Hörður Ingi skrifar frá Helsinki.

Í dag hófst Evrópumót unglinga hér í Helsinki og spiluðu stelpurnar fyrst. Magna spilaði 1166 hæsti leikur 224, Ástrós 1020 hæsti leikur 195 og Karen 1015 hæsti leikur 221. Allar geta spilað betur og ætla þær að skoða stöðuna hjá sér en þær eiga frí á morgun en þá keppa strákarnir. Þetta er flottur salur og hótelið er mjög gott, kalt í veðri, kaldara en heima. Miðað við þennan dag verður þetta skemmtileg ferð því krakkarnir eru til fyrirmyndar.

Kveðja frá Helsinki

Hörður Ing

Tækninefnd hittist í hádeginu og ákvað olíuburðinn sem að verður notaður það sem eftir er af þessu tímabili. Burðurinn sem varð fyrir valinu er 40 feta langur og hafa menn ágætis svigrúm til að spila hann allt frá 1. pílu inn að 5. Nánari útlistun á burðinum er í meðfylgjandi skjali og verður hægt að æfa sig í olíuburðinum í fyrramálið og framvegis.

• Olíuburðurinn

Árshátíð KLÍ verður haldin laugardaginn 26. apríl 2008.

Árshátíð Keilusambands Íslands verður haldin á Veitingastaðnum Rúbín í Öskjuhlíðinni.
Húsið opnar kl. 19:00
Glæsilegt veisluhlaðborð,  ball, skemmtiatriði, happdrætti ofl
Miðaverð kr. 5.000.-  Nú mæta allir og líka að sjálfsögðu allir í Utandeildinni

Árshátíðin er í umsjón og til styrktar kvennalandsliðinu.

Nánar auglýst síðar.
 

Nú er komið að því að skipt verður um olíuvél í öskjuhlíðinni. Maður frá Kegel mun koma og setja vélina upp í dag og ef að allt gengur að óskum mun vélin verða tekin í notkun á morgun föstudag. Eftir að uppsetningu er lokið á nýju vélinni mun gamla vélin verða tekin í sundur og gerð upp. Tækninefnd mun hitta manninn frá Kegel á hádegi á föstudag og í samráði við hann ákveða nýjan olíuburð sem að verður notaður í framhaldinu. Um leið og nýr olíuburður verður ákveðinn verður hann birtur og hægt verður að æfa sig í honum á föstudeginum og laugards og sunnudagsmorgni.

• Vélin
• Myndband af vélinni í notkun

Á morgun heldur íslenska unglingalandsliðið til Finnlands til að taka þátt í í evrópumóti unglinga. Hópurinn sem að var valinn til fararinnar samanstendur af Ástrósu Pétursdóttur, Mögnu Ýr Hjálmtýsdóttur, Karen Rut Sigurðardóttur, Andra Má Ólafssyni og Skúla Frey Sigurðssyni. Keppni hefst á mánudaginn hjá stúlkunum og heldur síðan áfram út vikuna. Nánari upplýsingar má finna á heimasíðu mótsins. Hörður Ingi Jóhannsson mun stýra liðinu meðan á keppni stendur og óskum við þeim öllum góðs gengis og góðrar ferðar.

Áður en Utandeildin hófst í Keiluhöllinni s.l. fimmtudag var dregið í undanúrslit í Bikarkeppni liða.

Ákveðið hefur verið að úrslitaleikirnir í Bikarkeppninni verði leikin sama dag og Árshátíð Keilusambandsins fer fram, laugardaginn 26. apríl.  Í ljósi þess hefur verið ákveðið að færa leiki í undanúrslitum til og verða þeir leiknir sunnudaginn 6. apríl kl. 9:00

Íslandsmóti einstaklinga lauk í gær og til úrslita í kvennaflokki léku Dagný og Ástrós en í karlaflokki voru það Steinþór og Halldór Ragnar sem léku til úrslita. Dagný vann fyrstu 3 leikina og sigraði því Ástrósu sem að hafði verið í efsta sæti frá því milliriðlum. Steinþór leiddi hins vegar mótið frá upphafi til enda og hafði sigur í 2 af 4 leikjum sem að spilaðir voru í úrslitunum. Nánari úrslit má síðan sjá í skjölunum hér að neðan.

• Úrslit í Karlaflokki
• Úrslit í kvennaflokki
• Maður á mann, karlar
• Maður á mann, konur

Þá er milliriðlum í íslandsmóti einstaklinga lokið og var spilamennskan mjög misjöfn.  Lítil sem engin olía var á efrisettunum en fínir leikir litu dagsins ljós þrátt fyrir olíuskort.

• Staðan eftir milliriðil karla
• Staðan eftir milliriðil kvenna

Nú hefur öllum 12 leikjum í forkeppni Íslandsmóts einstaklinga verið lokið og ljóst hverjir komast áfram í milliriðla.  Efst eftir forkeppnina eru þau Linda Hrönn Magnúsdóttir (2.242) og Steinþór Geirdal (2.461). Milliriðill hefst kl. 19:00 í kvöld og munu bæði kynin spila 6 leiki. Efstu 8 karlarnir og efstu 6 konurnar munu síðan halda áfram í undanúrslit og spila þar maður á móti manni.

• Úrslit í undakepnni karla
• Úrslit í undankeppni kvenna
• Brautarskipan í milliriðli kvenna
• Brautarskipan í milliriðli karla

Aðalfundur Keiludeildar ÍR mun fara fram miðvikudaginn 26. mars klukkan 20:00 í ÍR-heimilinu Skógarseli 12.

• Fundarboð