Í gær hófst keppni í karlaflokki á HM í Las Vegas.  Keppt var í einstaklingskeppni karla. Til leiks voru skráðir 213 keppendur.

Strákunum okkar voru flestir smá stund að finna taktinn í dag í þeim erfiðu aðstæðum sem eru í mótinu.  Hafþór Harðarson spilaði best af Íslendingunum í dag. Hann spilaði 1247 sem gera 207,83 í meðaltal.  Þetta setur Hafþór í 26. sæti og í frábæra aðstöðu upp á framhaldið.  Þegar leikið hefur verið í einstaklingskeppni, tvímenning, þrímenning og fimm manna liðum komast 24 efstu keilararnir í svokölluð Master úrslit og því er stað Hafþórs gagnvart þeim úrslitum góð eftir spilamennsku dagsins.

Í dag, mánudag, kl. 9:00 leika 4 efstu karlarnir og 4 efstu konurnar til úrslita í einstaklingskeppninni og síðan hefst tvímenningskeppni karla og er leikið í tveimur riðlum, kl. 11:20. og 16:00

Í tvímenning leika eftirtaldir saman:

Gunnar Þór Ásgeirsson og Hafþór Harðarson kl. 11:20

Gústaf Smári Björnsson og Skúli Freyr Sigurðsson kl. 11:20

Jón Ingi Ragnarsson og Arnar Davíð Jónsson kl. 16:00

Öll úrslit og annað frá mótinu er hægt að skoða á heimasíðu mótsins.

Heimsmeistaramótið í keilu byrjaði í Las Vegas í gær þegar einstaklingskeppni kvenna hófst.

Þetta er í fyrsta skipti sem Ísland sendir bæði karla og kvennalið saman á Heimsmeistaramót, en 6 konur og 6 karlar skipa liðið. Keppt er í einstaklingskeppni, tvímenning, þrímenning og 5 manna liða. Alls er 46 þjóðir sem taka þátt í mótin og eru 176 keppendur í kvennaflokki. Nær allir sterkustu keppendur heims taka þátt í mótinu. 

Aðstæður eru erfiðar en olíuburðurinn á brautunum var útbúinn þannig að keppendur ættu erfitt með að ná háu skori.

Íslensku keppendurnir lentu í erfiðleikum með aðstæðurnar en spilamennska dagsins er góður lærdómur fyrir áframhaldið. Það var Dagný Edda Þórisdóttir sem spilaði best íslensku keppendanna í dag. Hún var með 1062 stig í 6 leikjum sem gera 177 í meðaltal. Hún er í 128 sæti.

Í dag hefst einstaklinskeppni karla og verða leiknir 6 leikir. Klukkan 9 að staðartíma leika Gústaf Smári Björnsson, Gunnar Þór Ásgeirsson, Jón Ingi Ragnarsson og Arnar Davíð Jónsson en kl. 13:40 leika Hafþór Harðarson og Skúli Freyr Jónsson.

Hægt er að fylgjast með framgöngu okkar manna á heimasíðu mótsins.

Landsliðshópana skipa:

Konur

• Bergþóra Rós Óalfsdóttir ÍR
• Dagný Edda Þórisdóttir KFR – Fyrirliði
• Guðný Gunnarsdóttir ÍR
• Hafdís Pála Jónasdóttir KFR
• Katrín Fjóla Bragadóttir KFR
• Linda Hrönn Magnúsdóttir ÍR

Karlar

• Arnar Davíð Jónsson KFR – Fyrirliði
• Gunnar Þór Ásgeirsson ÍR
• Gústa Smári Björnsson KFR
• Hafþór Harðarson ÍR
• Jón Ingi Ragarsson KFR
• Skúli Freyr Sigurðsson KFR

A landslið karla og kvenna í keilu keppa á Heimsmeistaramóti landsliða í keilu en mótið fer fram í Las Vegas dagana 24. nóvember til 4. desember. Er þetta í fyrsta sinn sem bæði karla- og kvennalið Íslands keppa á sama tíma á HM í keilu. Kvennaliðið tryggði sér þátttöku á mótinu með ágætum árangri á EM í Vín 2016 en þar náðu þær 13. sæti í liðakeppninni sem gaf þátttökurétt á mótinu. Karlaliðið var hársbreidd frá því að tryggja sér sitt sæti á EM 2016 en þar sem tvær Evrópuþjóðir gáfu ekki kost á sér á HM var íslenska liðinu boðið sæti í þeirra stað.

Alls keppa 42 þjóðir á HM í ár þar af 213 karlar og 176 konur. Keppnin á mótinu fer þannig fram að keppt er í einstaklingskeppni, tvímenningi, þrímenningi, liðakeppni 5 manna liða og svo er svokölluð All Events keppni þar sem meðaltalshæstu karl- og kvennkeilarar mótsins keppa sín á milli.

Landsliðin eru skipuð eftirfarandi leikmönnum

A landslið karla

• Arnar Davíð Jónsson Keilufélag Reykjavíkur (KFR) – Fyrirliði
• Gunnar Þór Ásgeirsson ÍR
• Gústaf Smári Björnsson KFR
• Hafþór Harðarson ÍR
• Jón Ingi Ragnarsson KFR
• Skúli Freyr Sigurðsson KFR

Ásgrímur Helgi Einarsson er þjálfari karlaliðsins

A landslið kvenna í keilu

• Bergþóra Rós Ólafsdóttir ÍR
• Dagný Edda Þórisdóttir KFR – Fyrirliði
• Guðný Gunnarsdóttir ÍR
• Hafdís Pála Jónasdóttir KFR
• Katrín Fjóla Bragadóttir KFR
• Linda Hrönn Magnúsdóttir ÍR

Hafþór Harðarson er þjálfari kvennaliðsins

Auk þeirra fara Hörður Ingi Jóhannsson og Theódóra Ólafsdóttir sem fararstjórar.

Keppnin hefst 24. nóvember með opinberum æfingum. Þar fá keppendur loks upplýsingar um hvaða olíuburður verður notaður á mótinu og fá að æfa á brautunum sem keppt verður á en mótið fer fram í Sout Point Bowling Plaza sem er með 60 keilubrautum. Laugardaginn 25. hefst svo einstaklingskeppni kvenna en karlarnir hefja keppni sunnudaginn 26. nóvember.

Allar upplýsingar um mótið má sjá á vefsíðu þess http://2017wc.worldbowling.org/ Þar má meðal annars fylgjast með stöðu leikja í rauntíma sem og að sjá beina útsendingu frá ákveðnum brautum.

Íslandsmót í Tvímenning 2017 verður haldið 10 – 11des 

Sunnudagur 10.des kl 9:00
Forkeppni 7500.- pr.tvímenning
4leikir – Efstu 10 fara áfram

Milliriðill 7500.- pr.tvímenning
4.leikir – Efstu 6 fara áfram

Mánudagur 11.des kl 19:00
Undanúrslit 7500.- pr.tvímenning
Einföld umferð allir við alla

Úrslit – Efstu 2 leika til úrslita

Dual – 2 burðir – Melbourne – 37 fet & Mexico City – 43 fet


Vinsamlegast skráið nöfn beggja leikmanna annað sem first name og hitt sem last name.

Skráning inn á keila.eventbrite.com

Lokað er fyrir skráningu fimmtudaginn 7.12.17 kl 22:00

Mótanefnd áskilur sér rétt til breytingar á mótinu ef ekki nægur fjöldi fæst 
eða að færa það til kl 8:00 ef að það verða það margir

Daníel Ingi Gottskálksson úr ÍR náði fullkomnum leik eða 300 pinnum í Pepsí keilunni í kvöld og jafnar þar með Íslandsmet í einum leik. Er þetta fyrsti 300 leikurinn hjá Daníel en hann náði leiknum strax í fyrsta leik kvöldsins. Daníel er 24. Íslendingurinn til að ná fullkomnum leik í keilu. Daníel kemur upp úr unglingastarfi ÍR og er það mikið ánægjuefni að sjá einstakling sem kemur upp úr unglingastarfi félags ná þessum áfanga. Mjög öflugt ungmennastarf er rekið hjá keilufélögunum og margir efnilegir keilarar að koma úr öllum félögum innan Keilusambandsins. Framtíðin er því bara ágætlega björt. Við óskum kappanum til hamingju með áfangann.

Daníel er lengst til hægri á myndinni sem fylgir fréttinni.

Í morgun var spilaður 4. og síðasti riðillinn í 1. umferð forkeppni heimsbikarmóts AMF 2018 og eftir þann riðil varð lokastaðan ljós. Best í dag spilaði Jón Ingi Ragnarsson úr KFR og smellti hann sér um leið í efsta sætið með því að ná 1.408 seríu eða 234,7 í meðaltal þar af með því að ná tveim 278 leikjum í röð. 279 urðu þó hæstu leikirnir í mótinu en því náðu þau Arnar Davíð Jónsson úr KFR og Linda Hrönn Magnúsdóttir úr ÍR. Í öðru sæti í dag varð Birgir Kristinsson úr ÍR en hann náði 1.325 seríu eða 220,8 í meðaltal. Þriðja sætið í dag tók svo Hafþór Harðarson úr ÍR með 1.319 seríu eða 219,8 í meðaltal.

Þeir tíu sem spiluðu bestu seríurnar í 1. umferðinni og fá því AMF stig voru eftirfarandi:

1. sæti: Jón Ingi Ragnarsson KFR – 1.408 12 stig
2. sæti: Arnar Davíð Jónsson KFR – 1.351 10 stig
3. sæti: Hafþór Harðarson ÍR – 1.338   8 stig
4. sæti: Birgir Kristinsson ÍR – 1.325   7 stig
5. sæti: Gústaf Smári Björnsson KFR – 1.301   6 stig
6. sæti: Einar Már Björnsson ÍR – 1.281   5 stig
7. sæti: Hlynur Örn Ómarsson ÍR – 1.274   4 stig
8. sæti: Andrés Páll Júlíusson ÍR – 1.265   3 stig
9. sæti: Skúli Freyr Sigurðsson KFR – 1.261   2 stig
10. sæti: Björn G Sigurðsson KFR – 1.241   1 stig

Best kvenna náði Nanna Hólm Davíðsdóttir úr ÍR en hún varð í 13. sæti með 1.226 pinna. Lokastaða allra má sjá í þessu PDF skjali.

Lokastöður úr riðlum má sjá í eftirfarandi PDF skjölum:

1. riðill

2. riðill

3. riðill

4. riðill

Alls tóku 54 keilarar þátt í þessari 1. umferð og er það með meira móti miðað við undanfarin ár, 17 konur og 37 karlar. Alls voru leiknar 102 seríur í mótinu eða 612 keiluleikir.

Keiludeild ÍR þakkar þátttakendum fyrir glæsilega keppni og minnir um leið á að 2. umferð í forkeppni Heimsbikarmóts AMF 2018 verður dagana 27. janúar til 4. febrúar en þá fer fram RIG 2018. Að venju verða erlendir gestir á mótinu og verður tilkynnt um hverjir koma von bráðar.

Um helgina fóru fram Íslandsmót ungmennaliða 2. umferð og einnig 2. umferð í Meistarakeppni ungmenna. Umferðin á Íslandsmóti ungmennaliða var leikin í gær laugardag og má sjá stöðu í keppninni hér.

Í dag fór hinsvegar fram 2. umferð í Meistarakeppni ungmenna. Sem fyrr var það þannig að eldri krakkarnir sem leika 6 leiki hófu keppni fyrr.  Tvær stúlkur settu Íslandsmet á mótinu í morgun. Hafdís Eva Laufdal Pétursdóttir úr ÍR setti met í 11-12 ára flokki stúlkna í 4 og 5 leikjum en hún náði 661 og 786 samtals í þeim leikjum. Var hún einnig skammt frá metinu í 6 leikjum. Sara Bryndís Sverrisdóttir úr ÍR setti einnig met í aldursflokki 13 til 14 ára í 4, 5 og 6 leikjum en hún náði 735, 913 og 1101 pinnum.

Matthías Leó Sigurðsson ÍA setti á laugardeginum Íslandsmet í einum leik í 4. flokki pilta þegar hann spilaði 221. Glæsilegt met hjá honum en hann vann Irish open youth í Dublin fyrir viku síðan.

Eftir að eldri krakkarnir luku keppni var komið að þeim yngri en þau spila 3 leiki.

Úrslit mótsins urðu annars þessi: 

Dagana 15. til 19. nóvember verður 1. umferð í forkeppni AMF haldin í Keiluhöllinni Egilshöll. Athugið að breyting er á venjulegu fyrirkomulagi 1. umferðar. Boðið er upp á 4 riðla en engin úrslit verða í 1. umferðinni. Hægt er að leika í öllum riðlunum og gildir þá besta serían til AMF stiga. Tíu bestu seríurnar í riðlakeppnunum fá því AMF stig. Leikin er 6 leikja sería með hefðbundinni færslu eftir hvern leik. Konur fá 8 pinna forgjöf.

 Boðið er upp á eftirfarandi riðla og athugið að það þarf að skrá sig í hvern riðil sérstaklega og að takmarkaður fjöldi kemst að á miðvikudeginum og fimmtudeginum. Skráningarfrestur er í hvern riðil fyrir sig:

1. riðill miðvikudaginn 15.11. kl. 19:00 – Skráning í 1. riðil
2. riðill fimmtudaginn 16.11. kl. 19:00 – Skráning í 2. riðil
3. riðill laugardaginn 18.11. kl. 09:00 – Skráning í 3. riðil
4. riðill sunnudaginn 19.11. kl. 09:00 – Skráning í 4. riðil

Olíuburður í 1. umferðinni verður C – Chichen Itza 40 fet

Verð pr. seríu er 6.000,- kr.

Irish open youth var haldið í síðustu viku. Ísland átti þar 4 keppendur, þá Jóhann Ársæl Atlason, Ólaf Svein Ólafsson og Matthías Leó Sigurðsson úr ÍA og Hinrik Óla Gunnarsson úr ÍR.

Jóhann og Óli kepptu í flokki 16-19 ára og voru í yngri kantinum þar sem að allir fæddir fyrir 1.september færðust upp um flokk. Því var ekki auðvelt að etja kappi við sér eldri og reyndari. Jóhann komst í undanúrslit og var þá í 16 sæti. Í undanúrslitum voru spilaðir 3 leikir til viðbótar og endaði Jóhann í 12 sæti en 4 komust áfram í úrslit. Ólafur Sveinn endaði í 23.sæti.
Hinrik Óli spilaði í flokki 12 – 16 ára. Hann stóð sig vel og endaði í 27. sæti. Til gamans má geta að Hinrik keppti í dansi í Dublin áður en keilumótið byrjaði og vann þar til tvennra verðlauna. Fjölhæfur íþróttamaður þar á ferð.
Matthías Leó lék í flokki undir 12. ára. Hann komst í undanúrslit eftir að hafa verið í 2.sæti eftir 12 leiki. 12 efstu spiluðu í undanúrslitum 3 leiki til viðbótar og þar náði Matthías öruggri forystu. Í úrslitum voru svo spilaðir 3 leikir þar sem spilað var maður á mann 4 efstu. Matthías vann alla sína leiki og þar með sinn flokk. Matthías hlaut kúlu í verðlaun fyrir 1.sæti en var einnig með hæsta leikinn í sínum flokki og fékk 25 evrur fyrir það. Frábær árangur hjá Matthíasi.
Hópurinn heldur svo af stað heim á morgun eftir frábæra ferð, alltaf gaman að heimsækja Íra heim, kurteisir og skemmtilegir.

Einar Már Björnsson leikmaður ÍR er þessa dagana að taka þátt í AMF Heimsbikarmóti einstaklinga í Hermosillo í Mexíkó. Einar vann sér inn þátttökurétt á mótinu með því að sigra forkeppni AMF hér heima en lokaúrslit fóru fram í maí á þessu ári. 

Þetta er í fyrsta sinn sem Einar Már vinnur sér inn þátttökurétt á þessu móti og verður spennandi að sjá hvernig nýbakaður Íslandsmeistari úr Íslandsmóti para stendur sig á mótinu. Nánari fréttir verða fluttar af gengi hans hér á síðunni næstu daga.

Fylgjast má með öðrum upplýsingum úr mótinu á vefsíðu þess.

YouTube rás AMF heimsbikarmótsins.

Facebook síða AMF World Cup.