Nú hefur fyrsti riðill í Utandeildinni lokið keppni og munu LSH og Landsbankinn 2 leika í úrslitum þann 9. apríl.  Lokastöðuna má sjá hér. 

Þar sem tafir hafa orðið á að hægt sé að setja inn breytta deildar dagskrá á vefinn, þá fylgir hún með þessari frétt sem viðhengi.

Sú breyting hefur átt sér stað að öllu sem vera átti í Öskjuhlíð var slúttað þar og fært í Egilshöllina, einnig utandeildinni og því sem átti að vera á fimmtudögum í Öskjuhlíðinni.

3. umferð Félagakeppninnar sem vera átti í Öskjuhlíð 26.mars hefur verið færð til miðvikudagsins 11.mars.

Ný deildardagskrá allra deilda.

Kæru keilarar

Árshátíð KLÍ verður haldin 11.apríl á Rúbín. Sama dag klárast deildirnar og getum við því öll fagnað saman um kvöldið.

Árshátíðin er í umsjón afrekshóps kvenna og rennur allur ágóðinn til komandi verkefna hópsins.

Nánari upplýsingar síðar. 

Unglingalandsliðið er á leið á Evrópumeistaramót u18.

Í tilefni þess verður haldið mót í keilu til styrktar landsliðinu.

Leiknir eru 3 leikir með evrópskri aðferð, einn leikur á braut og er spiluð forkeppni 13.-14.mars í Keilusalnum Akranesi.

Auglýsing.

Skráning. 

 Þórunn Stefanía Jónsdóttir KFR og Aron Fannar Benteinsson ÍA eru Íslandsmeistarar einstaklinga með forgjöf.

Í öðru sæti urðu Sigrún G. Guðmundsdóttir ÍR og Andrés Haukur Hreinsson ÍR  og í þriðja sætu urðu Bergþóra Pálsdóttir ÞÓR og Jóhannes Ragnar Ólafsson KR. Óskum við þeim öllum til hamingju með árangurinn.

 Þórunn og Aron voru bæði að vinna þennan titil í fyrsta sinn.

Þátttaka í mótinu jókst enn frá fyrra ári, en alls voru 20 konur og 36 karlar skráð í forkeppnina sem fór fram í Egilshöllinni helgina 28.febrúar til 1.mars og efst eftir hana voru Nanna Hólm og Andrés Haukur, eftir það var skorið niður í 12 efstu.

Milliriðillinn var svo leikinn á mánudagskvöldinu 2.mars og að honum loknum leiddu hópinn þau Sigrún G. og Aron Fannar, var þá skorið niður í 6 manns sem léku daginn eftir í undanúrslitum, allir við alla.

Að loknum undanúrslitunum hafði staðan aftur breyst, Þórunn sem hafði verið 6. inn í undanúrslitin spilaði bráðvel og vann 4 af 5 leikjum og jafnaði skorið hjá Sigrúnu þannig að leita þurfti í reglugerðum til að vita hvora ætti að dæma í fyrsta sæti fyrir úrslitaleikinn. Aron spilaði best allra karlanna og vann einnig 4 af 5 leikjum sínum ásamt því að auka forskotið á aðra keppendur en Andrés hafði það af að vinna sig upp í 2. sætið og komst því í úrslitaviðureignina.

Konurnar héldu uppi spennunni í úrslitunum en Þórunn vann fyrsta leikinn en Sigrún næstu tvo, þannig að um hreinan úrslitaleik var að ræða þegar kom að fjórða leik sem Þórunn vann glæsilega með 53 pinna mun. Minni spenna var hjá körlunum, en Aron vann tvo leiki í röð gegn þreyttum Andrési.

Undanúrslit og úrslit kvenna.

Undanúrslit og úrslit karla.

Nú er lokið milliriðli á íslandsmóti einstaklinga með forgjöf.

Engin breyting varð á 6 efstu á milli forkeppni og milliriðils nema að röðin víxlaðist aðeins.

Milliriðill kvenna.

Milliriðill karla.

Nú er nýlokið forkeppni á íslandsmóti einstaklinga með forgjöf í Keiluhöllinni Egilshöll. 

Efstar eftir forkeppnina eru Nanna Hólm Davíðsdóttir, Þór með 1669 pinna og 208,63 í mtl. önnur er Hafdís Pála Jónasdóttir, KFR með 1660 pinna og 207,5 í mtl. og þriðja er Sigrún G. Guðmundsdóttir, ÍR með 1638 pinna og 204,75 í mtl.

Hjá körlum er efstur Andrés Haukur Hreinsson, ÍR með 1674 pinna og 209,25 í mtl., annar er Guðlaugur Valgeirsson KFR með 1663 pinna og 207,88 í mtl. og þriðji er Aron Fannar Benteinsson ÍA með 1659 pinna og 207,38 í mtl.

Staða eftir forkeppni

Skor karla

Skor kvenna

Brautir í milliriðil.

Íslandsmót einstaklinga með forgjöf verður eingöngu spilað í Egilshöll um helgina og verður byrjað klukkutíma fyrr og spilað í 2 hollum.

Karlar munu byrja kl. 09:00 á laugardag í Egilshöll en konurnar kl. 11:15

Á sunnudag byrja konurnar kl. 09:00 en karlarnir kl. 11:15 í Egilshöll.

Brautarskipulag laugardagsins.

Þann 1. mars næstkomandi verður keilusalnum í Öskjuhlíð lokað og verða allir leikir í deildum fluttir í Egilshöll, vinna er í gangi með breytingu á dagskrá og verður hún sýnileg með breytingum mjög fljótlega.  Á mánudags- og þriðjudagskvöldum verður leikið á brautum 1 – 18 og að öllu jöfnu verðum við með 14 – 16 brautir í gangi á þessum kvöldum.  

Síðasta umferðin í deildunum sem verður laugardaginn 11. apríl verður tvískipt þar sem 38 brautir þarf til að klára umferðirnar í Reykjavík og byrja því fyrstu leikir kl. 09:00 og seinni leikirnir kl. 12:00.

Utandeildin verður  áfram leikin í Öskjuhlíð og kláruð þar.

Íslandsmót félaga verður fært í Egilshöll þannig að allt mótið verður á þeim stað.

Deildarbikar verður samkvæmt auglýstri dagskrá.

Allar æfingar barna og unglinga sem verið hafa í Keiluhöllinni Öskjuhlíð á mánudögum og miðvikudögum færast í Egilshöll.

Allar æfingar hjá fötluðum sem verið hafa í Keiluhöllinni Öskjuhlíð á þriðjudögum færast í Egilshöll.

Formaður KLÍ

Formaður Mótanefndar

 Íslandsmót einstaklinga með forgjöf verður haldið í Keiluhöllinni Öskjuhlíð og Keiluhöllinni Egilshöll dagana 28.feb – 3. mars n.k.

Sjá auglýsingu eða fara beint á skráningarsíðu.