Í dag, sunnudag, var Masterskeppnin spiluð á Evrópumóti unglinga 2023 í Vínarborg í Austurríki. Ísland átti 2 keppendur í Master, þau Hafdísi Evu Laufdal Pétursdóttur og Mikael Aron Vilhelmsson, bæði úr KFR.

Mikael mætti Finnanum Roni Leskinen sem var í 10. sæti í All-Event og þurfti Mikki að eiga sína bestu leiki til að ná að sigra hann. Fyrirkomulagið er með þeim hætti að vinna þarf tvo leiki til að sigra andstæðinginn og mest eru spilaðir 3 leikir. Mikki byrjaði vel og vinnur fyrsta leik en svo fór að dala aðeins hjá honum og hann tapar næstu tveimur. Hann á mikið inni þessi ungi og efnilegi drengur og verður þetta ekki í síðasta skipti sem hann kemur sér inn í úrslitaskref á móti erlendis.

Hafdís Eva mætti Emilie Marie Aas frá Noregi í sínu fyrsta skrefi í Masters. Er þetta í fyrsta skipti sem íslensk stelpa kemst í Master á Evrópumóti unglinga og var Hafdís nú þegar búinn ná virkilega góðum árangri. Norska stelpan byrjaði sterk og vinnur fyrsta leik en Hafdís náði sér upp aftur og vinnur leik 2. Sú norska var hinsvegar of stór biti fyrir hana Hafdísi okkar og vinnur leik 3. Hafdís átti mjög gott mót en þetta var hennar síðasta Evrópumót unglinga en hún á stóra framtíð fyrir sér í keilunni hér heima sem og erlendis.

Þetta mót hefur verið góð reynsla fyrir unglingana okkar og á bara eftir að bæta þá á komandi árum.
Nýtt lið er í uppbyggingu og er framtíðin björt fyrir íslenska keilu. Unglingastarfið hefur verið feikilega gott undanfarið og vonandi verður byggður nýr keilusalur á Íslandi í nánustu framtíð.

Úrslit úr EYC:

Tvímenningur stelpna:
Maja Engberg og Elin Bergqvist frá Svíþjóð eru sigurvegarar í tvímenning stelpna eftir hörkuspennandi úrslit milli þeirra og hina Svíana, Elissa Mehmet og Kajsa Samuelsson.

Tvímenningur stráka:
Kevin Melin og Emil Svensson frá Svíþjóð eru sigurvegarar í tvímenning stráka eftir spennandi leik milli þeirra og hinna Svíana, Robin Noberg og Carl Eklun.

Liðakeppni stelpna:
Lið Svía sigraði liðakeppni stelpna eftir góðan leik við lið Frakka.

Liðakeppni stráka:
Lið Finna sigraði lið Svía í úrslitum í liðakeppni stráka.

Einstaklingskeppni stelpna:
Julie Perrier frá Frakklandi sigraði Elissu Mehmet frá Svíþjóð í úrslitum í einstaklingskeppni stelpna.

Einstaklingskeppni stráka:
Nicolas Carter frá Danmörku sigraði Mathias Danielsen Otting frá Noregi í úrslitum í einstaklingskeppni stráka.

Master stelpna:
Karen Kærgaard Nielsen frá Danmörku er Evrópumeistari stelpna eftir hörkubaráttu við Emilie Marie Aas frá Noregi í úrslitum í masterskeppninni.

Master stráka:
Nicolas Carter frá Danmörku er Evrópumeistari stráka eftir mjög góða leiki við Kevin Melin frá Svíþjóð í úrslitum masterskeppni stráka.

Í morgun, laugardag, byrjuðu stelpurnar að spila einstaklingskeppni á Evrópumóti unglinga í Vín í Austurríki. Hafdís og Alexandra byrjuðu kl. 9 að staðartíma og var Hafdís inni í master áður en keppni hófst. Þær stelpurnar spiluðu þokkalega og voru báðar með meðaltal í kringum 170, Hafdís spilaði 1079 og Alexandra spilaði 1029. Olivia og Viktoría voru svo að spila kl 13:15 að staðartíma en þær báðar frekar langt frá því að komast inn í masterinn en vildu samt klára mótið með góðum nótum, sem þeir svo gerðu. Olivia spilaði 1055 á meðan Viktoría spilaði 1011.

Skor úr einstakling stelpna:

Það kom svo í ljós eftir seinni riðil dagsins að Hafdís Eva hafi komist inn í master á aðeins 16 pinnum í 24. sætinu.
Þetta er afrek þar sem þetta er í fyrsta skipti sem íslensk stelpa nær að koma sér í masterinn á Evrópumóti unglinga.

Skor úr All-Event:

Þá er það bara Masterskeppnin sem er eftir og eru 2 Íslendingar að keppa þar. Það byrjar allt kl. 9:00 að staðartíma á morgun, sunnudag, eða 7:00 á íslenskum tíma.
Mikael Aron mætir Finnanum Roni Leskinen á brautum 29-30.
Hafdís Eva mætir Emilie Marie Aas frá Noregi á brautum 1-2.

Endilega fylgist með okkar fólki sem eru að skrifa íslenska keilusögu á morgun!

ÁFRAM ÍSLAND!

Þá er liðakeppninni lokið á Evrópumóti unglinga í Vínarborg í Austurríki. Strákarnir byrjuðu að spila í gær, miðvikudag, kl. 9 að staðartíma eða 7 á íslenskum.  

Ásgeir Karl, Matthías Leó, Mikael Aron og Tristan Máni spiluðu þrjá leiki og var spilamennskan mjög góð hjá þeim félögum.
Þeir voru í 8. sæti eftir daginn og aðeins 95 pinnum frá niðurskurði, sem var 4. sætið.
Í dag, fimmtudag, kl 13:15 á staðartíma eða 11:15 á íslenskum byrjuðu þeir svo að spila seinni þrjá leikina og voru þeir í virkilega góðu formi og náðu að koma sér upp í fjórða sætið þegar aðeins einn leikur var eftir. Þá duttu þeir aðeins úr formi á meðan hin löndin spiluðu góða leiki og strákarnir enduðu í 6. Sæti. Þetta er talinn vera besti árangur strákaliðs Íslands á Evrópumóti unglinga. 

Stelpurnar spiluðu kl 13:15 á staðartíma eða 11:15 á íslenskum í gær þrjá leiki, eins og strákarnir og var spilamennskan góð hjá þeim Alexöndru, Hafdísi Evu, Oliviu Lindén og Viktoríu Hrund. Þær voru í 12. sæti eftir daginn og þær vildu klárlega komast á meðal efstu 10. Í morgun, kl 9 að staðartíma eða 7 á íslenskum spiluðu þær svo seinni þrjá leikina og spiluðu mun betur en daginn áður og náðu að lyfta sér upp í 9. sætið. Þetta er einnig talinn vera besti árangur stelpuliðs Íslands á Evrópumóti unglinga. 

Þá er einungis einstaklingskeppnin eftir áður en masters fer fram.
Strákarnir spila á morgun og stelpurnar á laugardag.
Staðan fyrir masters er að Ásgeir Karl, Hafdís Eva og Mikael Aron eru öll meðal 24 efstu og eiga því séns á að koma sér áfram þar með góðri spilamennsku í einstaklingskeppninni. 

Dagskrá föstudagsins 7. apríl á EYC 2023:  

Einstaklingskeppni, strákar 

Kl. 9 á staðartíma, 7 á íslenskum: Matthías og Tristan 

Kl 13:15, 11:15 á íslenskum: Ásgeir og Mikael 

Í morgun, þriðjudag, hófst tvímenningur stelpna á Evrópumóti unglinga í Vínarborg í Austurríki. Viktoría Þórisdóttir og Alexandra Kristjánsdóttir KFR byrjuðu að spila um kl 7 í morgun á íslenskum tíma.
Þær voru stöðugar yfir alla 6 leikina og voru báðar yfir sínu meðaltali á KLÍ og geta verið ánægðar með spilamennsku sína. Eftir að seinni riðlinum lauk enduðu þær í 29. sæti. 

Skor var eftirfarandi:

Hafdís Eva Laufdal Pétursdóttir KFR og Olivia Clara Steinunn Lindén ÍR mættu svo á brautirnar í hádeginu í dag og byrjuðu virkilega vel. Þær voru í góðri stöðu í fyrstu þremur leikjunum en síðan fór að halla aðeins undan fæti og þær náðu ekki að halda sama dampi og í byrjun. Þær voru í 3. sæti í riðlinum eftir þrjá leiki en seinni þrír leikirnir drógu þær aðeins niður og enduðu í 18. sæti eftir báða riðla.

Skor var eftirfarandi:

Á morgun er liðakeppni hjá báðum kynjum en strákarnir byrja kl. 9 á staðartíma eða kl. 7 á íslenskum.
Svo eru stelpurnar kl 13:15 á staðartíma eða 11:15 á íslenskum.

Spilaðir eru 3 leikir í liðakeppninni á morgun og svo 3 leikir á fimmtudag áður en úrslit verða svo í liðakeppninni á fimmtudagskvöld.

ÁFRAM ÍSLAND!

Í dag, mánudag 3.apríl, hófst Evrópumót unglinga með tvímenning stráka.
Ásgeir Karl Gústafsson og Mikael Aron Vilhelmsson KFR byrjuðu kl 7 í morgun að íslenskum tíma.
Spiluðu þeir 6 leiki og voru í góðum gír í gegnum alla 6 leikina. Þeir voru í 5. sæti í sínum riðli en eftir seinni riðilin voru þeir komnir niður í 11.  sæti samanlagt úr báðum riðlum. Flottur árangur hjá þeim félögum.

Skor var eftirfarandi:

Svo kl 11:15 að íslenskum tíma stigu Matthías Leó Sigurðsson KFA og Tristan Máni Nínuson ÍR á brautirnar og spiluðu einnig 6 leiki.
Þeir náðu sér ekki alveg á strik í dag og lentu í 36. sæti eftir báða riðla

Skorið úr leikjunum hjá Matthíasi og Tristan:

Efstu 4 tvímenningarnir komast áfram í undanúrslit og því ljóst að hvorugt lið komst þangað. Masterskeppnin lítur vel út fyrir Ásgeir og Mikael en liðakeppnin er næst hjá strákunum okkar.

Næst á dagskrá á Evrópumótinu er tvímenningur hjá stelpunum.
Spilað verður á morgun, þriðjudag, í tveimur riðlum og eru tvímenningarnir skipaðir svona:

Kl. 09:00 / 07:00 á íslenskum tíma

Alexandra og Viktoría Hrund

Kl. 13:15 / 11:15 á íslenskum tíma

Olivia Clara og Hafdís Eva

Streymi frá mótinu er hér:

Stöður og skor úr mótinu er að finna hér:

Um páskana fer fram Evrópumót unglinga í keilu og sendir Ísland frá sér fullskipað lið til leiks. Mótið er haldið í Vínarborg í Austurríki og lagði hópurinn af stað í dag, föstudag. 1. apríl fara æfingar fram en svo þann 2. apríl er formleg æfing á olíuburð mótsins. Þann 3. apríl hefjast svo leikar og verður keppt í tvímenning, liða og einstaklingskeppni og svo masterskeppni að lokinni öllum greinum, þar sem 24 meðaltalshæstu leikmennirnir hjá báðum kynjum spila maður á mann.

Lið Íslands er eftirfarandi:

Stelpur

• Alexandra Kristjánsdóttir
• Hafdís Eva Laufdal Pétursdóttir
• Olivia Clara Steinunn Lindén
• Viktoría Hrund Þórisdóttir

Strákar:

• Ásgeir Karl Gústafsson
• Matthías Leó Sigurðsson
• Mikael Aron Vilhelmsson
• Tristan Máni Nínuson

Heimasíða mótsins er hér:

Dagskrá mótsins er hægt að finna hér að neðan