Málfríður Jóna og Gunnar Þór Reykjavíkurmeistarar með forgjöf 2021

Jóhann Ágúst Jóhannsson
Árangur keilara, Innlend mót, Úrslit

Í dag fór fram Reykjavíkurmót einstaklinga með forgjöf. Keppt er að vanda í karla- og kvennaflokki og mættu alls 23 karla og 13 konur til leiks. Spiluð var 6 leikja sería og fóru 3 efstu úr hvorum flokki í úrslit þannig að 3. og 2. sætið áttust við og þá loks var leikur um 1. sætið.

Í karlaflokki var það Gunnar Þór Ásgeirsson úr ÍR sem sigraði en þar sem hann var meðaltalshæðsti leikmaðurinn í karlaflokki þá miðaðist forgjöfin við hans meðaltal og hann því með 0 í forgjöf. Sigraði hann Jón Inga Ragnarsson úr KFR með 183 gegn 165. Í þriðja sæti varð svo Bharat Singh úr ÍR en Gunnar Þór lagði hann 277 gegn 167.

Í kvennaflokki varð æsi spennandi úrslitaleikur milli systranna úr KFR þeirra Helgu Óskar og Málfríðar Jónu Freysdætra. Fór það svo að Málfríður hafði betur með 206 gegn 204 hjá Helgu en áður hafði Helga lagt nöfnu sína, einnig úr KFR Helgu Sigurðardóttur með 184 gegn 172.

Úrslit úr forkeppninni varð annars þessi:

Karlaflokkur

Nafn Félag Forgjöf Leikur 1 Leikur 2 Leikur 3 Leikur 4 Leikur 5 Leikur 6 Samtals án forgj. Mtl. án forgj. Samtals m. forgj Mtl. m. forgj. Mism. í 5. sæti Sæti
Jón Ingi Ragnarsson KFR 7 236 211 258 225 165 213 1.308 218,0 1.350 225,0 43 1
Gunnar Þór Ásgeirsson ÍR 0 234 257 179 202 222 244 1.338 223,0 1.338 223,0 31 2
Bharat Singh ÍR 42 176 172 172 195 151 189 1.055 175,8 1.307 217,8 0 3
Adam Geir Baldursson ÍR 47 163 143 185 183 158 179 1.011 168,5 1.293 215,5 -14 4
Brynjar Lúðvíksson ÍR 30 179 185 206 150 212 177 1.109 184,8 1.289 214,8 -18 5
Jóel Eiður Einarsson KFR 42 152 137 184 188 191 170 1.022 170,3 1.274 212,3 -33 6
Egill Baldursson ÍR 51 128 233 148 205 124 123 961 160,2 1.267 211,2 -40 7
Guðjón Júlíusson KFR 27 231 190 154 155 193 169 1.092 182,0 1.254 209,0 -53 8
Böðvar Már Böðvarsson ÍR 78 89 138 112 140 133 171 783 130,5 1.251 208,5 -56 9
Ásgeir Karl Gústafsson KFR 45 145 194 199 132 173 132 975 162,5 1.245 207,5 -62 10
Þorsteinn Már Kristinsson ÍR 49 183 173 119 166 149 156 946 157,7 1.240 206,7 -67 11
Valdimar Guðmundsson ÍR 58 123 137 129 137 186 174 886 147,7 1.234 205,7 -73 12
Adam Pawel Blaszczak ÍR 12 168 178 217 223 169 204 1.159 193,2 1.231 205,2 -76 13
Tristan Máni Nínuson ÍR 49 180 157 145 181 150 110 923 153,8 1.217 202,8 -90 14
Gústaf Smári Björnsson KFR 3 221 218 181 225 160 183 1.188 198,0 1.206 201,0 -101 15
Hannes Jón Hannesson ÍR 35 179 179 192 163 154 126 993 165,5 1.203 200,5 -104 16
Ísak Birkir Sævarsson KFA 49 124 150 187 150 186 111 908 151,3 1.202 200,3 -105 17
Mikael Aron Vilhelmsson KFR 32 220 121 147 192 153 163 996 166,0 1.188 198,0 -119 18
Svavar Þór Einarsson ÍR 37 139 150 162 181 172 160 964 160,7 1.186 197,7 -121 19
Svavar Steinn Guðjónsson KFR 80 106 138 113 95 117 132 701 116,8 1.181 196,8 -126 20
Hinrik Óli Gunnarsson ÍR 26 168 221 157 186 106 157 995 165,8 1.151 191,8 -156 21
Matthías Leó Sigurðsson KFA 33 156 104 231 146 150 148 935 155,8 1.133 188,8 -174 22
Þórarinn Már Þorbjörnsson ÍR 27 156 169 146 145 167 143 926 154,3 1.088 181,3 -219 23

Kvennaflokkur 

Nafn Félag Forgj. Leikur 1 Leikur 2 Leikur 3 Leikur 4 Leikur 5 Leikur 6 Samtals án forgj. Mtl. án forgj. Samtals m. forgj Mtl. m. forgj. Mism. í 3. sæti Sæti
Málfríður Jóna Freysdóttir KFR 16 119 167 175 191 196 174 1.022 170,3 1.118 186,3 23 1
Helga Sigurðardóttir KFR 10 180 157 167 192 211 146 1.053 175,5 1.113 185,5 18 2
Helga Ósk Freysdóttir KFR 10 164 153 155 172 194 197 1.035 172,5 1.095 182,5 0 3
Bára Líf Gunnarsdóttir ÍR 62 153 127 96 119 111 102 708 118,0 1.080 180,0 -15 4
Bára Ágústsdóttir ÍR 19 158 139 170 147 160 157 931 155,2 1.045 174,2 -50 5
Snæfríður Telma Jónsson ÍR 13 211 168 136 130 172 148 965 160,8 1.043 173,8 -52 6
Margrét Björg Jónsdóttir ÍR 12 169 140 165 176 183 134 967 161,2 1.039 173,2 -56 7
Elva Rós Hannesdóttir ÍR 8 134 167 151 210 135 166 963 160,5 1.011 168,5 -84 8
Halldóra Í. Ingvarsdóttir ÍR 16 168 160 171 118 174 114 905 150,8 1.001 166,8 -94 9
Karitas Róbertsdóttir ÍR 18 158 132 139 162 138 158 887 147,8 995 165,8 -100 10
Valgerður Rún Benediktsdóttir ÍR 33 113 135 98 122 138 161 767 127,8 965 160,8 -130 11
Alexandra Erla Guðjónsdóttir KFR 80 78 55 75 108 82 59 457 76,2 937 156,2 -158 12
Linda Hrönn Magnúsdóttir ÍR 0 116 186 122 135 143 172 874 145,7 874 145,7 -221 13

Málfríður Jón Freysdóttir KFR og Gunnar Þór Ásgeirsson ÍR

Jón Ingi Ragnarsson KFR, Gunnar Þór Ásgeirsson ÍR og Bharat Singh ÍR

Helga Ósk Freysdóttir KFR, Málfríður Jóna Freysdóttir KFR og Helga Sigurðardóttir KFR

 

Landslið karla og kvenna til Dubai

Þórarinn Már Þorbjörnsson
Mót World Bowling

Dagana 3. – 16. nóvember fer fram Heimsmeistarmótið í Keilu og að sjálfsögðu eigum við Íslendingar okkar fulltrúa.

 

Landslið kvenna:

Skúli og Andri hafa valið eftirtaldar konur til þátttöku í Dubai:

Helga Ósk Freysdóttir

Linda Hrönn Magnúsdóttir

Margrét Björg Jónsdóttir

Nanna Hólm Davíðsdóttir

 

Landslið karla:

Mattias og Robert hafa valið eftirtalda karla til þátttöku í Dubai

Arnar Davíð Jónsson

Guðlaugur Valgeirsson

Gunnar Þór Ásgeirsson

Gústaf Smári Björnsson

Nýr landsliðsþjálfari karla

Jóhann Ágúst Jóhannsson
Landsliðsnefnd, Skrifstofa KLÍ

Í dag var formlega gengið frá samning við nýjan landsliðsþjálfara karla Mattias Möller frá Svíþjóð. Robert Anderson sem gengt hefur starfinu undanfarin ár heldur nú alfarið til starfa fyrir sænska keilusambandið. Til stóð að Robert mundi klára Evrópukeppni karlalandsliða EMC 2019 en þar sem því móti var ítrekað frestað vegna Covid-19 samdi KLÍ við hann að halda verkinu áfram þar til hægt væri að halda mótið. Er það á dagskrá núna í janúar 2022.

Robert og Mattias eru á landinu þessa dagana og hafa verið með æfingar hjá karlaliðinu til undirbúnings fyrir EMC 2019 en auk þess stendur til að senda A lið karla ásamt A liði kvenna og Öldunga á IBF Super World Cup sem fram fer í Dubai í nóvember í ár. Robert verður þar sem sænska liðinu en Möller mun þar stýra íslenska karlaliðinu. Skúli Freyr mun sem fyrr sjá um kvennaliðið. Þeir verða síðan saman með karlaliðið í Helsinki Finnlandi í janúar 2022 og eftir það tekur Möller alfarið við.

Stjórn KLÍ, landsliðsnefnd og íþróttastjóri fagna ráðningu Möllers og er hann boðinn velkominn til starfa fyrir sambandið.

Myndin var tekin í Keiluhöllinni Egilshöll í dag við undirritun samnings.

Utandeildin í keilu – Skráning liða hafin

Jóhann Ágúst Jóhannsson
Auglýsingar, Skrifstofa KLÍ, Uncategorized

Skráning liða er hafin fyrir Utandeild KLÍ veturinn 2021 til 2022. Eftir helst til leiðinleg Covid stopp er komið að því að setja Utandeildina í gang aftur með glaum og gleði en það eru liðsmenn Afrekshóps KLÍ sem sjá um deildina nú sem áður. Keppt er 1 sinni í mánuði og verða 8 lið í hverjum riðli. Mótið er kjörið tækifæri fyrir vinnustaði, vinahópa eða alla þá sem vilja hóa saman liði og hafa létt gaman af keilukeppni þar sem allir keppendur fá forgjöf til að jafna leikinn.

Skráningu má skila með því að senda tölvupóst á netfangið [email protected] 

Arnar Davíð á Ballmaster Open í Finnlandi

Jóhann Ágúst Jóhannsson
Árangur keilara, Evróputúrinn

Núna um helgina fer fram Ballmaster Open í Finnlandi en þetta er eitt fjölmennasta mótið á Evróputúrnum á hverju ári. Eins og búast má við hefur mótaröðin verið á ís vegna Covid-19 en smátt og smátt fara mótin að komast á dagskrá og verður spennandi að fylgjast með gengi okkar mans og vonandi annarra á mótaröðinni þetta tímabilið.

Arnar Davíð Jónsson úr Keilufélagi Reykjavíkur endaði forkeppni mótsins í 49. sæti af 344 með 1.350 seríu eða 225,0 meðaltal. 38 efstu keilararnir komust beint inn í úrslitakeppnina en Arnar komst þó áfram með því að eiga aðra bestu seríu í riðlum 9 til 11 en tvær bestu seríur nokkurra riðla komust áfram samkvæmt mótsreglum.

Spilaði Arnar Davíð því í svokölluðu Final Step 1 og gerði hann sér þar lítið fyrir og náði 4. sætinu með því að leika 6 leikja seríu á 1.381 eða 230,2 í meðaltal. Komst hann því áfram í mótinu í næsta þrep úrslitanna. Þar fóru keilurnar þó ekki alveg eins og ætlast var til. Arnari Davíð gekk vel í fyrsta leik með 239 en svo fór að síga á ógæfuhliðinna þó með einum 246 í 4. leik. Fékk Arnar nokkuð margar glennur í leikjunum og skorið eftir því lágt. Spilaðir voru 8 leikir og endaði Arnar Davíð í 32. og neðsta sæti þessa úrslita og mótsins alls með 1.586 pinna eða 198,3 í meðaltal. Engu að síður mjög góður árangur hjá Arnari Davíð.

16 efstu keilararnir komust áfram úr þessum úrslitum og halda áfram að berjast um efstu sætin þar til að sjónvarpsúrslitum kemur kl. 15:00 í dag. Mögulega er hægt að hofa á úrslit mótsins í beinni á netinu hér. Hægt er að sjá alla riðla forkeppninnar sem og úrslitaþrep mótsins á YouTube rás mótsins. Nánari upplýsingar mótsins og úrslit má finna á vefsíðu Ballmaster Open.

Arnar Davíð Jónsson sigraði Evróputúrinn 2019 eins og kunnugt er og varð það sama ár í 5. sæti í kjöri íþróttafréttamanna á Íþróttamanni ársins. Arnar býr og æfir í Svíþjóð til að geta lagt stund á íþróttina að fullum krafti vegna viðvarandi aðstöðuleysis hér heima. Nýtur hann þar stuðnings sænskra aðila með aðstöðu og búnað. Arnar Davíð er einnig á styrk frá Afrekssjóði ÍSÍ sem sannarleg léttir undir íþróttafólki sem ætlar sér að vera í fremstu röð.

JÁJ

Reykjavíkurmót einstaklinga 2021

Jóhann Ágúst Jóhannsson
Innlend mót, Mótaauglýsingar

Reykjavíkurmót einstaklinga í keilu fara fram laugardaginn 4. september en þá verður forgjafarmótið haldið og laugardaginn 11. september en þá verður mótið án forgjafar. Keppni hefst stundvíslega kl. 09:00 báða dagana.

Olíuburðurinn verður miðlungs deildarburðurinn í ár sem er sérhannaður fyrir okkur í ár.

Verð í mótið er kr. 7.000,- og verður einungis hægt að greiða með pening á staðnum. Enginn posi mun því vera á staðnum en hægt er að millifæra inn á reikning 0115-26-005910 kt. 591094-2039 (Íþróttafélag Reykjavíkur – Keiludeild) – Sendið staðfestingu á [email protected]

Mótafyrirkomulag er eftirfarandi:

  • Keppt er í aðskildum kynjaflokkum
  • Forkeppni eru 6 leikir með hefðbundinni skiptingu brauta milli hvers leiks
  • Sé jafnt eftir forkeppni ræður hærri síðasti leikur
  • Úrslit fara fram strax eftir forkeppni og er leikið 3 – 2 – 1 Stepp Ladder format
  • Ekki er olíuborið fyrir úrslitakeppni
  • Sé jafnt eftir leik í úrslitum er Roll Off

Forgjafarmótið

  • Forgjöf er 80% af mismun meðaltals hæsta leikmanns viðkomandi flokki og leikmanns
  • Hæsti mögulegi leikurinn er 300

Skráningar í mót

Olíuburðir fyrir keppnistímabilið 2021 til 2022

Jóhann Ágúst Jóhannsson
Tækninefnd

Tækninefnd KLÍ sendi tillögur sínar til stjórnar KLÍ með olíuburði fyrir komandi keppnistímabil. Málið var tekið fyrir á stjórnarfundi í gær og afgreitt þar. Búið er að uppfæra síðuna fyrir olíuburðina og má nálgast hana hér.

Sú nýjung er þetta tímabilið að Tækninefnd fékk John Janawicz frá Kegel til að hanna deildarburðina fyrir komandi tímabil, stutta, miðlungs sem verður sjálfgefinn burður og þann langa. Eru þeir þá hannaðir miðað við aðstæður okkar og verður spennandi að sjá hvernig keilurum tekst að eiga við brautirnar í vetur. John hefur starfað hjá Kegel frá árinu 1998 og meðal annars séð um úttektir á sölum fyrir PBA og ETBF mót. Mikill fengur er í því að hafa fengið aðstoð hans.

Bent er á reglur varðandi val á olíuburði fyrir heimaleiki en senda þarf póst á netfangið [email protected] fyrir kl. 22 miðvikudaga fyrir leiki í vikunni á eftir og fyrir kl. 22 á mánudegi fyrir leiki komandi helgar.

Dagskráin komin á vefinn

Jóhann Ágúst Jóhannsson
Innlend mót, Mótanefnd, Skrifstofa KLÍ, Unglinganefnd

Dagskrá vetrarins er komin á vefinn og má sjá hana hér. Einnig er þá komið inn allir deildarleikir viðkomandi liða, sjá hér. Von er á því að olíuburðir vetrarins verði kynntir á föstudaginn kemur þann 20. ágúst en Tækninefnd KLÍ hefur skilað tillögum að olíuburðum til stjórnar og verður það tekið fyrir á komandi stjórnarfundi á fimmtudagskvöldið.

Við byrjum dagskránna með því að blása til Reykjavíkurmóts einstaklinga með forgjöf laugardaginn 4. september og verður skráning auglýst sér á allra næstu dögum. Helgina eftir, laugardaginn 11. september verður síðan Opna Reykjavíkurmót einstaklinga 2021.

Keppnistímabilið 2021 til 2022 fer að hefjast

Jóhann Ágúst Jóhannsson
Auglýsingar, Mótaauglýsingar, Skrifstofa KLÍ, Uncategorized

Senn líður að því að keppnistímabilið 2021 til 2022 hefjist. Búið er að setja niður á hvaða dögum deildirnar verða en deildarkeppnin hefst mánudaginn 20. september en þá hefja leik 2. deild kvenna ásamt 2. og 3. deildum karla. 1. deildir karla og kvenna hefja svo leik daginn eftir þriðjudaginn 21. september. Verið er að klára að setja niður leiki norðanmanna og þegar það er komið er hægt að birta deildarniðurröðun.

Stefnt er að því að Reykajvíkurmótin verði haldin laugardaginn 4. september en þá verður væntanlega forgjafarmótið og svo helgina þar á eftir laugardaginn 11. er stefnt að Opna Reykjavíkurmóti einstaklinga.

Tæknideild KLÍ er að leggja lokahönd á val olíuburða fyrir komandi tímabil og verður það tilkynnt sérstaklega hér á vefnum þegar valið kemur frá nefndinni.

Unglingakeppnirnar hefjast svo laugardaginn 2. október með Íslandsmóti unglingaliða og Meistarakeppni ungmenna hefst síðan helgina þar á eftir.

Nokkur erlend verkefni eru á dagskrá í vetur og byrja ungmenni á því að fara á EYC sem verður í Tilburg Hollandi nú í september. ECC verður síðan á Krít í október og fara Marika K E Lönnroth úr KFR, Íslandsmeistari kvenna 2021, og Gunnar Þór Ásgeirsson ÍR en hann varð í 2. sæti á Íslandsmóti karla 2021. Hafþór Harðarson ÍR sem sigraði mótið á ekki heimangengt á þessum tíma og fer því Gunnar í hans stað. Í nóvember verða síðan IBF Super World Cup en þá verður keppt í karla- og kvennaflokki auk þess sem IBF World Cup Masters verður haldið en það er mót 50+ og 65+ Á síðasta heimsþingi World Bowling, fyrirrennara IBF, var samþykkt að stækka það mót og keppa í tveim flokkum sökum mikillar aukningar iðkenda í þessum aldurshópi það er 50+

Stefnt er að því að lokaumferðir deilda fari fram laugardaginn 23. apríl og að sama dag fari þá fram lokahóf KLÍ. Útslitakeppni 1. deildar karla og kvenna fer síðan fram í maí byrjun.

Ný sóttvarnaráætlun KLÍ

Jóhann Ágúst Jóhannsson
Skrifstofa KLÍ

Í dag tekur gildi ný reglugerð um samkomutakmarkanir og hafa sóttvarnarreglur KLÍ því verið uppfærðar til samræmis. en þær má sjá á upplýsingasíðu okkar.

Eðlilega þar sem tímabili okkar er lokið og vinna við næsta tímabil er farið í gang snerta þær okkur ekki mikið upp á fjöldatakmarkanir en samt sem áður þarf að hafa almennar smitvarnir í huga þegar æft er í sölunum. Hvetjum við keilara til að gæta að sínum vörnum.