Íslandsmót einstaklinga með forgjöf hófst í Keiluhöllinni Egilshöll á laugardag og lauk því í gær.

Lokakvöldið byrjaði þar sem allir léku við alla einfalda umferð, 6 karlar og 6 konur . Veitt voru 20 bónus stig fyrir að vinna andstæðinginn og lögðust þau aukastig við skor uppsafnað skor mótsins. Hjá konunum duttu út eftir þessa leiki Anna Kristín Óladóttir KFR, Halldóra Íris Ingvarsdóttir ÍR og Berglind Scheving ÍR en í karlakeppninni duttu út Guðmundur Freyr Aðalsteinsson Þór, Birgir Guðlaugsson ÍR og Jóhann Ágúst Jóhannsson ÍR. 

Til úrslita í kvennaflokki léku Anna Sigríður Magnúsdóttir ÍR, Helga Ósk Freysdóttir KFR og Elva Rós Hannesdóttir ÍR. Það var Anna Sigríður sem stóð uppi sem sigurvegari og er því Íslandsmeistari einstaklinga með forgjöf.

Hjá körlunum var það Þorleifur Jón Hreiðarsson KR sem tók Íslandsmeistaratitilinn og var það ekki fyrr en í 10 ramma sem úrslitin réðust, Gylfi Snær Sigurðsson KFA varð í öðru sæti og Jóhann Ársæll Atlason KFA í því þriðja.

Í morgun var spilaður seinni riðillinn í forkeppni Íslandsmóts einstaklinga með forgjöf en alls taka 16 konur og 32 karlar þátt í mótinu. 12 komast áfram úr hvorum riðli. Framhaldið er síðan annað kvöld kl: 19:00 þar spila keppendurnir í fjóra leiki, 6 efstu keppendurnir komast í undanúrslit og fylgir skorið úr forkeppninni og milliriðlinum.

Eftir daginn í dag eru efst í kvennaflokki þær Helga Ósk Freysdóttir KFR með 1.616 pinna, Elva Rós Hannesdóttir ÍR er í 2. sæti með 1.582 og Berglind Scheving ÍR í 3. sæti með 1.563. 

Hjá körlunum er Jóhann Ársæll Atlason ÍA í 1. sæti með 1.646, Jóhann Á Jóhannsson ÍR er í 2. sæti með 1.641 og í 3. sæti er Þorleifur Jón Hreiðarsson KR með 1.618. 

Þessa dagana fer fram Íslandsmót einstaklinga með forgjöf í Egilshöll. Fjögur íslandsmet voru sett í mótinu í dag. 

Matthías Leó Sigurðsson ÍA spilaði 4 leiki í dag og setti íslandsmet í einum, tveimur, þremur og fjórum leikjum.   Leikir Matthíasar í dag voru  132, 196, 142 og 136.  Íslandsmetin eru sett í 5. flokki í þeim eru leikmenn 10 ára og yngri.  

Metin eru:

1 leikur  196
2 leikir   328
3 leikir   470
4 leikir   606

Til hamingju með frábæra spilamennsku Matthías.

Í morgun var spilaður fyrri riðillinn í forkeppni Íslandsmóts einstaklinga með forgjöf en alls taka 16 konur og 32 karlar þátt í mótinu. Leiknir voru fjórir leikir og verða seinni fjórir leikirnir spilaðir á morgun kl. 09 og verður eftir það skorið niður í 12 manna úrslit. 

Eftir daginn í dag eru efst í kvennaflokki þær Berglind Schewing með 809 pinna, Elva Rós Hannesdóttir er í 2. sæti með 800 og Geirdís Hanna Kristjánsdóttir í 3. sæti með 773. 12. sætið er svo með 722.

Hjá körlunum er Matthías Leó Sigurðsson ÍA í 1. sæti með 862, Jóhann Á Jóhannsson ÍR er í 2. sæti með 838 og í 3. sæti er Gunnar Guðjónsson ÍA með 833. 783 er skorið hjá 12. sætinu, sjá stöðuna hér fyrir neðan.

Stöðuna í mótinu eftir fyrri dag forkeppni má sjá hér.

Íslandsmót unglinga fór fram helgina 4 og 5 mars þar mættu til leiks 37 ungmenni frá 4 félögum ÍR, KFR, KFA og Þór.

Aðeins er keppt til úrslita ef 4 eða fleiri mæta til keppni í 1-3 flokki, ekki er keppt til úrslita í yngri flokkum þeir raðast eftir sínu skori í 8 leikjum. Síðan er keppt í opnum flokki þar sem þrír meðaltals hæstu drengir keppa innbyrðis og þrjár meðaltals hæstu stúlkurnar innbyrðis óháð aldri og flokkum.

Leikjafyrirkomulagið er þannig að þeir sem komu inn í úrslitin í 2 og 3ja sæti spila einn leik sem veitir þeim þáttökurétt í úrslitaviðureigninni þar er spilaðir 2 leikir og er heildin úr þessum 2 leikjum það sem ákvarðar sigurvegarann.

Í 1.flokki mættu 3 piltar til leiks. Íslandsmeistari Ólafur Þór Ólafsson Þór, Ásgeir Darri Gunnarsson KFA varð í öðru sæti og Jökull Byron Magnússon KFR í því þriðja.

1.flokkur stúlkna þar mættu tvær stúlkur til leiks. Íslandsmeistari Helga Ósk Freysdóttir KFR og í öðru sæti Guðbjörg Harpa Sigurðardóttir Þór

2.flokkur pilta þar öttu kappi 9 piltar. Til úrslita kepptu Arnar Daði Sigurðsson KFA, Steindór Máni Björnsson ÍR og Ágúst Ingi Stefánsson ÍR. Steindór og Ágúst háðu einvígi um sæti í úrslitaleiknum og endaði það með sigri Ágústs 211-167. Úrslitaeinvígið var spennandi Ágúst hafði sigur á Arnari í fyrsta leik með 202-198 en seinni leikurinn var Arnars 171 gegn 154 og hampaði Arnar því Íslandsmeistaratitlinum.

2.flokkur stúlkna þar voru þrjár mættar til leiks. Íslandsmeistari Elva Rós Hannesdóttir ÍR, annað sæti Dagmar Alda Leifsdóttir ÍR og Málfríður Jóna Freysdóttir í því þriðja.

3. flokkur pilta 5 keppendur. Þeir Hlynur Atlason KFA, Guðbjörn Joshua Guðjónsson KFR og Hinrik Óli Gunnarsson ÍR kepptu til úrslita. Hinrik og Guðbjörn mættust í leik um sæti í úrslitaleiknum og þar hafði Hinrik betur 142-137. Hann bætti svo um betur og vann Hlyn í 2 leikjum 170-114 og 156-129 og er því Íslandsmeistari.

3.flokkur stúlkna þar mættu 3 til leiks. Sara Bryndís Sverrisdóttir ÍR hampaði Íslandsmeistaratitlinum, Harpa Ósk Svansdóttir KFA varð í öðru sæti og Eyrún Ingadóttir KFR í því þriðja.

Í 4.flokki pilta mættu 4 til leiks allir frá KFA. Þar varð í fyrsta sæti Róbert Leó Gíslason öðru sæti Hrannar Þór Svansson og því þriðja Ólafur Hjalti Haraldsson.

Í 4.flokki stúlkna mætti ein stúlka og því Íslandsmeistari Hafdís Eva Laufdal Pétursdóttir

Í 5.flokki pilta og stúlkna er ekki keppt um sæti allir fá verðlaun. Eftirtaldir kepptu í 5.flokki. Mikael Aron Vilhelmsson KFR, Matthías Leó Sigurðsson KFA, Tristan Máni Nínuson ÍR, James Andre Oyola Yllescas ÍR, Ásgeir Karl Gústafsson KFR, Nína Rut Magnúsdóttir KFR og Fjóla Dís Helgadóttir KFR. 

Opinn flokkur pilta þar fóru inn Ólafur Þór Ólafsson Hjaltalín Þór, Arnar Daði Sigurðsson KFA og Steindór Máni Björnsson ÍR. Steindór og Arnar áttust við í leik um laust sæti í úrslitaleiknum þar fór Arnar á flug og vann með 223-161. Arnar lék svo úrslitaleikinn gegn Ólafi tapaði fyrri leiknum með 11 pinnum en bætti fyrir það í seinni leiknum og vann með 40. Arnar vann sér því inn 2 Íslandsmeistaratitla um helgina í 2.flokki pilta og opnum.

 Opinn flokkur stúlkna þar fóru inn Elva Rós Hannesdóttir ÍR, Helga Ósk Freysdóttir KFR og Dagmar Alda Leifsdóttir ÍR. Dagmar og Helga öttu kappi um sæti í úrslitaleiknum og þar fór Helga með sigur af hólmi 166-118. Úrslitaviðureignin einkenndist af stressi stúlknanna en Elva hafði 13 pinna sigur í fyrri leiknum 144-131 seinni leikurinn var síðan í járnum allt fram í 10 ramma Helga vann leikinn en ekki nógu stórt 9 pinna munur 158-149 og Elva hampaði því sínum öðrum Íslandsmeistaratitli þessa helgina í 2. flokki stúlkna og opnum.

Fyrri degi á Íslandsmóti Unglinga er lokið og í morgun var sett íslandsmet í 5. flokki drengja, en það gerði Mikael Aron Vilhelmsson lék 583 í 4 leikjum,  Stöðuna eftir fyrri dag má sjá hér

Jón Ingi Ragnarsson lék frábærlega á Cross Cup í Noregi fyrir nokkrum dögum.  

Jón byrjaði mótið rólega en eftir fyrsta leik sem var 170 hrökk Jón í gang og spilaði 245, 300 og 217 eða samtals 932 sem gera 233 í meðaltal. Þriðji leikur Jóns var fullkominn leikur, 12 fellur í röð. Þessi spilamennska skilaði Jón öðru sætinu í mótinu en sigurvegari varð John Reidar Kindervaag frá Noregi.  Frábær árangur hjá Jóni sem er einn af efnilegri keilurum okkar íslendinga og hluti af Afrekshóp KLÍ. 
Jón Ingi var í viðtali í Sportþættinum á Útvarpi Suðurlands. Viðtalið má heyra hér.

Íslandsmót unglinga verður haldið dagana 4. og 5. mars 2017.
Olíuburður er EYC 2016.

Tekið við skráningum á æfingum fram á fimmtudag

1. Flokkur 17 – 18 (f.1999 – 2000) *unglingar fæddir eftir 1/9 1998 geta spilað
2. Flokkur 15 – 16 (f. 2001 – 2002)
3. Flokkur 13 – 14 (f. 2003 – 2004)
4. Flokkur 11 – 12 (f. 2005 – 2006)
5. Flokkur 9 – 10 (f. 2007 – Yngri)

1 og 2. flokkur spila 12 leiki. 
Laugardagur 4. mars klukkan 09:00 6 leikir
Sunnudagur 5. mars klukkan 08:00 6 leikir

3.- 5. flokkur spila 8 leiki. 
Laugardagur 4. mars klukkan 09:00 4 leikir
Sunnudagur 5. mars klukkan 08:00 4 leikir

Úrslit 3 – 2 – 1 – 1
Spiluð sunnudaginn 5. mars að lokinni forkeppninni. Í 4 flokki er ekki spilað til úrslita heldur er skorið úr forkeppninni sem ræður úrslitum. Í 5. flokki fá allir verðlaun.
Opni flokkurinn.
Strax á eftir úrslitum í flokkunum er spilað í opna flokkum og eru úrslit þar 3 – 2 – 1 – 1.
Sjá nánar í reglugerð KLÍ um íslandsmót unglinga.
Skráning fer fram hjá þjálfurum.

Skráningu lýkur fimmtudaginn 2. mars 2017

Til að hafa þátttökurétt í Íslandsmóti öldunga
þarf þátttakandi að ná 50 ára aldri á því almanaksári sem mótið er haldið.

Skráning inn á: www.keila.eventbrite.com

18 og 19 mars Forkeppni
25 mars Forkeppni
26 mars undanúrslit og úrslit

Verð í forkeppni 13.000kr
Undanúrslit 5500kr

Forkeppni

Allir keppendur leika 12 leiki, 
4 leiki í senn, bæði kyn spila í blönduðum hóp ef þátttaka leyfir. 
Skorið úr forkeppninni fylgir í undanúrslit og keppa 6 efstu karlar og 6 efstu konur.

Undanúrslit

Allir keppa við alla, einfalda umferð.

Á stigin fyrir leikina bætast bónusstig þannig:

Fyrir sigur í leik fást 20 bónusstig

fyrir jafntefli í leik fást 10 bónusstig

Að loknum þessum leikjum fara 2 efstu keppendurnir í úrslit.

Úrslit

Spiluð eru úrslit milli tveggja efstu manna/kvenna, sá/sú sem er efst að stigum fyrir úrslit

nægir að vinna tvær viðureignir (2 stig) en annað sætið þarf að vinna þrjár (3 stig). Jafnteflis

viðureignir skal útkljá með því að báðir leikmenn kasta einu kasti og sá sem fellir fleiri keilur

sigrar. Ef enn er jafnt skal endurtaka þetta þar til úrslit liggja fyrir. Ef jafnt er í síðasta leik

skal hver leikmaður kasta einu kasti. Ef enn er jafnt skal kasta öðru kasti og halda þannig

áfram þar til úrslit liggja fyrir. Sigurvegarinn fær titilinn Íslandsmeistari öldunga.

Ef ekki er næg þátttaka í flokki getur Mótanefnd fellt flokkinn niður.

 Dregið Var í 4 liða úrslit Bikarkeppni KLÍ í kvöld

Leikirnir eiga að vera samkvæmt dagskrá Sunnudaginn 2.apríl kl 19:00
Úrslit eru svo spiluð 8.Apríl og verða í beinni á RUV

Í kvennaflokki drógust saman:
ÍA / ÍR Buff geng KFR Afturgöngur

ÍR TT / KFR Valkyrjur gegn ÍR BK

Enn á eftir að spila tvo leiki í 8 liða úrslitum kvenna en þeir verða spilaðir:
ÍA gegn ÍR Buff Laugardaginn 25 feb kl 13:00
ÍR TT gegn KFR Valkyrjur Sunnudaginn 5 mars kl 19:00

Í karlaflokki drógust saman:

ÍR Fagmaður gegn KR C / KFR Grænu töffararnir

KFR-Lærlingar gegn KR A

Enn á eftir að spila einn leik í 8 liða úrslitum karla en hann verður spilaður miðvikudaginn 1. mars kl 19:30

KR C gegn KFR Grænu töffararnir