Þá er lokið keppni í þriggja manna liðum.  Stelpurnar okkar enduðu í 27. og 34. sæti.  Evrópumeistarar urðu gestgjafarnir Danir.

Í einstaklingskeppninni er Magna Ýr enn efst af stelpunum með 187.4 í meðaltal.  Á morgun hefst svo liðakeppnin og leika okkar stelpur í fyrri riðlinum og byrja að spila klukkan 7 að íslenskum tíma.  Mjög gaman er að fylgjast með keppninni í beinni á „online scoring“ sem má tengjast í gegnum heimasíðu mótsins www.ewc2008.eu/

Nú í morgun lagði kvennalandsliðið í keilu upp í ferð til Óðinsvéa til þátttöku í evrópumóti kvennalandsliða. Íslenska liðið skipa Gudný Gunnarsdóttir, Ragna Matthiasdóttir, Dagný Edda Þórisdottir, Alda Harðardóttir, Elín Óskarsdóttir og Magna Ýr Hjálmtýsdóttir. Þær hefja keppni á laugardagsmorgun og munu þá spila tvímenning. Nánari upplýsingar um mótið má finna á heimasíðu mótsins

Bætt hefur verið við valmöguleikanum á www.kli.is að fá fréttir með RSS streymi inn í forrit sem að meðtaka RSS. Ef að fólk notar t.d. Microsoft Outlook þá er lítið mál að setja slóðina http://www.kli.is/frettir/rss/  inn í RSS möppuna í Outlook og þá kemur tilkynning í hvert skipti sem að ný frétt er skrifuð nánast samtímis og hún er birt á vefnum. Flest póstforrit í dag styðja RSS og ætti því að vera lítið mál fyrir keilara að fylgjast með því sem að er í gangi í keilunni. 

Úrslitakeppnin í Utandeildinni 2008 var leikinn í gær og fyrradag.
Fyrra kvöldið léku tvö efstu liðin í hverjum riðli saman í tveimur riðlum. Í riðli 1 léku Gutterballs, Keflavík 1, 104 B.C. og Landsbankinn. Eftir jafna og spennandi keppni voru 3 lið með 4 stig en aðeins tvö sæti í boði í úrslitum. Það réðst því á heildarskori hvaða lið kæmust áfram og það voru Gutterballs og Keflavík 1.
Í hinum riðlinum léku RB, Mammút, GB United – B og Flytjandi. GB United-B vann alla sína leiki en það rést á heildarskori hver fylgdi þeim áfram því hin þrjú liðin voru öll með tvö stig. Það var RB sem komst áfram, var með 8 stigum meira en Mammút í heildarskor.

Úrslitakeppnin í Utandeildinni 2008 var leikinn í gær og fyrradag.
Fyrra kvöldið léku tvö efstu liðin í hverjum riðli saman í tveimur riðlum. Í riðli 1 léku Gutterballs, Keflavík 1, 104 B.C. og Landsbankinn. Eftir jafna og spennandi keppni voru 3 lið með 4 stig en aðeins tvö sæti í boði í úrslitum. Það réðst því á heildarskori hvaða lið kæmust áfram og það voru Gutterballs og Keflavík 1.
Í hinum riðlinum léku RB, Mammút, GB United – B og Flytjandi. GB United-B vann alla sína leiki en það rést á heildarskori hver fylgdi þeim áfram því hin þrjú liðin voru öll með tvö stig. Það var RB sem komst áfram, var með 8 stigum meira en Mammút í heildarskor.

Í gærkvöldi léku því þessi fjögur lið, Gutterballs, Keflavík 1, GB United-B og RB. Enn var það heildaskorið sem réð gangi mála. GB United-B og Gutterballs áttust við í síðasta leiknum og þann leik sigraði GB United-B og tryggðu sér þar með titilinn, Utandeildarmeistarar 2008.

Einnig voru veitt önnur verðlaun sem röðuðust þannig:

Myndir frá verðlaunaafendingunni munu koma síðar.

Við óskum öllum til hamingju og þökkum ykkur kærlega fyrir þátttökuna í Utandeildinni 2008 og vonandi eigum við eftir að sjá öll liðin aftur í haust þegar Utandeildin 2009 hefst.

Mótsstjórn

Í gær fór fram 15. ársþing KLÍ, en það var að þessu sinni háð í Íþróttamiðstöðinni á Álftanesi.  20 fulltrúar af 25 sátu þingið ásamt stjórn KLÍ, Hafsteini Pálssyni úr framkvæmdastjórn ÍSÍ sem var þingforseti, auk Ólafs Rafnssonar, forseta ÍSÍ, sem flutti þinginu kveðju frá ÍSÍ.

Á þinginu sagði Þórhallur Hálfdánarson sig frá formennsku.  Nýr formaður var kjörinn Þórir Ingvarsson, sem hefur um árabil verið formaður Keilufélags Reykjavíkur.  Til eins árs í stjórn var kjörinn Hörður Ingi Jóhannsson, og til tveggja ára Valgeir Guðbjartsson og Þórarinn Már Þorbjörnsson.  Varamenn voru kjörnir Ásgrímur Helgi Einarsson, Guðmundur Sigurðsson og Helga Sigurðardóttir. 

Fjórar tillögur að breytingum á reglugerðum voru teknar til afgreiðslu.  Tillaga um að afnema leik um 3. sæti í Íslandsmóti liða var samþykkt, sem og nokkrar breytingar um frestanir á leikjum, eftir nokkrar umræður og frekari breytingar.  Felld var tillaga frá KFK um breytingu á reglum um búninga, en samþykktar breytingar á upphitunartíma.  Önnur tillaga frá KFK, um breytingar á reglugerð um aganefnd, hafði áður verið samþykkt á formannafundi og var því ekki tekin til afgreiðslu.

Á myndunum má sjá Þórhall Hálfdánarson, fráfarandi formann, við þingsetningu, og Ólaf Rafnsson, forseta ÍSÍ, ávarpa þingið.

Við viljum vekja athygli á að Pepsí Max mótin verða út maí mánuð. Þ.e. 11, 18 og 25 maí. Þetta er kjörið tækifæri fyrir þá sem eru að fara út að spila í sumar, hvort sem er með landsliðum, æfingabúðir eða aðrar ferðir. Eða bara ef ykkur langar að framlengja keilutímabilið. Fyrir þá sem ekki hafa mætt er keppt klukkan 19:00 og 20:30 í þriggja leikja seríum og keppnin er flokkaskipt.

Úrslit Sjóvá Bikarsins, bikarkeppni einstaklinga í keilu fóru fram í Keiluhöllinni í Öskjuhlíð sunnudaginn 4. maí 2008. Sigfríður Sigurðardóttir KFR og Steinþór G. Jóhannsson ÍR eru Bikarmeistarar Sjóvá árið 2008. Er þetta annað árið í röð sem Sigfríður vinnur titilinn og fjórða skiptið í allt, en Sigfríður vann áður árin 2004 og 2005. Steinþór vann áður árin 2001 og 2002. Í öðru sæti voru þau Sigurlaug Jakobsdóttir ÍR og Björn Guðgeir Sigurðsson KR.

Í úrslitunum vann Sigfríður mótherja sinn Sigurlaugu Jakobsdóttur  með 592 pinnum gegn 498. Leikir Sigfríðar voru 155, 230 og 207, en leikir Sigurlaugar 155, 210 og 133. Steinþór vann vann Björn Guðgeir með 623 pinnum gegn 509. Leikir Steinþórs voru 205, 256 og 162, en leikir Björns Guðgeirs 168, 192 og 149.

Í undanúrslitunum vann Sigfríður, Rögnu Matthíasdóttur úr KFR þegar hún spilaði 149, 257 og 151 eða samtals 557 gegn 549. Sigurlaug vann liðsfélaga sinn Lindu Hrönn Magnúsdóttur ÍR þegar hún spilaði 174, 175, 208 eða samtals 557 gegn 444. Í karlaflokknum sigraði Steinþór mótherja sinn Andrés Pál Júlíusson nokkuð örugglega með hæstu seríu mótsins 189, 265 og 279 eða samtals 733 gegn 559. Í hinum leiknum vann Björn Guðgeir liðsfélaga sinn Magnús Magnússon KR með 4 pinnum þegar hann spilaði 201, 156 og 162 eða samtals 519 gegn 515.

Úrslitaleikirnir fóru þannig:
Sigfríður Sigurðardóttir KFR 592 Sigurlaug Jakobsdóttir ÍR 498
Steinþór G. Jóhannsson ÍR 623 Björn Guðgeir Sigurðsson KR 509

Undanúrslitaleikir fóru þannig:
Sigfríður Sigurðardóttir KFR 557 Ragna Matthíasdóttir KFR 549
Sigurlaug Jakobsdóttir ÍR 557 Linda Hrönn Magnúsdóttir ÍR 444
Steinþór G. Jóhannsson ÍR 733 Andrés Páll Júlíusson KR 559
Björn Guðgeir Sigurðsson KR 519 Magnús Magnússon KR 515

8 manna úrslit fóru þannig:
Ragna Matthíasdóttir KFR 571 Sigríður Klemensdóttir ÍR 464
Þórunn Hulda Davíðsdóttir ÍR 396 Linda Hrönn Magnúsdóttir ÍR 481
Sigfríður Sigurðardóttir KFR 552 Guðný Gunnarsdóttir ÍR 471
Herdís Gunnarsdóttir ÍR 479 Sigurlaug Jakobsdóttir ÍR 480
Magnús S. Guðmundsson ÍA 558 Andrés Páll Júlíusson KR 624
Björn Guðgeir Sigursson KR 620 Sigurbjörn S. Vilhjálmsson 541
Steinþór G. Jóhannsson ÍR 648 Arnar Sæbergsson ÍR  Forföll
Þórarinn M. Þorbjörnsson ÍR 537 Magnús Magnússon KR 594

Sigurvegararnir, þau Sigfríður og Steinþór, tóku einnig bæði metin fyrir hæstu leiki og hæstu seríur í úrslitaleikjunum. Sigfríður hlaut viðurkenningu fyrir hæstu seríu kvenna 592 og hæsta leik kvenna 257 og Steinþór hlaut viðurkenningu fyrir hæstu seríu karla 733 og hæsta leik karla 279.

Bikarkeppni einstaklinga í keilu hefur verið haldin undir merki Sjóvá frá árinu 1989 og hefur umsjón mótsins undanfarin ár verið í höndum keiluliðsins ÍR-TT og Keiludeildar ÍR. Sjá nánar um úrslit mótsins á heimasíðu KLÍ www.kli.is og íslensku keilusíðunni www.keila.is . Mótstjórnin þakkar öllum keppendum fyrir þátttökuna í mótinu að þessu sinni og vonast til að sjá þá alla á næsta ári.
 

Steinþór Jóhannsson og Ásgeir Þór Þórðarson úr ÍR urðu í gær Íslandsmeistarar í tvímenningi eftir að hafa haft forystu frá því í þriðja leik.

Í undanúrslitunum í gær sigruðu þeir alla sína leiki, en meðaltal þeirra í undanúrslitunum var 220,6 og meðaltal þeirra úr öllum leikjum í mótinu var 213,9.

Steinþór og Ásgeir mættu þeim Andrési Páli Júlíussyni og Magnúsi Magnússyni úr KR í úrslitunum, en þeir voru einnig mjög sterkir í undanúrslitunum í gær og höfðu að lokum 539 pinna forskot á þriðja sætið.

Í gærkvöld hóf Íslandsmót í tvímenningi þegar leikin var forkeppni og milliriðill.  Þeir Magnús Magnússon og Andrés Páll Júlíusson úr KR voru efstir eftir fyrsta og annan leik í forkeppninni, en Steinþór Jóhannsson og Ásgeir Þór Þórðarson úr ÍR tóku þá forystuna og halda henni enn.

Undanúrsilt, þar sem 6 efstu tvímenningarnir leika allir við alla, hefst kl. 19.00 í Keiluhöllinni í kvöld, og að þeim loknum leika tveir efstu tvímenningarnir til úrslita.

• Staðan eftir forkeppni
• Staðan eftir milliriðil