Birt hefur verið allsherjarmeðaltal miðað við 31. janúar 2014

Hafþór Harðarson ÍR er í efsta sæti meðaltalslistans og hækkar sig um 6 pinna frá síðasta mánuði og er nú með 220  pinna að meðaltali í leik, en hann spilaði 220 að meðaltali í leik í síðasta mánuði. Dagný Edda Þórisdóttir KFR er efst kvenna á listanum með 189 pinna og lækkaði lítillega milli mánaða. Magnús Magnússon ÍR kemur næstur á listanum yfir karlana með 213 að meðaltali í leik og Arnar Sæbergsson ÍR er þriðji með 212 að meðaltali. Hjá konunum er Alda Harðardóttir KFR í 2. sætið með 187 að meðaltali í leik, eins og Guðný Gunnarsdóttir ÍR.

Til meðaltals teljast síðustu 100 leikir fyrir mánaðamót fyrir útreikning meðaltals. Einnig eru birt mánaðar-, vetrar- og ársmeðaltöl keppanda.. Vetrarmeðaltal er reiknað útfrá leikjum á tímabilinu 1. júní til 31. maí. Þá kemur einnig fram hve langt er síðan síðasti leikur leikmanns sem taldi til meðaltals var leikinn, í dálkinum „Óvirkir mán.“ Hægt er að skoða þróun meðaltals og hvaða leikir teljast til síðustu 100 leikja undir Tölfræði og leikmenn

Íslandsmót einstaklinga með forgjöf verður haldið í Keiluhöllinni Öskjuhlíð og Keiluhöllinni Egilshöll dagana 8. – 11. mars n.k.

Sjá auglýsingu eða fara beint á skráningarsíðu.

 Forkeppnin fer fram í Keiluhöllinni Öskjuhlíð og Egilshöll laugardaginn 8. og sunnudaginn 9. mars og hefst kl. 10:00 báða dagana. Spilaðir eru 8 leikir í forkeppninni, 4 leikir í hvoru húsi.

Ástrós Pétursdóttir ÍR og Magnús Magnússon ÍR eru Íslandsmeistarar einstaklinga 2014. Í öðru sæti urðu Dagný Edda Þórisdóttir KFR og Hafþór Harðarson ÍR og í þriðja sæti urðu Guðný Gunnarsdóttir ÍR og Arnar Davíð Jónsson KFR.

 Þetta er í sjötta sinn sem Magnús hampar titlinum frá árinu 2001, en í fyrsta skipti hjá Ástrósu og fer því nýtt nafn á bikarinn í þetta sinn

Allir við alla, karlar og konur.

Undanúrslit og úrslita staða, karla og kvenna.

Nú er lokið keppni í milliriðli Íslandsmóts einstaklinga. Í kvennariðlinum er Dagný Edda Þórisdóttir KFR efst með 3356 eftir 18 leiki, Ástrós Pétursdóttir ÍR er í 2. sæti með 3346 og Ragnheiður Þorgilsdóttir ÍFH er í 3. sæti með 3268, sjá leikina í kvennaflokki.

Í karlariðlinum er Magnús Magnússon ÍR efstur með 3939, Hafþór Harðarson ÍR er í 2. sæti með 3784 og Arnar Davíð Jónsson KFR er í 3. sæti með 3709. sjá leikina í karlaflokki, og heildarstöðu karla og kvenna hér.

 Þá er lokið forkeppni Íslandsmóts einstaklinga.  Efstar hjá konunum eru Ástrós Pétursdóttir ÍR með 2259, Dagný Edda Þórisdóttir KFR með 2172 og Ragnheiður Þorgilsdóttir ÍFH með 2157. Hér er staðan hjá konunum.

Hjá körlunum er Magnús Magnússon ÍR efstur með 2682, Hafþór Harðarson ÍR er með 2601 og Andrés Páll Júlíusson kemur þriðji með 2529.  Staðan hjá körlunum hér.  

Á morgun verður svo leikið i milliriðlinum í Egilshöllinni og hefst keppni kl. 19:00.

Þá er lokið fyrri degi í forkeppninni hjá konunum á Íslandsmóti einstaklinga. Efstar eftir 6 leiki eru Ástrós Pétursdóttir ÍR með 1164, Ragnheiður Þorgilsdóttir ÍFH með 1153 og Dagný Edda Þórisdóttir með 1062. Staðan eftir daginn sést hér. 

Þá er lokið fyrri degi í forkeppninni karla á Íslandsmóti einstaklinga. Efstir eftir sex leiki eru Magnús Magnússon ÍR með 1319,  Andrés Páll Júlíusson ÍR er í 2. sæti með 1317 og Hafþór Harðarson ÍR er í 3. sæti með 1302. Staðan eftir sex leiki er hér. 

4. umferð í Meistarakeppni ungmenna fór fram í Egilshöllinni laugardaginn 1. febrúar.  Að þessu sinni tóku þátt 43 keppendur, 32 piltar og 11 stúlkur sem kepptu í 5 aldursflokkum. Bestu spilamennskuna þennan dag áttu Hlynur Örn Ómarsson ÍR sem spilaði 1.280 eða 213,33 að meðaltali í 6 leikjum, Andri Freyr Jónsson KFR  sem spilaði 1.090 eða 181,66 að meðaltali og Andri Þór Göthe ÍR sem spilaði 1.085 eða 180,83 að meðaltali. Sjá úrslit 4. umferðar og stöðuna í mótinu.

5. umferð Meistarakeppni ungmenna fer fram í Keiluhöllinni Öskjuhlíð laugardaginn 22. mars 2014.

Í Meistarakeppni ungmenna taka þátt börn og ungmenni, 20 ára og yngri sem æfa hjá keilufélögunum og er skráning í mótið hjá þjálfurum félaganna. Keppni í Meistarakeppni ungmenna í keilu fer fram u.þ.b. mánaðarlega yfir veturinn, sjá leikdaga í dagskrá 

Keppt er í fimm aldursflokkum:
1. flokkur 18 – 19 – 20 ára
2. flokkur 15 – 16 – 17 ára
3. flokkur 12 – 13 – 14 ára
4. flokkur 9 – 10 – 11 ára
5. flokkur 7 – 8 ára

Miða skal við afmælisár, en keppendur halda sínum flokki fram yfir áramótin og til loka móts.

Raðað er í sæti eftir heildarskori í hverjum flokki í hverri umferð. Stig eru gefin fyrir öll sæti í hvert skipti. Stigagjöf er eftirfarandi:
1. sæti hlýtur 12 stig
2. sæti hlýtur 10 stig
3. sæti hlýtur 8 stig
4. sæti hlýtur 7 stig
5. sæti hlýtur 6 stig
6. sæti hlýtur 5 stig
7. sæti hlýtur 4 stig
8. sæti hlýtur 3 stig
9. sæti hlýtur 2 stig
10. sæti og neðar hlýtur 1 stig

Frá og með næstu umferð í deildarkeppni liða munu allir leikir í Egilshöllinni verða spilaðir á efstu settunum.

Nánar verður auglýst síðar á hvaða braut hver leikur á að vera. 

Mánudaginn 3. febrúar fóru fram 7 leikir af 8 og mun sá síðasti fara fram á skaganum þann 15. febrúar.

 Það verða því ÍR-Buff, ÍR-BK, KFR-Afturgöngurnar og KFR-Valkyrjur sem keppa í 4 liða úrslitum Bikarsins í kvennaflokki og ÍR-KLS, KFR-Lærlingar og KR-D ásamt öðru hvoru ÍA liðinu sem keppa í 4 liða úrslitum Bikarsins í karlaflokki þann 12 og 13 mars n.k.

Dregið verður úr kvennaliðunum fyrir leik í Öskjuhlíðinni þann 18. febrúar og hjá körlunum í Egilshöllinni stuttu síðar sama kvöld.