Frá einstaklingskeppninni í Super World Championship í Dubai

Jóhann Ágúst Jóhannsson
Árangur keilara, Erlendar fréttir, Mót World Bowling

Í gær laugardag fóru fram fyrri 5 leikirnir í einstaklingskeppninni í Super World Championship (SWC) í Dubai. Fyrst spiluðu þær Helga Ósk Freysdóttir og Margrét Björg Jónsdóttir í fyrra hollinu. Þá var komið að þeim Gústaf Smára Björnssyni og Guðlaugi Valgeirssyni en strax á eftir þeim fóru þær Linda Hrönn Magnúsdóttir og Nanna Hólm Davíðsdóttir upp á brautirnar. Það voru síðan þeir Arnar Davíð Jónsson og Gunnar Þór Ásgeirsson sem lokuðu deginum hjá Íslendingum í Dubai.

Leikarnir fóru svona hjá okkar fólki:

Konur

  • Helga Ósk Freysdóttir 68. sæti með 906 pinna eða 181,2 mtl. – 192-196-182-140-196
  • Linda Hrönn Magnúsdóttir 79. sæti með 864 pinna eða 172,8 mtl. – 172-202-174-178-138
  • Margrét Björg Jónsdóttir 88. sæti með 799 pinna eða 159,8 mtl. – 156-131-170-185-157
  • Nanna Hólm Dagíðsdóttir 90. sæti með 795 pinna eða 159,0 mtl – 171-155-150-178-141

Karlar

  • Arnar Davíð Jónsson 54. sæti með 1.067 pinna eða 213,4 mtl. – 182-233-237-186-229
  • Guðlaugur Valgeirsson 56. sæti með 1.066 pinna eða 213,2 mtl. – 258-197-222-185-204
  • Gunnar Þór Ásgeirsson 111. sæti með 945 pinna eða 189,8 mtl. – 158-181-174-226-206
  • Gústaf Smári Björnsson 126. sæti með 832 pinna eða 166,4 mtl. – 154-179-131-168-200

Best kvenna á mótinu spilaði hin enska Verity Crawley en hún lék leikina 5 á 1.224 pinnum eða 244,8 í meðaltal. Leikirnir hjá henni voru 229-243-279-248-225. Kelly Kilick frá Bandaríkjunum er næst á eftir henni með 1.218 pinna eða 243,6 í meðaltal. Til gamans má geta að Verity mun vera með okkur á RIG 2022 mótinu sem fram fer eftir áramót.

Bestur hjá körlunum í gær var hinn sænski Jesper Svensson sem átti ótrúlega seríu sem er óstaðfest heimsmet í 5. leikjum karla. Spilaði hann 1.345 pinna eða 269,0 í meðaltal. Stóðu leikirnir saman af 269-259-279-279-259. Til gamans má geta að 279 leikur samanstendur af 11 fellum af 12 mögulegum með einu kasti sem leikmaður nær 9 pinnum en feykir svo. Jesper var þarna með tvo slíka í röð. Sannarlega ótrúleg spilamennska hjá líklega einum besta keilara heimsins í dag. Annar hjá körlum er A. Alkiwai frá Sadi Arabíu með 1.313 seríu en hann gerði sér lítið fyrir og var með tvo fullkomna leiki í seríunni 300-267-207-239-300.

Þegar þetta er skrifað er tvímenningskeppnin hafin. Er hún sett þarna inn á milli einstaklingsleikjanna og byrjuðu þeir Arnar Davíð og Guðlaugur leika fyrir okkar hönd. Eru þeir eftir leikina 5 í 24. sæti með 1.995 pinna eða 199,5 í meðaltal.

Hægt er að fylgjast með mótinu á vefsíðu þess en ákveðin vandræði hafa verið með síðuna og verið er að vinna í uppfærslum og breytingum á henni. En þar er hægt að sjá skor úr mótinu og komast í hlekki til að sjá beina útsendingu úr salnum í Dubai.

Brautarskipan hjá íslenski keppendunum í Dubai

Jóhann Ágúst Jóhannsson
Erlendar fréttir, Mót World Bowling

IBF gaf út í gær brautarskipan með nokkuð sérstæðu formi fyrir Super World Championship mótið sem nú fer fram í Dubai. Hér fyrir neðan má finna PDF skjöl, sem opnast í nýjum glugga, en í þeim kemur fram á hvaða brautum okkar fólk leikur á í mótinu.

SWC Women singles Qualification Nov 6th 15.00

SWC Mens singles Qualification Nov 6th 18.30

SWC Women singles Qualification Nov 6th 08.00

SWC Mens singles Qualification Nov 6th 11.30

Talað er um að streyma frá mótinu á vef Strikecloud en ljóst er að það er bæði flókið að komast þar inn og virknin ekki alveg sú besta. Keilurum er bent á að fyllgjast með spjallþráðum keilara á Fésbók en þar eru aðilar að setja inn leiðir til að fylgjast með.

Íslandsmót í Tvímenning 2021

Svavar Þór Einarsson
Mótaauglýsingar

Íslandsmót í tvímenning fer fram í Egilshöll helgina 11 – 12. des 2021.
Keppnin hefst laugardaginn 11. des kl 9:00 með 4 leikjum og fara efstu 10 áfram í milliriðil þar sem spilaðir eru 4 leikir og fara 6 efstu áfram í undanúrslit sem spilaður er sunnudaginn 12. des kl 9:00 og spilað round robin. 
Efstu 2 eftir round robin fara svo í úrslit.

Skráning fer fram á hér 

Vinsamlegast skráið nöfn beggja leikmanna:

annað sem first name og hitt sem last name. 

Lokað er fyrir skráningu fimmtudaginn 9.desember kl 18:00

Laugardagur 11.desember kl 9:00

Forkeppni 9000.- pr. tvímenning

4 leikir – Efstu 10 fara áfram.

Milliriðill 9000.- pr. tvímenning

4. leikir – Efstu 6 fara áfram

Sunnudagur 12. desember kl 9:00

Undanúrslit 11.000.- pr. tvímenning

Einföld umferð allir við alla.

Úrslit – Efstu 2 leika til úrslita.

Dual – 2 burðir –

Hægri braut:2006 AMZ Division Finals Short

Vinstri braut:DEAD MAN’S CURVE

Reglugerð

Nú verður ekki posi á staðnum. Hægt verður að greiða með Pening á staðnum eða að leggja inn á reikning hjá KLÍ og senda staðfestingu á greiðslu á [email protected] eða koma með útprentun á kvittun í mótið.

Keilusamband Íslands, KLÍ

Kennitala: 460792-2159

0115-26-010520

Lokað er fyrir skráningu fimmtudaginn 9.desember kl 18:00

Mótanefnd áskilur sér rétt til breytinga á mótinu ef ekki nægur fjöldi fæst

eða að færa það til kl. 8:00 ef að það verða það margir.

32.liða bikar dráttur

Svavar Þór Einarsson
Bikarkeppni liða

Nú fer að líða að því að 32 liða bikar verði spilaður. 
Dregið verður þriðjudaginn 9.nóv 2021 kl 18:30.
32 liða bikar er settur mánudaginn 22.nóv að öllu óbreyttu. Ef Þór eða ÍA dragast með heimaleik, gætu komið aðrar dagsetningar.
Í karlaflokki eru skráð 18 lið sem þýðir að það þarf að spila tvo leiki í 32 liða karla.
Bikarmeistarar frá í fyrra ÍR-PLS sitja hjá í fyrstu umferð
Þau lið sem eru einnig í pottinum hjá körlum eru:
ÍA
ÍA-B
ÍA-C
ÍA-W
ÍR-A
ÍR-Broskarlar
ÍR-KLS
ÍR-L
ÍR-Land
ÍR-NAS
ÍR-S
KFR-Grænu töffararnir
KFR-JP KAST
KFR-Lærlingar
KFR-Stormsveitin
KFR-Þröstur
Þór

Í kvennaflokki eru 11 lið skráð til þátttöku.
Bikarmeistarar frá í fyrra KFR-Valkyrjur sitja hjá í fyrstu umferð.
Þannig að það verða þrír leikir í 16 liða bikar kvenna.
Þau lið sem einnig eru skráð hjá konum eru:
ÍA-Meyjur
ÍR-BK
ÍR-BUFF
ÍR-Elding
ÍR-KK
ÍR-N
ÍR-TT
KFR- Ásynjur
KFR Skutlurnar
KFR-Afturgöngurnar

Landslið Íslands keppa á IBF Super World Championship í Dubai

Jóhann Ágúst Jóhannsson
Erlendar fréttir, Mót World Bowling, Uncategorized

Bæði karla- og kvennalandslið Ísland eru nýkomin til Dubai til keppni á IBF Super World Championship mótinu sem mun fara fram dagana 6. til 15. nóvember. Boðað var til þessa móts þar sem ljóst var að keppnishald í heiminum væri að fara aftur af stað eftir Covid stopp og lítið um álfu- eða heimsmót búin að vera frá því að faraldurinn skall á.

Hvort landslið samanstendur af 4 leikmönnum og er keppt í einstaklings,-, tvímennings-, þrímennings- og liðakeppni. Alls keppa 27 þjóðir í kvennaflokki og 36 þjóðir í karlaflokki á mótinu.

Karlalandslið Íslands er þannig skipað:

  • Arnar Davíð Jónsson KFR / Högänäs
  • Guðlaugur Valgeirsson KFR / Högänäs
  • Gunnar Þór Ásgeirsson ÍR
  • Gústaf Smári Björnsson KFR

Þjálfari er Mattias Möller Högänäs Svíþjóð

Kvennalandslið Íslands er þannig skipað:

  • Helga Ósk Freysdóttir KFR
  • Linda Hrönn Magnúsdóttir ÍR
  • Margrét Björg Jónsdóttir ÍR
  • Nanna Hólm Davíðsdóttir ÍR

Þjálfari er Skúli Freyr Sigurðsson

Liðsstjóri er Andri Freyr Jónsson

Strax að loknu mótinu fer fram Heimsþing keilunnar International Bowling Federation á sama stað og munu Hörður Ingi Jóhannsson og Þórarinn Már Þorbjörnsson sitja það fyrir Íslands hönd. Því næst fer fram IBF Masters World Championship og munu Íslendingar senda 4 konur og 2 karla til þátttöku á því móti.

Allar upplýsingar um mótið má finna á vefsíðu þess.

Olíuburður mótanna verður 44 fet IBF Emirates 21.

Keilusalnum á Akranesi lokað til 8. nóvember hið minnsta

Jóhann Ágúst Jóhannsson
Innlend mót, Skrifstofa KLÍ

Eins og fram hefur komið á fréttamiðlum er mikið um Covid-19 smit á Akranesi. Af þeim sökum er öllum íþróttamannvirkjum lokað frá og með deginum í dag til mánudagsins 8. nóvember hið minnsta. Þessi ráðstöfun hefur auðvitað áhrif á okkar mót og þá leiki sem fara eiga fram upp á Skaga.

Mótanefnd KLÍ er í þeirri vinnu að hliðra til leikjum sem eru undir og þarf smá tækifæri til þess að klára þá vinnu. Aðilar verða látnir vita en aðilum er samt bent á að fylgjast vel með fréttum hér á vef KLÍ og á Fésbókarsíðum keilara.

Gunnar Þór Ásgeirsson í 5. sæti á ECC 2021

Jóhann Ágúst Jóhannsson
Árangur keilara, Mót ETBF

Gunnar Þór Ásgeirsson úr ÍR varð í 5. sæti á Evrópumóti landsmeistara ECC á Krít í Grikklandi. Hann varð aðeins 27 pinnum frá 4. sætinu til að tryggja sér rétt til að keppa í undanúrslitum mótsins. Gunnar Þór var með 226,2 í meðaltal í mótinu eftir 28 leiki sem hann lék og vann hann sig upp sætalistann frá því að hann komst í 16 manna úrslit en hann var í 9. sætinu eftir forkeppnina. Komst hann upp í 7. sætið í 16 manna úrslitum og tryggði sér þar með rétt til að keppa í 8 manna úrslitum og endaði eins og áður segir í 5. sæti mótsins. Er þetta í þriðja sinn sem íslenskur keilari kemst í 8 manna úrslit ECC.

Það varð Mike Bergmann frá Hollandi sem sigraði mótið í karlaflokki en hann lagði Svíann Mattias Wetterberg í úrslitum 2 – 1. Wetterberg er Íslendingum að góðu kunnur en hann hefur keppt hér á landi á Reykjavíkurleikunum.

Sue Abela frá Möltu sigraði síðan kvennamótið en hún lagði hina dönsku Mika Guldbaek í úrslitum sömuleiðis 2 – 1 en Mika hafði leitt mótið framan af.

Það er skammt stórra högga á milli hjá Gunnari Þór en hann mun rétt stoppa í einn dag hér heima áður en hann heldur til Dubai með íslenska karlalandsliðinu til keppni á Super World Cup.

Allar upplýsingar um mótið má finna hér.

Gunnar Þór Ásgeirsson í 8 manna úrslit á ECC 2021

Jóhann Ágúst Jóhannsson
Árangur keilara, Mót ETBF

Í dag fóru fram 16 manna úrslit á Evrópumóti landsmeistara ECC 2021. Gunnar Þór Ásgeirsson sem var í 9. sæti eftir forkeppnina vann sig upp um tvö sæti í dag og tryggði sér þar með sæti í 8 manna undanúrslitum sem fara fram á morgun sunnudag. Þetta er í þriðja sinn sem Íslendingur kemst í 8 manna úrslit á ECC en fyrr höfðu þeir Hafþór Harðarson úr ÍR og Arnar Davíð Jónsson úr KFR náð þeim árangri.

Í dag lék Gunnar Þór 8 leiki á 1.802 pinnum eða 225,25 í meðaltal. Samtals er hann með 5.390 pinna eða 224,6 í meðaltal. Á morgun er lokadagurinn á mótinu en þá verða leiknir 4 leikir og þá skorið niður í 4 manna undanúrslit og loks úrslit. Gunnar Þór er ekki nema 40 pinnum frá 3. sæti og því er sæti í þeim úrslitum ekki úr greipum enn.

Við sendum Gunnari Þór jákvæða strauma út til Krít.

Fylgjast má með mótinu á vefsíðu þess.

Dagur tvo á ECC hjá Gunnari Þór Ásgeirssyni

Jóhann Ágúst Jóhannsson
Árangur keilara, Mót ETBF

Eins og komið hefur fram keppir Gunnar Þór Ásgeirsson úr ÍR á Evrópumóti landsmeistara á Krít í Grikklandi. Gunnar Þór lék seinni 8 leikja leikjablokk sína í morgun og er óhætt að segja að Gunnar Þór hafi spilað frábærlega. Hann átti þó rólega byrjun með 203 og 171 leik en þá fór boltinn að rúlla hjá honum. Næstu leikir voru 227 – 207 – 240 – 259 – 238 og að lokum 289. Samtals varð því leikjablokkin upp á 1.834 pinna eða 229,2 í meðaltal og varð hann í 3. sæti síns riðils í morgun.

Gunnar Þór er sem stendur í 4. sæti í heildarkeppninni með 3.588 pinna eða 224,2 í meðaltal en í þessum skrifuðu orðum er seinni riðillinn að keppa og eru búnir 4 leikir hjá þeim af 8. Í þessum seinni riðli er kominn annar fullkomni leikur mótsins hjá körlunum en það var Norðmaðurinn Glenn Morten Predersen sem náði honum í öðrum leik dagsins.

Konurnar hafa lokið forkeppni sinni og efst varð Mika Guldbaek frá Danmörku en hún lék leikina 16 á 3.513 pinnum eða 219,6. 16 efstu komast áfram í milliriðil og þurfti þar 182,1 í meðaltal til að ná inn.

Á morgun fer svo fram téður milliriðill og eru þá leiknir aðrir 8 leikir. Konurnar hefja leik kl. 7 að íslenskum tíma en karlarnir leika kl. 11.

Sjá má upplýsingar um mótið hér.

Siðareglur KLÍ

Jóhann Ágúst Jóhannsson
Skrifstofa KLÍ

Stjórn KLÍ hefur undanfarið unnið að siðareglum fyrir sambandið. Á stjórnarfundi í gær voru þær samþykktar og því hér með birtar á vef sambandsins og tilkynning send til formanna aðildarfélaga.

Óþarfi ætti að vera að útskýra þörf siðareglna. Ljóst er að umræðu samfélagsins undanfarnar vikur og í raun missera er mikil þörf samtaka líkt og KLÍ að hafa skýrar viðmiðunarreglur varðandi samskipti okkar á milli. Grunnurinn er jú sá að koma fram að virðingu við sjálfan sig, aðra félagsmenn hvort sem það eru samherjar eða mótherjar innan félagsskaparins.

Reglur þessar verða lagðar fram á næsta Ársþingi sambandsins til umfjöllunar og samþykkis enda má líta svo á að ef Ársþing samþykkir þær þá verður samþykktin sterkari en ella.

Hér má nálgast siðareglurnar í PDF formi og þær eru auk þess komnar inn sem sér síða undir liðnum Um KLÍ.

Iðkendur innan keilunnar eru beðnir um að kynna sér þessar reglur og tileinka.