Nú eru einungis eftir örfáir leikir í deildarkeppni KLÍ þetta keppnistímabilið og tilvalið að spá í stöðuna, setja upp spádómsgleraugun og skoða hvernig þetta tímabil ætlar að fara.

Lokaumferð deildarkeppninnar verður laugardaginn 18. apríl eftir rúma viku og þá verður lokahóf sambandsins þá um kvöldið og eru keilarar hvattir til að næla sér í miða og taka þátt í skemmtuninni, fagna verðlaunum sem veitt verða og samgleðjast öðrum – Miðapantanir fyrir lokahófið eru hér.

En þá að deildarkeppninni

Alls eru 12 lið í þriðju deildinni þetta tímabilið. Vegna fyrirhugaðrar fækkunar í 1. og 2. deild næsta tímabils verður kapallinn áhugaverði í lok tímabilsins þannig að efsta liðið fær sæti í 2. deil en næst efsta sætið í deildinni fer í umspils-kapalinn við liðið í næst neðsta sætis 2. deildar og svo áfram ef liðið sigrar þá viðureign.

Skoðum hvernig staðan er eftir að flest liðin þarna eru komin með 20 leiki undir belti, 4 lið hafa þó leikið 21 leik. Og hér eru spennandi hlutir að gerast.

Í fyrsta sæti er hið gamalgróna lið ÍR-NAS með 202,5 stig eftir 20 leiki, það gerir rétt rúmlega 10 stig að meðaltali í umferð. Nokkuð gott. En aðeins 0,5 stigum á eftir þeim eru strákarnir úr Keiluhöllinni ÍR-Splitturnar þrjár og 2,5 stigum þar á eftir í þriðja sæti er ÍR-Keila.is Síðan eru 18 stig í 4. sætið sem ÍR-T vermir

Leikirnir sem eftir eru – Ja, hvur skollinn!

ÍR-NAS á eftir að mæta:

• ÍR-Splitturnar þrjár í 21. umferð
• Ösp-Ásar í 22. umferð

Hér verður nánast úrslitaleikur mögulega í næstu umferð þegar efstu 2 liðin mætast. Síðasti leikur þeirra ætti að vera á pari við meðaltals stigasöfnun þeirra svo þarna er að duga en alls ekki drepast á móti Splittunum.

ÍR-Splitturnar þrjár eiga eftir að mæta:

• Téðum ÍR-NAS í 21. umferð
• ÍR-Pjakkar í 22. umferð

Höfum farið yfir viðureignina sem er do or dy í 21. umferð fyrir bæði lið en svo eiga þeir Pjakkana í lokaumferðinni en Pjakkar eru í neðri hluta deildarinnar en geta alveg reitt stig og stig af þessum liðum. Splitturnar þurfa því að passa sig á sjálfum sér (splittunum) og loka sem mest þær geta.

ÍR-Keila.is á eftir að mæta:

• ÍR-Pjakkar í 21. umferð
• ÍR-Gaurar í 22. umferð

Sko. Hér er alveg möguleiki á að bæði hirða efsta sætið í deildinni og poppa beint upp í þá 2. eða koma sér í annað sætið og í umspil. Það munar ekki nema 5 stigum á þeim og efsta sætinu og tvær umferðir eftir! ÍR-Keila.is hefur á að skipa þrautseigum körlum sem hafa alveg náð niður pinnunum þegar mest á reynir svo það má ekki útiloka þá.

Nú þarf heldur betur að hrista kristalskúluna vel og mikið og sjá í gegn um kófið í henni til að spá fyrir um lokastöðuna.

Spáin hljóðar svo að ÍR-NAS kemst upp í 2. deild með um 2 stiga forskot á ÍR-Keila.is sem nær öðru sætinu en aðeins 0,5 stigum á undan ÍR-Splittunum þrem.

Næst verður smá uppgjör á þessum spádómum deildarkeppninnar við það sem þið keilarar gerið í lokaumferðinni en svo spámaður örvænti ekki um of á mögulegri útreið sinni, þá mun hann líka skoða hvað keilarar spáðu fyrir í upphafi deildarkeppninnar síðastliðið haust.

Sjáumst á brautunum og svo í lokahófinu.

Nú eru einungis eftir örfáir leikir í deildarkeppni KLÍ þetta keppnistímabilið og tilvalið að spá í stöðuna, setja upp spádómsgleraugun og skoða hvernig þetta tímabil ætlar að fara.

Lokaumferð deildarkeppninnar verður laugardaginn 18. apríl eftir tæpar tvær vikur og þá verður lokahóf sambandsins þá um kvöldið og eru keilarar hvattir til að næla sér í miða og taka þátt í skemmtuninni, fagna verðlaunum sem veitt verða og samgleðjast öðrum – Miðapantanir fyrir lokahófið eru hér.

En þá að deildarkeppninni

Í 2. deildinni vetur eru 11 lið þar sem Þór dróg sig úr keppni í byrjun deildarinnar. Eftir tímabillið verður liðum fækkað niður í 10 eins og áður var svo það fer af stað smá kapall í lok þessa tímabils um hvernig sætaskipan verður í haust. Neðsta liðið fellur beint um deild og tvö þar fyrir ofan fara í umspil um sæti í deildinni við næst efsta sæti þriðju deildar.

Þar sem lið eru með mis marga leiki undir belti er smá vandi að skoða einhverja ákveðna og jafna stöðu upp á fjölda leikja, þegar þetta er til dæmis ritað þá eru lið með ýmist 17 til 19 leiki komna í hús.

Skoðum þá hvað er í gangi

Fátt ætlar að koma í veg fyrir það að ÍR-Naddóður fari upp í 1. deild í haust. Gaman af því þar sem það lið rétt bjargaði sér frá falli úr 2. deildinni síðasta tímabil í lokaumferðinni. Það er svona. Með réttri styrkingu og allt það er ýmsu hægt að áorka. Þeir eru sem sagt í 1. sæti með 164,5 stig eftir 17 leiki og liðið í 2. sæti um sinn er ÍA-W eftir 18 leiki með 147,5. 17 stiga munur sem væri erfiðara að klúðra en bjarga.

Í þriðja sætinu og í baráttu um að komast í umspilsleikinn eru ÍR-Öðlingar með 145,5 stig en eiga leik á ÍA-W sem gerir lokabaráttuna bara spennandi.

Í fjórða sæti eru svo ÍR-LB með 138,5 stig en leik meira en Öðlingarnir svo það verður kannski vandséð að þeir blandi sér í baráttuna um 2. sætið. Eða hvað?

Neðri hlutinn er þannig skipaður að ÍA-C er í 11. sæti og neðst með 77 stig eftir 18 leiki en fyrir ofar þá eru Þór-Víkingar, reyndar með 19 leik en 10 stigum fyrir ofan með 87 stig. og eru því í harðri baráttu við ÍA-C um að sleppa við beint fall en nokkuð ljóst að annaðhvort þessara liða fer í umspil og hitt fellur.

Fyrir ofan þá eru svo ÍR-Blikk með 108,5 stig en eftir 17 leiki og ÍR-Fagmaður er í því 8. með 116,5 eftir jafn marga leiki.

Hvað er svo fram undan hjá þessum liðum?

ÍR-Naddóður á eftir að mæta:

• ÍR-Öðlingar í 21. umferð
• ÍR-Fagmaður í 22. umferð

Þarna er ljóst að þeir geta gert Öðlingum skráveifu í baráttu heldri mannanna við 2. sætið.

ÍA-W á eftir að mæta:

• ÍR-Öðlingum í 22. umferðinni

Já há! Í lokaumferðinni bara. Þetta verður spennandi leikur í Egilshöll, mun líklega ráða úrslitum um hvort þeirra fer í umspil.

ÍR-Öðlingar eiga eftir að mæta:

• ÍR-Naddóð í 21. umferð
• ÍA-W í 22. umferð

Hvert stig hér telur svo sannarlega.

ÍA-C á eftir að mæta:

• ÍR-Fagmaður í 22. umferð

Þór-Víkingar á eftir að mæta:

• ÍR-Broskarlar í 22. umferð

Bæði þessi lið eiga í raun erfiða leiki eftir. Hér munar um þessi 10 stig og má ætla að það sé handan móðu sjóndeildarhringsins að ÍA-C fari niður um deild og að Þór-Víkingar þurfa að berjast fyrir sæti sínu í deildinni við það lið sem kemur upp úr umspilshattinum.

ÍR-Blikk á eftir að mæta:

• ÍR-Broskarlar í stuttum burði í 21. umferð
• ÍR-LB í 22. umferð

Hér er tækifæri fyrir Blikkara að saxa á forskot Fagmanna í leik þeirra á móti Broskörlum en síðasti leikurinn verður þeim erfiður.

ÍR-Fagmaður á eftir að mæta:

• ÍA-C í 21. umferð
• ÍR-Naddóður í 22. umferð

Hér þurfa Fagmenn að vera fagmannlegir og ná í sem flest stig á móti ÍA-C á heimavelli því lokaleikurinn verður ansi erfiður fyrir þá.

Þegar rýnt er þá inn í móðu sjóndeildarhringsins sér örla fyrir því að ÍA-C fari beint niður en Þór-Víkingar og ÍR-Blikk enda í umspilinu.

Næst verður þá síðasta deildin tekin fyrir, 3. deild karla.

Nú eru einungis eftir örfáir leikir í deildarkeppni KLÍ þetta keppnistímabilið og tilvalið að spá í stöðuna, setja upp spádómsgleraugun og skoða hvernig þetta tímabil ætlar að fara.

Lokaumferð deildarkeppninnar verður laugardaginn 18. apríl eftir tæpar tvær vikur og þá verður lokahóf sambandsins þá um kvöldið og eru keilarar hvattir til að næla sér í miða og taka þátt í skemmtuninni, fagna verðlaunum sem veitt verða og samgleðjast öðrum – Miðapantanir fyrir lokahófið eru hér.

En þá að deildarkeppninni

Í 2. deild kvenna í ár eru 7 lið og því um yfirsetu að ræða. Spilaðar verða 21. umferðir alls í deildinni og eiga lið eftir 2 til 3 leiki eins og í öðrum deildum.

Ef við skoðum stöðuna þegar flest lið nema tvö eru komin með 16 umferðir í hús þá er það þannig að hið fornfræga lið KFR-Afturgöngurnar eru með 181,5 stig og 30 stigum fyrir ofan lið ÍA-Meyja sem eru í 2. sætinu. Afturgöngurnar ætla því sannarlega að ganga aftur upp í 1. deild kvenna á næsta tímabili. Vandséð er að þær nái því markmiði ekki.

Reglurnar fyrir deildina eru þannig að efsta liðið fer upp um deild, það lið sem verður í 2. sæti fer í umspil við 5. sæti 1. deildar um laust sæti þar.

Þá að næstu liðum. ÍR-Skvísur sitja í þriðja sæti með 133,5 stig, eiga leik inni á ÍA-Meyjur en skoðum nánar hér á eftir hvaða möguleikar eru í stöðunni. ÍR-KK er síðan í 4. sæti með 119 stig, sömuleiðis eiga þær leik inni en bilið upp í umspilssæti er orðið of mikið.

KFR-Skutlurnar eru síðan í 5. sæti, ÍR-Mömmur í því 6. og Ösp-Gyðjur í því 7.

Skoðum aðeins leikina sem eftir eru

KFR-Afturgöngurnar eiga eftir að mæta:

• Ösp-Gyðjum í 19. umferð
• KFR-Skutlurnar í 20. umferð

Afturgöngurnar ættu því að eiga til þess að gera nokkuð skaplega leiki eftir og í raun bara tryggja efsta sætið.

ÍA-Meyjur eiga eftir að mæta:

• ÍR-KK í 20. umferð á Skaganum
• ÍR-Skvísum í 21. umferð

ÍA-Meyjur eru með 18 stiga forskot á næsta lið en það lið á leik inni, skoðum á eftir hvaða möguleikar eru í boði.

ÍR-Skvísur eiga eftir að mæta:

• ÍR-KK í 19. umferð
• ÍR-Mömmum í 20. umferð
• ÍA-Meyjum í 21. umferð

Hér kemur sá spádómur að ef ÍR-Skvísur ná að stilla upp sínu sterkasta liði í alla þessa leiki sem eftir eru, þá er ágætur möguleiki fyrir þær að ná öðru sætinu af ÍA- Meyjum sem þær mæta akkúrat í loka umferðinni svo sú umferð getur orðið ansi spennandi í þessari deild. En þekkjandi Skaga fólk þá eru þær sýnd veiði en alls ekki gefins.

Næst verður tekin fyrir 2. deild karla

Nú eru einungis eftir örfáir leikir í deildarkeppni KLÍ þetta keppnistímabilið og tilvalið að spá í stöðuna, setja upp spádómsgleraugun og skoða hvernig þetta tímabil ætlar að fara.

Lokaumferð deildarkeppninnar verður laugardaginn 18. apríl eftir tvær vikur og þá verður lokahóf sambandsins þá um kvöldið og eru keilarar hvattir til að næla sér í miða og taka þátt í skemmtuninni, fagna verðlaunum sem veitt verða og samgleðjast öðrum – Miðapantanir fyrir lokahófið eru hér.

En þá að deildarkeppninni

Í 1. deild karla í ár eru 11 lið þar sem KFR-Stormsveitin dróg sig úr keppni í upphafi tímabilsins. Það leiðir af sér yfirsetu hjá öllu liðum en alls á að spila 22. umferðir. Vegna þess finnum við einhvern punkt í dagatalinu til að skoða og meta stöðuna. Finnum þá stöðuna þegar um helmingur liða eru búin að leika 18 leiki  en hin 17 að undanskildu ÍR-KLS sem er með 16 leiki þegar þetta er skoðað. Það er þó eitthvað um leiki í stöðunni eins og hún er tekin fyrir þennan pistil sem eru forspilaðir eða aðrir leikir sem hefur verið frestað og eiga eftir að koma inn.

Hér er keppnin þannig að fjögur efstu liðin fara í úrslitakeppnina, neðsta liðið fellur í 2. deild og liðin í 9. og 10. sæti fara í umspil við 2. sæti í 2. deild um laust sæti næsta tímabil. Það er gert vegna þess að til stendur að fækka liðum aftur í 10 liða deildir.

ÍR-PLS er að stinga af í deildarkeppninni, efstir með 215 stig eftir 18 leiki sem gerir rétt um 12 stig að meðaltali í leik. Í sætum 2 og 3 koma síðan ÍA og ÍR-L með 166 stig og 161. 4. sæti skipa svo að sinni KFR-Lærlingar með 147 stig. ÍR-Þröstur er í 5. sæti eftir 17 leiki með 134 stig.

Á botninum sitja svo KR-A með 45 stig eftir 18 leiki en unglingarnir í ÍR-Land eru í því 10. með 60 stig, KFR-Grænu töffararnir eru í því 9. með 83,5 stig og ÍR-Krókar í 8. með 97 stig.

Við getum skoðað hvaða leiki þessi lið eiga eftir í apríl og byrjum aðeins á að skoða hvort það sé mat á að ÍR-Þrestir geti gert einhverja skráveifu varðandi 4 efstu.

ÍR-Þröstur á eftir að mæta:

• ÍR-PLS í 18. umferð
• KFR-Lærlingum í 21. umferð
• ÍR-A í 22 umferð

Þeir eru því að fara að mæta topp 3 liðunum í síðustu 3 umferðum og verður að teljast harla ólíklegt að þeir nái að breyta stöðunni sér í hag og hafa því hér með tækifæri til að láta pistlahöfund éta hatt sinn.

Lítum þá aðeins niður á við og skoðum frá botni og upp.

KR-A á eftir að mæta:

• ÍA í 20. umferð upp á Skaga
• ÍR-A í 21. umferð
• ÍR-Krókum í 22. umferð.

Ef þeir ná einhverju af stigum í þessum viðureignum þá verða þau fá og því blasir við KR-A að spila í 2. deild næsta tímabil.

ÍR-Land á eftir að mæta:

• ÍA í 21. umferð upp á Skaga
• ÍR-L í 20. umferð
• ÍR-KLS í 22. umferð

Allt erfiðir leikir og þó strákarnir hafi komið mörgum á óvart er nokkuð ljóst að þeir fara í umspilsleikina um að halda sæti í 1. deild eða fara niður í þá 2.

KFR-Grænu töffararnir eiga eftir að mæta:

• ÍR-Krókum í 20. umferð
• ÍR-PLS í 21. umferð

Þeir eiga þá yfirsetuna sína eftir og aðeins þessa 2 leiki. Þeir eru núna 13.5 stigum á eftir ÍR-Krókum, eiga þá eftir í næst síðasta leik sínum sem þeir verða þá að vinna 14-0 svona miðað við að eiga síðan PLS eftir, harla ólíklegt að þeir nái að forðast umspilið um að halda sæti.

ÍR-Krókar eiga eftir:

• KFR-Grænu töffarana í 20. umferð
• ÍR-KLS í 21. umferð
• KR-A í 22. umferð

Krókarnir eiga þarna eftir að mæta í tveim viðureignum liðum fyrir neðan sig og verður að teljast líklegt að þeir nái inn það mörgum stigum að þeir tryggi sæti sitt í deildinni fyrir komandi tímabil.

Spádómurinn er því á þá leið að efstu 4 liðin fara í úrslitakeppnina, KR-A fellur og ÍR-Land og KFR-Grænu töffararnir fara í umspil um laust sæti í 1. deild

Eftir er að skoða og meta hvaða lið kemur upp úr 2. deild í þá 1. og hvaða lið væri líklegast til að taka síðasta sætið í deildinni fyrir næsta tímabil. Nánar um það síðar.

Næsti pistill verður þá um 2. deild kvenna.

Nú eru einungis eftir örfáir leikir í deildarkeppni KLÍ þetta keppnistímabilið og tilvalið að spá í stöðuna, setja upp spádómsgleraugun og skoða hvernig þetta tímabil ætlar að fara.

Lokaumferð deildarkeppninnar verður laugardaginn 18. apríl eftir tvær vikur og þá verður lokahóf sambandsins þá um kvöldið og eru keilarar hvattir til að næla sér í miða og taka þátt í skemmtuninni, fagna verðlaunum sem veitt verða og samgleðjast öðrum – Miðapantanir fyrir lokahófið eru hér.

En þá að deildarkeppninni

Vegna ójafns fjölda liða í deildum eiga sum lið fleiri leiki eftir en önnur. Í þessum pistli verður fókuserað á 1. deild kvenna.

Spilaðar verða 20 umferðir og eru núna öll lið búin að leika 17 umferðir og einhver eru búin að forspila leiki. Staðan er þannig að KFR-Valkyrjur tróna á toppnum með 180,5 stig og ÍR-TT er þar á eftir í 2. sætinu með 162,5 stig. Í þriðja sæti er svo ÍR-Elding með 99,5 stig þannig að það er engin spurning um hvaða lið fara í úrslitakeppni í 1. deild kvenna, það eru Valkyrjur og TT.

Á botninum eru hins vegar úrslitin hvergi nærri ljós. ÍR-Píurnar sitja neðstar með 84 stig, ÍR-BK er í 9 sæti með 92 stig og munar því bara 8 stigum á. ÍR-VÁ kemur þar næst í 4. sætinu með 95,5 og því aðeins 11,5 stigum frá neðsta sætinu. Loks eru síðan ÍR-Elding í 3. sætinu með 99,5 stig.

ÍR-Píur eiga eftir að mæta:

• ÍR-BK í 18. umferð
• ÍR-VÁ í 19. umferð

ÍR-BK á eftir að mæta:

• ÍR-Píum í 18. umferð
• KFR-Valkyrjum í 20. umferð (forspilaður leikur)
• ÍR-Elding í 19. umferð

ÍR-VÁ á eftir að mæta:

• ÍR-TT í 18. umferð
• ÍR-Píurnar í 19. umferð
• ÍR-Elding í 20. umferð

ÍR-Elding á eftir að mæta:

• KFR-Valkyrjum í 18. umferð
• ÍR-BK í 19. umferð
• ÍR-VÁ í 20 umferð

Neðsta liðið fellur beint í 2. deild kvenna en næst neðsta liðið fer í umspilsleik við 2. sæti í 2. deild um laust sæti.

Eins og segir er ljóst hvaða lið fara í úrslitakeppnina en vandi er að spá um hvaða lið fellur og hvaða lið fer í umspilið um að halda sæti sínu. Ef rýnt er í tölurnar þá eru neðstu 4 liðin með afskaplega svipað liðsmeðaltal:

• ÍR-Elding með 155,07
• ÍR-VÁ með 156,16
• ÍR-BK með 155,4
• ÍR-Píurnar með 151,99

ÍR-Elding, ÍR-BK og ÍR-VÁ eiga eftir að mæta toppliðunum, Elding og BK Valkyrjum og VÁ TT. Síðan eru þetta innbyrgðis viðureignir sem eru eftir hjá þessum liðum. Ef við tökum þá leiki inn ætti að vera víst að þessi lið nái einhverjum stigum í hús og auka þar með enn bilið á ÍR- Píurnar.

Það verður því að teljast líklegt að ÍR-Píur nái ekki að komast í umspilið í ár og fara því niður um deild. Engu að síður hafa þær átt gott mót, ungt lið á ferðinni þarna með alla framtíðina opna fyrir höndum sér.

Þá kemur að vandamáli spádómsins um það hvaða lið endar í næst neðsta sætinu og fer í umspilið. Mat höfundar er það að ef ÍR-Elding spilar án Guðbjargar Hörpu (Bubba) í þessum leikjum sem eftir er, enda þær í næst neðsta sætinu og fara því í umspilið. Ef Bubba mætir í leikina munar það um minna fyrir þær og þá endar ÍR -BK í umspili.

Næst verður tekin fyrir 1. deild karla.