Síða 141 – Keilusamband Íslands

Meistaramóti KFR 2013 var leikið á sunnudag í Keiluhöllinni í Öskjuhlíð. Meistari KFR í karlaflokki annað árið í röð er Guðlaugur Valgeirsson og Meistari KFR í kvennaflokki er Dagný Edda Þórisdóttir. Sigurvegarar með forgjöf voru Guðni Steinar Gústafsson og Ragna Guðrún Magnúsdóttir.

QubicaAMF mótið – Annar keppnisdagur

19.11.2013

Þórarinn Már Þorbjörnsson

Þá er öðrum keppnisdegi lokið á QubicaAMF Bowling World Cup, heimsbikarmóti einstaklinga í keilu sem nú fer fram í Krasnoyarsk í Síberíu í Rússlandi. Spilamennskan er enn mjög há og fjórir 300 leikir voru spilaðir í dag.

Guðný Gunnarsdóttir hóf keppni kl. 16:00 að staðartíma eða kl. 8:00 að íslenskum tíma. Hún átti frábæran keppnisdag og spilaði sig upp um nokkur sæti. Leikir hennar í dag voru 192, 209, 171, 244, 229 og 211, samtals 1.256 eða 209,33 að meðaltali í 6 leikjum og Guðný bætti sinn besta árangur í 6 leikjum um 39 pinna. Guðný er nú í 28 sæti með samtals 2.419 með 201,58 að meðaltali og vantar 65 pinna upp á 24. sætið og sæti í úrslitum. Sjá leiki Guðnýjar , stöðuna í kvennaflokki og útsendingu frá holli B kvenna á öðrum keppnisdegi. Guðný keppir næst kl. 8:00 að staðartíma á morgun miðvikudaginn 20. nóvember, eða kl. 24:00 að íslenskum tíma.

Arnar Sæbergsson hóf keppni í morgun kl. 8:00, eða kl. 24:00 að íslenskum tíma. Hann átti ekki góðan dag og er að glíma við smávægileg meiðsli, en nær vonandi að jafna sig fyrir morgundaginn. Leikir Arnars í dag voru 175, 198, 223, 146, 224 og 202 eða samtals 1.168 pinnar. Arnar er nú í 45. sæti með samtals 2.525 eða 210,17 að meðaltali í 12 leikjum og vantar 198 pinna upp á 24 sætið. Sjá leiki Arnars , stöðuna í karlaflokki og útsendingu frá holli A karla á öðrum keppnisdegi. Arnar keppir næst kl. 20:00 að staðartíma miðvikudaginn 20. nóvember, sem er kl. 12:00 á hádegi að íslenskum tíma.

Mats Maggi frá Belgíu spilaði best allra í dag eða 1.599 og bætti met Peter Hellström frá því í gær og komst upp í 5. sæti. Peter er hins vegar í nokkuð öruggri forystu í karlaflokki með samtals 3.061 pinna eða 255,08 að meðaltali í 12 leikjum. Í 2. sæti er nú Bodo Konieczny frá Þýskalandi með 2.949 pinna og William Ching frá Venasúela er í 3. sæti með samtals 2.932 pinna. Þrír 300 leikir voru spilaðir í dag í karlaflokki. Í dag voru spilaðir fjórir 300 leikir. Fyrstur var Or Aviram Ísrael, síðan kom Chis Sloan Írlandi og loks spilaði Tore Torgersen Noregi tvo 300 leiki í röð og spilaði sig úr 45. í 17. sæti. Eins og staðan er nú er meðaltalið í karlaflokki 213,94 og það þarf 226,67 pinna að meðaltali í leik til að komast áfram í úrslitin. Sjá stöðuna í karlaflokki

Fyrrum mótsmeistari Caroline Lagrange frá Kanada er ennþá efst í kvennaflokki með samtals 2.959 pinna eða 246,58 að meðaltali í 12 leikjum. Í 2. sæti er nú Cheri Tan frá Singapore með samtals 2.860, en tvöfaldi mótsmeistarinn Aumi Guerra frá Dóminikanska lýðveldinu er komin upp í 3. sæti með 2.836 pinna. Eins og staðan er nú er meðaltalið í kvennaflokki 195,83 og þarf 207,0 að meðaltali í leik til að komast áfram í úrslitin. Sjá stöðuna í kvennaflokki

Tíminn í Krasnoyarsk er GMT + 8 klst þannig að þegar klukkan þar er 24:00 á miðnætti er hún 16:00 á Íslandi. Sjá World Clock

Tilkynning frá stjórn Keilusambands Íslands.

18.11.2013

18. nóvember 2013

Stjórn Keilusambands Íslands hefur ákveðið að liðum sem eiga leik þriðjudaginn 19. nóv. 2013, sé heimilt að flýta eða fresta leik vegna beinnar útsendingar frá landsleik Íslands og Króatíu sem fram fer á sama tíma.

Ástæða þykir til að veita þessa heimild þar sem um er að ræða stærsta viðburð í sögu íslensks fótbolta og því sjálfsagt að gefa leikmönnum þeirra liða sem spila eiga þetta kvöld kost á að fylgjast með honum.

Viðureignum sem frestað verður vegna þessa skal lokið fyrir næstu umferð í viðkomandi deild og rétt er að geta þess að undanþága frá því reglugerðarákvæði sem kveður á um að sækja þurfi um breytingu á leiktíma í það minnsta fimm sólarhringjum fyrir leik á eingöngu við í þetta eina skipti.

Stjórn KLÍ.

QubicaAMF mótið – Fyrsti keppnisdagur

18.11.2013

Þá er fyrsta keppnisdegi lokið á QubicaAMF Bowling World Cup, heimsbikarmóti einstaklinga í keilu sem nú fer fram í Krasnoyarsk í Síberíu í Rússlandi. Spilamennska var mjög há þennan fyrsta dag keppninnar og efstu keppendur bæði í karla og kvennaflokki eru með um og yfir 250 í meðaltal og þrír 300 leikir voru spilaðir. Hægt er að fylgjast með gangi keppninnar á heimasíðu mótsins og Facebook síðunni og boðið verður upp á bæði beina útsendingu á You tube rás Qubica AMF (live streaming) og að fylgjast með skori í leikjunum (On-line scoring) á heimasíðu mótsins

Arnar Sæbergsson hóf keppni í morgun kl. 12:00, eða kl. 4:00 að íslenskum tíma. Hann byrjaði mjög vel og spilaði 268 í fyrsta leik, síðan kom 237, síðan kom 192, 195 og 206 og loks endaði hann á 256 leik. Samtals var Arnar með 1.354 pinna í dag eða 225,67 að meðaltali í leik í 6 leikjum og er nú í 27. sæti af 74 keppendum og vantar aðeins 10 pinna upp á 24 sætið. Sjá leiki Arnars og útsendingu frá holli A í karlaflokki á fyrsta keppnisdegi (Sjá má Arnar frá u.þ.b. 2:25:00). Arnar keppir næst kl. 8:00 að staðartíma þriðjudaginn 19. nóvember, sem er kl. 24:00 á miðnætti í kvöld að íslenskum tíma.

Guðný Gunnarsdóttir hóf keppni kl. 20:00 að staðartíma eða kl. 12:00 að íslenskum tíma. Hún spilaði ágætlega og endaði með samtals 1.163 eða 193,83 að meðaltali í 6 leikjum og voru leikir hennar 178, 189, 201, 169, 213 og 213. Guðný er nú 32. sæti og vantar 67 pinna upp á 24 sæti. Sjá leiki Guðnýjar og útsendingu frá holli B í kvennaflokki á fyrsta keppnisdegi (Sjá má Guðnýju í upphitun og fyrsta leik frá byrjun útsendingar). Guðný keppir næst kl. 16:00 að staðartíma á morgun þriðjudaginn 19. nóvember, eða kl. 8:00 að íslenskum tíma

Staðan er nú þannig að Svíinn Peter Hellström setti mótsmet í 6 leikjum þegar hann spilaði samtals 1.543 eða 257,17 að meðaltali í leik. Í 2. sæti er William Ching frá Venasúela með 1.495 og Benshir Layoso frá Filipseyjum er í 3. sæti með 1.479. Þrír 300 leikir voru spilaðir í dag í karlaflokki. Fyrsta 300 leikinn spilaði Kestutis Gudauskas frá Litháen, næstur kom Alex de Vries Hollandi og loks Derek Lee frá Macau. Sjá stöðuna í karlaflokki

Fyrrum mótsmeistari Caroline Lagrange frá Kanada er efst í kvennaflokki og var nálægt því að setja mótsmet með 1.510 eða 251,67 að meðaltali í 6 leikjum. Í 2. sæti er Luminita Farcas Bucin frá Rúmeníu með 1.412 og Danielle McEwan frá Bandaríkjunum er í 3. sæti með 1.400. Sjá stöðuna í kvennaflokki

Tíminn í Krasnoyarsk er GMT + 8 klst þannig að þegar klukkan þar er 24:00 á miðnætti er hún 16:00 á Íslandi. Sjá World Clock

Hægt er að fylgjast með gangi keppninnar á heimasíðu mótsins og Facebook síðunni og boðið verður upp á bæði beina útsendingu á You tube rás Qubica AMF (live streaming) og að fylgjast með skori í leikjunum (On-line scoring) á heimasíðu mótsins

Meistarakeppni ungmenna 3. umferð

17.11.2013

3. umferð Meistarakeppni ungmenna fer fram laugardaginn 23. nóvember í Keiluhöllinni í Öskjuhlíð og hefst keppni kl. 9:00. Sjá stöðuna í mótinu eftir 2. umferð

Í Meistarakeppni ungmenna taka þátt börn og ungmenni, 20 ára og yngri sem æfa hjá keilufélögunum og er skráning í mótið hjá þjálfurum félaganna. Keppni í Meistarakeppni ungmenna í keilu fer fram u.þ.b. mánaðarlega yfir veturinn, sjá leikdaga í dagskrá

Keppt er í fimm aldursflokkum:
1. flokkur 18 – 19 – 20 ára
2. flokkur 15 – 16 – 17 ára
3. flokkur 12 – 13 – 14 ára
4. flokkur 9 – 10 – 11 ára
5. flokkur 7 – 8 ára

Miða skal við afmælisár, en keppendur halda sínum flokki fram yfir áramótin og til loka móts.

Raðað er í sæti eftir heildarskori í hverjum flokki í hverri umferð. Stig eru gefin fyrir öll sæti í hvert skipti. Stigagjöf er eftirfarandi:
1. sæti hlýtur 12 stig
2. sæti hlýtur 10 stig
3. sæti hlýtur 8 stig
4. sæti hlýtur 7 stig
5. sæti hlýtur 6 stig
6. sæti hlýtur 5 stig
7. sæti hlýtur 4 stig
8. sæti hlýtur 3 stig
9. sæti hlýtur 2 stig
10. sæti og neðar hlýtur 1 stig

Staðan í deildunum og næsta umferð

Á morgun hefst keppni í deildum á Íslandsmóti liða eftir tæplega tveggja vikna hlé vegna annarra móta. Í 7. umferð 1. deildar kvenna tekur ÍA á móti KFR-Skutlunum á Skaganum, en í Öskjuhlíð eigast við ÍR-BK og KFR-Afturgöngurnar, ÍR-N og ÍFH-Elding, ÍR-KK og ÍR-Buff, ÍR-BK og KFR-Valkyrjur. ÍR-TT situr hjá í þessari umferð.

Í 5. umferð 1. deildar karla tekur Þór á móti ÍR-KLS á Akureyri, ÍA-W tekur á móti KFR-Lærlingum á Skaganum, KR-A tekur á móti ÍA í Öskjuhlíðinni en í Egilshöllinni eigast við KFR-Stormsveitin og KR-C, ÍR-PLS og KR-B.

Í 5. umferð 2. deildar karla mætast KFR-JP-kast og ÍR-Naddóður, KFR-Þröstur og ÍR-Keila.is í Öskjuhlíðinni, en í Egilshöllinni eigast við ÍR-A og ÍR-Blikk, ÍR-T og ÍR-Broskarlar.

Í 6. umferð 3. deildar karla tekur ÍA-B á móti ÍFH-Stuðboltum á Skaganum, í Öskjuhlíðinni mætast ÍR-Gaurar og ÍFH-Múrbrjótur og í Egilshöllinni eigast við ÍR-S og KR-D.

Sjá dagskrá og stöðuna í deildunum

QubicaAMF heimsbikarmót einstaklinga 2013

49. QubicaAMF Bowling World Cup, heimsbikarmót einstaklinga í keilu verður haldið í borginni Krasnoyarsk í Síberíu í Rússlandi dagana 15. nóvember – 2. desember. Fulltrúar Íslands eru nýkrýndir Íslandsmeistarar para, Guðný Gunnarsdóttir og Arnar Sæbergsson, bæði úr ÍR. En þau unnu sér rétt til þátttöku á mótinu með sigri á AMF mótaröðinni síðasta vetur og eru nú bæði að keppa á sínu þriðja Qubica AMF heimsbikarmóti. Arnar keppti á mótunum 2005 og 2009 og Guðný árin 2005 og 2012, auk þess sem hún vann sér rétt til þátttöku árið 2010. Linda Hrönn Magnúsdóttir og Yrsa Elenora Gylfadóttir eru þeim til aðstoðar á mótinu.

QubicaAMF World Cup er stærsta alþjóðlega mótið sem haldið er árlega, ef miðað er við fjölda keppenda og að þessu sinni taka þátt 74 karlar og 64 konur. Meðal keppenda í ár eru Aumi Guerra frá Dóminikanska lýðveldinu sem vann mótið tvö ár í röð 2010 og 2011 og keppti jafnframt til úrslita á síðasta ári. Auk þess eru fjölmargir keppendur sem hafa keppt á mótinu áður. Mótið er nú haldið í glænýjum 32 brauta keilusal Sharovaya Molniya sem var opnaður í september s.l.

Mótið er einstaklingskeppni, spilaðir sex leikir í 4 leikjablokkum á fjórum dögum, alls 24 leikir. Að þessu sinni er spilað í tveimur hollum bæði í karla- og kvennaflokki. Að loknum þessum 24 leikjum komast 24 efstu keppendurnir í karla- og kvennaflokki eftir pinnafalli áfram og spila 8 leiki í viðbót og taka með sér skorið áfram. Á mótinu í Póllandi 2012 þurfti að meðaltali 195,7 til að komast áfram í úrslitin í kvennaflokki og 208,9 að meðaltali í karlaflokki, en þá voru bara 20 leikir í forkeppninni. Efstu 8 keppendurnir í karla- og kvennaflokki eftir pinnafalli úr þessum 32 leikjum komast áfram og taka með sér skorið og spila 8 leiki til viðbótar. Efstu 3 keppendur í hvorum flokki spila síðan til úrslita. Keppandi í 2. sæti keppir á móti keppanda í 3. sæti og spila þrjá leiki þar sem tveir efstu leikir skera úr um það hvor vinnur.

Tíminn í Krasnoyarsk er GMT + 8 klst þannig að þegar klukkan þar er 24:00 á miðnætti er hún 16:00 á Íslandi. Sjá World Clock

Alda Harðardóttir vann X-calibur mótið 2013

Alda Harðardóttir KFR er nú byrjuð að keppa að nýju með Team X-calibur eftir barnseignarleyfi. Hún náði frábærum árangri þegar hún vann úrslitakeppni X-calibur mótsins sem haldið var í Gautaborg í Svíþjóð um síðustu helgi og vann sér inn 12.000 SEK með sigrinum. Alda spilaði frábærlega í úrslitunum og var með samtals 946 í 4 leikjum og bætti þar með Íslandsmet Sigfríðar Sigurðardóttur frá árinu 2003 um 24 pinna. Sjá úrslit mótsins

Fréttir frá ETBF þingi 2013