Samtök íþróttafréttamanna birta í dag lista sinn í kjöri Íþróttamann ársins 2019. Arnar Davíð Jónsson er fyrstur íslenskra keilara til að komast á topp 10 listann. Laugardaginn 28. desember verður kunngjört hver er Íþróttamaður ársins en athöfnin verður í beinni útsendingu á RÚV. Arnar Davíð mun verða viðstaddur þá athöfn.

Keilusamband Íslands er afar stolt af árangri Arnars og óskar honum til hamingju með árangur ársins. Arnar hefur sannarlega beint kastljósi landans að keilu sem íþrótt.

Á Gamlársdag verður að vanda Kampavínsmót KFR. Í upphafi móts ætlar stjórn Keilusambandsins að veita Arnari viðurkenningu fyrir árangur hans á árinu sem er að líða. Við hvetjum keilara til að fjölmenna í mótið en í það minnsta láta sjá sig upp í Keiluhöllinni og heiðra Arnar með okkur.

Sjá má lista 10 efstu íþróttamanna ársins 2019 hér.

Í gær bauð Borgarstjórinn í Reykjavík íþróttafólki til samsætis í Tjarnarsal ráðhússins þar sem einstaklingar og lið voru verðlaunuð af Íþróttabandalagi Reykjavíkur fyrir framúrskarandi árangur á árinu. Arnar Davíð Jónsson Keilufélagi Reykjavíkur fékk viðurkenningu fyrir frábært tímabil en eins og öllum er kunnugt sigraði hann Evróputúrinn í ár. Auk hans fengur Íslandsmeistarar liða ÍR PLS og ÍR TT viðurkenningu sem og Bikarbeistarar liða KFR Grænu töffararnir og KFR Valkyrjur.

Var það síðan Júlían Jóhann Karl Jóhannsson kraftlyftingamaður sem var valinn íþróttakarl Reykjavíkur 2019 en Arnar Davíð kom þar sterklega til greina.

Nánar má sjá hverjir hlutu viðurkenningar á vef Íþróttabandalags Reykjavíkur.

Stjórn KLÍ skipaði Aganefnd í máli ÍR Naddóðs og ÍR A þar sem ÍR A mætti ekki fullskipað til leiks. Úrskurð Aganefndar má sjá hér.

Stjórn Keilusambandsins hefur kosið þau Arnar Davíð Jónsson Keilufélagi Reykjavíkur og Ástrósu Pétursdóttur ÍR keilara ársins 2019, annað árið í röð.

Arnar Davíð Jónsson er karlkeilari ársins í þriðja sinn og annað árið í röð. Arnar sigraði Evrópumótaröð keilunnar 2019 fyrstur íslenskra keilara en alls voru 13 mót á mótaröðinni í ár. Hann var eini keppandinn á mótaröðinni sem sigraði fleiri en eitt mót á tímabilinu. Hann vann Track open mótið í Þýskalandi í sumar og að auki sigraði hann á lokamóti Evrópuraðarinnar Kegel Ålaborg International þar sem hann gulltryggði sé efsta sæti mótaraðarinnar í ár. Arnar tók þátt í lokamóti Heimstúrsins Kuwait International Open í nóvember en til Kúveit var honum boðið af Heimssambandinu, World Bowling, til að leika í úrslitum heimstúrsins sem fóru fram strax að því móti loknu. Arnar gerði sér lítið fyrir og var í efsta sæti lokamótsins og tryggði sér þátttöku í úrslitaleik mótsins þar sem hann laut í lægra haldi gegn Dominic Barrett frá Englandi, margföldum PBA meistara (bandaríska mótaröðin). Arnar mætti Barrett aftur í úrslitum heimstúrsins og aftur varð Arnar í 2. sæti. Besti árangur íslensk keilara í sögunni staðfestur.

Ástrós Pétursdóttir ÍR er kvennkeilari ársins annað árið í röð og alls í 4. sinn. Ástrós varð stigameistari á liðnu keppnistímabili á Íslandsmóti liða og varð með besta meðaltal allra í kvennadeildum á því tímabili. Ástrós var ofarlega í öllum mótum innanlands sem hún tók þátt í meðal annars varð hún í 2. sæti á Íslandsmóti einstaklinga 2019 og sömuleiðis í 2. sæti á Íslandsmóti para. Hún tók þátt í öllum verkefnum afrekshóps kvenna og meðal annars fór hún á mót í Ósló sem var hluti á Evróputúrnum. Spilaði hún þar best íslensku kvennkeilaranna.

Í meðfylgjandi skjali er yfirlýsing frá afreksíþróttafólki um ástand réttinda þeirra og stöðu í samfélaginu. Því miður er staðan ekki góð og hafa því afreksíþróttafólk ákveðið að koma saman og veita ástandinu aukna athygli með það markmið að bæta stöðu þeirra og framtíð afreksíþróttafólks.

Þau eru þakklát fyrir þann stuðning sem þau fá nú þegar frá ÍSÍ, Afrekssjóð og sérsamböndum. Styrkurinn sem þau fá frá Afrekssjóði er nauðsynlegur til að koma til móts við þann kostnað sem fylgir æfinga- og keppnisferðum afreksíþróttafólks en því miður vinnur það þeim ekki inn réttindi í samfélaginu. Vonast þau eftir stuðning og náinni samvinnu í framhaldinu.

Yfirlýsing afreksíþróttafólks.