Keppni á Opna Reykjavíkurmótinu m/forgjöf í keilu fer fram í Keiluhöllinni Egilshöll dagana 14. og 15. september n.k. og hefst keppni kl. 9:00 báða dagana. Spilaðir verða 9 leikir í forkeppni, 6 á laugardag og 3 á sunnudag og komast fjórir efstu (karlar og konur) áfram í úrslit.

Skráning í mótið er á netfangið [email protected] og lýkur fimmtudaginn 12. september, kl. 21:00. Olíuburður í mótinu verður Kegel High Street 44 fet. Verð er kr. 4.500. Sjá nánar í auglýsingu 

Reykjavíkurfélögin

Forkeppnin hefst laugardaginn 14. september kl 9:00 þar sem spilaðir eru 6 leikir. Sunnudaginn 15. september kl 9:00 eru spilaðir 3 leikir í forkeppni og úrslitin strax á eftir. Úrslitin eru þannig að keppendur í 1. og 4. sæti og 2. og 3. sæti eftir forkeppninni leika saman. Sá/sú sem fyrr vinnur tvo leiki heldur áfram. Sigurvegararnir úr leikjunum leika svo innbyrðis og sá/sú er fyrr vinnur tvo leiki hlýtur titilinn Reykjavíkurmeistari einstaklinga. Þeir sem tapa spila innbyrðis um þriðja sætið og sigrar sá/sú er fyrr vinnur tvo leiki.

Keppni á Opna Reykjavíkurmótinu í keilu fer fram í Keiluhöllinni Egilshöll dagana 7. og 8. september n.k. og hefst keppni kl. 9:00 báða dagana. Spilaðir verða 9 leikir í forkeppni, 6 á laugardag og 3 á sunnudag og komast fjórir efstu (karlar og konur) áfram í úrslit.

Skráning í mótið er á netfangið [email protected] og lýkur fimmtudaginn 5. september, kl. 23:00. Olíuburður í mótinu verður 2013 San Marino Open 41 fet. Verð er kr. 4.500. Sjá nánar í auglýsingu

Reykjavíkurfélögin

Forkeppnin hefst laugardaginn 7. september kl 9:00 þar sem spilaðir eru 6 leikir. Sunnudaginn 8. september kl 9:00 eru spilaðir 3 leikir í forkeppni og úrslitin strax á eftir. Úrslitin eru þannig að keppendur í 1. og 4. sæti og 2. og 3. sæti eftir forkeppninni leika saman. Sá/sú sem fyrr vinnur tvo leiki heldur áfram. Sigurvegararnir úr leikjunum leika svo innbyrðis og sá/sú er fyrr vinnur tvo leiki hlýtur titilinn Reykjavíkurmeistari einstaklinga. Þeir sem tapa spila innbyrðis um þriðja sætið og sigrar sá/sú er fyrr vinnur tvo leiki.

Mótshaldari áskilur sér rétt til breytinga í forkeppninni.

Helga Sigurðardóttir KFR og Hafþór Harðarson ÍR eru Reykjavíkurmeistarar í keilu 2012.

Upplýsingar um stjórn Keilusambands Íslands, nefndir og starfsmann er að finna á heimsíðunni undir Upplýsingar > Stjórn og nefndir. Ný stjórn var kjörin á ársþingi KLÍ í vor og verið er að skipa í nefndir sambandsins fyrir komandi keppnistímabil. Ennþá vantar nefndarmenn í nokkrar nefndir, s.s. mótanefnd.

Stjórnina KLÍ skipa: Þórarinn Már Þorbjörnsson formaður, Höskuldur Höskuldsson varaformaður, Heiðar Rafn Sverrisson ritari, Jón Grímsson gjaldkeri, Ingi Geir Sveinsson er meðstjórnandi og varamenn eru Linda Hrönn Magnúsdóttir, Guðmundur J. Kristófersson og Karenina Kristín Chiodo. Fundargerðir stjórnar eru birtar á heimasíðunni undir Upplýsingar > Fundargerðir og einnig eru þinggerðir og úrskurðir aganefndar birtir á síðunni. Starfsmaður er Þórarinn Már Þorbjörnsson og Þórhallur Hálfdánarson er kerfisstjóri KLÍ,  sjá nánar

Helstu netföng stjórnar og nefnda eru:
[email protected]
[email protected]
[email protected]
[email protected]
[email protected]
landslið[email protected]
[email protected]
[email protected]

Meistarakeppni KLÍ 2013 fer fram í Keiluhöllinni Egilshöll miðvikudaginn 11. september n.k. og hefst keppni kl. 19:00. Þar munu Íslandsmeistararnir ÍR-TT mæta Bikarmeisturunum KFR-Valkyrjum í kvennaflokki og Íslands- og Bikarmeistarar ÍR-KLS mæta ÍA-W sem urðu í 2. sæti í Bikarkeppni KLÍ. ÍR-KLS og KFR-Valkyrjur hafa hampað Meistaratitlinum margsinnis áður, ÍR-TT hefur unnið titilinn tvisvar sinnum áður, en ÍA hefur ekki unnið þessa keppni, sjá nánar

Á myndunum eru Bikarmeistarar liða 2013 ÍR-KLS og KFR-Valkyrjur.

Að venju hefst keppnistímabilið í keilunni á Meistarakeppni KLÍ, en þar etja kappi Íslandsmeistarar liða og Bikarmeistarar liða, bæði í karla- og kvennaflokki. Þegar sama liðið er bæði Íslands- og Bikarmeistari keppir það á móti liðinu sem varð í 2. sæti í Bikarkeppni samkvæmt reglugerð um Meistarakeppni KLÍ. Leiknir eru þrír leikir upp á heildarskor og ef jafnt er að því loknum er leikinn bráðabani (9. og 10. rammi) uns úrslit ráðast.

Keppni í 3. deild karla á keppnistímabilinu 2013 – 2014 hefst mánudaginn 16. september n.k. , en nú er keppt í 3. deild karla í fyrsta sinn frá keppnistímabilinu 1996 – 1997.  Í 3. deild karla keppa 8 lið og spiluð verður 21. umferð. Flest liðin eða 3 talsins koma frá Keiludeild ÍR, 2 lið frá Íþróttafélagi heyrnarlausra, 1 lið frá Keiludeild KR, 1 lið frá Keilufélagi Akraness og 1 lið frá Þór Akureyri. Í vetur verður spilað í 2. og 3. deild karla á mánudögum og í 1. deild kvenna og karla á þriðjudögum í  Keiluhöllinni í Egilshöll og Öskjuhlíð, á laugardögum í Keilunni á Akureyri og á sunnudögum í Keilusalnum á Akranesi.

Í 1. umferð 3. deildar karla mætast ÍR-G og ÍFH-Stuðboltar í Öskjuhlíð, ÍR-Fagmaður og ÍFH-Múrbrjótur og ÍR-S og ÍA-B mætast í Egilshöll mánudaginn 16. september og Þór-Plús og KR-D mætast í Keilunni á Akureyri laugardaginn 21. september.

Hér fyrir neðan má sjá dagskrá fyrstu umferðanna í 3. deild karla en heildardagskrána má sjá undir Dagskrá og Deildir > Dagskrá.

Keppni í 2. deild karla á keppnistímabilinu 2013 – 2014 hefst mánudaginn 16. september. Í 2. deild karla keppa 10 lið og spilaðar verða 18. umferðir. Flest liðin eða 8 talsins koma frá Keiludeild ÍR og 2 lið eru frá Keilufélagi Reykjavíkur. Í vetur verður spilað í 2. og 3. deild karla á mánudögum og í 1. deild kvenna og karla á þriðjudögum í  Keiluhöllinni í Egilshöll og Öskjuhlíð, á laugardögum í Keilunni á Akureyri og á sunnudögum í Keilusalnum á Akranesi.

Í 1. umferð 2. deildar karla mætast í Öskjuhlíð ÍR-Keila.is og ÍR-NAS, KFR-JP-Kast og ÍR-Broskarlar, KFR-Þröstur og ÍR-T, ÍR-A og ÍR-L, ÍR-Blikk og ÍR-Naddóður, en ÍR-A og ÍR-L mætast í Egilshöll.

Hér fyrir neðan má sjá dagskrá fyrstu umferðanna í 2. deild karla en heildardagskrána má sjá undir Dagskrá og Deildir > Dagskrá.

Keppni í 1. deild karla á keppnistímabilinu 2013 – 2014 hefst sunnudaginn 15. september n.k. Í 1. deild karla keppa 10 lið og spilaðar verða 18. umferðir. Flest liðin eða 3 talsins koma frá Keiludeild KR, 2 lið frá Keiludeild ÍR, 2 lið frá ÍA, 2 lið frá Keilufélagi Reykjavíkur og 1 frá Þór. En lið KR-B og Þórs tryggðu sér sæti í 1. deild karla í úrslitakeppni 2. deildar karla í vor. Í vetur verður spilað í 2. og 3. deild karla á mánudögum og í 1. deild kvenna og karla á þriðjudögum í  Keiluhöllinni í Egilshöll og Öskjuhlíð, á laugardögum í Keilunni á Akureyri og á sunnudögum í Keilusalnum á Akranesi.

Í 1. umferð 1. deildar karla mætast ÍA og KR-B í Keilusalnum á Akranesi, í Egilshöll mætast KR-C og KFR-Lærlingar, KFR-Stormsveitin og ÍR-PLS, ÍR-KLS og KR-A, en Þór og ÍA-W mætast í Keilunni á Akureyri laugardaginn 21. september n.k.

Hér fyrir neðan má sjá dagskrá fyrstu umferðanna í 1. deild karla en heildardagskrána má sjá undir Dagskrá og Deildir > Dagskrá.

Keppni í 1. deild kvenna á keppnistímabilinu 2013 – 2014 hefst þriðjudaginn 17. september n.k. Eitt nýtt lið kemur inn á þessu tímabili og því eru nú 11 lið í 1. deild kvenna, spilaðar verða 22 umferðir, eitt lið situr hjá í hverri umferð þannig að hvert lið spilar 20 umferðir. Flest liðin eða 6 talsins koma frá Keiludeild ÍR, 3 frá Keilufélagi Reykjavíkur, 1 frá ÍA og 1 frá Íþróttafélagi Heyrnarlausra. Í vetur verður spilað í 2. og 3. deild karla á mánudögum og í 1. deild kvenna og karla á þriðjudögum í  Keiluhöllinni  í Egilshöll og Öskjuhlíð, á laugardögum í Keilunni á Akureyri, en á sunnudögum í Keilusalnum á Akranesi.

Í 1. umferð 1. deildar kvenna sem fer fram þriðjudaginn 17. september n.k.  mætast KFR-Valkyrjur og ÍFH-Elding, ÍR-TT og ÍR-KK í Egilshöll en í Öskjuhlíðinni mætast KFR-Afturgöngurnar og ÍR-Buff, ÍR-SK og ÍR-N, ÍR-BK og ÍA, en KFR-Skutlurnar sitja hjá.

Hér fyrir neðan má sjá dagskrá fyrstu umferðanna í 1. deild kvenna en heildardagskrána má sjá undir Dagskrá og Deildir > Dagskrá.

 Skráning nýrra liða í deildarkeppni KLÍ stendur nú yfir, en skráningarfrestur rennur út þann 31.07.2013  Tilkynningar skal senda á netfangið [email protected].

Meistaramót ÍR í keilu 2013 fór fram í Keiluhöllinni Egilshöll laugardaginn 11. maí. Þátttakendur í mótinu voru alls 27 og keppt var í karla- og kvennaflokki án forgjafar og opnum flokki með forgjöf.

Ástrós Pétursdóttir og Hafþór Harðarson tryggðu sér meistaratitlana í kvenna- og karlaflokki. Í 2. sæti voru Snæfríður Telma Jónsson og Andrés Páll Júlíusson og í 3. sæti voru Guðrún Soffía Guðmundsdóttir og Hlynur Örn Ómarsson. Hörður Finnur Magnússon vann titilinn með forgjöf, í 2. sæti var Halldóra Íris Ingvarsdóttir og í 3. sæti var Arnar Ólafsson. Sjá nánar á heimasíðu Keiludeildar ÍR