Skip to content

Arnar Davíð Jónsson KFR sigrar forkeppni AMF

Share on facebook
Facebook
Share on twitter
Twitter

Nú í dag lauk íslensku forkeppninni fyrir Qubica AMF World Cup 2018 sem haldið er af keiludeild ÍR. Arnar Davíð Jónsson úr KFR sigraði keppnina í ár og vann sér því þátttökurétt á 54. Qubica AMF World Cup sem fram fer í Las Vegas 4. til 11. nóvember n.k. Ástrós Pétursdóttir úr ÍR varð stigahæst kvenna á mótinu og hlýtur því einnig þátttökurétt á þessu móti en Qubica AMF World Cup er fjölmennasta einstaklingsmót m.v. fjölda þátttökuþjóða.

Keppnin í morgun hófst á 8 manna Round Robin keppni þar sem 8 stigahæstu keilararnir eftir forkeppnirnar þrjár kepptu sín á milli. Arnar Davíð tók fljótt forystuna í efsta sætinu en aðrir skiptust á sætum allt fram í síðasta leik. Þá lék Hlynur Örn Ómarsson úr ÍR 299 og kom sér úr 7. og neðsta sætinu í það 2. Eftir undanúrslitin var staðan þessi:

 

Sæti

Staðan

Skor

Bónus

Alls

1

Arnar Davíð Jónsson

1.621

80

1.701

2

Hlynur Örn Ómarsson

1.525

100

1.625

3

Arnar Sæbergsson

1.496

100

1.596

4

Jón Ingi Ragnarsson

1.514

80

1.594

5

Einar Már Björnsson

1.525

60

1.585

6

Gústaf Smári Björnsson

1.501

80

1.581

7

Gunnar Þór Ásgeirsson

1.464

60

1.524

Það voru því Jón Ingi Ragnarsson úr KFR og Arnar Sæbergsson úr ÍR sem mættust í fyrsta leik í úrslitunum. Arnar þurfti 3 fellur í 10. rammanum til að slá Jón Inga út og það tókst honum með 214 leik gegn 213. Mikil spenna þar á ferð. Arnar mætti næst Hlyni Erni og líklega var bæði spennufall hjá Arnari auk þess sem Hlynur hélt áfram frá 299 leiknum, hann opnaði 1. ramman en felldi síðan 7 í röð og náði 245 gegn 172. Hlynur lék því til úrslita við Arnar Davíð. Þar var spennan ekki síðri en í fyrsta leiknum og sigraði Arnar með aðeins tveggja pinna mun 190 gegn 188.

Arnar Davíð er því AMF meistari 2018 – Til hamingju.

Á Facebook síðu ÍR má sjá videó frá keppninni í ár sem og úrslitunum

Arnar Davíð Jónsson og ástrós Pétursdóttir

Nýjustu fréttirnar

Ársþing Keilusambandsins 2019

Sunnudaginn 12. maí s.l. var 26. Ársþing Keilusambands Íslands haldið í Íþróttamiðstöðinni Laugardal. KFR sá að þessu sinni um að hýsa þingið og  Á þingið mættu fulltrúar allra aðildarfélaga nema að fulltrúar Þórs komust ekki. Á þinginu sátu sem áheyrnarfulltrúar tveir aðilar frá Íþróttafélaginu Ösp.

Meira »

Andlátsfregn – Ragna Matthíasdóttir

Þær leiðu fréttir bárust að vinkona okkar hún Ragna Matthíasdóttir sem lék með KFR-Afturgöngunum er látin á 57. aldursári. Ragna lék undir merkjum KFR allan sinn feril. Varð hún m.a. þrívegis Íslandsmeistari öldunga nú síðast 2018. Einnig varð hún Íslandsmeistari para tvö ár í röð 2008 og 2009 auk þess að verða Íslands- og Bikarmeistari með liði sínu all nokkrum sinnum.

Meira »

ÍR-PLS og ÍR-TT Íslandsmeistarar 2019

Liðin ÍR-PLS og ÍR-TT urðu í dag Íslandsmeistarar liða í karla- og kvennaflokki árið 2019. ÍR-PLS sigraði lið ÍR-KLS nokkuð örugglega og vörðu þar með titilinn sinn sem þeir unnu í fyrra. ÍR-TT sigraði lið ÍR-Buff í hörkuleik þar sem litlu munaði á liðunum.

Meira »