Næsta umferð í opna hjóna- og paramóti KFR og Snerils fer fram í Keiluhöllinni á sunnudag 11. mars kl. 20:00. Hvetjum við alla keilara til að taka þátt í skemmtilegu móti.

Staðan í mótinu

Það stefnir í stærsta fimmfalda vinninginn frá upphafi í Lottóinu um helgina, en fyrsti vinningur stefnir í 35 milljónir króna! Ekki gleyma að vera með á Lottó.is

Brunswick Aalborg International 2007 verður haldið í keilusalnum Lövvang Bowling Center í Álaborg í Danmörku um hvítasunnuna, eða nánar tiltekið dagana 21. – 27. maí. 

• Heimasíða mótsins
• Auglýsing
•  

Mótshaldarar hafa áhyggjur af minni þátttöku þar sem landsliðseinvaldur Svía hefur skipulagt æfingabúðir með landsliðum á sama tíma, en leggja jafnframt áherslu á að á sama tíma aukist líkur annarra keppenda á því að vinna til verðlauna í mótinu.

Aðalfundur Keilufélags Reykjavíkur verður haldinn miðvikudaginn 21. mars nk. kl. 19:00, á 2. hæð í húsi ÍSÍ í Laugardal. Sjá nánar á heimasíðu KFR

Eins og áður hefur fram komið var gerður samningur við menntamálaráðherra um framlag til sérsambandanna til ársins 2009. Í ár er framlagið 40 milljónir króna, og hefur hækkað um 10 milljónir frá árinu 2006, á árinu 2008 verður framlagið 60 milljónir króna og á árinu 2009 70 milljónir króna. Keilusamband Íslands fékk að þessu sinni úthlutað 1.150.000 kr fyrir árið 2007, en hlutur KLÍ var 800.000 kr. fyrir árið 2006. Sjá nánar á heimasíðu ÍSÍFramkvæmdastjórn ÍSÍ fól forseta, varaforseta, gjaldkera og framkvæmdastjóra að koma með tillögur á skiptingu ríkisframlags 2007.  Héldu þeir fundi með öllum sérsamböndum ÍSÍ til þess að setja sig vel inn í starf hvers sérsambands fyrir sig, auk þess að fá fram umræður um stöðu viðkomandi sérsambands, áhersluatriði o.s.frv. Ofangreindir aðilar lögðu fram tillögu til framkvæmdastjórnar ÍSÍ að skiptingu ríkisframlagsins fyrir árið 2007 og samþykkti framkvæmdastjórn ÍSÍ þá tillögu á fundi sínum í gær. Við skiptingu fjársins var fyrst og fremst horft til þess að auka við styrki þeirra sem minnst hafa fengið, þannig að “gólfið” í styrkveitingunum hækki. Þetta er í samræmi við þau áhersluatriði sem ÍSÍ og forystusveit sérsambanda settu sér í upphafi um að grundvallaráhersluatriði hreyfingarinnar væri að hvert sérsamband fengi til framtíðar framlag til að standa undir einum starfsmanni.

Einn af stærstu íþróttaviðburðum ársins, Special Olympics 2007, verða haldnir í borginni Shanghai í Kína dagana 2. – 10. október 2007.  Af þeim 7000 keppendum sem taka þátt í mótinu að þessu sinni eru 85 keppendur í keilu frá 23 löndum, þar á meðal frá Íslandi. Hafa íslensku þátttakendurnir þegar hafið undirbúning sinn fyrir keppnina.

Tilkynning frá Evrópska keilusambandinu

Sigurvegari á mótinu var Svíinn Martin Larsen sem vann Rodrigo Hermes frá Brasilíu í úrslitaleiknum. Heimasíða mótsins

Upplýsingar um mót á Evrópsku mótaröðinni og alþjóðleg mót á vegum álfu- og heimssambanda er að finna á heimasíðu Evrópska keilusambandsins

Keppni í Riðli 1 í Utandeildinni lauk fimmtudaginn 1. mars. Baráttan var hörð fram á síðustu stundu og að lokum voru það lið Eggerts og Flytjanda sem tryggðu sér tvö efstu sætin. Keppni í Riðli 2 lauk í gær, fimmtudag 8. mars og það er því orðið ljóst að lið Landsbankans og Keiluskutlur SPRON mæta Eggerti og Flytjanda í úrslitunum sem fara fram í apríl. Sjá allt um mótið á keila.is

Helgina 10.-11. mars n.k. er stór helgi hjá ÍR-ingum, en þá verður félagið 100 ára. Margt verður gert sér til skemmtunnar og má nefna fjölskylduhátíð í Íþróttahúsinu í Seljaskóla og hátíð fyrir 18 ára og eldri í Austurbergi um kvöldið. Þetta verður laugardaginn 10. mars. Á sunnudeginum eða þann 11. mars á afmælisdeginum verður opið hús í ÍR-heimilinu þar sem öllum er boðið til að þiggja kaffi og léttar veitingar. Einnig verða afhentar viðurkenningar o.fl. Dagskráin

Sigfríður Sigurðardóttir KFR og Magnús Magnússon KR eru Íslandsmeistarar einstaklinga í keilu árið 2007.

Er þetta fjórða árið í röð sem Sigfríður vinnur þennan titil, en Magnús hefur fjórum sinnum unnið þennan titil, árin 2001 og 2003 – 2005. Sigfríður var með örugga forystu í keppninni frá upphafi, en Magnús náði efsta sætinu í síðasta leik í undanúrslitnum á móti Hafþóri Harðarsyni KFR, sem hann mætti síðan í úrslitaleiknum.

Karen Rut Sigurðardóttir úr ÍR spilaði best og fékk flest stig í undanúrslitunum í kvennaflokki þegar hún spilaði 1.044 og fékk 100 aukastig, og vann sig með því upp úr 5. sæti í 2. sætið, og endaði því 11 pinnum hærri en Magna Ýr Hjálmtýsdóttir KFR sem varð í 3. sæti. Í úrslitunum má segja að það hafi verið reynsla Sigfríðar sem tryggði henni titilinn, en hún vann Karenu með 202 og 279 leikjum eða samtals 481 á móti 152 og 216 leikjum Karenar eða samtals 368. Meðaltal Sigfríðar í mótinu var 208,7, meðaltal Karenar Rutar 191,78 og meðaltal Mögnu Ýrar 192,39.

• Leikir í kvennaflokki
• Úrslit í kvennaflokki

Magnús sigraði Hafþór í úrslitunum með 215 og 244 eða samtals 459 á móti 170 og 187 leikjum hjá Hafþór eða samtals 357. Í 3. sæti varð Steinþór Geirdal ÍR sem var 104 pinnum frá því að komast inn í úrslitin. Meðaltal Magnúsar í mótinu var 232,72, meðaltal Hafþórs 233,12 og meðaltal Steinþórs 228,96. 

Andrés Páll Júlíusson KR spilaði hins vegar best allra keppenda í karlaflokki í undanúrslitunum og setti Íslandsmet í 7 leikjum þegar hann spilaði 1.697 og vann sig með þeirri spilamennsku upp úr 8. sæti í það 4. Frábær spilamennska hjá Andrési, en leikir hans voru 231, 237, 236, 267, 227, 224 og 278. Magna Ýr Hjálmtýsdóttir KFR bætti eigið Íslandsmet í 1. flokki stúlkna 17 – 18 ára þegar hún spilaði 682 í 3. leikjum, eða 257, 192 og 233. Sigfríður, Árni Geir og Magnús spiluðu hins vegar hæstu leiki dagsins, Sigfríður og Árni Geir 279 og Magnús 280 og 290.