópumót ungmenna U18 en mótið er að þessi sinni haldið í Berlín og stendur mótið yfir til sunnudagsins 5. apríl.

Ísland sendir fullt hús einstaklinga til keppni eða 4 stúlkur og 4 pilta. Þau eru:

Stúlkur

  • Alexandra Erla Guðjónsdóttir
  • Bára Líf Gunnarsdóttir
  • Julia Sigrún Filippa Lindén
  • Særós Erla Jóhönnudóttir

Piltar

  • Ásgeir Karl Gústafsson
  • Svavar Steinn Guðjónsson
  • Tristan Máni Nínuson
  • Þorgils Lárus Davíðsson

Þjálfarar liðsins eru þau:

  • Mattias Möller
  • Katrín Fjóla Bragadóttir

Dagskrá Evrópumóts unglinga

Í dag hefst mótið á þjálfarafundi sem og fyrstu æfingum í salnum og í olíuburðinum sem er valinn í mótið.

Á morgun mánudaginn 30. mars hefst svo einstaklingskeppnin sem lýkur svo á þriðjudaginn með seinni leikjablokkinni og úrslitum.

Miðvikudag og fimmtudag fer svo fram tvímenningur og á föstudag og laugardag verður liðakeppni þar sem allir 4 þátttakendurnir spila í liðakeppninni.

Eins og fyrr segir lýkur mótinu sunnudaginn 5. apríl en þá verður Masterskeppni þeirra 16 efstu pilta og stúlkna úr öllu mótinu.

Hægt er að sjá allar upplýsingar um mótið á vefsíðu þess svo sem skor, dagskrána, hlekk í lifandi streymi og fleira.

Forkeppni lokið á Íslandsmóti öldunga

Valgerður Rún Benediktsdóttir
Innlend mót

Í dag lauk forkeppni á Íslandsmóti öldunga (50+). Þátttaka var mjög góð í ár en 38 keppendur, 16 konur og 22 karlar, tóku þátt í forkeppninni. 

Sex karlar og sex konur komust áfram í undanúrslit en þau verða spiluð annað kvöld, mánudaginn 30. mars kl: 19. Úrslit eru spiluð strax í kjölfarið og mun KLÍ streyma frá undanúrslitum og úrslitum á youtube síðu sambandsins.

Þórarinn Már Þorbjörnsson leiðir karlaflokkinn og Guðný Gunnarsdóttir leiðir kvennaflokkinn en ljóst er að keppnin um um að hreppa þrjú efstu sætin og leika til úrslita verður spennandi og hörð á morgun.

Undankeppni karla:

Undankeppni kvenna:

Arnar Davíð á USBC Masters

Jóhann Ágúst Jóhannsson
Árangur keilara, Önnur erlend einstaklingsmót

Þessa dagana fer fram eitt af risamótunum í Bandaríkjunum, USBC Masters sem er haldið af United States Bowling Congress , USBC, bandaríska keilusambandið. Þetta mót er eitt af Major mótum þar í landi þar sem allir helstu keppendur í heiminum reyna að komast að en fáir fá þátttökurétt.

Arnar Davíð byrjaði ótrúlega vel í mótinu. Forkeppnin er spiluð þannig að þrjár fimm leikja blokkir eru spilaðar. Í fyrstu blokkinni varð Arnar Davíð hvorki meira né minna í 6. sæti af 390 keppendum mótsins en hann var með 241,2 í meðaltal eftir leikina 5, alls 1.206 pinnar. Var hann í ráshóp A sem spilaði í ferskri olíu.

Næsta dag spilaði hann í ráshóp B sem spilar í olíunni sem var borin á fyrir A hópinn, en þá er olían sem eftir er á brautunum kölluð Burn burður. Arnar byrjaði sæmilega þar en lenti síðan á erfiðu brautarpari og átti slæman leik. Hann náði sé ekki alveg á strik eftir það en fór inn í síðasta daginn á ágætis skori samt sem áður en var kominn niður í 73. sæti með 217 í meðaltal. Sæmilegt skor klárlega.

Lokadaginn var Arnar í ráshóp C sem spilaði í ferskri olíu. Eitthvað sat dagurinn á undan í honum því hann náði sér aldrei almennilega upp og átti ekki góðan leik fyrr en í 5. og síðasta þegar hann spilaði 244.

Lokastaðan hjá honum var 177. sæti af 390 með 208,3 í meðaltal sem er samt frábær árangur hjá íslenskum keilara.

Arnar segir að hann hafi í raun verið sjálfum sér verstur þegar hann lítur til baka á mótið en gengur þó nokkuð sáttur frá mótinu.

Sjá má allar upplýsingar um mótið á vefsíðu þess.

Mótið heldur áfram um helgina og lýkur á sunnudaginn með úrslitaleikjum sem verða í beinni útsendingu á The CW Network.

Marika og Gunnar Íslandsmeistarar einstaklinga

Valgerður Rún Benediktsdóttir
Íslandsmót einstaklinga

Íslandsmóti einstaklinga lauk í gær og urðu þau Marika Katarina E. Lönnroth (KFR) og Gunnar Þór Ásgeirsson (ÍR) Íslandsmeistarar. Guðbjörg Harpa Sigurðardóttir (ÍR) varð í öðru sæti og Olivia Clara Steinunn Lindén (ÍR) í því þriðja í kvennaflokki. Í karlaflokki varð Hafþór Harðarsson (ÍR) í öðru sæti og Mikael Aron Vilhelmsson (ÍR) í því þriðja.

Úrslitin voru í beinni útsendingu á RÚV2 og þakkar Keilusambandið RÚV sérstaklega fyrir gott samstarf og faglega útsendingu.

Jafnframt þakkar Keilusambandið forseta ÍSÍ, Willum Þór Þórssyni, fyrir að komuna á úrslitin. 

 

Mótið var einstaklega jafnt og spennandi í ár. Ekki munaði nema einum pinna á þriðja og fjórða sæti eftir undanúrslit í kvennaflokki og einungis 14 pinnum á þriðja og fjórða sæti í karlaflokki. 

Þá var einnig ánægjulegt að sjá hvað unga kynslóðin stóð sig vel á mótinu og jafnframt skemmtilegt að segja frá því að yngsti keppandinn í undanúrslitum í kvennaflokki er 14 ára en sá elsti 66 ára. Enn og aftur sannar keiluíþróttin sig sem íþrótt fyrir allan aldur. 

 

Milliriðli lokið í Íslandsmóti einstaklinga

Valgerður Rún Benediktsdóttir
Íslandsmót einstaklinga, Uncategorized

Í dag lauk undankeppni karla og milliriðli karla og kvenna í Íslandsmóti einstaklinga.

Gunnar Þór Ágeirsson sigraði undankeppnina í morgun en hann lék leikina 8 á 1844 pinnum sem þýðir meðaltal upp á 231 pinna.

Milliriðill karla og kvenna var svo spilaður í kvöld. Þar mættu 16 efstu karlar og 12 efstu konur eftir undankeppnina til leiks og spiluðu aðra 8 leiki. Olivia Clara Steinunn Lindén er efst kvenna eftir forkeppnina. Hún spilaði leikina 16 á 3031 pinna (189 meðaltal). Gunnar Þór Ásgeirsson er efstur karla. Hann spilaði leikina 16 á 3709 pinna (232 meðaltal).

Klukkan 17 mánudaginn 23. mars verða spilað til úrslita. Þá keppa efstu 8 keppendurnir úr hvorum flokki og verður þá leikið maður á mann. Að því loknu verða úrslit mótsins en að þessu sinni verða þau í beinni útsendingu á RÚV2 og hefst útsending kl. 19:00 – Keilarar eru þá hvattir til að fjölmenna upp í Keiluhöll til að fylgjast með útsendingunni þar.

Streymt er frá mótinu á YouTube rás KLÍ

Skor úr forkeppni karla: 

Skor úr milliriðli karla:

Skor úr milliriðli kvenna: 

 

Forkeppni kvenna á Íslandsmóti einstaklinga 2026 er lokið

Jóhann Ágúst Jóhannsson
Árangur keilara, Íslandsmót einstaklinga

Í morgun var leikin forkeppni á Íslandsmóti einstaklinga 2026 í kvennaflokki. Það var Linda Hrönn Magnúsdóttir úr ÍR sem varð í efsta sæti en hún lék leikina 8 á 1.611 pinnum eða 201 í meðaltal. Í öðru sæti varð síðan núverandi Íslandsmeistari Olivia Clara Steinunn Lindén einnig úr ÍR en hún lék sína leiki á 1.536 eða 192 í meðaltal. Loks varð það Hafdís Pála Jónasdóttir úr KFR sem varð í 3. sætinu með 1.513 pinna eða 189 í meðaltal.

Í fyrramálið leika karlarnir forkeppnina og hefst keppnin kl. 08:00 í Keiluhöllinni Egilshöll. Að lokum verður svo á morgun kl. 18:00 leikinn milliriðill mótsins en þá keppa 12 efstu konurnar og 16 efstu karlarnir eftir forkeppnina og spila þau aðra 8 leiki. Skor fylgir keppanda áfram í mótinu.

Að loknum milliriðli annað kvöld verða undanúrslit leikin á mánudaginn kl. 17:00 en þá keppa efstu 8 keppendurnir úr hvorum flokki og verður þá leikið maður á mann. Að því loknu verða úrslit mótsins en að þessu sinni verða þau í beinni útsendingu á RÚV2 og hefst útsending kl. 19:00 – Keilarar eru þá hvattir til að fjölmenna upp í Keiluhöll til að fylgjast með útsendingunni þar.

Streymt er frá mótinu á YouTube rás KLÍ

Staðan eftir forkeppni dagsins:

Kvenna lið Íslands valið fyrir EWC í Óðinsvé í júní

Þórarinn Már Þorbjörnsson
Mót ETBF

Þjálfarar kvennalandsliðsins hafa valið lið Íslands sem tekur þátt á EWC í Óðinsvé en mótið fer fram dagana 9. – 21. júní 2026.

Vefsíða mótsins er hér þar sem sjá má dagskrá og síðar meir koma inn upplýsingar um framgang mótsins. Alls eru skráðir 151 keppendur í mótið frá 21 aðildarlandi.

Lið Íslands er þannig skipað:

  • Ágústa Kristín Jónsdóttir
  • Bára Líf Gunnarsdóttir
  • Guðbjörg Harpa Sigurðardóttir
  • Marika Katarina E. Lönnroth
  • Olivia Clara Steinunn Lindén
  • Steinunn Inga Guðmundsdóttir

Þjálfarar eru:

  • Adam Pawel Blaszczak
  • Magnús Sigurjón Guðmundsson

Svavar Steinn Guðjónsson og Bára Líf Gunnarsdóttir – Íslandsmeistarar unglinga 2026

Jóhann Ágúst Jóhannsson
Árangur keilara, Innlend mót, Unglinganefnd, Ungmennastarf

Um helgina fór fram Íslandsmót unglinga 2026. Voru það þau Svavar Steinn Guðjónsson og Bára Líf Gunnarsdóttir sem urðu Íslandsmeistarar unglinga í opnu flokki í ár. Svavar Steinn lék til úrslita við Matthías Leó Sigurðsson og hafði betur með 377 pinnum í tveim leikjum gegn 334. Áður hafði Svavar Steinn lagt Tristan Mána Nínuson í undanúrslitum með 224 gegn 128. Bára Líf lagði Alexöndru Erlu Guðjónsdóttur í tveim leikjum með 335 pinnum gegn 324 og áður lagði Bára Líf hana Særós Erlu Jóhönnudóttur 180 gegn 144.

Forkeppni mótsins

Á mótinu er keppt í 1. til 5 flokki pilta og stúlkna. Í 1. og 2. flokki eru spilaðar tvær 6 leikja blokkir en í 3. til 5. flokki eru spilaðar tvær 4 leikja blokkir. Úrslit eru síðan spiluð í 1. til 4. flokki séu 4 eða fleiri keppendur í forkeppni hvers flokks.

Fór svo að aðeins var keppt til úrslita í 1. og 2. flokki pilta og svo loks í opna flokknum þar sem þrír meðaltalshæstu piltarnir og svo stúlkurnar léku.

Úrslit forkeppninnar urðu þessi:

1. fl. pilta Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8 Leikur 9 Leikur 10 Leikur 11 Leikur 12
Matthías Leó Sigurðsson KFA 201,8 2.421 190 214 203 258 190 165 219 266 164 196 169 187
Tristan Máni Nínuson ÍR 191,8 2.301 212 202 164 186 233 168 210 220 189 197 136 184
Ásgeir Karl Gústafsson KFR 182,4 2.189 166 161 143 181 208 158 213 166 168 225 200 200
Logi Freyr Sigurðsson ÍR 125,3 1.503 117 81 156 133 130 117 158 121 118 96 161 115
Ágúst Ísleifur Ágústsson ÖSP 94,9 1.139 94 87 111 76 80 86 75 101 85 109 156 79
Aron Vias Elvarsson ÖSP 77,7 932 73 73 90 66 93 82 86 69 92 91 46 71
                               
2. fl. pilta Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8 Leikur 9 Leikur 10 Leikur 11 Leikur 12
Svavar Steinn Guðjónsson ÍR 198,0 2.376 249 201 180 185 200 222 185 198 204 179 170 203
Evan Julburom ÍR 190,0 2.280 213 170 214 160 215 159 194 187 200 204 202 162
Þorgils Lárus Davíðsson ÍR 186,9 2.243 208 237 168 228 144 191 221 142 211 181 143 169
Óskar Ingi Ólafsson ÍR 141,4 1.697 127 124 127 149 165 139 164 140 137 127 149 149
                               
2. fl. stúlkna Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8 Leikur 9 Leikur 10 Leikur 11 Leikur 12
Særós Erla Jóhönnudóttir ÍR 163,9 1.967 167 107 141 155 152 128 193 160 192 202 222 148
Bára Líf Gunnarsdóttir ÍR 163,5 1.962 214 165 177 139 151 146 180 160 117 215 165 133
Dagbjört Ósk Valdimarsdóttir KFA 130,8 1.570 122 115 167 124 134 164 104 126 142 132 108 132
                               
3. fl. pilta Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Davíð Þór Birgisson KFA 129,375 1035 120 110 127 149 113 111 150 155        
                               
3. fl. stúlkna Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Alexandra Erla Guðjónsdóttir ÍR 182,5 1460 206 170 167 166 247 182 145 177        
Yana Livinska ÍR 144,125 1153 166 114 180 128 129 139 160 137        
Hannah Corella Rosento ÍR 142,25 1138 107 177 155 166 126 143 129 135        
                               
4. fl. pilta Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Ásdór Þór Gunnarsson ÍR 141,625 1133 169 113 115 148 163 146 128 151        
Alex Freyr Vilhelmsson ÍR 122,875 983 139 119 145 149 87 114 114 116        
Victor Orri Andrason ÍR 86,28571 604   80 65 94 93 82 76 114        
                               
4. fl. stúlkna Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Syana-Teodora Sabou ÍR 80,875 647 67 122 82 89 95 63 57 72        
                               
5. fl. pilta Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Róbert Þór Vignisson ÍR 110,125 881 102 115 111 100 104 107 108 134        
Tristan Freyr Birgisson KFA 108,125 865 100 109 147 99 79 111 105 115        
Elmar Trausti Sigurðsson ÍR 54,125 433 79 45 37 63 71 61 44 33        
                               
5. fl. stúlkna Félag M.tal Heild Leikur 1 Leikur 2 Leikur 3 Leikur 4 Leikur 5 Leikur 6 Leikur 7 Leikur 8        
Íris Lilja Skúladóttir ÍR 62,75 502 54 62 76 56 64 70 68 52        

Úrslitakeppni í 1. og 2. flokki pilta

Í úrslitum í 1. flokki pilta áttust við þeir Tristan Máni Nínuson og Ásgeir Karl Gústafsson og fór svo að Tristan lagði Ásgeir með 201 gegn 151 og lék því Tristan við Matthías Leó Sigurðsson og hafði þar sömuleiðis betur, 394 gegn 319.

Í 2. flokki pilta var það Þorgils Lárus Davíðsson sem lagði Evan Julburom með 228 gegn 213. Þorgils lagði svo Svavar Stein með 382 gegn 346.

 

Breytingar á reglum um leyfðar keilukúlur í keppni – 78D Hardness regla

Jóhann Ágúst Jóhannsson
Auglýsingar, Innlend mót, Skrifstofa KLÍ, Tækninefnd

Stjórn KLÍ hefur samþykkt tillögu Tækninefndar um bann við notkun á keilukúlum sem ekki standast 78D Hardness reglu. Bannið tekur strax gildi eftir því sem getið er um hér fyrir neðan. Keilarar eru hvattir til að kynna sér vel þessa reglu.

Eins og flestum er kunnugt samþykkti USBC í Bandaríkjunum breyttar reglur er varða þessi mál í upphafi árs. Nú nýverið tók Alþjóða keilusambandið – International Bowling Federation upp þessa reglu fyrir öll heimsmeistaramót og í framhaldinu tók Evrópska keilusambandið – European Bowling Federation upp reglurnar í Evrópumótum (EC mót).

Bann við notkun á keilukúlunum nær yfir þessi mót á Íslandi og tekur gildi strax:

  • Íslandsmót einstaklinga – karlar og konur
  • Íslandsmót öldunga
  • Íslandsmót para
  • Íslandmót í tvímenningi

Bannið mun taka gildi 2027 fyrir Íslandsmót unglinga en mótið í ár, um næstu helgi, er undanskilið þar sem þetta bann verður ekki á EYC um komandi páska.

Bannið nær því ekki yfir þessi mót:

  • Deildarkeppni liða
  • Bikarkeppni liða
  • Íslandsmót einstaklinga með forgjöf
  • Meistarakeppni ungmenna

Félög sem halda mót er í frjálst val sett hvort þessi regla muni ná yfir þau mót en með sannarlegum hætti þarf að tilkynna keilurum slíkt.

Aukagöt í keilukúlum

Samhliða umfjöllun um þessi mál var endurmetin fyrri ákvörðun Tækninefndar um aukagöt í kúlum. Er þá átt við um gömlu hliðargötin eða þumalgat ef keilari kastar kúlu án þess að þumalfingur sé í kúlu, tveggja handa sem dæmi.

  • Engin breyting verður gerð á þeirri reglu þannig að þær kúlur sem voru boraðar með t.d. hliðargati fyrir 2020 eru enn leyfilegar í innlendum mótum.
  • Ekki er leyfilegt að bora aukagat á kúlur í dag og telst þumalgat sem aukagat ef einungis eru notaðir tveir fingur við kast keilukúlu.
  • Ekki er heimilt að skipta á milli með sömu kúlu með og án þumals.

 

Keilarar eru hvattir til að kynna sér vel hvaða kúlur eru leyfðar og má sjá bannlista hér.

 

Viðurlög við notkun á ólöglegum keilukúlum

Viðurlög við notkun á ólöglegum kúlum eru þau að skor leikmanns telst ekki með, núll skor. Reglugerð sem við á um þessi mál er í vinnslu og verður birt á næstu dögum á vefnum.

 

Stjórn KLÍ

Tækninefnd KLÍ