Í gær var  keppt í tvímenningi á boðsmóti unglingaliða í Doha í Qatar. Það vantaði lítið upp á að Katrín Fjóla og Jóhanna Ósk næðu á verðlaunapall en þær enduðu í 5. sæti eftir að hafa verið í því öðru fyrir síðasta leik. Katrín Fjóla er núna í 3. sæti í samanlögðu á mótinu. Í dag er liðakeppnin og er hún hafin og má fylgjast með úrslitum á síðu mótsins.

Tvímenningurinn fór annars þannig að hjá stúlkunum enduðu eins og fyrr segir þær Katrín Fjóla og Jóhanna Ósk í 5. sæti með 2.253 pinna eða 187,75 í meðaltal. Þær Elva Rós og Helga Ósk urðu svo í 11. sæti með 1.893 pinna eða 157,75 í meðaltal.

Hjá strákunum voru það Andri Freyr og Jökull Byron sem urðu í 13. sæti með 2.210 pinna eða 184,17 í meðaltal og þeir Aron Fannar og Þorsteinn urðu í 17. sæti með 2.067 pinna eða 172,25 í meðaltal.

Katrín Fjóla Bragadóttir úr KFR náði í gær 2. sæti í einstaklingskeppni á alþjóðlegu móti unglingaliða í Qatar. Katrín Fjóla spilaði 6 leikja seríu og náði 1.220 pinnum eða 203,33 í meðaltal. Katrín Fjóla var aðeins 7 pinnum á eftir Guarro Michelle frá Mexíkó sem sigraði með 1.227 pinna. Þetta er í fyrsta sinn sem íslenskur kvennkeilari kemst á verðlaunapall á alþjóðlegu móti.

Eins og fram hefur komið er ungmennalandsliðið okkar á alþjóðlegu boðsmóti í Qatar þessa dagana. Einstaklingskeppnin var spiluð í gær og má sjá öll úrslit hér. Hjá stelpunum fór það þannig að Katrín Fjóla varð í 2. sæti. Jóhanna Guðjónsdóttir úr ÍA varð í 18. sæti og svo komu þær Helga Ósk Freysdóttir KFR í 20. sæti og Elva Rós Hannesdóttir úr ÍR í 21. sæti.

Hjá strákunum varð Andri Freyr Jónsson KFR í 20. sæti með 1.113 pinna og Jökull Byron Magnússon úr KFR varð í 21. sæti með 1.111 pinna. Aron Fannar Beinteinsson úr ÍA varð síðan í 31. sæti og Þorsteinn Kristinsson úr ÍR varð í 34. sæti.

Í dag fer svo fram tvímenningur og þá spila saman hjá strákunum þeir Andri og Jökull annarsvegar og þeir Aron og Þorsteinn hinsvegar. Stelpurnar parast þannig saman að þær Katrín og Jóhanna mynda annan tvímenninginn og þær Helga og Elva hinn.

Tilkynning frá stjórn Keilufélags Reykjavíkur.

Því miður þurfum við að fresta Minningarmóti KFR 2016 sem átti að vera núna um næstu helgi. Ný dagsetning verður auglýst síðar. 

Dregið var í 4 liða úrslit Bikarkeppni KLÍ í kvöld. Leikirnir eiga að vera samkvæmt dagskrá miðvikudaginn 24. febrúar.

Í kvennaflokki drógust saman:

KFR-Valkyrjur/KFR-Afturgöngur gegn ÍR-TT

ÍA gegn ÍR-Buff

Í karlaflokki drógust saman:

ÍR-KLS gegn ÍR-L

ÍR-PLS gegn KFR-Stormsveitin

Enn á eftir að spila einn leik í 8 liða úrslitum kvenna en hann verður spilaður mánudaginn 22. febrúar.

KFR-Valkyrjur gegn KFR-Afturgöngur

Í dag fór ungmennalið á vegum KLÍ áleiðis til Qatar þar sem þau taka þátt í boðsmóti fyrir unglinga að 20 árs aldri.  Þetta er boðsmót sem Keilusamband Qatar hefur verið með undanfarin ár og hafa verið að þróa. Mun það vera 6. árið í röð sem þetta mót er haldið og auk íslenska liðsins og heimamana þá er eftirtöldum þjóðum boðið: 

• Columbía 
• Finland 
• Noregur
• Svíðþjóð 
• Sádi Arabía 
• Mexico 

Íslensku ungmennin sem eru í þessari ferð eru: 

Stúlkur:

• Elva Rós Hannesdóttir ÍR
• Helga Ósk Freysdóttir KFR
• Jóhanna Ósk Guðjónsdóttir ÍA
• Katrín Fjóla Bragadóttir KFR

Piltar: 

• Andri Freyr Jónsson KFR
• Aron Fannar Benteinsson ÍA
• Jökull Byron Magnússon KFR
• Þorsteinn Hanning Kristinsson ÍR

Með liðinu eru Theódóra Ólafsdóttir og Guðmundur Sigurðsson sem þjálfarar og fararstjórar. 

Hægt er að fylgjast með mótinu á vefsíðu mótsins.

Skráning er hafin í Íslandsmót einstaklinga með forgjöf 2016. Skráning og allar nánari upplýsingar eru á www.kli.is/skraning 

Núna í kvöld lauk Íslandsmóti einstaklinga í keilu en keppt var í Keiluhöllinni Egilshöll. Hafdís Pála Jónasdóttir og Arnar Davíð Jónsson úr Keilufélagi Reykjavíkur sigruðu í úrslitakeppninni. Hafdís Pála sigraði Lindu Hrönn Magnúsdóttur úr ÍR í tveim leikjum 161 gegn 160 og síðan 213 gegn 192. Með sigrinum í kvöld er Hafdís Pála yngsta konan sem vinnur Íslandsmeistaratitil í keilu en hún er aðeins 21 árs gömul. Hafdís Pála spilaði mjög vel á mótinu og setti meða annars Íslandsmet kvenna í einum leik þegar hún fyrst kvenna á Íslandi náði fullkomnum leik eða 300 pinnum, 12 fellur í röð. Í þriðja sæti varð svo Dagný Edda Þórisdóttir úr KFR

Hjá körlunum var það Arnar Davíð Jónsson sem sigraði Stefán Claessen úr ÍR einnig í tveim leikjum. Í fyrsta úrslitaleiknum varð þó jafnt milli þeirra 214 gegn 214 og þurfti því að grípa til bráðabana til að fá úr því skorið hver fengi stigið. Arnar Davíð náði fellu en Stefán fékk einungis 9 pinna. Í öðrum leiknum fór það svo að Arnar silgdi þessu nokkuð örugglega heim en hann náði 235 gegn 168. Í þriðja sæti varð svo Freyr Bragason úr KFR.

í dag voru seinni 6 leikirnir spilaði í forkeppni Íslandsmóts einstaklinga 2016. Eins og fram hefur komið spilaði Hafdís Pála Jónasdóttir KFR 300 leik. Kom 300 leikurinn hjá henn í öðrum leik dagsins. Hafdís Pála ef efst í kvennaflokki með 2.326 pinna eða 193,83 í meðaltal. Arnar Davíð Jónsson einnig úr KFR er efstur í karlaflokki með 2.525 eða 210,42 í meðaltal eftir 12 leiki í forkeppninni.

Á morgun kl. 19 hefst milliriðill en þá keppa 16 efstu karlarnir og 12 efstu konurnar. Á þriðjudaginn á sama tíma verða svo undanúrslit og úrslit. Keilarar og aðrir áhugasamir eru hvattir til að koma í Egilshöll og fylgjast með, aðgangur ókeypis að venju.

Lokastaðan eftir forkeppnina er sem hér segir:

Hafdís Pála Jónasdóttir KFR var rétt í þessu að spila fullkominn leik eða 300 á Íslandsmóti einstaklinga sem fram fer í Keiluhöllinni Egilshöll. Er þetta í fyrsta sinn sem íslenskur kvennkeilari nær þessum merka áfanga og er þar um leið Íslandsmet hjá konum í einum leik. Gamla metið hefur staðið ansi lengi eða frá 9. febrúar 2004 en þá spilaði Sigfríður Sigurðardóttir úr KFR 290 leik í Keilu í Mjódd.

Óskum Hafdísi Pálu til hamingju með glæsilegt met.

Í morgun voru spilaðir 6 leikir á Íslandsmóti einstaklinga og var keppt í Keiluhöllinni Egilshöll. Staða efstu keilara er sem hér segir:

Í karlaflokki:

1. sæti Róbert DAn Sigurðsson ÍR með 1.262
2. sæti Arnar Davíð Jónsson KFR með 1.247
3. sæti Björn Birgisson KFR með 1.237

Í kvennaflokki:

1. sæti Hafdís Pála Jónasdóttir KFR með 1.169
2. sæti Linda Hrönn Magnúsdóttir ÍR með 1.120
3. sæti Dagný Edda Þórisdóttir KFR með 1.108

Heildarstaða í karla- og kvennaflokki er sem hér segir:

Næst verður keppt í mótinu á morgun snnudaginn 7. janúar og hefst keppni kl. 09 og verður þá forkeppnin klárur. Milliriðill verður svo á mánudaginn kl. 19 og svo undanúrslit og úrslit á þriðjudaginn kl. 20